Surah 52 · 49 verses · Unknown

Surah At-Tur in Kendayan

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

52:1

وَٱلطُّورِ

Demi gunung (sinnai)

52:2

وَكِتَٰبٍ مَّسۡطُورٍ

Man demi kitab nang ditulis

52:3

فِي رَقٍّ مَّنشُورٍ

Ka’ lamaratn nang tabuka

52:4

وَٱلۡبَيۡتِ ٱلۡمَعۡمُورِ

Demi bai’tul ma’mur (ka’bah)

52:5

وَٱلسَّقۡفِ ٱلۡمَرۡفُوعِ

Demi atap nang di tinggian (langit)

52:6

وَٱلۡبَحۡرِ ٱلۡمَسۡجُورِ

Demi lautan nang bagalombang

52:7

إِنَّ عَذَابَ رَبِّكَ لَوَٰقِعٌ

Sungguh siksa Tuhan nyu pasti tajadi

52:8

مَّا لَهُۥ مِن دَافِعٍ

Nana’ sasuatu pun nang bisa manolaknya

52:9

يَوۡمَ تَمُورُ ٱلسَّمَآءُ مَوۡرًا

Ka’ ari (katika) langit bagoncang sakaras- karasnya

52:10

وَتَسِيرُ ٱلۡجِبَالُ سَيۡرًا

Man gunung bajalatn (bapindah-pindah)

52:11

فَوَيۡلٌ يَوۡمَئِذٍ لِّلۡمُكَذِّبِينَ

Maka calakalah ka’ ari koa bagi urakng- urakng nang buat alok

52:12

ٱلَّذِينَ هُمۡ فِي خَوۡضٍ يَلۡعَبُونَ

Urakng-urakng nang bamain-main dalapm kabatilatn (pabuatan dosa)

52:13

يَوۡمَ يُدَعُّونَ إِلَىٰ نَارِ جَهَنَّمَ دَعًّا

Ka’ ari (waktu) koa iaka’koa dinyorong ka’ naraka jahanam mang sakuat-kuatnya

52:14

هَٰذِهِ ٱلنَّارُ ٱلَّتِي كُنتُم بِهَا تُكَذِّبُونَ

(Di kataatn ka’ iaka’koa), “Nian lah naraka nang de’e kita’ nustaatnnya

52:15

أَفَسِحۡرٌ هَٰذَآ أَمۡ أَنتُمۡ لَا تُبۡصِرُونَ

Maka ahe ke’ nian seher? Ato’ ke’ kita’ nana’ nele’

52:16

ٱصۡلَوۡهَا فَٱصۡبِرُوٓاْ أَوۡ لَا تَصۡبِرُواْ سَوَآءٌ عَلَيۡكُمۡۖ إِنَّمَا تُجۡزَوۡنَ مَا كُنتُمۡ تَعۡمَلُونَ

Tama’lah ka’ dalapmnya (rasaatnlah angat apinya) mao’ kita’ basabar ato’ nana’ sama ma’an ka’ kita’. Sasungguhnya kita’ ngge’ dimare’ balasatn atas ahe nang udah kita’ karajaatn

52:17

إِنَّ ٱلۡمُتَّقِينَ فِي جَنَّٰتٍ وَنَعِيمٍ

Sasungguhnya urakng-urakng nang batakwa ada ka’ dalapm saruga man kanyamanan

52:18

فَٰكِهِينَ بِمَآ ءَاتَىٰهُمۡ رَبُّهُمۡ وَوَقَىٰهُمۡ رَبُّهُمۡ عَذَابَ ٱلۡجَحِيمِ

Iaka’koa barepo-repo mang ahe nang dibare’atn Tuhan ka’ iaka’koa. Man Tuhan maliharanya ka’koa dari ajab naraka

52:19

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

(Di kutaatn ka’ iaka’koa), “Makatn man nyocoklah mang rasa nyaman sabage balasatn dari ahe nang udah kita’ karajaatn

52:20

مُتَّكِـِٔينَ عَلَىٰ سُرُرٍ مَّصۡفُوفَةٍۖ وَزَوَّجۡنَٰهُم بِحُورٍ عِينٍ

Iaka’koa basanar ka’ atas pane-pane nang tasusun man kami bare’atn ka’ iaka’koa pasangan Bidaddari nang bamata gagas

52:21

وَٱلَّذِينَ ءَامَنُواْ وَٱتَّبَعَتۡهُمۡ ذُرِّيَّتُهُم بِإِيمَٰنٍ أَلۡحَقۡنَا بِهِمۡ ذُرِّيَّتَهُمۡ وَمَآ أَلَتۡنَٰهُم مِّنۡ عَمَلِهِم مِّن شَيۡءٍۚ كُلُّ ٱمۡرِيِٕۭ بِمَا كَسَبَ رَهِينٌ

Man urakng—urakng nang baiman, mang anak ucu’nya ka’koa nang ngikutinya dalapm kaimanan, kami patamuan iaka’koa mang anak ucu’nya (ka’ dalapm saruga), man kami nana’ ngurangi’ saebetpun pahala amal (kabajikatn)nya ka’koa, satiap urakng taikat mang ahe nang ia karajaatn

52:22

وَأَمۡدَدۡنَٰهُم بِفَٰكِهَةٍ وَلَحۡمٍ مِّمَّا يَشۡتَهُونَ

Man kami barentatn ka’ iaka’koa tambahati barupa buah-buahatn man degeng dari sagala janis nang iaka’koa mao’

52:23

يَتَنَٰزَعُونَ فِيهَا كَأۡسًا لَّا لَغۡوٌ فِيهَا وَلَا تَأۡثِيمٌ

(Ka’ dalapm saruga koa) iaka’koa saling nguluatn galas nang isi’nya nana (nimbulatn) ucapatn nang nana’ bapa’edah ato pun pabuatatn dosa

52:24

وَيَطُوفُ عَلَيۡهِمۡ غِلۡمَانٌ لَّهُمۡ كَأَنَّهُمۡ لُؤۡلُؤٌ مَّكۡنُونٌ

Man ka’ sakitar nya ka’koa ada kamuda’- kamuda’ nang bakulilikng nto’ (ngalayani) nyaka’koa, sa’akan-akan iaka’koa mutiara nang tasimpan

52:25

وَأَقۡبَلَ بَعۡضُهُمۡ عَلَىٰ بَعۡضٍ يَتَسَآءَلُونَ

Man sabagiatn nya ka’koa ba adap-adapatn seko’ man nang lain salaing batagur

52:26

قَالُوٓاْ إِنَّا كُنَّا قَبۡلُ فِيٓ أَهۡلِنَا مُشۡفِقِينَ

Iaka’koa bakata, “sasungguhnya kami de’e, waktu ada ka’ tangah –tangah kaluarga kami marasa gali’ (ka’ ajaib)”

52:27

فَمَنَّ ٱللَّهُ عَلَيۡنَا وَوَقَىٰنَا عَذَابَ ٱلسَّمُومِ

Maka Allah marentatn ka’ kami karunia man malihara kami dari ajab naraka

52:28

إِنَّا كُنَّا مِن قَبۡلُ نَدۡعُوهُۖ إِنَّهُۥ هُوَ ٱلۡبَرُّ ٱلرَّحِيمُ

Sasungguhnya kami nyambah-Nya dari de’e, ialah nang maha ngalimpahatn kabaikatn, Maha Panyayang.”

52:29

فَذَكِّرۡ فَمَآ أَنتَ بِنِعۡمَتِ رَبِّكَ بِكَاهِنٍ وَلَا مَجۡنُونٍ

Maka paringatatnlah, karana mang nikmat Tuhannyu kao (Muhammad) buke’lah saurakng panyantet man buke’ uga’ urakng gila

52:30

أَمۡ يَقُولُونَ شَاعِرٌ نَّتَرَبَّصُ بِهِۦ رَيۡبَ ٱلۡمَنُونِ

Sampe iaka’koa bakata, “ia adalah saurakng panya’ir nang kami tunggu-tunggu cilaka nimpa’nya”

52:31

قُلۡ تَرَبَّصُواْ فَإِنِّي مَعَكُم مِّنَ ٱلۡمُتَرَبِّصِينَ

Kataatnlah (Muhammad), “tungguhlah! Sasungguhnya akupun tamasok urakng nang gi’ tagah nunggu barage kita’”

52:32

أَمۡ تَأۡمُرُهُمۡ أَحۡلَٰمُهُم بِهَٰذَآۚ أَمۡ هُمۡ قَوۡمٌ طَاغُونَ

Ahe ke’ iaka’koa diparentah dipikiran- pikirannya nto’ ngucapatn (tuduhatn- tuduhatn) nian ato ke’ iaka’koa kaum nang ngalampoi’ batas

52:33

أَمۡ يَقُولُونَ تَقَوَّلَهُۥۚ بَل لَّا يُؤۡمِنُونَ

Ato ke’ iaka’koa bakata, “ia (Muhammad) babuat alok,” nana’! iaka’koa nang nana’ baiman

52:34

فَلۡيَأۡتُواْ بِحَدِيثٍ مِّثۡلِهِۦٓ إِن كَانُواْ صَٰدِقِينَ

Maka cobalah iaka’koa muat nang sama nang Al-Quran kade’ iaka’koa urakng – urakng nang banar

52:35

أَمۡ خُلِقُواْ مِنۡ غَيۡرِ شَيۡءٍ أَمۡ هُمُ ٱلۡخَٰلِقُونَ

Ato ahe ke’ iaka’koa dinyiptaatn tanpa asal- usul ato’ ke’ iaka’koa nang nyiptaatn (diri’nya babaro)

52:36

أَمۡ خَلَقُواْ ٱلسَّمَٰوَٰتِ وَٱلۡأَرۡضَۚ بَل لَّا يُوقِنُونَ

Ato ke’ iaka’koa udah nyiptaatn langit man bumi? Sabanarnya iaka’koa nana’ ngayakini’ (ahe nang iaka’koa kataatn)

52:37

أَمۡ عِندَهُمۡ خَزَآئِنُ رَبِّكَ أَمۡ هُمُ ٱلۡمُصَۜيۡطِرُونَ

Ato’ ke’ ka’ isinya ka’koa ada bendahara Tuhannyu ato ke’ iaka’koa nang bakuasa

52:38

أَمۡ لَهُمۡ سُلَّمٌ يَسۡتَمِعُونَ فِيهِۖ فَلۡيَأۡتِ مُسۡتَمِعُهُم بِسُلۡطَٰنٍ مُّبِينٍ

Ato ahe ke’ iaka’koa ada tanga’ (ka’ langit) nto’ nangaratn (hal-hal nang gaib)? Maka cobalah urakng nang nangaratn ka’ antaranya ka’koa atakng ngincakng katarangan nang nyata

52:39

أَمۡ لَهُ ٱلۡبَنَٰتُ وَلَكُمُ ٱلۡبَنُونَ

Ato ke’ (pantas) nto’ Ia (Allah) anak nang bini sedakng nto’ kita’ anak nang laki

52:40

أَمۡ تَسۡـَٔلُهُمۡ أَجۡرًا فَهُم مِّن مَّغۡرَمٍ مُّثۡقَلُونَ

Ato ke’ kao (Muhammad) minta’ imbalatn ka’ iaka’koa sampe iaka’koa banitakng

52:41

أَمۡ عِندَهُمُ ٱلۡغَيۡبُ فَهُمۡ يَكۡتُبُونَ

Ato ke’ ka’ isinya ka’koa bapangatahuatn tantang nang gaib lalu iaka’koa nulisnya

52:42

أَمۡ يُرِيدُونَ كَيۡدًاۖ فَٱلَّذِينَ كَفَرُواْ هُمُ ٱلۡمَكِيدُونَ

Ato ke’ iaka’koa akan babuat tipu daya? Tapi, urakng-urakng nang kapir koa, justru nang kana tipu daya

52:43

أَمۡ لَهُمۡ إِلَٰهٌ غَيۡرُ ٱللَّهِۚ سُبۡحَٰنَ ٱللَّهِ عَمَّا يُشۡرِكُونَ

Ato ke’ iaka’koa batuhan salian Allah? Maha suci Allah dari ahe nang iaka’koa sakutuatn

52:44

وَإِن يَرَوۡاْ كِسۡفًا مِّنَ ٱلسَّمَآءِ سَاقِطًا يَقُولُواْ سَحَابٌ مَّرۡكُومٌ

Man kade’ iaka’koa nele’ gumpalatn- gumpalatn rahu’ bajantu’atn dari langit, iaka’koa bakata, “koa ialah rahu’ nang batumpuk-tumpuk”

52:45

فَذَرۡهُمۡ حَتَّىٰ يُلَٰقُواْ يَوۡمَهُمُ ٱلَّذِي فِيهِ يُصۡعَقُونَ

Maka biartnlah iaka’koa sampe iaka’koa namui’ ari (nang dijanjiatn ka’) iaka’koa, ka’ ari koa iaka’koa diminasaatn

52:46

يَوۡمَ لَا يُغۡنِي عَنۡهُمۡ كَيۡدُهُمۡ شَيۡـًٔا وَلَا هُمۡ يُنصَرُونَ

(Iakoa) ka’ ari (waktu) tipu dayanya nana’ banguna saebetn pun nto’nya ka’koa man iaka’koa nana’ akan di bare’ patolongatn

52:47

وَإِنَّ لِلَّذِينَ ظَلَمُواْ عَذَابًا دُونَ ذَٰلِكَ وَلَٰكِنَّ أَكۡثَرَهُمۡ لَا يَعۡلَمُونَ

Man sasungguhnya nto’ urakng-urakng nang jalim masih ada ajab salain koa. Tapi, kabanyakatn iaka’koa nana’ nau’an

52:48

وَٱصۡبِرۡ لِحُكۡمِ رَبِّكَ فَإِنَّكَ بِأَعۡيُنِنَاۖ وَسَبِّحۡ بِحَمۡدِ رَبِّكَ حِينَ تَقُومُ

Man basabarlah (Muhammad) nunggu katatapatn Tuhannyu, karana sasungguhnya kao ada ka’ dalapm pangawasatn kami, man batasbihlah mang muji Tuhannyu waktu kao lumpat tudur

52:49

وَمِنَ ٱلَّيۡلِ فَسَبِّحۡهُ وَإِدۡبَٰرَ ٱلنُّجُومِ

Man ka’ sabagiatn malam batasbihlah ka’-Ia man (uga’) ka’ waktu tingalapmnya bintakng-bintakng (waktu pajar)

Translation: Unknown.