Surah 92 · 21 verses · Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah

Surah Al-Layl in Luyia

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

92:1

وَٱلَّيۡلِ إِذَا يَغۡشَىٰ

Nditsuba khu shilo olwashifunikhanga

92:2

وَٱلنَّهَارِ إِذَا تَجَلَّىٰ

Nende olwe eshiteere shilolekhanga

92:3

وَمَا خَلَقَ ٱلذَّكَرَ وَٱلۡأُنثَىٰٓ

Nende khuwaloonga eshisatsa neshikhasi

92:4

إِنَّ سَعۡيَكُمۡ لَشَتَّىٰ

Toto bwene okhukhalabana khwenyu khukabukhana

92:5

فَأَمَّا مَنۡ أَعۡطَىٰ وَٱتَّقَىٰ

Ne ulia urusia mana arie Omuloonji

92:6

وَصَدَّقَ بِٱلۡحُسۡنَىٰ

Mana nakhola kali amalayi

92:7

فَسَنُيَسِّرُهُۥ لِلۡيُسۡرَىٰ

Khwitsa okhumuwanguyisilia kabe amangu

92:8

وَأَمَّا مَنۢ بَخِلَ وَٱسۡتَغۡنَىٰ

Ne ulia ukhola obwimani, mana abule oluchendo na bashie

92:9

وَكَذَّبَ بِٱلۡحُسۡنَىٰ

Mana nafuukula amalayi

92:10

فَسَنُيَسِّرُهُۥ لِلۡعُسۡرَىٰ

Khwitsa okhumuwanguyisilia kabe amasiro

92:11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Ne omwandu kukwe kulimukhonya shina olwa aliba nasikhanga

92:12

إِنَّ عَلَيۡنَا لَلۡهُدَىٰ

Toto bwene kali khu efwe okhwechesia obulunjifu

92:13

وَإِنَّ لَنَا لَلۡأٓخِرَةَ وَٱلۡأُولَىٰ

Ne toto bwene kali khu efwe ka mutsuli (akhera) nende kokhuranjilila

92:14

فَأَنذَرۡتُكُمۡ نَارًا تَلَظَّىٰ

Kho ebekanyisilia khumulilo kwakhanga

92:15

لَا يَصۡلَىٰهَآ إِلَّا ٱلۡأَشۡقَى

Shali kwinjilamwo halali ulia Omubii muno

92:16

ٱلَّذِي كَذَّبَ وَتَوَلَّىٰ

Ulia wafuukula mana nafutarira omukongo

92:17

وَسَيُجَنَّبُهَا ٱلۡأَتۡقَى

Ne ulia waria Nyasaye alireebwa ehale ninakwo

92:18

ٱلَّذِي يُؤۡتِي مَالَهُۥ يَتَزَكَّىٰ

ulia Urusinjia omwandu kukwe khulwo khwitswenula

92:19

وَمَا لِأَحَدٍ عِندَهُۥ مِن نِّعۡمَةٍ تُجۡزَىٰٓ

Ne shikali mbu aliho yesi yesi wamukholela amalayi lano khamurunje

92:20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Halali nokhukhaaba obulekhule bwa Nyasaye wuwe Omulesi Owoluyali

92:21

وَلَسَوۡفَ يَرۡضَىٰ

Naye yakhachame

Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.