بِسۡمِ ٱللَّهِ ٱلرَّحۡمَٰنِ ٱلرَّحِيمِ
88:1هَلۡ أَتَىٰكَ حَدِيثُ ٱلۡغَٰشِيَةِ
তোমাৰ ওচৰত আচ্ছন্নকাৰী (কিয়ামতৰ) সংবাদ আহিছেনে
88:2وُجُوهٌ يَوۡمَئِذٍ خَٰشِعَةٌ
সেইদিনা কিছুমান মুখমণ্ডল হ’ব অৱনত
88:3عَامِلَةٌ نَّاصِبَةٌ
কৰ্মক্লান্ত, পৰিশ্ৰান্ত
88:4تَصۡلَىٰ نَارًا حَامِيَةً
সিহঁত প্ৰৱেশ কৰিব জ্বলন্ত জুইত
88:5تُسۡقَىٰ مِنۡ عَيۡنٍ ءَانِيَةٍ
উত্তপ্ত উতলা নিজৰাৰ পানী পান কৰিবলৈ দিয়া হ’ব
88:6لَّيۡسَ لَهُمۡ طَعَامٌ إِلَّا مِن ضَرِيعٍ
সিহঁতৰ বাবে কাঁইটবিশিষ্ট ঘাঁহৰ বাহিৰে আন কোনো খাদ্য নাথাকিব
88:7لَّا يُسۡمِنُ وَلَا يُغۡنِي مِن جُوعٍ
ই সিহঁতৰ পুষ্টিও সাধন নকৰিব আৰু ক্ষুধাও নিবৃত্ত নকৰিব।
88:8وُجُوهٌ يَوۡمَئِذٍ نَّاعِمَةٌ
আৰু সেইদিনা কিছুমান মুখমণ্ডল হ’ব আনন্দোজ্জ্বল
88:9لِّسَعۡيِهَا رَاضِيَةٌ
নিজ কৰ্মৰ সাফল্যত পৰিতৃপ্ত
88:10فِي جَنَّةٍ عَالِيَةٍ
সুউচ্চ জান্নাতত
88:11لَّا تَسۡمَعُ فِيهَا لَٰغِيَةً
তাত সিহঁতে কোনো অনৰ্থক কথা শুনিবলৈ নাপাব
88:12فِيهَا عَيۡنٌ جَارِيَةٌ
তাত থাকিব প্ৰবাহমান নিজৰা
88:13فِيهَا سُرُرٌ مَّرۡفُوعَةٌ
তাত থাকিব উন্নত শয্যাসমূহ
88:14وَأَكۡوَابٌ مَّوۡضُوعَةٌ
আৰু প্ৰস্তুত থাকিব পানপাত্ৰসমূহ
88:15وَنَمَارِقُ مَصۡفُوفَةٌ
আৰু শাৰী শাৰীকৈ ৰখা গাৰুসমূহ
88:16وَزَرَابِيُّ مَبۡثُوثَةٌ
আৰু বিস্তৃত পাৰি থোৱা দলিচাসমূহ
88:17أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ
ইহঁতে উটৰ পিনে দৃষ্টিপাত নকৰে নেকি, কেনেকৈ তাক সৃষ্টি কৰা হৈছে
88:18وَإِلَى ٱلسَّمَآءِ كَيۡفَ رُفِعَتۡ
আৰু আকাশৰ ফালে, কেনেকৈ তাক উৰ্দ্ধত স্থাপন কৰা হৈছে
88:19وَإِلَى ٱلۡجِبَالِ كَيۡفَ نُصِبَتۡ
আৰু পৰ্বতসমূহৰ ফালে, সেইবোৰ কেনেকৈ প্ৰতিষ্ঠিত কৰা হৈছে
88:20وَإِلَى ٱلۡأَرۡضِ كَيۡفَ سُطِحَتۡ
আৰু পৃথিৱীখনৰ ফালে, কিদৰে তাক বিস্তৃত কৰা হৈছে
88:21فَذَكِّرۡ إِنَّمَآ أَنتَ مُذَكِّرٌ
এতেকে তুমি উপদেশ দিয়া, তুমিতো কেৱল এজন উপদেশদাতা
88:22لَّسۡتَ عَلَيۡهِم بِمُصَيۡطِرٍ
তুমি সিহঁতৰ ওপৰত শক্তি প্ৰয়োগকাৰী নহয়।
88:23إِلَّا مَن تَوَلَّىٰ وَكَفَرَ
কিন্তু কোনোবাই মুখ ঘুৰাই ল’লে অথবা কুফৰী কৰিলে
88:24فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
তেন্তে আল্লাহে তাক মহাশাস্তি প্ৰদান কৰিব।
88:25إِنَّ إِلَيۡنَآ إِيَابَهُمۡ
নিশ্চয় আমাৰ ওচৰতেই সিহঁতৰ প্ৰত্যাৱৰ্তন।
88:26ثُمَّ إِنَّ عَلَيۡنَا حِسَابَهُم
আৰু সিহঁতৰ হিচাপ-নিকাচ আমাৰেই দায়িত্ব।
Translation: Shaykh Rafeequl Islam Habibur Rahman.