Surah 87 · 19 verses · Tgk. H. Mahjiddin Jusuf
Surah Al-A'la in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
سَبِّحِ ٱسۡمَ رَبِّكَ ٱلۡأَعۡلَى
Takheun teuseubeh tapujoe Tuhan Takheun Nan Tuhan nyang manyang leupah
وَٱلَّذِيٓ أَخۡرَجَ ٱلۡمَرۡعَىٰ
Naleung dum teuma udep jroh leupah Na padum na trep naleung nyan ijo
إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ
Meulengkan peue nyang ka kheundak Tuhan Keubit di Tuhan Neuteupue sudah Peue nyang deuh nyata got pih nyang meusom Neuteupue bandum hana meuilah
سَيَذَّكَّرُ مَن يَخۡشَىٰ
Soe nyang teumakot di jih keu Tuhan Jeut peulajaran peue nyang tapeugah
ٱلَّذِي يَصۡلَى ٱلنَّارَ ٱلۡكُبۡرَىٰ
Apui nuraka raya sileupah Keunoe jitamong soe nyang ceulaka
ثُمَّ لَا يَمُوتُ فِيهَا وَلَا يَحۡيَىٰ
Sinan sengsara hanaban peugah Mate jih pih han udep jih pih han
قَدۡ أَفۡلَحَ مَن تَزَكَّىٰ
Teuma nyang seunang ureueng meutuah Ureueng peugleh droe ngon geumeuiman
وَذَكَرَ ٱسۡمَ رَبِّهِۦ فَصَلَّىٰ
Geuseubot Tuhan sabe di babah Geuingat Tuhan lom geuseumbahyang
بَلۡ تُؤۡثِرُونَ ٱلۡحَيَوٰةَ ٱلدُّنۡيَا
Tapi that sayang gata dum salah Gata dum galak keu udep donya
وَٱلۡأٓخِرَةُ خَيۡرٌ وَأَبۡقَىٰٓ
Akhirat teuma nyang leubeh indah Lom leubeh keukai seulama-lama
إِنَّ هَٰذَا لَفِي ٱلصُّحُفِ ٱلۡأُولَىٰ
Atra nyoe beuna ka lheuh geupeugah Ka lheuh geutuleh lam kitab jameun
صُحُفِ إِبۡرَٰهِيمَ وَمُوسَىٰ
Kitab Ibrahim geunaseh Allah Lam Kitab Musa pih ka geusurat Haba beuna that tan na meusalah
Translation: Tgk. H. Mahjiddin Jusuf.