Surah 80 · 42 verses · Tgk. H. Mahjiddin Jusuf

Surah 'Abasa in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

80:1

عَبَسَ وَتَوَلَّىٰٓ

Masam muka geuh geungieng ho laen

80:2

أَن جَآءَهُ ٱلۡأَعۡمَىٰ

Sabab troh keunan ureueng nyang reundah Troh geujak keunan ureueng nyang buta

80:3

وَمَا يُدۡرِيكَ لَعَلَّهُۥ يَزَّكَّىٰٓ

Peue bak takira ek na phaedah Kadang cit gopnyan geujak peugleh droe

80:4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Got pih na peue-peue geumeung jak peugah Kadang pih geujak lakee nasehat Geutueng munaphaʻat ngon got that leupah

80:5

أَمَّا مَنِ ٱسۡتَغۡنَىٰ

Teuma awak jeh nyang le areuta

80:6

فَأَنتَ لَهُۥ تَصَدَّىٰ

Got that takira peue nyang jih peugah

80:7

وَمَا عَلَيۡكَ أَلَّا يَزَّكَّىٰ

Adak jih teuma han jipeugleh droe Keu gata pih roe han jeut keu salah

80:8

وَأَمَّا مَن جَآءَكَ يَسۡعَىٰ

Di ureueng nyang jak keunan bak gata Jijak usaha ngon reuoh-reuah

80:9

وَهُوَ يَخۡشَىٰ

Teumakot di jih akan ilahi

80:10

فَأَنتَ عَنۡهُ تَلَهَّىٰ

Han tapeuduli jih nyan takeubah

80:11

كـَلَّآ إِنَّهَا تَذۡكِرَةٌ

Tapi nyoe keubit ajaran Tuhan Nyan peringatan nyang got that leupah

80:12

فَمَن شَآءَ ذَكَرَهُۥ

Barangsoe nyang tem teuntee jiingat Tuhan Hadharat sabe di babah

80:13

فِي صُحُفٍ مُّكَرَّمَةٍ

Lam kitab-kitab nyang that mulia

80:14

مَّرۡفُوعَةٍ مُّطَهَّرَةِۭ

Manyang that pula ngon suci leupah

80:15

بِأَيۡدِي سَفَرَةٍ

Bak jaroe duta utusan Tuhan

80:16

كِرَامِۭ بَرَرَةٍ

Nyang muliawan ate got leupah

80:17

قُتِلَ ٱلۡإِنسَٰنُ مَآ أَكۡفَرَهُۥ

Binasa insan got that jikaphe

80:18

مِنۡ أَيِّ شَيۡءٍ خَلَقَهُۥ

Pat jeut jih sampe sidumnan gagah Bak peue Neupeujeut jih nyan le Tuhan

80:19

مِن نُّطۡفَةٍ خَلَقَهُۥ فَقَدَّرَهُۥ

Kon bak peue laen bak ie meugeutah Neupeujeut jih bak sititek mani ‘Oh Iheuh nyan jadi insan nyang gagah

80:20

ثُمَّ ٱلسَّبِيلَ يَسَّرَهُۥ

Neubri ngon jalan mudah jiudep

80:21

ثُمَّ أَمَاتَهُۥ فَأَقۡبَرَهُۥ

Lheuh nyan padum trep ajai jih sudah Lheuh Neupeumate jilop lam kubu

80:22

ثُمَّ إِذَا شَآءَ أَنشَرَهُۥ

‘Oh lheuh nyan laju Neubangket sudah Jan nyang Neukheundak udep lom rijang

80:23

كـَلَّا لَمَّا يَقۡضِ مَآ أَمَرَهُۥ

Tapi jih mantong jipubuet salah Gohlom jipubuet nyang suroh Tuhan

80:24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Teuma hai insan takalon bagah Takalon ubak makanan teuh nyan

80:25

أَنَّا صَبَبۡنَا ٱلۡمَآءَ صَبًّا

Kamoe bri ujeun keunan meuruwah

80:26

ثُمَّ شَقَقۡنَا ٱلۡأَرۡضَ شَقًّا

Kamoe plah bumoe teuma ‘oh Iheuh nyan

80:27

فَأَنۢبَتۡنَا فِيهَا حَبًّا

Tanam-tanaman timoh le bagah Kamoe peutimoh bijeh tanaman

80:28

وَعِنَبًا وَقَضۡبًا

Boh anggor sinan ngon boh markisah Sayor-sayoran meubagoe rupa

80:29

وَزَيۡتُونًا وَنَخۡلًا

Zaitun kureuma hanaban peugah

80:30

وَحَدَآئِقَ غُلۡبًا

Ngon keubon-keubon peunoh tanaman

80:31

وَفَٰكِهَةً وَأَبًّا

Buah-buahan ngon naleung basah

80:32

مَّتَٰعًا لَّكُمۡ وَلِأَنۡعَٰمِكُمۡ

Jeut keusenangan bandum keu gata Binatang gata pih han le susah Binatang ternak bandum ka seunang Le that makanan jirot le bagah

80:33

فَإِذَا جَآءَتِ ٱلصَّآخَّةُ

‘Oh ban ka meusu deumpek raya that

80:34

يَوۡمَ يَفِرُّ ٱلۡمَرۡءُ مِنۡ أَخِيهِ

Uroe nyan meuhat insan geulisah Tinggai chedara di jih ka jiplueng

80:35

وَأُمِّهِۦ وَأَبِيهِ

Jitinggai bandum ma deungon ayah

80:36

وَصَٰحِبَتِهِۦ وَبَنِيهِ

Aneuk peurumoh han le jipadok

80:37

لِكُلِّ ٱمۡرِيٍٕ مِّنۡهُمۡ يَوۡمَئِذٍ شَأۡنٌ يُغۡنِيهِ

Keudroe dum mabok mita rot peuglah Uroe nyan insan pike untong droe Meubagoe-bagoe ingat keu salah

80:38

وُجُوهٌ يَوۡمَئِذٍ مُّسۡفِرَةٌ

Uroe nyan taeu muka meukilat

80:39

ضَاحِكَةٌ مُّسۡتَبۡشِرَةٌ

Rumeh khem meuhat galak sileupah

80:40

وَوُجُوهٌ يَوۡمَئِذٍ عَلَيۡهَا غَبَرَةٌ

Na cit nyang muka peunoh meuabee

80:41

تَرۡهَقُهَا قَتَرَةٌ

Jitop le malee seupot that leupah

80:42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Nyan keuh awak nyan kawom nyang kaphe Dilee lam sabe jipubuet salah

Translation: Tgk. H. Mahjiddin Jusuf.