بِسۡمِ ٱللَّهِ ٱلرَّحۡمَٰنِ ٱلرَّحِيمِ
75:1لَآ أُقۡسِمُ بِيَوۡمِ ٱلۡقِيَٰمَةِ
ߒ ߧߋ߫ ߒ ߞߊ߬ߟߌ߬ ߟߊ߫ ߟߐ߬ߓߊ ߟߏ߲ ߠߊ߫ ߟߋ߬
75:2وَلَآ أُقۡسِمُ بِٱلنَّفۡسِ ٱللَّوَّامَةِ
ߊ߬ ߣߌ߫ ߒ ߧߋ߫ ߒ ߞߊ߬ߟߌ߬ ߟߊ߫ ߣߌ߫ ߖߙߊ߬ߞߟߌ߬ߟߊ߬ߓߊ ߟߊ߫ ߟߋ߬
75:3أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ
ߤߋ߯ߋ߰ ߡߐ߱ ߦߴߊ߬ ߓߛߌ߬ߞߌ߬ ߟߊ߫ ߟߋ߫ ߓߊ߬ ߞߏ߫ ߒ߬ ߕߍߣߵߊ߬ ߞߟߏ ߟߎ߬ ߟߊߘߍ߬ ߟߊ߫؟
75:4بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ
ߔߙߏ߫ ߸ ߒ߬ߠߎ߫ ߖߍ߬ߘߍ ߛߋߣߍ߲߫ ߓߴߊ߬ ߡߍ߲ߛߍ߲ ߠߎ߬ ߟߊߞߢߊ߫ ߟߊ߫
75:5بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ
ߋ߬ߋ߬ߋ߯ ߸ ߡߐ߱ ߢߝߍߟߊ ߟߋ߬ ߕߌߢߍ߫ ߟߐ߮ ߦߴߊ߬ ߟߊ߫ ( ߟߐ߬ߓߊ߬ߞߏ ߡߊߛߐ߬ߛߐ ߘߌ߫) ߓߏ߬
75:6يَسۡـَٔلُ أَيَّانَ يَوۡمُ ٱلۡقِيَٰمَةِ
ߊ߰ ߢߌ߬ߣߌ߲߬ߞߊ߬ߟߌ ߞߍ߫ ߟߊ߫ ( ߏ߬ ߟߋ ߘߐ߫ ) ߸ ߞߏ߫ ߟߐ߬ߓߊ ߦߋ߫ ߕߎ߬ߡߊ ߢߌ߬ߡߊ߲߬ ߘߌ߫؟
75:7فَإِذَا بَرِقَ ٱلۡبَصَرُ
ߒ߬ߓߊ߬ ߣߌ߫ ߢߊ ߟߎ߬ ߘߐߡߊ߰ߡߊ߰ ߘߊ߫ ( ߛߌߟߊ߲ ߓߟߏ߫ ߕߎ߬ߡߊ ߡߍ߲)
75:8وَخَسَفَ ٱلۡقَمَرُ
ߞߊ߬ ߞߊߙߏ ( ߢߊ ) ߓߎߘߎ߲ߛߊ߫
75:9وَجُمِعَ ٱلشَّمۡسُ وَٱلۡقَمَرُ
ߞߊ߬ ߕߋ߬ߟߋ ߣߌ߫ ߞߊߙߏ ߟߊߘߍ߬ ( ߓߐ߫ ߦߙߐ߫ ߞߋߟߋ߲߫ ߠߊ߫)
75:10يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ
ߡߐ߱ ߘߴߊ߬ ߝߐ߫ ߏ߬ ߟߏ߲ ߞߏ߫ ߓߏ߬ߙߌ߬ ߦߙߐ ߦߋ߫ ߡߌ߲߫؟
75:11كـَلَّا لَا وَزَرَ
ߍ߲߬ߍ߲߫ ߸ ߞߎ߲߬ߞߊ߬ߙߌ߬ߝߊ߬ ߦߙߐ߫ ߖߘߍ߬ ߕߍ߫ ( ߡߍ߲ ߘߌ߫ ߡߊߜߍ߲߫)
75:12إِلَىٰ رَبِّكَ يَوۡمَئِذٍ ٱلۡمُسۡتَقَرُّ
ߡߊ߬ߞߍ߬ ߦߌߟߊ ߦߴߌ ߡߊ߰ߙߌ ( ߘߐߙߐ߲߫ ) ߠߋ߫ ߕߍ߬ߟߊ ߘߐ߫ ߏ߬ ߟߏ߲
75:13يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ
ߡߐ߱ ߗߋߥߊߟߌ ߢߍߕߊ ߣߴߊ߬ ߞߐߟߕߊ ߟߎ߬ ߘߌ߫ ߟߊߓߐ߫ ߊ߬ ߡߊ߬ ߏ߬ ߟߏ߲
75:14بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٌ
ߍ߲߬ߍ߲߫ (ߤߊߟߌ߬ ߣߴߏ߬ ߕߍ߫) ߡߐ߱ ߦߴߊ߬ ߖߘߍ߬ ߟߊߛߊ߬ߓߊ߯ ߟߋ߬ ߘߌ߫ ( ߊ߬ ߞߍߕߊ ߟߎ߬ ߘߐ߫)
75:15وَلَوۡ أَلۡقَىٰ مَعَاذِيرَهُۥ
ߤߟߴߊ߬ ߞߵߊ߬ ߟߐ߬ߦߙߌ ߟߎ߬ ߝߏ߬ߦߌ߫ ߟߋ߬
75:16لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ
ߌ ߞߴߌ ߣߍ߲߭ ߠߊߓߙߊ߬ߞߊ߬ߓߙߊߞߊ߫‹ ߘߐ߬ߛߊߙߌ› ߟߊ߫ ߞߌߢߍ ߡߵߊ߬ ߟߊ߫ ߘߋ߬
75:17إِنَّ عَلَيۡنَا جَمۡعَهُۥ وَقُرۡءَانَهُۥ
ߓߊߏ߬ ߊ߬ ߟߊߘߍ߭ ߒ߬ߠߎ߫ ߟߋ߫ ߡߊ߬߸ ߊ߬ ߣߴߊ߬ ߞߊ߬ߙߊ߲ ߓߍ߯
75:18فَإِذَا قَرَأۡنَٰهُ فَٱتَّبِعۡ قُرۡءَانَهُۥ
ߒ߬ߓߵߊ߲ ߓߊ߯ ߞߴߊ߬ ߝߐ߫ ߟߊ ( ߌ ߦߋ߫ ) ߸ ߌ ߦߴߊ߬ ߝߐߟߌ ߣߐ߬ߡߌ߬ߣߊ߬ ( ߒ߬ ߞߐ߫)
75:19ثُمَّ إِنَّ عَلَيۡنَا بَيَانَهُۥ
ߊ߬ ߘߐߞߣߍ ( ߌ ߡߊ߬߸ ߏ߬ ߦߋ߫ ) ߒ߬ߠߎ߫ ߟߋ߫ ߡߊ߬ ߏ߬ ߞߐ߫ ߛߊ߫
75:20كـَلَّا بَلۡ تُحِبُّونَ ٱلۡعَاجِلَةَ
ߋ߬ߋ߬ߋ߯߹ ߊߟߎ߫ ߦߋ߫ ߞߌߢߍ߲߫ ߠߋ߬ ߘߐߙߐ߲߫ ߝߍ߬ ߞߟߋ߫
75:21وَتَذَرُونَ ٱلۡأٓخِرَةَ
ߞߊ߬ ߞߐߟߊ߫ ߕߏ߫ ߦߋ߲߬ (ߣߊߟߌ߬ߡߎ߲߫ ߛߎ߬ߟߊ߫ ߘߌ߫)
75:22وُجُوهٌ يَوۡمَئِذٍ نَّاضِرَةٌ
ߢߘߊ ߘߏ߫ ߟߎ߫ ߡߊߣߍߡߊߣߍ߲߫ ߏ߬ ߟߏ߲
75:23إِلَىٰ رَبِّهَا نَاظِرَةٌ
ߊ߬ߟߎ߬ ߦߴߊ߬ߟߎ߫ ߡߊ߰ߙߌ ߡߊߝߟߍ ߞߊ߲߬
75:24وَوُجُوهٌ يَوۡمَئِذِۭ بَاسِرَةٌ
ߢߘߊ ߘߏ߫ ߟߎ߫ ߝߣߊ߫ ߛߌ߲߬ߛߌ߲߬ߣߍ߲߫ ߏ߬ ߟߏ߲
75:25تَظُنُّ أَن يُفۡعَلَ بِهَا فَاقِرَةٌ
ߏ߬ ߟߎ߬ ߦߴߊ߬ ߖߌ߰ ߟߊ߫ ߞߏ߫ ߞߐߣߍ߯ߙߋ߲߫ ߘߖߐߞߏ ߟߋ߬ ߞߍߕߐ߫ ߊ߬ߟߎ߬ ߟߊ߫
75:26كـَلَّآ إِذَا بَلَغَتِ ٱلتَّرَاقِيَ
ߤߊ߯ߟߌ߫ ߸ ߣߌ߫ ߣߌ ߛߋ߫ ߘߊ߫ ߞߊ߲ߥߐߙߐ߲ߞߐ߲ߕߐ߲ ߠߎ߬ ߘߐ߫ ߕߎ߬ߡߊ ߡߍ߲
75:27وَقِيلَ مَنۡۜ رَاقٍ
ߘߏ߫ ߦߴߊ߬ ߝߐ߫ ( ߞߎ߲߬ߠߊ߬ߛߌ߰ߓߊ߮ ߕߐ߬ߡߊ ߟߎ߬ ߦߋ߫ ) ߞߏ߫ ߖߐ߲߫ ߘߴߊ߬ ߓߙߐ߫ ߥߍ߫؟
75:28وَظَنَّ أَنَّهُ ٱلۡفِرَاقُ
ߊ߬ ߓߘߴߊ߬ ߖߌ߰ ߛߊ߫ ߸ ߞߏ߫ ߝߘߊߟߌ ߟߋ߬ ( ߛߋߣߍ߲߫)
75:29وَٱلۡتَفَّتِ ٱلسَّاقُ بِٱلسَّاقِ
ߘߊ߬ߡߊ߲߬ߛߊ߫ ߸ ߜߍ߬ߟߍ߲ ߓߘߴߊ߬ ߡߙߐߡߙߐ߫ ߢߐ߲߮ ߡߊ߬
75:30إِلَىٰ رَبِّكَ يَوۡمَئِذٍ ٱلۡمَسَاقُ
ߓߍ߯ ߜߍ߲߬ߜߍ߲߬ߕߐ߫ ߏ߬ ߟߏ߲ ߠߋ߬ ߛߊ߫ ߞߊߕߙߍ߬ ߌ ߡߊ߰ߙߌ ߟߋ߫ ߡߊ߬
75:31فَلَا صَدَّقَ وَلَا صَلَّىٰ
ߊ߬ߟߋ ߘߏ߲߬ ߡߊ߫ ߟߊ߫ ( ߞߋߟߊ ߣߌ߫ ߘߐ߬ߛߊ߬ߙߌ߬ ) ߞߏ߫ ߟߊ߫߸ ߊ߬ ߖߘߍ߬ ߡߊ߫ ߛߊߟߌ߫ ߟߋ߬
75:32وَلَٰكِن كَذَّبَ وَتَوَلَّىٰ
ߞߏ߬ߣߵߊ߬ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߸ ߊ߬ ߣߌ߫ ߞߵߊ߬ ߞߐߘߏ߲߬
75:33ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ
ߊ߬ ߓߊ߲߫ ߘߊ߫ ߞߊ߬ ߥߴߊ߬ ߘߏ߲߬ߞߏ ߡߊ߬ ߊ߰ ߕߊ߬ߡߌ߲߬ ߠߴߊ߬ ߢߊ߲߬ߞߊ߲߬ ߠߊ߫
75:34أَوۡلَىٰ لَكَ فَأَوۡلَىٰ
ߌ ߕߏ ߊ߬ ߘߐ߫ ߏ߬ ߞߊ߫ ߞߊ߲߫߸ ߞߵߌ ߕߏ߫ ߊ߬ ߘߐ߫ ߞߊ߬ߣߌ߲߫
75:35ثُمَّ أَوۡلَىٰ لَكَ فَأَوۡلَىٰٓ
ߏ߬ ߞߐ߫ ߝߣߊ߫ ߸ ߌ ߕߏ ߊ߬ ߘߐ߫ ߏ߬ ߞߊ߫ ߞߊ߲߫߸ ߞߵߌ ߕߏ߫ ߊ߬ ߘߐ߫ ߞߊ߬ߣߌ߲߫
75:36أَيَحۡسَبُ ٱلۡإِنسَٰنُ أَن يُتۡرَكَ سُدًى
ߊ߰ ߡߐ߱ ߢߣߊ߫ ߟߋ߫ ߓߊ߬ ߞߏ߫ ߞߵߊ߬ ߕߏ߫ ߊ߬ ߖߘߍ߬ ߡߊ߬ ߕߋ߲߬ ߝߎ߫؟
75:37أَلَمۡ يَكُ نُطۡفَةً مِّن مَّنِيٍّ يُمۡنَىٰ
ߊ߬ ߝߐ߫ ߊ߬ߟߋ߫ ߕߎ߲߬ ߕߍ߫ ߖߌ߫ ߔߌߦߐߔߌߦߐ ߘߌ߫ ߛߖߌ߫ ߟߊߓߐ߲߬ߕߊ ߘߐ߫ ߘߍ߫؟
75:38ثُمَّ كَانَ عَلَقَةً فَخَلَقَ فَسَوَّىٰ
ߞߊ߬ ߞߍ߫ ߖߋ߬ߟߌ߬ ߛߌ߲ߓߌ ߘߴߏ߬ ߞߐ߫ ߸ ( ߊߟߊ߫ ) ߞߵߏ߬ ߟߋ ߘߊ߲߫ ߞߵߊ߬ ߟߊߞߢߊ߫
75:39فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ
ߊ߬ ߣߊ߬ ߘߊ߫ ߝߌ߬ߟߊ߬ߓߊ ߞߴߏ߬ ߘߐ߫ ߸ ߗߍ߬ߡߊ߲ ߣߌ߫ ߡߛߏ߬ߡߊ߲ ߞߊ߬ߣߌ߲߫
75:40أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ
ߦߊ߯ߟߊ߫ ߏ߬ ( ߟߎ߬ ) ߞߍߓߊ߮ ߕߴߛߋ߫ ߛߎ߭ ߟߎ߬ ߟߊߞߎߣߎ߲߫ ߠߊ߫ ߓߊ߬؟
Translation: Deen Muhammad.