Surah 75 · 40 verses · Tgk. H. Mahjiddin Jusuf
Surah Al-Qiyamah in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
لَآ أُقۡسِمُ بِيَوۡمِ ٱلۡقِيَٰمَةِ
Ulon meusumpah lon ngon uroe nyan Kiamat yoh nyan hebat sileupah
وَلَآ أُقۡسِمُ بِٱلنَّفۡسِ ٱللَّوَّامَةِ
Ulon meusumpah ngon napsu nyang got Meunyo hana got jikheun nyan salah
أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ
Peue nyang jisangka le manusia Hana kuasa kamoe that leupah Tuleung jih han ek Kamoe peusapat
بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ
Nyang leubeh lom brat ek Kamoe ulah Ujong jaroe jih ek meupeusaban
بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ
Teutapi insan napsu keu salah Napsu jimaksiet hana jipiyoh
يَسۡـَٔلُ أَيَّانَ يَوۡمُ ٱلۡقِيَٰمَةِ
Jikheun pajan troh peue nyang tapeugah Uroe kiamat pajan troh teuka
يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ
Watee nyan meuhat seungap dum babah Nyang na jeuet jikheun ho takeumeung pluen; Gata nyoe bandum cit ka Iheuh salah
يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ
Geubri thee bandum bak manusia Uroe nyan teuma dumpeue geupeugah Nyang ka jipubuet got goh jipubuet
بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٌ
Atra nyan nyang buet droe jieu sudah Droejih keu saksi sit deuh jikalon
لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ
Bek tagrak dilee nyan lidah gata Takeumeung baca bagah that leupah
كـَلَّا بَلۡ تُحِبُّونَ ٱلۡعَاجِلَةَ
Tapi gata dum laen that ulah Galak teuh that-that keu seunang donya
تَظُنُّ أَن يُفۡعَلَ بِهَا فَاقِرَةٌ
Akan geutuntut yakin jih sudah Meuhajat that jih jikeumeung gisa
كـَلَّآ إِذَا بَلَغَتِ ٱلتَّرَاقِيَ
Tapi nyawong ka bak uram lidah Meu ka troh nyawong keunan bak reukueng
وَٱلۡتَفَّتِ ٱلسَّاقُ بِٱلسَّاقِ
Hana jalan le soe keumeung peuglah Beuteh ngon beuteh meutindeh lapeh
فَلَا صَدَّقَ وَلَا صَلَّىٰ
Yoh dilee sulet jikheun keu nabi Sembahyang lagi di jih jikeubah Hana tom di jih pubuet seumbahyang
ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ
Keudeh bak kawom jiwoe le bagah Mbong ngon teukabo jigiduek guda
أَيَحۡسَبُ ٱلۡإِنسَٰنُ أَن يُتۡرَكَ سُدًى
Di manusia sangka jih salah Jisangka di jih geukeubah meunan Bah jih lagee nyan hana phaedah
أَلَمۡ يَكُ نُطۡفَةً مِّن مَّنِيٍّ يُمۡنَىٰ
Kon jeuet jih dilee bak ie sititek Mani sititek bak asaliyah
ثُمَّ كَانَ عَلَقَةً فَخَلَقَ فَسَوَّىٰ
Teuma jeuet treuk jih darah sigumpai ‘Oh ka meuakai ka le peue peugah Lheuh Neupeujeut jih ka Neuseumpurna
فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ
Sipasang teuma jih jeut dua blah Neupeujeut jih nyan agam ngon inong
أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ
Kon that meukeunong peuneujuet Allah f Ureueng nyang mate ek Neupeuudep Watee Neubangket leubeh lom mudah
Translation: Tgk. H. Mahjiddin Jusuf.