بِسۡمِ ٱللَّهِ ٱلرَّحۡمَٰنِ ٱلرَّحِيمِ
86:1وَٱلسَّمَآءِ وَٱلطَّارِقِ
Ndifunga ngesibhakabhaka nangondwendwe lwasebusuku (inkwenkwezi ekhazimla kakhulu)
86:2وَمَآ أَدۡرَىٰكَ مَا ٱلطَّارِقُ
Yintoni na enokukucacisela okokuba undwendwe lwasebusuku yintoni na
86:3ٱلنَّجۡمُ ٱلثَّاقِبُ
Yinkwenkwezi ekukhazimla kwayo kugqobhozelayo
86:4إِن كُلُّ نَفۡسٍ لَّمَّا عَلَيۡهَا حَافِظٌ
Umphefumlo ngamnye unomkhuseli phezu kwawo
86:5فَلۡيَنظُرِ ٱلۡإِنسَٰنُ مِمَّ خُلِقَ
Ngoko ke umntu makajonge ukuba udalwe ngantoni na
86:6خُلِقَ مِن مَّآءٍ دَافِقٍ
Udalwe ngamanzi atsawulayo
86:7يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ
Avela phakathi komqolo neembambo
86:8إِنَّهُۥ عَلَىٰ رَجۡعِهِۦ لَقَادِرٌ
Inene uAllâh Uyakwazi ukuphinda ambuyisele (ebomini) kwakhona
86:9يَوۡمَ تُبۡلَى ٱلسَّرَآئِرُ
NgeMini apho iimfihlelo ziya kuvavanywa
86:10فَمَا لَهُۥ مِن قُوَّةٍ وَلَا نَاصِرٍ
Ngoko (umntu) akayi kuba namandla engayi kuba namncedisi
86:11وَٱلسَّمَآءِ ذَاتِ ٱلرَّجۡعِ
Ndifunga ngesibhakabhaka (esiza nemvula) siphindaphinde
86:12وَٱلۡأَرۡضِ ذَاتِ ٱلصَّدۡعِ
Nangomhlaba ocazulukayo (xa kuhluma uhlaza kuwo)
86:13إِنَّهُۥ لَقَوۡلٌ فَصۡلٌ
Inene le (‘Kur’ân) liLizwi elihluza (inyani ebuxokini)
86:14وَمَا هُوَ بِٱلۡهَزۡلِ
Yaye asiyonto yokonwabisa
86:15إِنَّهُمۡ يَكِيدُونَ كَيۡدًا
Inene bona baqulunqa iyelenqe ngawe (Muhammad)
86:16وَأَكِيدُ كَيۡدًا
Kanti naM (oku kwaM) Ndiqulunqa icebo (ngokuchasene nabo)
86:17فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا
Khawubayekelele abangakholwayo, ubaphathe ngobunono okwethutyana
Translation: Imaam Ismaaeel Ngqoyiyana.