بِسۡمِ ٱللَّهِ ٱلرَّحۡمَٰنِ ٱلرَّحِيمِ
88:1هَلۡ أَتَىٰكَ حَدِيثُ ٱلۡغَٰشِيَةِ
Na troh bak gata haba kiamat
88:2وُجُوهٌ يَوۡمَئِذٍ خَٰشِعَةٌ
Muka dum meuhat uroe nyan mirah Ulee teukukui taeu hina that
88:3عَامِلَةٌ نَّاصِبَةٌ
Buet leupah that brat ngon hek sileupah
88:4تَصۡلَىٰ نَارًا حَامِيَةً
Dalam nuraka jilop le ligat Apui tutong that hanaban peugah
88:5تُسۡقَىٰ مِنۡ عَيۡنٍ ءَانِيَةٍ
Mata ie tutong sideh geucok ie Nyan geubri keu ie tutong that leupah
88:6لَّيۡسَ لَهُمۡ طَعَامٌ إِلَّا مِن ضَرِيعٍ
Geujok makanan cit boh meuduroe
88:7لَّا يُسۡمِنُ وَلَا يُغۡنِي مِن جُوعٍ
Han ek takilo bah deuk sileupah
88:8وُجُوهٌ يَوۡمَئِذٍ نَّاعِمَةٌ
Pane puleh deuk pane puleh troe Nyang laen bagoe muka that indah Muka nyang licen taeu uroe nyan
88:9لِّسَعۡيِهَا رَاضِيَةٌ
Leupah that seunang hanaban peugah Buet nyang got dilee han sia-sia
88:10فِي جَنَّةٍ عَالِيَةٍ
Dalam churuga manyang that leupah
88:11لَّا تَسۡمَعُ فِيهَا لَٰغِيَةً
Han tom tadeungo narit nyang kuto
88:12فِيهَا عَيۡنٌ جَارِيَةٌ
Ie krueng meusaho ile dum boh bah
88:13فِيهَا سُرُرٌ مَّرۡفُوعَةٌ
Sinan peuratah dum manyang-manyang
88:14وَأَكۡوَابٌ مَّوۡضُوعَةٌ
Ngon glah minuman cit ka geukeubah
88:15وَنَمَارِقُ مَصۡفُوفَةٌ
Bantai meusadeu cit ka meuriti
88:16وَزَرَابِيُّ مَبۡثُوثَةٌ
Ngon permadani teuleung dum indah
88:17أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ
Peue hana jieu di jih dum unta Pakriban rupa geupeujeut sudah
88:18وَإِلَى ٱلسَّمَآءِ كَيۡفَ رُفِعَتۡ
Pakri geupeuek langet u manyang
88:19وَإِلَى ٱلۡجِبَالِ كَيۡفَ نُصِبَتۡ
Lom gunong-gunong geupeudong meugah
88:20وَإِلَى ٱلۡأَرۡضِ كَيۡفَ سُطِحَتۡ
Pakriban bumoe geuleung sang data
88:21فَذَكِّرۡ إِنَّمَآ أَنتَ مُذَكِّرٌ
Peuingat sigra bandum tapeugah Di gata mantong meu tapeuingat
88:22لَّسۡتَ عَلَيۡهِم بِمُصَيۡطِرٍ
Han ek takarat jih nyan tagagah
88:23إِلَّا مَن تَوَلَّىٰ وَكَفَرَ
Tapi nyang han tem lom pih jikaphe
88:24فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
Azeub bukon le Neubri le Allah Tuhan bri azeub keu jih raya that
88:25إِنَّ إِلَيۡنَآ إِيَابَهُمۡ
Dudoe jih meuhat jiwoe bak Allah Keudeh bak Kamoe jiwoe dum meuhat
88:26ثُمَّ إِنَّ عَلَيۡنَا حِسَابَهُم
Meukira meuhat buet nyang ka leupah
Translation: Tgk. H. Mahjiddin Jusuf.