بِسۡمِ ٱللَّهِ ٱلرَّحۡمَٰنِ ٱلرَّحِيمِ
87:1سَبِّحِ ٱسۡمَ رَبِّكَ ٱلۡأَعۡلَى
Lemekeza dzina la Ambuye wako wapamwambamwamba
87:2ٱلَّذِي خَلَقَ فَسَوَّىٰ
Amene adalenga zonse ndi kuzikonza bwinobwino
87:3وَٱلَّذِي قَدَّرَ فَهَدَىٰ
Amene adalamula tsogolo lawo ndi kuwatsogolera
87:4وَٱلَّذِيٓ أَخۡرَجَ ٱلۡمَرۡعَىٰ
Amene amameretsa msipu
87:5فَجَعَلَهُۥ غُثَآءً أَحۡوَىٰ
Ndipo amausanduliza kukhala udzu ouma
87:6سَنُقۡرِئُكَ فَلَا تَنسَىٰٓ
Tidzakuphunzitsa kulakatula chivumbulutso chathu ndipo sudzaiwala
87:7إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ
Kupatula chokhacho chimene Mulungu amafuna. Ndithudi Iye amadziwa chilichonse chooneka ndi chobisika
87:8وَنُيَسِّرُكَ لِلۡيُسۡرَىٰ
Ndipo Ife tidzakufupikitsira, m’njira yaifupi
87:9فَذَكِّرۡ إِن نَّفَعَتِ ٱلذِّكۡرَىٰ
Motero kumbutsa mwina chikumbutso chingawathandize
87:10سَيَذَّكَّرُ مَن يَخۡشَىٰ
Chikumbutso chidzalandiridwa ndi iye amene amaopa Mulungu
87:11وَيَتَجَنَّبُهَا ٱلۡأَشۡقَى
Koma munthu wochimwa adzachisiya
87:12ٱلَّذِي يَصۡلَى ٱلنَّارَ ٱلۡكُبۡرَىٰ
Amene adzaponyedwa mu ng’anjo yamoto ndi kulawa ululu wake
87:13ثُمَّ لَا يَمُوتُ فِيهَا وَلَا يَحۡيَىٰ
Mmene iye sadzafa kapena kukhala ndi moyo
87:14قَدۡ أَفۡلَحَ مَن تَزَكَّىٰ
Zoonadi iye amene adziyeretsa adzakhala wopambana
87:15وَذَكَرَ ٱسۡمَ رَبِّهِۦ فَصَلَّىٰ
Amene amakumbukira dzina la Ambuye wake ndipo amapemphera panthawi yake
87:16بَلۡ تُؤۡثِرُونَ ٱلۡحَيَوٰةَ ٱلدُّنۡيَا
Iyayi, koma inu mumasangalala ndi zinthu za m’moyo uno
87:17وَٱلۡأٓخِرَةُ خَيۡرٌ وَأَبۡقَىٰٓ
Ndipo moyo umene uli nkudza ndi wabwino ndi wosatha
87:18إِنَّ هَٰذَا لَفِي ٱلصُّحُفِ ٱلۡأُولَىٰ
Ndithudi! Zonsezi zidalembedwa mu Mabuku akale a Mulungu
87:19صُحُفِ إِبۡرَٰهِيمَ وَمُوسَىٰ
Mabuku a Abrahamu ndi Mose
Translation: Al Haji Yusuf Muhammad Kanyamula.