بِسۡمِ ٱللَّهِ ٱلرَّحۡمَٰنِ ٱلرَّحِيمِ
88:1هَلۡ أَتَىٰكَ حَدِيثُ ٱلۡغَٰشِيَةِ
హఠాత్తుగా ఆసన్నమయ్యే ఆ విపత్తు (పునరుత్థాన దినపు) సమాచారం నీకు అందిందా
88:2وُجُوهٌ يَوۡمَئِذٍ خَٰشِعَةٌ
కొన్ని ముఖాలు ఆ రోజు వాలి (క్రుంగి) పోయి ఉంటాయి
88:3عَامِلَةٌ نَّاصِبَةٌ
(ప్రపంచంలోని వృథా) శ్రమకు, (పరలోకంలో జరిగే) అవమానానికి
88:4تَصۡلَىٰ نَارًا حَامِيَةً
వారు దహించే అగ్నిలో పడి కాలుతారు
88:5تُسۡقَىٰ مِنۡ عَيۡنٍ ءَانِيَةٍ
వారికి సలసల కాగే చెలమ నీరు త్రాగటానికి ఇవ్వబడుతుంది
88:6لَّيۡسَ لَهُمۡ طَعَامٌ إِلَّا مِن ضَرِيعٍ
వారికి చేదు ముళ్ళగడ్డ (దరీఅ) తప్ప మరొక ఆహారం ఉండదు
88:7لَّا يُسۡمِنُ وَلَا يُغۡنِي مِن جُوعٍ
అది వారికి బలమూ నియ్యదు మరియు ఆకలీ తీర్చదు
88:8وُجُوهٌ يَوۡمَئِذٍ نَّاعِمَةٌ
ఆ రోజున, మరికొన్ని ముఖాలు కళకళలాడుతూ ఉంటాయి
88:9لِّسَعۡيِهَا رَاضِيَةٌ
తాము చేసుకున్న సత్కార్యాలకు (ఫలితాలకు) వారు సంతోషపడుతూ ఉంటారు
88:10فِي جَنَّةٍ عَالِيَةٍ
అత్యున్నతమైన స్వర్గవనంలో
88:11لَّا تَسۡمَعُ فِيهَا لَٰغِيَةً
అందులో వారు ఎలాంటి వృథా మాటలు వినరు
88:12فِيهَا عَيۡنٌ جَارِيَةٌ
అందులో ప్రవహించే సెలయేళ్ళు ఉంటాయి
88:13فِيهَا سُرُرٌ مَّرۡفُوعَةٌ
అందులో ఎత్తైన ఆసనాలు ఉంటాయి
88:14وَأَكۡوَابٌ مَّوۡضُوعَةٌ
మరియు పేర్చబడిన (మధు) పాత్రలు
88:15وَنَمَارِقُ مَصۡفُوفَةٌ
మరియు వరుసలుగా వేయబడిన, దిండ్లు
88:16وَزَرَابِيُّ مَبۡثُوثَةٌ
మరియు పరచబడిన నాణ్యమైన తివాచీలు
88:17أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ
ఏమిటీ? వారు ఒంటెల వైపు చూడరా? అవి ఎలా సృష్టించబడ్డాయో
88:18وَإِلَى ٱلسَّمَآءِ كَيۡفَ رُفِعَتۡ
మరియు ఆకాశం వైపుకు (చూడరా)? అది ఎలా పైకి ఎత్తబడి ఉందో
88:19وَإِلَى ٱلۡجِبَالِ كَيۡفَ نُصِبَتۡ
మరియు కొండల వైపుకు చూడరా?అవి ఎలా గట్టిగా నాటబడి ఉన్నాయో
88:20وَإِلَى ٱلۡأَرۡضِ كَيۡفَ سُطِحَتۡ
మరియు భూమి వైపుకు (చూడరా)? అది ఎలా విశాలంగా పరచబడి ఉందో
88:21فَذَكِّرۡ إِنَّمَآ أَنتَ مُذَكِّرٌ
కావున (ఓ ముహమ్మద్!) నీవు హితోపదేశం చేస్తూ ఉండు, వాస్తవానికి నీవు కేవలం హితోపదేశం చేసే వాడవు మాత్రమే
88:22لَّسۡتَ عَلَيۡهِم بِمُصَيۡطِرٍ
నీవు వారిని (విశ్వసించమని) బలవంతం చేసేవాడవు కావు
88:23إِلَّا مَن تَوَلَّىٰ وَكَفَرَ
ఇక, ఎవడైతే వెనుదిరుగుతాడో మరియు సత్యాన్ని తిరస్కరిస్తాడో
88:24فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
అప్పుడు అతనికి అల్లాహ్ ఘోరశిక్ష విధిస్తాడు
88:25إِنَّ إِلَيۡنَآ إِيَابَهُمۡ
నిశ్చయంగా, మా వైపునకే వారి మరలింపు ఉంది
88:26ثُمَّ إِنَّ عَلَيۡنَا حِسَابَهُم
ఆ తర్వాత నిశ్చయంగా, వారి లెక్క తీసుకునేదీ మేమే
Translation: Abdul Raheem Mohammad Moulana.