Surah 88 · 26 verses · Abdullatif Eduardo M. Arceo

Surah Al-Ghashiyah in Filipino

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

88:1

هَلۡ أَتَىٰكَ حَدِيثُ ٱلۡغَٰشِيَةِ

Nakarating na ba sa iyo ang balita ng kasindak- sindak na sandali (alalaong baga, ang Araw ng Muling Pagkabuhay)

88:2

وُجُوهٌ يَوۡمَئِذٍ خَٰشِعَةٌ

Sa Araw na yaon, ang maraming mukha ay magiging aba (alalaong baga, ang mukha ng mga Hudyo at Kristiyano, atbp)

88:3

عَامِلَةٌ نَّاصِبَةٌ

Na gumagawa (ng buong pagsisikap sa makamundong buhay sa pagsamba sa mga iba tangi pa kay Allah), na tigib ng sakit at napapagal (sa Kabilang Buhay dahilan sa pagkadusta at kahihiyan)

88:4

تَصۡلَىٰ نَارًا حَامِيَةً

Sila ay magsisipasok sa Naglalagablab na Apoy

88:5

تُسۡقَىٰ مِنۡ عَيۡنٍ ءَانِيَةٍ

Sila ay dudulutan ng inumin mula sa kumukulong batis

88:6

لَّيۡسَ لَهُمۡ طَعَامٌ إِلَّا مِن ضَرِيعٍ

At walang anumang pagkain dito para sa kanila maliban sa mapait at matinik na bungangkahoy at halaman

88:7

لَّا يُسۡمِنُ وَلَا يُغۡنِي مِن جُوعٍ

Na hindi makakapagbigay lakas o kabusugan sa kanila at makakapawi ng gutom

88:8

وُجُوهٌ يَوۡمَئِذٍ نَّاعِمَةٌ

Sa Araw na ito, ang ibang mukha ay magagalak

88:9

لِّسَعۡيِهَا رَاضِيَةٌ

Na nasisiyahan sa kanilang pinagsikapan (sa mabubuting gawa na kanilang ginawa sa mundong ito, kasama na ang Tunay na Pananalig sa Kaisahan ni Allah at sa Islam)

88:10

فِي جَنَّةٍ عَالِيَةٍ

Sa mataas na Halamanan (Paraiso)

88:11

لَّا تَسۡمَعُ فِيهَا لَٰغِيَةً

Na rito ay hindi nila mapapakinggan ang masamang usapan at kabulaanan

88:12

فِيهَا عَيۡنٌ جَارِيَةٌ

Na rito ay may dumadaloy na batis

88:13

فِيهَا سُرُرٌ مَّرۡفُوعَةٌ

Na rito ay may Luklukan ng Karangalan na nakataas

88:14

وَأَكۡوَابٌ مَّوۡضُوعَةٌ

At mga kopita na laging laan

88:15

وَنَمَارِقُ مَصۡفُوفَةٌ

At mga diban na nakasalansan

88:16

وَزَرَابِيُّ مَبۡثُوثَةٌ

At mga ginintuang alpombra (karpeta) na nakalatag

88:17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Hindi baga nila isinasaalang-alang ang kamelyo kung paano sila nilikha

88:18

وَإِلَى ٱلسَّمَآءِ كَيۡفَ رُفِعَتۡ

At ang langit kung paano yaon itinaas

88:19

وَإِلَى ٱلۡجِبَالِ كَيۡفَ نُصِبَتۡ

At ang kabundukan kung paano ito nilagyan ng ugat at itinayo nang matatag

88:20

وَإِلَى ٱلۡأَرۡضِ كَيۡفَ سُطِحَتۡ

At ang kalupaan kung paano ito inilatag nang malawak

88:21

فَذَكِّرۡ إِنَّمَآ أَنتَ مُذَكِّرٌ

Kaya’t paalalahanan mo sila (o Muhammad), ikaw ay isa lamang tagapagpaala-ala

88:22

لَّسۡتَ عَلَيۡهِم بِمُصَيۡطِرٍ

Ikaw ay walang pananagutan na pamahalaan ang kanilang pamumuhay

88:23

إِلَّا مَن تَوَلَّىٰ وَكَفَرَ

Datapuwa’t kung sinuman ang tumalikod at hindi sumampalataya (kay Allah) at walang pananalig

88:24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Kung gayon, si Allah ang magpaparusa sa kanya ng kasakit-sakit na Kaparusahan

88:25

إِنَّ إِلَيۡنَآ إِيَابَهُمۡ

Katotohanang sa Amin ang kanilang hantungan

88:26

ثُمَّ إِنَّ عَلَيۡنَا حِسَابَهُم

At katotohanang Kami ang nakakapangyari upang tawagin sila sa Pagsusulit

Translation: Abdullatif Eduardo M. Arceo.