Surah 50 · 45 verses · Tgk. H. Mahjiddin Jusuf

Surah Qaf in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

50:1

قٓۚ وَٱلۡقُرۡءَانِ ٱلۡمَجِيدِ

Qaf Tuhan nyang teupue meukeusud ayat Sabab Hadharat hana Neupeugah Demi Qur'an nyang that mulia

50:2

بَلۡ عَجِبُوٓاْ أَن جَآءَهُم مُّنذِرٌ مِّنۡهُمۡ فَقَالَ ٱلۡكَٰفِرُونَ هَٰذَا شَيۡءٌ عَجِيبٌ

Tapi jih teuma hireun jih leupah ‘Oh teuka rasul kaphe dum jikheun Ajeb nyoe hireuen hanaban peugah Lam kawan jih sit ureueng peuingat

50:3

أَءِذَا مِتۡنَا وَكُنَّا تُرَابًاۖ ذَٰلِكَ رَجۡعُۢ بَعِيدٌ

Tanyoe geubangket ajeb that leupah Tanyoe ka mate ka jeut keu tanoh Pakri lom timoh tanyoe geupeugah Jioh that mungken tanyoe geubangket

50:4

قَدۡ عَلِمۡنَا مَا تَنقُصُ ٱلۡأَرۡضُ مِنۡهُمۡۖ وَعِندَنَا كِتَٰبٌ حَفِيظُۢ

Kamoe teupue that Neukheun le Allah Jipeuanco jih bandum le bumoe Bandum atranyoe meuteupue sudah Ka lheuh meusurat bandum bak Kamoe

50:5

بَلۡ كَذَّبُواْ بِٱلۡحَقِّ لَمَّا جَآءَهُمۡ فَهُمۡ فِيٓ أَمۡرٍ مَّرِيجٍ

Tapi jih dum nyoe dilee ka salah Haba nyang beuna ‘oh ban troh bak jih Han jitem pateh di jih jibantah Nyang sigo meudeh sigo treuk meunoe Narit jih dum nyoe meuwot-wot Iwupah

50:6

أَفَلَمۡ يَنظُرُوٓاْ إِلَى ٱلسَّمَآءِ فَوۡقَهُمۡ كَيۡفَ بَنَيۡنَٰهَا وَزَيَّنَّٰهَا وَمَا لَهَا مِن فُرُوجٍ

Peue hana jieu keu deh u langet Nyang Kamoe peugot manyang ngon indah ı Kamoe peuindah hana nyang cacat

50:7

وَٱلۡأَرۡضَ مَدَدۡنَٰهَا وَأَلۡقَيۡنَا فِيهَا رَوَٰسِيَ وَأَنۢبَتۡنَا فِيهَا مِن كُلِّ زَوۡجِۭ بَهِيجٍ

Bumoe pih meuhat Kamoe“peuluwah Ngon gunong-gunong meupeudong sinan Tanam-tanaman pih le sileupah Indah takalon tanam-tanaman

50:8

تَبۡصِرَةً وَذِكۡرَىٰ لِكُلِّ عَبۡدٍ مُّنِيبٍ

Jeut peuringatan keu hamba Allah Hamba nyang taubat lagi nyang taʻat Jeut keu ibarat jitueng phaedah

50:9

وَنَزَّلۡنَا مِنَ ٱلسَّمَآءِ مَآءً مُّبَٰرَكًا فَأَنۢبَتۡنَا بِهِۦ جَنَّٰتٍ وَحَبَّ ٱلۡحَصِيدِ

Ka Kamoe peutron ujeun di langet le nyang beureukat hanaban peugah Kamoe peuudep dum keubon-keubon Bijeh tanaman timoh le bagah Jeut geupot ase ‘oh lheuh nyan teuma

50:10

وَٱلنَّخۡلَ بَاسِقَٰتٍ لَّهَا طَلۡعٌ نَّضِيدٌ

Ngon bak kureuma pih subor leupah Cabeung meupayong manyam jih leumbot

50:11

رِّزۡقًا لِّلۡعِبَادِۖ وَأَحۡيَيۡنَا بِهِۦ بَلۡدَةً مَّيۡتًاۚ كَذَٰلِكَ ٱلۡخُرُوجُ

Bandum jisambot le hamba Allah Raseuki Tuhan Neubri keu hamba Bumoe tho rata udep le bagah Nanggroe nyang mate Kamoe peuudep Meunan keuh bangket saban that leupah

50:12

كَذَّبَتۡ قَبۡلَهُمۡ قَوۡمُ نُوحٍ وَأَصۡحَٰبُ ٱلرَّسِّ وَثَمُودُ

Kawom Noh dile Ras deungon Tsamud Jikheun dum sulet nyang Kamoe peugah

50:13

وَعَادٌ وَفِرۡعَوۡنُ وَإِخۡوَٰنُ لُوطٍ

‘Ad ngon Peuraʻun deungon kawom Luth p Bandum saban that hana meuubah

50:14

وَأَصۡحَٰبُ ٱلۡأَيۡكَةِ وَقَوۡمُ تُبَّعٍۚ كُلٌّ كَذَّبَ ٱلرُّسُلَ فَحَقَّ وَعِيدِ

Meunan pih Aikah ngon kawom Tubba“ Bandum jitulak nyang rasul peugah Meu han treuk keu jih peue nyang Lon janji

50:15

أَفَعَيِينَا بِٱلۡخَلۡقِ ٱلۡأَوَّلِۚ بَلۡ هُمۡ فِي لَبۡسٍ مِّنۡ خَلۡقٍ جَدِيدٍ

Nyang Kamoe jadi peue jeut keu payah Na payah Kamoe bak meupeujeut phon Nyang dudoe bandum jeut jikheun susah Nyang ragu jih that bak peujeut dudoe Han ek meupeuwoe meunan jipeugah

50:16

وَلَقَدۡ خَلَقۡنَا ٱلۡإِنسَٰنَ وَنَعۡلَمُ مَا تُوَسۡوِسُ بِهِۦ نَفۡسُهُۥۖ وَنَحۡنُ أَقۡرَبُ إِلَيۡهِ مِنۡ حَبۡلِ ٱلۡوَرِيدِ

Ka Kamoe peujeut dum manusia Peue nyang lam dada meuteupue sudah Peue nyang meugureh dalam atejih Kamoe deungon jih sit toe that leupah Leubeh toe nibak urat marehjih

50:17

إِذۡ يَتَلَقَّى ٱلۡمُتَلَقِّيَانِ عَنِ ٱلۡيَمِينِ وَعَنِ ٱلشِّمَالِ قَعِيدٌ

Rot wie uneun jih pih na soe papah Rot uneun jih sidroe rot wie jih sidroe Ureueng dua droe sinan meukeubah Geuduek di sinan gopnyan bandua

50:18

مَّا يَلۡفِظُ مِن قَوۡلٍ إِلَّا لَدَيۡهِ رَقِيبٌ عَتِيدٌ

Bandum geujaga peue nyang ji peugah Peue nyang jipeugah bandum geusurat

50:19

وَجَآءَتۡ سَكۡرَةُ ٱلۡمَوۡتِ بِٱلۡحَقِّۖ ذَٰلِكَ مَا كُنتَ مِنۡهُ تَحِيدُ

‘Oh seukreut mawot teuma geupeuhah Mabok rap mate leupah that beuna Di gata teuma napsu peusiblah

50:20

وَنُفِخَ فِي ٱلصُّورِۚ ذَٰلِكَ يَوۡمُ ٱلۡوَعِيدِ

‘Oh ban ka geuyup lam sangkai kala Uroe nyan tanda janji troh sudah

50:21

وَجَآءَتۡ كُلُّ نَفۡسٍ مَّعَهَا سَآئِقٌ وَشَهِيدٌ

Ureueng jak sajan tanyoe na dua Sidroe ureueng ba sidroe nyang peugah Nyang jeut keu saksi geupeugah sigra

50:22

لَّقَدۡ كُنتَ فِي غَفۡلَةٍ مِّنۡ هَٰذَا فَكَشَفۡنَا عَنكَ غِطَآءَكَ فَبَصَرُكَ ٱلۡيَوۡمَ حَدِيدٌ

Yoh dilee gata teuwo that leupah Hana teuingat teuh keu uroe nyoe Mata teuh jinoe ka Kamoe peuhah Uroe nyoe bandum keudeh takalon Mata teuh tajam hanaban peugah

50:23

وَقَالَ قَرِينُهُۥ هَٰذَا مَا لَدَيَّ عَتِيدٌ

Nyang sidroe rakan geumarit ligat Takalon nyoe pat peue nyang ka sudah Nyopát bak lon nyoe ka Iheuh meutuleh

50:24

أَلۡقِيَا فِي جَهَنَّمَ كُلَّ كَفَّارٍ عَنِيدٍ

Tatiek jih keudeh lam apui mirah Ho ka teuh gata keunoe bandua Dalam nuraka tatiek jih bagah Bandum si kaphe nyang darohaka

50:25

مَّنَّاعٍ لِّلۡخَيۡرِ مُعۡتَدٍ مُّرِيبٍ

Di jih han tom na jibri seudeukah Buet jih pih lalem chok hana yakin

50:26

ٱلَّذِي جَعَلَ مَعَ ٱللَّهِ إِلَٰهًا ءَاخَرَ فَأَلۡقِيَاهُ فِي ٱلۡعَذَابِ ٱلشَّدِيدِ

Lom Tuhan laen di jih jiseumah Sajan ngon Allah na Tuhan laen Tatiek jih keunan lam azeub leupah

50:27

قَالَ قَرِينُهُۥ رَبَّنَا مَآ أَطۡغَيۡتُهُۥ وَلَٰكِن كَانَ فِي ضَلَٰلِۭ بَعِيدٍ

Geukheun le teuma le rakan nyang nyoe Hai Tuhan kamoe droejih nyang salah Di lon hana jih lon peuceulaka Droejih usaha sisat that leupah Jioh that sisat ka jiusaha

50:28

قَالَ لَا تَخۡتَصِمُواْ لَدَيَّ وَقَدۡ قَدَّمۡتُ إِلَيۡكُم بِٱلۡوَعِيدِ

Neukheun boh nyo ka bek le meubantah Di keu Lon sinoe bek le meudawa Yoh dilee cit ka janji Lon peugah Janji that saket Lon kheun bak gata

50:29

مَا يُبَدَّلُ ٱلۡقَوۡلُ لَدَيَّ وَمَآ أَنَا۠ بِظَلَّٰمٍ لِّلۡعَبِيدِ

Jinoe meudawa hana phaedah Putosan bak Lon han jeut le tuka Kon Lon elanya dum hamba Allah

50:30

يَوۡمَ نَقُولُ لِجَهَنَّمَ هَلِ ٱمۡتَلَأۡتِ وَتَقُولُ هَلۡ مِن مَّزِيدٍ

Uroe nyan meukheun ubak nuraka Peue teuma haba ka peunoh di kah Peue na tamah lom jitanyong sigra

50:31

وَأُزۡلِفَتِ ٱلۡجَنَّةُ لِلۡمُتَّقِينَ غَيۡرَ بَعِيدٍ

Soe nyang takwa teuma meutuah Hana that jioh sinan churuga Geutamong lanja keunan le bagah

50:32

هَٰذَا مَا تُوعَدُونَ لِكُلِّ أَوَّابٍ حَفِيظٍ

Nyoe nyang geujanji dilee keu gata Sabab dum gata toubat bak Allah Bandum peurintah sabe geujaga

50:33

مَّنۡ خَشِيَ ٱلرَّحۡمَٰنَ بِٱلۡغَيۡبِ وَجَآءَ بِقَلۡبٍ مُّنِيبٍ

Allah Taʻala han tom geubantah Takot keu Tuhan bah hana leumah Han geu tem seumah meunyo kon Allah Toubat lam ate sabe bak Tuhan

50:34

ٱدۡخُلُوهَا بِسَلَٰمٍۖ ذَٰلِكَ يَوۡمُ ٱلۡخُلُودِ

Keudeh u dalam jak tamong bagah Saleum seulamat keu bandum gata Keukai rok masa sinan geukeubah

50:35

لَهُم مَّا يَشَآءُونَ فِيهَا وَلَدَيۡنَا مَزِيدٌ

Peue-peue nyang meuhʻeut di sinan ka nat Nyang laen teuma lom Kamoe tamah

50:36

وَكَمۡ أَهۡلَكۡنَا قَبۡلَهُم مِّن قَرۡنٍ هُمۡ أَشَدُّ مِنۡهُم بَطۡشًا فَنَقَّبُواْ فِي ٱلۡبِلَٰدِ هَلۡ مِن مَّحِيصٍ

Padum le dilee ka peubinasa Nyang teuga-teuga beuho sileupah Leubeh beuho jih nibak awaknyoe Padum le nanggroe ka di jeulajah Ho jikeumeung plueng teuma uroe nyoe

50:37

إِنَّ فِي ذَٰلِكَ لَذِكۡرَىٰ لِمَن كَانَ لَهُۥ قَلۡبٌ أَوۡ أَلۡقَى ٱلسَّمۡعَ وَهُوَ شَهِيدٌ

Bandum atra nyoe tatueng phaedah Jeut keupeuingat keu soe nyang pike Nyang na lam ate sipheut meutuah Nyang got jideungo peue nyang jikalon

50:38

وَلَقَدۡ خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٍ وَمَا مَسَّنَا مِن لُّغُوبٍ

Kamoe pakriban kuasa leupah Ka Kamoe peujeut langet ngon bumoe Ngon bandum asoe keubit that bagah Meupeujeut bandum dalam nam uroe Teuma di Kamoe hana meupayah

50:39

فَٱصۡبِرۡ عَلَىٰ مَا يَقُولُونَ وَسَبِّحۡ بِحَمۡدِ رَبِّكَ قَبۡلَ طُلُوعِ ٱلشَّمۡسِ وَقَبۡلَ ٱلۡغُرُوبِ

Teuma tasaba jikheun barangpeue Di gata pujoe mantong keu Allah Takheun teuseubeh tapujoe Tuhan Uroe ngon malam sabe di babah Beungoh yoh goh teubiet uroe Goh jilop uroe pih bek takeubah

50:40

وَمِنَ ٱلَّيۡلِ فَسَبِّحۡهُ وَأَدۡبَٰرَ ٱلسُّجُودِ

Takheun teuseubeh lom watee malam ‘Oh lheuh seumbahyang sujud bak Allah

50:41

وَٱسۡتَمِعۡ يَوۡمَ يُنَادِ ٱلۡمُنَادِ مِن مَّكَانٍ قَرِيبٍ

Beu got tadeungo watee geumeuhoi Le ureueng meuhoi nyang toe sileupah

50:42

يَوۡمَ يَسۡمَعُونَ ٱلصَّيۡحَةَ بِٱلۡحَقِّۚ ذَٰلِكَ يَوۡمُ ٱلۡخُرُوجِ

Uroe nyan bandum deungo su raya Su sangka kala cit hana salah Beuna that nyan keuh uroe geunbangket

50:43

إِنَّا نَحۡنُ نُحۡيِۦ وَنُمِيتُ وَإِلَيۡنَا ٱلۡمَصِيرُ

Kamoe peuudep bandum cit mudah Kamoe peuudep Kamoe peumate Meuwoe keudeh le bandum bak Allah Bandum teuh teuma tawoe bak Kamoe

50:44

يَوۡمَ تَشَقَّقُ ٱلۡأَرۡضُ عَنۡهُمۡ سِرَاعًاۚ ذَٰلِكَ حَشۡرٌ عَلَيۡنَا يَسِيرٌ

Beukah ngon bumoe teubiet dum bagah Meusapat bandum teuma bak Kamoe Teuma atra nyoe leupah that mudah

50:45

نَّحۡنُ أَعۡلَمُ بِمَا يَقُولُونَۖ وَمَآ أَنتَ عَلَيۡهِم بِجَبَّارٍۖ فَذَكِّرۡ بِٱلۡقُرۡءَانِ مَن يَخَافُ وَعِيدِ

Teuma Kamoe roe nyang leubeh teupue Bah barangkapeue peue nyang jipeugah Hana kreuh gata teuma ateuh jih Tapeuingat jih hana phaedah Deungon Qur'an nyoe tapeuingat Ureueng that takot janji Lon peugah

Translation: Tgk. H. Mahjiddin Jusuf.