Surah 84 · 25 verses · Alin U Yin
Surah Al-Inshiqaq in Burmese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا ٱلسَّمَآءُ ٱنشَقَّتۡ
မိုးကောင်းကင်သည် (အစိတ်စိတ်အမြွှာမြွှာ) အက်ကွဲစေတော်မူခြင်းခံရသောအခါ။
وَأَذِنَتۡ لِرَبِّهَا وَحُقَّتۡ
ထို့ပြင် ယင်း (မိုးကောင်းကင်) သည် ယင်းအား ဖွဲ့စည်းဖြစ်တည်စေတော်မူ၍ ထိန်းသိမ်းတော်မူသော အရှင်မြတ်၏ (ခွင့်ပြုမိန့်ဖြစ်သော စည်းမျဉ်းနိယာမတော်နှင့်အညီ) အမိန့်တော်ကို (အစဥ်အမြဲ) နာခံလိုက်နာသည့်အတိုင်းပင် (အရှင်မြတ်ပေးအပ်တော်မူသော တာဝန်ကို) အမှန်တရားအဖြစ် အကောင်အထည်ဖော် နာခံဆောင်ရွက်မည်သာ ဖြစ်၏။
وَأَلۡقَتۡ مَا فِيهَا وَتَخَلَّتۡ
ထို့ပြင် ထိုမြေကမ္ဘာသည် ယင်းအတွင်း၌ ရှိသောအရာဟူသမျှကို (အပြင်သို့) ထုတ်လွှတ်ပြီး ဟာလာဟင်းလင်း ဖြစ်လာသောအခါ။
وَأَذِنَتۡ لِرَبِّهَا وَحُقَّتۡ
ထို့ပြင် ယင်း (မြေကမ္ဘာ) သည် ယင်းအား ဖွဲ့စည်းဖြစ်တည်စေတော်မူ၍ ထိန်းသိမ်းတော်မူသော အရှင်မြတ်၏ (ခွင့်ပြုမိန့်ဖြစ်သော စည်းမျဉ်းနိယာမတော်နှင့်အညီ) အမိန့်တော်ကို (အစဉ်အမြဲ) နာခံလိုက်နာသည့်အတိုင်းပင် (အရှင်မြတ်ပေးအပ်တော်မူသော တာဝန်ကို) အမှန်တရားအဖြစ် အကောင်အထည်ဖော် နာခံဆောင်ရွက်မည်သာ ဖြစ်၏။
يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحًا فَمُلَٰقِيهِ
အို၊ လူသား၊ ဧကန်စင်စစ်၊ အသင်သည် အသင့်အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသောအရှင်မြတ်ဘက်တော်သို့ အားသွန်ခွန်စိုက် အားထုတ်လျက် ကြိုးပန်းလျက် (အရှင့်ရှေ့တော်မှောက်၌ တရားစီရင်ခံရရန်) နဖူးတွေ့ဒူးတွေ့ ပက်ပင်းတွေ့ဆုံရမည်။
فَأَمَّا مَنۡ أُوتِيَ كِتَٰبَهُۥ بِيَمِينِهِۦ
မည်သို့ပင်ဖြစ်စေ မှတ်တမ်းစာအုပ်ကို သူ၏လက်ယာလက်ဝယ်တွင် ပေးအပ်ခြင်းခံရသောသူသည်ကား။
فَسَوۡفَ يُحَاسَبُ حِسَابًا يَسِيرًا
မကြာမီ စာရင်းရှင်တမ်းကို အမှန်ပင် လွယ်ကူချောမောစွာဖြင့် အစစ်ဆေးခံမည့်သူပင် ဖြစ်၏။
وَيَنقَلِبُ إِلَىٰٓ أَهۡلِهِۦ مَسۡرُورًا
ထို့ပြင် ထိုသူသည် သူ့မိသားစုအသိုင်းအဝိုင်းများထံ (သူ့အတွက် အသင့်ပြင်ဆင်ထားသော သုခဥယျာဉ်ကြောင့်) ဝမ်းမြောက်ပျော်ရွှင်စွာဖြင့် ပြန်သွားလိမ့်မည်။
وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ
သို့ရာတွင် မှတ်တမ်းစာအုပ်ကို သူ၏နောက်ကျောဘက်မှ (လက်ဝဲလက်တွင်) ပေးအပ်ခြင်းခံရသောသူသည်ကား။
فَسَوۡفَ يَدۡعُواْ ثُبُورًا
မကြာမီ ထိုသူသည် လုံးဝ ဖျက်ဆီးခံရခြင်းကို အမှန်ပင် ဟစ်ခေါ်တောင့်တလိမ့်မည်။
وَيَصۡلَىٰ سَعِيرًا
ထို့ပြင် ထိုသူသည် (အရှိန်ပြင်းစွာ လောင်နေသော ငရဲဘုံ၏) မီးတောက်မီးလျှံထဲသို့ ဝင်ရပေလိမ့်မည်။
إِنَّهُۥ كَانَ فِيٓ أَهۡلِهِۦ مَسۡرُورًا
ဧကန်စင်စစ်၊ ထိုသူသည် (တချိန်က လောကီဘဝ၌) သူ့မိသားစုအသိုင်းအဝိုင်းများကြားတွင် ဝမ်းမြောက်ပျော်ရွှင်စွာဖြင့် ရှိခဲ့ဖူးသူ ဖြစ်ပေ၏။
إِنَّهُۥ ظَنَّ أَن لَّن يَحُورَ
ဧကန်ပင်၊ ထိုသူသည် (တရားစွဲဆိုခြင်းခံရရန် အရှင်မြတ်ထံတော်သို့) မည်သည့်အခါမျှ အလျှင်း ပြန်သွားရမည်မဟုတ်ဟု ထင်မှတ်နေခဲ့၏။
بَلَىٰٓۚ إِنَّ رَبَّهُۥ كَانَ بِهِۦ بَصِيرًا
(သူထင်မြင်ယူဆထားသကဲ့သို့) အလျှင်း မဟုတ်ပေ။ ဧကန်မုချပင် ပြန်ရလိမ့်မည်။ ဧကန်မလွဲ၊ သူ့အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသောအရှင်မြတ်သည် သူနှင့်ပတ်သက်သမျှကို အကြွင်းမဲ့ မြင်နေတော်မူသောအရှင်မြတ်ပင် ဖြစ်တော်မူ၏။
فَلَآ أُقۡسِمُ بِٱلشَّفَقِ
သို့ဖြစ်ပေရာ ငါအရှင်မြတ်သည် (နေဝင်ပြီးနောက်ရောင်နီသန်းသော) နေဝင်ဆည်းဆာအလင်းကို သက်သေထူတော်မူ၏။
وَٱلَّيۡلِ وَمَا وَسَقَ
ထို့ပြင် (ငါအရှင်မြတ်သည်) ညကိုလည်းကောင်း၊ (ညကြောင့်) ဖုံးလွှမ်းသောအရာများ (အမှောင်ထု အဆင့်ဆင့်) ကိုလည်းကောင်း၊ (သက်သေထူတော်မူ၏)။
وَٱلۡقَمَرِ إِذَا ٱتَّسَقَ
ထို့ပြင် (ငါအရှင်မြတ်သည်) ပြည့်ဝန်းလာသော လစန္ဒာ (လပြည့်ဝန်း) ကို (သက်သေထူတော်မူ၏) ။
لَتَرۡكَبُنَّ طَبَقًا عَن طَبَقٍ
(အို၊ လူသားတို့) သင်တို့သည် အမှန်ပင် တစ်ဆင့်မှတစ်ဆင့်သို့ ကျော်ဖြတ်ပြောင်းလဲ (၍ တွေ့ကြုံခံစားရန် သတ်မှတ်ပြဌာန်းတော်မူသည့်အတိုင်း) တက်ကြရပေမည်။
فَمَا لَهُمۡ لَا يُؤۡمِنُونَ
သို့ပါလျက် သူတို့သည် သူတို့အတွက် မည်သည့် (ဟန့်အတားရှိနေ၍ မည်သည့်) အကြောင်းကြောင့် မယုံကြည်ကြသနည်း။
وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ
ထို့ပြင် သူတို့ရှေ့၌ ကုရ်အာန်ကျမ်းတော်မြတ်ဖတ်ကြားသောအခါဝယ် သူတို့သည် (မည်သည့် အကြောင်းကြောင့် နာခံလိုက်နာလျက် ရိုကျိုးစွဖြင့်) ပျပ်ဝပ်ဦးချခြင်းမပြုကြသနည်း။
بَلِ ٱلَّذِينَ كَفَرُواْ يُكَذِّبُونَ
ထိုမျှမကသေးပေ။ အမှန်စင်စစ်၊ မယုံကြည်သူ (အမှန်တရားကို သွေဖည်ငြင်းပယ်သူ) တို့သည် (တမလွန်တရားစီရင်မည့်အကြောင်းပါရှိသော ကုရ်အာန်ကျမ်းတော်မြတ်အား) မဟုတ်မတရား မမှန်မကန် လိမ်လည် စွပ်စွဲ၍ (ရည်ရွယ်ချက်ရှိရှိ) ငြင်းပယ်နေကြ၏။
وَٱللَّهُ أَعۡلَمُ بِمَا يُوعُونَ
စင်စစ်သော်ကား အလ္လာဟ်အရှင်မြတ်သည် သူတို့က (သူတို့၏နှလုံးသားများ၌) မည်သည်တို့အား ဖုံးဖိထားလျက် လျှို့ဝှက်မျိုသိပ်ထားကြသည်ကို သိနေတော်မူသောအရှင်မြတ် ဖြစ်တော်မူ၏။
فَبَشِّرۡهُم بِعَذَابٍ أَلِيمٍ
သို့ဖြစ်ပေရာ (အို၊ ရစူလ်တမန်တော်၊ သူတို့အား) ပြင်းပြနာကျင်ဖွယ်ရာ စူးနစ်သော ပြစ်ဒဏ်နှင့်စပ်လျဉ်း၍ သတင်းကောင်း ပြောကြားလော့။
إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ
သို့ရာတွင် သက်ဝင်ယုံကြည်၍ ဖြောင့်မတ်မှန်ကန်သောပြုမူကျင့်ကြံမှုများဖြင့် သီလဆောက်တည်ကြသူတို့မူကား သူတို့အတွက် မည်သည့်အခါမျှ မပြီးဆုံးနိုင်သော (တသမတ်တည်း အတိုင်းအဆမဲ့သော) ဆုလဒ်သည် ဧကန်မုချပင် ရှိနေ၏။
Translation: Alin U Yin.