بِسۡمِ ٱللَّهِ ٱلرَّحۡمَٰنِ ٱلرَّحِيمِ
92:1وَٱلَّيۡلِ إِذَا يَغۡشَىٰ
Ibt ko gagawii igira a pkhikolob (so kalibotng iyan)
92:2وَٱلنَّهَارِ إِذَا تَجَلَّىٰ
Go so dawndaw igira a lominiwanag
92:3وَمَا خَلَقَ ٱلذَّكَرَ وَٱلۡأُنثَىٰٓ
Go so miyadn ko mama, go so babay
92:4إِنَّ سَعۡيَكُمۡ لَشَتَّىٰ
Ka mataan! a so galbk iyo na sabnar a mbidabida
92:5فَأَمَّا مَنۡ أَعۡطَىٰ وَٱتَّقَىٰ
Na so pman so taw a miyammgay ago miyananggila
92:6وَصَدَّقَ بِٱلۡحُسۡنَىٰ
Go tiyanto niyan so mapiya
92:7فَسَنُيَسِّرُهُۥ لِلۡيُسۡرَىٰ
Na plbodn Ami ron a (kaparoliya niyan ko) malbod
92:8وَأَمَّا مَنۢ بَخِلَ وَٱسۡتَغۡنَىٰ
Na so pman so taw a miligt go mitharambisa
92:9وَكَذَّبَ بِٱلۡحُسۡنَىٰ
Go piyakambokhag iyan so mapiya
92:10فَسَنُيَسِّرُهُۥ لِلۡعُسۡرَىٰ
Na plbodn Ami ron a (kaakir iyan ko) margn
92:11وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ
Go di ron phakanggay a gona so tamok iyan amay ka mawlog (ko naraka)
92:12إِنَّ عَلَيۡنَا لَلۡهُدَىٰ
Mataan! a sii Rkami so titho a toroan
92:13وَإِنَّ لَنَا لَلۡأٓخِرَةَ وَٱلۡأُولَىٰ
Go mataan! a Rkami so khawri, ago so paganay
92:14فَأَنذَرۡتُكُمۡ نَارًا تَلَظَّىٰ
Na piyakiiktiyaran Ko rkano so apoy a pkhadg
92:15لَا يَصۡلَىٰهَآ إِلَّا ٱلۡأَشۡقَى
Daa phakasold on a rowar ko marata i okor
92:16ٱلَّذِي كَذَّبَ وَتَوَلَّىٰ
A so tomiyaplis go tomiyalikhod
92:17وَسَيُجَنَّبُهَا ٱلۡأَتۡقَى
Na phakawatan on so miyananggila (sa dosa)
92:18ٱلَّذِي يُؤۡتِي مَالَهُۥ يَتَزَكَّىٰ
A so pphammgay ko tamok iyan, ka an masoti
92:19وَمَا لِأَحَدٍ عِندَهُۥ مِن نِّعۡمَةٍ تُجۡزَىٰٓ
Go kna a ba adn a rk o isa a taw a zisii rkaniyan a limo a mbalasan
92:20إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ
Ogaid na singanin ko kasosoat o Kadnan iyan a Maporo
92:21وَلَسَوۡفَ يَرۡضَىٰ
Na matatangkd a khasoat dn
Translation: Guro Alim Saromantang.