بِسۡمِ ٱللَّهِ ٱلرَّحۡمَٰنِ ٱلرَّحِيمِ
84:1إِذَا ٱلسَّمَآءُ ٱنشَقَّتۡ
जब आकाश छिया–छिया परिहाल्नेछ ।
84:2وَأَذِنَتۡ لِرَبِّهَا وَحُقَّتۡ
र आफ्नो पालनकर्ताको आदेशको पालना गर्नेछ र उसलाई पनि यही चाहियो ।
84:3وَإِذَا ٱلۡأَرۡضُ مُدَّتۡ
र जब धरतीलाई समतल पारिदिइनेछ ।
84:4وَأَلۡقَتۡ مَا فِيهَا وَتَخَلَّتۡ
र जे–जति त्यसमा छ, त्यसलाई बाहिर फ्याँकिदिनेछ र (बिल्कुलै) रित्तो भइहाल्नेछ ।
84:5وَأَذِنَتۡ لِرَبِّهَا وَحُقَّتۡ
र आफ्नो पालकर्ताको आदेश पालना गर्नेछ । र उसलाई उचित पनि यही छ ।
84:6يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحًا فَمُلَٰقِيهِ
हे मानिस ! तिमी आफ्नो पालनकर्तासित भेट्दासम्म प्रयास र अनेक काम गरेर उसित भेट गर्नेवाला छौ ।
84:7فَأَمَّا مَنۡ أُوتِيَ كِتَٰبَهُۥ بِيَمِينِهِۦ
अनि जुन सुकैलाई उसको कर्मपत्र उसको दाहिने हातमा दिइनेछ ।
84:8فَسَوۡفَ يُحَاسَبُ حِسَابًا يَسِيرًا
त ऊसित सरलताको साथ हिसाब लिइनेछ ।
84:9وَيَنقَلِبُ إِلَىٰٓ أَهۡلِهِۦ مَسۡرُورًا
र त्यो आफ्नो आफन्तहरूतिर खुशी भएर फर्कनेछ ।
84:10وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ
र त्यो व्यक्ति जसको कर्मपत्र उसको पिठ्युँको पछाडिबाट दिइनेछ ।
84:11فَسَوۡفَ يَدۡعُواْ ثُبُورًا
त त्यसले मृत्युलाई पुकार्ने छ ।
84:12وَيَصۡلَىٰ سَعِيرًا
र प्रज्वलित नर्कमा (दोजखमा) प्रवेश गर्नेछ ।
84:13إِنَّهُۥ كَانَ فِيٓ أَهۡلِهِۦ مَسۡرُورًا
त्यो मानिस आफ्नो आफन्तका मानिसहरूमा मग्न रहन्थ्यो ।
84:14إِنَّهُۥ ظَنَّ أَن لَّن يَحُورَ
र ठानी राख्थ्यो कि अल्लाहतिर फर्केर जानेछैन ।
84:15بَلَىٰٓۚ إِنَّ رَبَّهُۥ كَانَ بِهِۦ بَصِيرًا
हो, किन होइन ? यद्यपि उसको पालनकर्ताले उसलाई हेरिराखेको थियो ।
84:16فَلَآ أُقۡسِمُ بِٱلشَّفَقِ
मलाई कसम छ डुब्ने बेलाको प्रकाशको ।
84:17وَٱلَّيۡلِ وَمَا وَسَقَ
र रात्रीको कसम र उसद्वारा एकत्रित गरिएका वस्तुहरूको कसम ।
84:18وَٱلۡقَمَرِ إِذَا ٱتَّسَقَ
र चन्द्रको, जबकि त्यो पूर्ण भइहाल्छ ।
84:19لَتَرۡكَبُنَّ طَبَقًا عَن طَبَقٍ
कि तिमीले निश्चय नै एक अवस्थाबाट अर्को अवस्थासम्म पुग्नेछौ ।
84:20فَمَا لَهُمۡ لَا يُؤۡمِنُونَ
त उनीहरूलाई के भएको छ कि ईमान ल्याउँदैनन् ।
84:21وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ
र जब उनीहरूको अगाडि कुरआन पढिन्छ त ढोग (सिज्दा) गर्दैनन् ।
84:22بَلِ ٱلَّذِينَ كَفَرُواْ يُكَذِّبُونَ
बरु काफिरहरूले झुठ्लाउँछन् ।
84:23وَٱللَّهُ أَعۡلَمُ بِمَا يُوعُونَ
यिनीहरूले आफ्नो हृदयमा जुन कुरा लुकाउँछन्, त्यसलाई अल्लाह राम्ररी जान्दछ ।
84:24فَبَشِّرۡهُم بِعَذَابٍ أَلِيمٍ
तसर्थ उनीहरूलाई कष्टदायक यातनाको समाचार सुनाइदिनु ।
84:25إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ
हो, ईमानवालाहरू र असल कर्म गर्नेहरूको निम्ति असीमित र नसकिने पुरस्कार छ ।
Translation: Ahl Al Hadith Central Society Of Nepal.