بِسۡمِ ٱللَّهِ ٱلرَّحۡمَٰنِ ٱلرَّحِيمِ
81:1إِذَا ٱلشَّمۡسُ كُوِّرَتۡ
Gava roj hate pêçandinê, herikî
81:2وَإِذَا ٱلنُّجُومُ ٱنكَدَرَتۡ
Û gava siterk (ji hev) verişîn ketne xarê
81:3وَإِذَا ٱلۡجِبَالُ سُيِّرَتۡ
Û gava çîya (ji zemîn bûne leylan) çûn
81:4وَإِذَا ٱلۡعِشَارُ عُطِّلَتۡ
Û gava dest ji malê civyayî hate berdanê (ya jî gava dest ji wê dema deh meh li ser da borî; gavê zayîna wê hatîye, hate berdanê)
81:5وَإِذَا ٱلۡوُحُوشُ حُشِرَتۡ
Gava (tarişê) hov hatine civandinê
81:6وَإِذَا ٱلۡبِحَارُ سُجِّرَتۡ
Û gava avşîn li ser hev da kelîya, tevê hev bû
81:7وَإِذَا ٱلنُّفُوسُ زُوِّجَتۡ
Û gava can bi hev ra zo dibin
81:8وَإِذَا ٱلۡمَوۡءُۥدَةُ سُئِلَتۡ
Û gava ji keça hêj bûyî hate pirsînê
81:9بِأَيِّ ذَنۢبٍ قُتِلَتۡ
Ji bo çi ewa hatîye kuştinê (bi zindî hatîye çal kirinê)
81:10وَإِذَا ٱلصُّحُفُ نُشِرَتۡ
Û gava rûpelên defterên (kirinan) têne vekirinê
81:11وَإِذَا ٱلسَّمَآءُ كُشِطَتۡ
Û gava rûyê ezman ji dûmanan hate vekirinê
81:12وَإِذَا ٱلۡجَحِيمُ سُعِّرَتۡ
Û gava doj bi pêtê agir hate pêxistinê
81:13وَإِذَا ٱلۡجَنَّةُ أُزۡلِفَتۡ
Û gava behişt nêzîkê (merivan) bû
81:14عَلِمَتۡ نَفۡسٌ مَّآ أَحۡضَرَتۡ
Hemî kes dizane, ka (ji bona xwe ra) çi amade kirîye
81:15فَلَآ أُقۡسِمُ بِٱلۡخُنَّسِ
Ho! ez bi wan (siterkên ku di rojê da) tene veşartinê
81:16ٱلۡجَوَارِ ٱلۡكُنَّسِ
Di şevê da (wekî asan-xezal di guherê xwe da) dicivin
81:17وَٱلَّيۡلِ إِذَا عَسۡعَسَ
Bi wê şevê, gava pişta xwe (daye taritîyê)
81:18وَٱلصُّبۡحِ إِذَا تَنَفَّسَ
Bi wê sibehê gava ruhnaya wê derdikeve û bêhna xwe dide
81:19إِنَّهُۥ لَقَوۡلُ رَسُولٍ كَرِيمٍ
(Sond dixum!) evanê (Muhemmed ji bona we ra dibêje) peyvê qasidekî (Yezdan ê) ku bi rûmet û dilşad e
81:20ذِي قُوَّةٍ عِندَ ذِي ٱلۡعَرۡشِ مَكِينٍ
Ewa qasida li bal (Yezdan ê) xweyê arşê bi hêz û xweyê cî ye
81:21مُّطَاعٍ ثَمَّ أَمِينٍ
Bi gotina wî (qasidê) tê kirinê û ewle ye
81:22وَمَا صَاحِبُكُم بِمَجۡنُونٍ
Û hevalê we bi xweber jî tepa ketî nîne
81:23وَلَقَدۡ رَءَاهُ بِٱلۡأُفُقِ ٱلۡمُبِينِ
Û bi sond! (Muhemmed) ewa (qasida) li bêlanê bilindê xûyayî da dîtîye
81:24وَمَا هُوَ عَلَى ٱلۡغَيۡبِ بِضَنِينٍ
Û (Muhemmed) bi xweber jî ji bona (niqandina Qur´an ê bi ne xûyayî) nayê rexnekirinê
81:25وَمَا هُوَ بِقَوۡلِ شَيۡطَٰنٍ رَّجِيمٍ
Ewa (Qur´an a) gotina pelîdê deherandî jî nîne
81:26فَأَيۡنَ تَذۡهَبُونَ
Îdî bi vira jî ka hûn kuda diçin (û bi çi bawer dikin)
81:27إِنۡ هُوَ إِلَّا ذِكۡرٌ لِّلۡعَٰلَمِينَ
Ewa (Qur´an a) hey ji bona hamû gerdûnê ra şîretek e
81:28لِمَن شَآءَ مِنكُمۡ أَن يَسۡتَقِيمَ
Ji bona wî kesê ji we, ku divê xwe rast bike (şîret e)
81:29وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
Hûn bi xweber jî hey tişta Yezdan ê Xuda ê cihanê va ye, dikarin ji bona xwe ra bivên
Translation: Unknown.