بِسۡمِ ٱللَّهِ ٱلرَّحۡمَٰنِ ٱلرَّحِيمِ
92:1وَٱلَّيۡلِ إِذَا يَغۡشَىٰ
(Allāhu) búra pẹ̀lú alẹ́ nígbà tí (ilẹ̀) bá ṣú
92:2وَٱلنَّهَارِ إِذَا تَجَلَّىٰ
Ó tún búra pẹ̀lú ọ̀sán nígbà tí (ọ̀sán) bá pọ́n
92:3وَمَا خَلَقَ ٱلذَّكَرَ وَٱلۡأُنثَىٰٓ
Ó tún búra pẹ̀lú Ẹni tí Ó dá akọ àti abo
92:4إِنَّ سَعۡيَكُمۡ لَشَتَّىٰ
Dájúdájú iṣẹ́ yín, ọ̀tọ̀ọ̀tọ̀ ni
92:5فَأَمَّا مَنۡ أَعۡطَىٰ وَٱتَّقَىٰ
Ní ti ẹni tí ó bá tọrẹ, tí ó sì bẹ̀rù (Allāhu)
92:6وَصَدَّقَ بِٱلۡحُسۡنَىٰ
(tí) ó tún pe ẹ̀san rere ní òdodo
92:7فَسَنُيَسِّرُهُۥ لِلۡيُسۡرَىٰ
A sì máa ṣe iṣẹ́ rere ní ìrọ̀rùn fún un
92:8وَأَمَّا مَنۢ بَخِلَ وَٱسۡتَغۡنَىٰ
Ní ti ẹni tí ó bá yahun, tí ó sì rí ara rẹ̀ lẹ́ni t’ó rọrọ̀ tayọ ẹ̀san ọ̀run
92:9وَكَذَّبَ بِٱلۡحُسۡنَىٰ
(tí) ó tún pe ẹ̀san rere ní irọ́
92:10فَسَنُيَسِّرُهُۥ لِلۡعُسۡرَىٰ
A sì máa ṣe iṣẹ́ aburú ní ìrọ̀rùn fún un
92:11وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ
Dúkìá rẹ̀ kò sì níí rọ̀ ọ́ lọ́rọ̀ nígbà tí ó bá já bọ́ (sínú Iná)
92:12إِنَّ عَلَيۡنَا لَلۡهُدَىٰ
Dájúdájú tiWa ni (láti ṣàlàyé) ìmọ̀nà
92:13وَإِنَّ لَنَا لَلۡأٓخِرَةَ وَٱلۡأُولَىٰ
Àti pé dájúdájú tiWa ni ọ̀run àti ayé
92:14فَأَنذَرۡتُكُمۡ نَارًا تَلَظَّىٰ
Nítorí náà, Mo ti fi Iná eléjò fòfò kìlọ̀ fun yín
92:15لَا يَصۡلَىٰهَآ إِلَّا ٱلۡأَشۡقَى
Kò sí ẹni tí ó máa wọ inú rẹ̀ àfi olórí burúkú
92:16ٱلَّذِي كَذَّبَ وَتَوَلَّىٰ
ẹni tí ó pe òdodo nírọ́, tí ó sì kẹ̀yìn sí i
92:17وَسَيُجَنَّبُهَا ٱلۡأَتۡقَى
Wọ́n sì máa gbé (Iná) jìnnà sí olùbẹ̀rù (Allāhu)
92:18ٱلَّذِي يُؤۡتِي مَالَهُۥ يَتَزَكَّىٰ
ẹni t’ó ń fi dúkìá rẹ̀ tọrẹ, tí ó ń ṣàfọ̀mọ́ (rẹ̀)
92:19وَمَا لِأَحَدٍ عِندَهُۥ مِن نِّعۡمَةٍ تُجۡزَىٰٓ
Kò sì sí oore ìdẹ̀ra kan tí (ó ní lọ́kàn) láti gbà ní ẹ̀san ní ọ̀dọ̀ ẹnikẹ́ni
92:20إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ
bí kò ṣe pé láti fi wá ojú rere Olúwa rẹ̀, Ẹni Gíga jùlọ
92:21وَلَسَوۡفَ يَرۡضَىٰ
Láìpẹ́ ó sì máa yọ́nú (sí ẹ̀san rẹ̀)
Translation: Shaykh Abu Rahimah Mikael Aykyuni.