بِسۡمِ ٱللَّهِ ٱلرَّحۡمَٰنِ ٱلرَّحِيمِ
80:1عَبَسَ وَتَوَلَّىٰٓ
Miyakarimng (so Nabi) go tomiyalikhod
80:2أَن جَآءَهُ ٱلۡأَعۡمَىٰ
Sa kiyapakatalingoma on o bota (a si Abdollah Ibno Ommi Maktoom)
80:3وَمَا يُدۡرِيكَ لَعَلَّهُۥ يَزَّكَّىٰٓ
Na antawaa i kaphakitokawan iyan rka sa masikn a skaniyan na pzoti
80:4أَوۡ يَذَّكَّرُ فَتَنفَعَهُ ٱلذِّكۡرَىٰٓ
O di na phakindao na makanggay ron a gona so ndao
80:5أَمَّا مَنِ ٱسۡتَغۡنَىٰ
Na so taw a mitharambisa
80:6فَأَنتَ لَهُۥ تَصَدَّىٰ
Na ska na ayang ka gii zasagipaan
80:7وَمَا عَلَيۡكَ أَلَّا يَزَّكَّىٰ
A kna a ba rka khisndit a di niyan kapzoti
80:8وَأَمَّا مَن جَآءَكَ يَسۡعَىٰ
Na so pman so miyakaoma rka a mananamar
80:9وَهُوَ يَخۡشَىٰ
A skaniyan na maalkn (ko Allah)
80:10فَأَنتَ عَنۡهُ تَلَهَّىٰ
Na ska na ikaririmorng ka
80:11كـَلَّآ إِنَّهَا تَذۡكِرَةٌ
Ding ka oto ppharomani, mataan aya! a pananadm
80:12فَمَن شَآءَ ذَكَرَهُۥ
Na sadn sa khabaya, na pananadmn iyan
80:13فِي صُحُفٍ مُّكَرَّمَةٍ
Matatago ko manga kitab a sslaan
80:14مَّرۡفُوعَةٍ مُّطَهَّرَةِۭ
A ipoporo, a sosotin
80:15بِأَيۡدِي سَفَرَةٍ
A minggolalan ko manga lima o manga panonorat
80:16كِرَامِۭ بَرَرَةٍ
A khisslaan a pphamangongonotan
80:17قُتِلَ ٱلۡإِنسَٰنُ مَآ أَكۡفَرَهُۥ
Pimorkaan so manosiya (a miyongkir)! Sayana a da a tadm iyan
80:18مِنۡ أَيِّ شَيۡءٍ خَلَقَهُۥ
Antonaa shay´ i pakapoon iyan, sa kiyaadna on o Allah
80:19مِن نُّطۡفَةٍ خَلَقَهُۥ فَقَدَّرَهُۥ
Miyakapoon sa notfa, inadn Iyan go pindidiyangka Iyan
80:20ثُمَّ ٱلسَّبِيلَ يَسَّرَهُۥ
Oriyan iyan na so lalan na libod Iyan on
80:21ثُمَّ أَمَاتَهُۥ فَأَقۡبَرَهُۥ
Oriyan iyan na inisabap Iyan a kiyapatay Niyan, na piyakikobor Iyan
80:22ثُمَّ إِذَا شَآءَ أَنشَرَهُۥ
Oriyan iyan na amay ko kabaya Iyan na oyagn Iyan bo
80:23كـَلَّا لَمَّا يَقۡضِ مَآ أَمَرَهُۥ
Sabnar, a da Niyan nggolalann so inisogo on (o Allah)
80:24فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
Na pamimikirana o manosiya so pangn´ngkn iyan
80:25أَنَّا صَبَبۡنَا ٱلۡمَآءَ صَبًّا
A mataan! a Skami na inodod Ami so ig sa samporna a kawdod
80:26ثُمَّ شَقَقۡنَا ٱلۡأَرۡضَ شَقًّا
Oriyan iyan na piyakambabatkad Ami so lopa sa maroni a kambabatkad
80:27فَأَنۢبَتۡنَا فِيهَا حَبًّا
Na piyamakathoan Ami skaniyan sa prpran
80:28وَعِنَبًا وَقَضۡبًا
Go anggor, go llthaan
80:29وَزَيۡتُونًا وَنَخۡلًا
Go zayton, go korma
80:30وَحَدَآئِقَ غُلۡبًا
Go manga pamomolan a manga rarabong
80:31وَفَٰكِهَةً وَأَبًّا
Go manga onga, go manga paotanotan
80:32مَّتَٰعًا لَّكُمۡ وَلِأَنۡعَٰمِكُمۡ
Ka an iyo kanggonai ago so manga ayam iyo
80:33فَإِذَا جَآءَتِ ٱلصَّآخَّةُ
Na amay ko makatalingoma so lalis
80:34يَوۡمَ يَفِرُّ ٱلۡمَرۡءُ مِنۡ أَخِيهِ
Sii ko alongan a palagoyan o taw so pagari niyan
80:35وَأُمِّهِۦ وَأَبِيهِ
Go so ina iyan, ago so ama iyan
80:36وَصَٰحِبَتِهِۦ وَبَنِيهِ
Go so karoma niyan, go so manga wata iyan
80:37لِكُلِّ ٱمۡرِيٍٕ مِّنۡهُمۡ يَوۡمَئِذٍ شَأۡنٌ يُغۡنِيهِ
Oman i isa kiran sa alongan oto, na adn a btad a makattmbang on
80:38وُجُوهٌ يَوۡمَئِذٍ مُّسۡفِرَةٌ
Adn a manga paras sa alongan oto a khisisigay
80:39ضَاحِكَةٌ مُّسۡتَبۡشِرَةٌ
Makakhakala, a mabababaya
80:40وَوُجُوهٌ يَوۡمَئِذٍ عَلَيۡهَا غَبَرَةٌ
Go adn a manga paras sa alongan oto - a masasalapot a lopapk
80:41تَرۡهَقُهَا قَتَرَةٌ
A kakokoloban sa malibotng
80:42أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ
Siran man na siran so miyamangongkir a manga baradosa
Translation: Guro Alim Saromantang.