Surah 89 · 30 verses · Abdullah Muhammad Abu Bakr

Surah Al-Fajr in Swahili

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

89:1

وَٱلۡفَجۡرِ

Mwenyezi Mungu Anaapa kwa wakati wa alfajiri

89:2

وَلَيَالٍ عَشۡرٍ

na masiku kumi ya kwanza ya Mfungotatu na kwa kile kilichoyafanya yawe matukufu

89:3

وَٱلشَّفۡعِ وَٱلۡوَتۡرِ

kwa kila idadi igawanyikayo na isiyogawanyika

89:4

وَٱلَّيۡلِ إِذَا يَسۡرِ

kwa usiku upitapo na giza lake

89:5

هَلۡ فِي ذَٰلِكَ قَسَمٌ لِّذِي حِجۡرٍ

Kwani hakuna katika kiapo kiliyotajwa chenye kukinaisha kwa mwenye akili

89:6

أَلَمۡ تَرَ كَيۡفَ فَعَلَ رَبُّكَ بِعَادٍ

Huoni, ewe Mtume, vipi Mola wako

89:7

إِرَمَ ذَاتِ ٱلۡعِمَادِ

Alivyoiangamiza kaumu ya Ād'. kabila la Irama lenye nguvu na majengo yaliyoinuliwa juu ya vipia

89:8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ

ambalo hakukuumbwa mfano wake katika miji, kwa ukubwa wa miili na wingi wa nguvu

89:9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ

Na vipi Alivyowafanya Thamūd, kaumu ya Ṣāliḥ, ambao waliweza kuchonga jabali na kufanya nyumba ndani yake

89:10

وَفِرۡعَوۡنَ ذِي ٱلۡأَوۡتَادِ

Na vipi Alivyomfanya Firauni, mfalme wa Misri, aliyekuwa na askari waliouhami ufalme wake na kuutilia nguvu

89:11

ٱلَّذِينَ طَغَوۡاْ فِي ٱلۡبِلَٰدِ

Hawa ndio waliokitumia nguvu na kudhulumu mijini

89:12

فَأَكۡثَرُواْ فِيهَا ٱلۡفَسَادَ

Wakaeneza humo, kwa dhuluma zao, uharibifu

89:13

فَصَبَّ عَلَيۡهِمۡ رَبُّكَ سَوۡطَ عَذَابٍ

Mwenyezi Mungu Akawamiminia adhabu kali

89:14

إِنَّ رَبَّكَ لَبِٱلۡمِرۡصَادِ

Hakika Mola wako,ewe Mtume, Anamwangalia mwenye kumuasi kwa kumpa muhula kidogo, kisha Humpatiliza kwa uwezo na ushindi

89:15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ

Huyu binadamu, Mola wake Anapompa mtihani wa neema, Anapomkunjulia riziki yake na kumpa maisha mazuri, huwa akidhani kuwa hayo ni kwa kuwa yeye ana cheo kwa Mola wake na huwa akisema :»Mola wangu Amenitukuza.»

89:16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ

Na Anapomuonja na Akambania riziki yake, huwa akidhani kuwa hayo ni kwa kuwa yeye amefanywa mnyonge na Mwenyezi Mungu na huwa akisema: «Mola wangu Amenifanya mnyonge.»

89:17

كـَلَّاۖ بَل لَّا تُكۡرِمُونَ ٱلۡيَتِيمَ

Hali ya mambo si kama anavyodhania binadamu huyu, kwani mtu hutukuzwa kwa kumtii Mwenyzi Mungu na hufanywa mnyonge kwa kumuasi Mwenyezi Mungu. Na nyinyi hamwakirimu mayatima na kuwatendea wema

89:18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ

Wala hamhimizani kulisha maskini

89:19

وَتَأۡكُلُونَ ٱلتُّرَاثَ أَكۡلًا لَّمًّا

Na mnakula haki za watu, katika kurithi, kwa pupa

89:20

وَتُحِبُّونَ ٱلۡمَالَ حُبًّا جَمًّا

Na mnapenda mali kupita kiasi

89:21

كـَلَّآۖ إِذَا دُكَّتِ ٱلۡأَرۡضُ دَكًّا دَكًّا

Basi hali zenu zisiwe namna hiyo. Kumbukeni pindi ardhi itakapotikiswa na kuvunjwavunjwa

89:22

وَجَآءَ رَبُّكَ وَٱلۡمَلَكُ صَفًّا صَفًّا

Na Akaja Mola wako kutoa uamuzi kwa waja Wake hali Malaika wamepiga safu

89:23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٍ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ

Na ukaletwa, Siku Hiyo kubwa, moto wa Jahanamu. Hiyo ndiyo Siku kafiri atakumbuka na kutubia. Kutamfalia nini sasa kukumbuka kwake na kutubia, na yeye katika ulimwengu alikuwa ameyapuuza hayo, na wakati wake umekwisha kupita

89:24

يَقُولُ يَٰلَيۡتَنِي قَدَّمۡتُ لِحَيَاتِي

Atakuwa akisema: ‘Laiti mimi nilitanguliza ulimwenguni amali zenye kunifaa katika maisha yangu ya Akhera’

89:25

فَيَوۡمَئِذٍ لَّا يُعَذِّبُ عَذَابَهُۥٓ أَحَدٌ

Katika Siku Hiyo ngumu yenye vituko, hakuna atakaye kuweza kuadhibu kama adhabu ya Mwenyezi Mungu kwa anayemuasi

89:26

وَلَا يُوثِقُ وَثَاقَهُۥٓ أَحَدٌ

Na hakuna atakaye kuweza kufunga kama kifungo Chake wala kufikia hadi yake

89:27

يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ

Ewe nafsi iliyotulia kwa kumtaja Mwenyezi Mungu, kumwamini Yeye na kuamini starehe ya Pepo Aliyowaandalia waumini

89:28

ٱرۡجِعِيٓ إِلَىٰ رَبِّكِ رَاضِيَةً مَّرۡضِيَّةً

Rudi kwa Mola wako hali ya kuridhika na takrima ya Mwenyezi Mungu kwako na hali ya kuwa Mwenyezi Mungu Ameridhika na wewe

89:29

فَٱدۡخُلِي فِي عِبَٰدِي

Ingia miongoni mwa waja wa Mwenyezi Mungu walio wema

89:30

وَٱدۡخُلِي جَنَّتِي

na ingia kwenye Pepo yangu

Translation: Abdullah Muhammad Abu Bakr.