Surah 89 · 30 verses · Imaam Ismaaeel Ngqoyiyana
Surah Al-Fajr in Xhosa
بِسۡمِ ٱللَّهِ ٱلرَّحۡمَٰنِ ٱلرَّحِيمِ
هَلۡ فِي ذَٰلِكَ قَسَمٌ لِّذِي حِجۡرٍ
Ingaba kwezi (zifungo) zingentla apha akukho bungqina baneleyo na kubantu abanengqiqo (ukuba bashenxe kuzo zonke iintlobo zezono)
أَلَمۡ تَرَ كَيۡفَ فَعَلَ رَبُّكَ بِعَادٍ
Awubonanga na (Muhammad) ukuba iNkosi yakho Yenza njani na ngabantu bakwa’Ad
وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ
Kanti namaThamûd ayeqhekeza amatye entlanjeni (akhe imizi yawo)
فَصَبَّ عَلَيۡهِمۡ رَبُّكَ سَوۡطَ عَذَابٍ
Ngoko ke iNkosi yakho yathulula phezu kwabo iintlobo ngeentlobo zezohlwayo ezibuhlungu
فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ
Ke kaloku umntu, Ithi iNkosi yakhe Isakumvavanya ngokumnika intlonipheko nendyebo, asuke athi: (ngokuzigwagwisa): “INkosi yam Indinike intlonipheko.”
وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ
Kodwa Ithi Yakumvavanya ngokuthi Imnciphisele isixhaso sakhe, (aqale) athi: “INkosi yam Indincitshile.”
وَجَآءَ رَبُّكَ وَٱلۡمَلَكُ صَفًّا صَفًّا
NeNkosi yakho Ize neengelosi (zimi) ngokwemiqolo ngemiqolo
وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٍ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ
NesiHogo siya kuziswa kufutshane ngaloo Mini. Ngaloo Mini umntu uya kukhumbula, kodwa loo nkumbulo iya kumnceda ntoni
يَقُولُ يَٰلَيۡتَنِي قَدَّمۡتُ لِحَيَاتِي
Uya kuthi: “Kwowu! Akwaba ndandizenzele imisebenzi elungileyo kwangaphambili (ukusindisa) ubomi bam
فَيَوۡمَئِذٍ لَّا يُعَذِّبُ عَذَابَهُۥٓ أَحَدٌ
Ke kaloku ngaloo Mini akukho mntu uya kohlwaya ngohlobo Aya kohlwaya ngalo Yena (uAllâh)
وَلَا يُوثِقُ وَثَاقَهُۥٓ أَحَدٌ
Akukho mntu uya kuqamangela abenzi (bobubi ngohlobo) Aya kuqamangela ngalo Yena
يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ
(Kuya kuthiwa kumntu okholiweyo): “Wena ke mphefumlo osekuphumleni nasekwanelisekeni okupheleleyo
ٱرۡجِعِيٓ إِلَىٰ رَبِّكِ رَاضِيَةً مَّرۡضِيَّةً
Buyela eNkosini yakho ukholisekile, uYikholisile (naYo)
Translation: Imaam Ismaaeel Ngqoyiyana.