بِسۡمِ ٱللَّهِ ٱلرَّحۡمَٰنِ ٱلرَّحِيمِ
81:1إِذَا ٱلشَّمۡسُ كُوِّرَتۡ
Khumbula ngenkathi ilanga lisongwa
81:2وَإِذَا ٱلنُّجُومُ ٱنكَدَرَتۡ
Khumbula nangenkathi izinkanyezi zihlakazeka
81:3وَإِذَا ٱلۡجِبَالُ سُيِّرَتۡ
Khumbula nangenkathi izintaba zisuswa (zibhidlizwa)
81:4وَإِذَا ٱلۡعِشَارُ عُطِّلَتۡ
Khumbula nangenkathi amakameli amithi enganakwa
81:5وَإِذَا ٱلۡوُحُوشُ حُشِرَتۡ
Khumbula nangenkathi izilwane zasendle ezinkulu ziqoqelwa ndawonye
81:6وَإِذَا ٱلۡبِحَارُ سُجِّرَتۡ
Khumbula nangenkathi izilwandle ziba njengemililo evuthayo (zihlangana izilwandle)
81:7وَإِذَا ٱلنُّفُوسُ زُوِّجَتۡ
Khumbula nangenkathi imiphefumulo ihlanganiswa nemizimba yayo
81:8وَإِذَا ٱلۡمَوۡءُۥدَةُ سُئِلَتۡ
Khumbula kanye nentombazane eyangcwatshwa iphila ibuzwa
81:9بِأَيِّ ذَنۢبٍ قُتِلَتۡ
Khumbula ukuthi yabulawelani na
81:10وَإِذَا ٱلصُّحُفُ نُشِرَتۡ
Khumbula nangenkathi amakhasi (amaphepha) evulwa
81:11وَإِذَا ٱلسَّمَآءُ كُشِطَتۡ
Khumbula nangenkathi isibhakabhaka sivulwa
81:12وَإِذَا ٱلۡجَحِيمُ سُعِّرَتۡ
Khumbula nangenkathi isihogo senziwa ukuthi sivuthe
81:13وَإِذَا ٱلۡجَنَّةُ أُزۡلِفَتۡ
Khumbula nangenkathi isivande sisondezwa
81:14عَلِمَتۡ نَفۡسٌ مَّآ أَحۡضَرَتۡ
Uyokwazi umphefumulo lokho okuwulethile (izenzo ezinhle noma ezimbi)
81:15فَلَآ أُقۡسِمُ بِٱلۡخُنَّسِ
Ngakho-ke ngifunga ngezinkanyezi
81:16ٱلۡجَوَارِ ٱلۡكُنَّسِ
Ezihambayo bese ziyacasha
81:17وَٱلَّيۡلِ إِذَا عَسۡعَسَ
Nangobusuku ngenkathi buhamba (kuvela ukukhanya)
81:18وَٱلصُّبۡحِ إِذَا تَنَفَّسَ
Nangokusa ngenkathi kukhanya
81:19إِنَّهُۥ لَقَوۡلُ رَسُولٍ كَرِيمٍ
Ngempela kona kuyinkulumo yesithunywa esihloniphekile
81:20ذِي قُوَّةٍ عِندَ ذِي ٱلۡعَرۡشِ مَكِينٍ
Umnikazi wamandla kanye nomnikazi wesihlalo sobukhosi osezingeni eliphezulu
81:21مُّطَاعٍ ثَمَّ أَمِينٍ
Usihloniphekile futhi uthembekile (uMuhammad)
81:22وَمَا صَاحِبُكُم بِمَجۡنُونٍ
Futhi umngane wenu akahlanyi
81:23وَلَقَدۡ رَءَاهُ بِٱلۡأُفُقِ ٱلۡمُبِينِ
Futhi ngempela wambona (uGabriyeli) esemkhathini ocacile
81:24وَمَا هُوَ عَلَى ٱلۡغَيۡبِ بِضَنِينٍ
Futhi yena akancishani (nolwazi) lokungabonwa
81:25وَمَا هُوَ بِقَوۡلِ شَيۡطَٰنٍ رَّجِيمٍ
Futhi yona (iQur’an) ayisiyona inkulumo kasathane ogxoshiwe (ezulwini)
81:26فَأَيۡنَ تَذۡهَبُونَ
Niyaphi ke
81:27إِنۡ هُوَ إِلَّا ذِكۡرٌ لِّلۡعَٰلَمِينَ
Lokhu akuyilutho ngaphandle kwesikhumbuzo semihlaba (sabantu namajinn)
81:28لِمَن شَآءَ مِنكُمۡ أَن يَسۡتَقِيمَ
Kunoma ngabe ngubani phakathi kwenu othanda ukuqonda
81:29وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
Futhi anithandi ngaphandle kokuba kuthanda uMvelinqangi iNkosi yemihlaba (abantu namajinn)
Translation: Iqembu Lezifundiswa, Mussa Muhammad Telela , Uthman Mfanafuthi Msomi, Moulana Abdur Rahman Chilipa, Haji Ibrahim Mondli Japhet Mthembu, Moulana Imran Ngcobo, Moulana Eshaaq Osman.