بِسۡمِ ٱللَّهِ ٱلرَّحۡمَٰنِ ٱلرَّحِيمِ
75:1لَآ أُقۡسِمُ بِيَوۡمِ ٱلۡقِيَٰمَةِ
म कियामतको दिनको कसम खान्छु
75:2وَلَآ أُقۡسِمُ بِٱلنَّفۡسِ ٱللَّوَّامَةِ
र म कसम खान्छु त्यस नफ्सको (आत्मा) जो निन्दा गर्नेवाला हो ।
75:3أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ
के मानिसले यो ठान्दछ कि हामीले कदापि उसका हाडहरूलाई एकत्र गर्नेछैनौं
75:4بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ
अवश्य गर्नेछौं (र) हामी यस कुरामा सामथ्र्यवान छौं कि उसका औंलाका टुप्पाहरू दुरुस्त गरिदेऔं।
75:5بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ
(होइन) बरु मानिसले चाहन्छ कि आफ्नो अगाडि–अगाडि अवज्ञा गर्दै जाओस् ।
75:6يَسۡـَٔلُ أَيَّانَ يَوۡمُ ٱلۡقِيَٰمَةِ
सोध्छ कि कियामतको दिन कहिले आउँछ
75:7فَإِذَا بَرِقَ ٱلۡبَصَرُ
जब आँखाहरू तिर्मीराइहाल्नेछन् ।
75:8وَخَسَفَ ٱلۡقَمَرُ
र चन्द्र प्रकाशहीन भइहाल्नेछ ।
75:9وَجُمِعَ ٱلشَّمۡسُ وَٱلۡقَمَرُ
र सूर्य र चन्द्र एकत्रित गरिनेछन् ।
75:10يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ
त्यस दिन मानिसले भन्नेछ कि आज भागेर जाने ठाउँ कहाँ छ
75:11كـَلَّا لَا وَزَرَ
निःसन्देह कुनै शरणस्थल छैन ।
75:12إِلَىٰ رَبِّكَ يَوۡمَئِذٍ ٱلۡمُسۡتَقَرُّ
आज त तिम्रो पालनकर्तातिरै चैन पाइने ठाउँ छ ।
75:13يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ
मानिसहरूलाई आज त्यसले अगाडि बढाएको र पछाडि छाडेको कुराहरूसित अवगत गराइनेछ ।
75:14بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٌ
बरु मानिस स्वयं आफ्नो साक्षी छ ।
75:15وَلَوۡ أَلۡقَىٰ مَعَاذِيرَهُۥ
यद्यपि उसले जति क्षमायाचना गर्न खोजोस् ।
75:16لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ
र (हे मुहम्मद सल्लल्लाहो अलैहे वसल्लम !) कुरआनलाई छिटै कण्ठस्थ गर्न आफ्नो जिब्रो नचलाउनुस् ।
75:17إِنَّ عَلَيۡنَا جَمۡعَهُۥ وَقُرۡءَانَهُۥ
त्यसलाई एकत्रित गर्नु र उसलाई पठनीय बनाउनु हाम्रो जिम्मा छ ।
75:18فَإِذَا قَرَأۡنَٰهُ فَٱتَّبِعۡ قُرۡءَانَهُۥ
अतः जब हामीले त्यसलाई पढ्छौ तब तपाईले त्यस पढाईको अनुशरण गर्नुस् ।
75:19ثُمَّ إِنَّ عَلَيۡنَا بَيَانَهُۥ
अनि हाम्रो जिम्मामा छ उसको स्पष्टिकरण गर्नु ।
75:20كـَلَّا بَلۡ تُحِبُّونَ ٱلۡعَاجِلَةَ
होइन, होइन तिमी शीघ्र प्राप्त हुने कुरासित प्रेम गर्दछौ ।
75:21وَتَذَرُونَ ٱلۡأٓخِرَةَ
र आखिरतलाई (परलोकलाई) छोडिराखेका छौ
75:22وُجُوهٌ يَوۡمَئِذٍ نَّاضِرَةٌ
त्यस दिन धेरै अनुहारहरू प्रफुल्लित र गौरवान्वित हुनेछन्
75:23إِلَىٰ رَبِّهَا نَاظِرَةٌ
आफ्नो पालनकर्तातिर (साक्षत्कार प्राप्त गर्न) देखिराखेका हुनेछन् ।
75:24وَوُجُوهٌ يَوۡمَئِذِۭ بَاسِرَةٌ
र कैयन् अनुहारहरू त्यस दिन उदास हुनेछन् ।
75:25تَظُنُّ أَن يُفۡعَلَ بِهَا فَاقِرَةٌ
बुझ्नेछन् कि उनीहरूमाथि ठूलो विपदा आउनेवाला छ ।
75:26كـَلَّآ إِذَا بَلَغَتِ ٱلتَّرَاقِيَ
होइन–होइन जब प्राण कण्ठसम्म आइपुग्ने छ ।
75:27وَقِيلَ مَنۡۜ رَاقٍ
र भनिनेछः कि कोही झाडफूँक गर्नेवाला छ
75:28وَظَنَّ أَنَّهُ ٱلۡفِرَاقُ
र त्यसले जान्दछ कि अब सबैबाट विदाईको समय छ ।
75:29وَٱلۡتَفَّتِ ٱلسَّاقُ بِٱلسَّاقِ
र एउटा खुट्टा अर्को खुट्टासित जोडिनेछ ।
75:30إِلَىٰ رَبِّكَ يَوۡمَئِذٍ ٱلۡمَسَاقُ
आज तिमीले आफ्नो पालनकर्तातिर प्रस्थान गर्नुछ ।
75:31فَلَا صَدَّقَ وَلَا صَلَّىٰ
तर उसले नत सत्य मान्यो न नमाज पढ्यो ।
75:32وَلَٰكِن كَذَّبَ وَتَوَلَّىٰ
बरु झूठो ठहरायो र विमुख भयो ।
75:33ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ
अनि आफ्ना घरवालाहरूको पासमा घमण्ड गर्दै हिंडिहाल्यो ।
75:34أَوۡلَىٰ لَكَ فَأَوۡلَىٰ
अफशोच छ तिमीमाथि, झन् धिक्कार छ ।
75:35ثُمَّ أَوۡلَىٰ لَكَ فَأَوۡلَىٰٓ
धिक्कार छ र खराबी छ तिमीमाथि ।
75:36أَيَحۡسَبُ ٱلۡإِنسَٰنُ أَن يُتۡرَكَ سُدًى
के मानिसले यो ठान्दछ कि उसलाई यस्तै छाडिदिइनेछ
75:37أَلَمۡ يَكُ نُطۡفَةً مِّن مَّنِيٍّ يُمۡنَىٰ
के ऊ एउटा बाक्लो पानीको (वीर्यको) एक थोपा थिएन? जसलाई टपकाइएको थियो
75:38ثُمَّ كَانَ عَلَقَةً فَخَلَقَ فَسَوَّىٰ
फेरि ऊ रगतको डल्लो भयो, अनि अल्लाहले उसलाई पैदा गरी ठिकठाक गर्यो ।
75:39فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ
अनि उसका जोडाहरू बनायो, पुरुष र स्त्री ।
75:40أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ
त के उसलाई यस कुरामा सामथ्र्य छैन कि मृतकहरूलाई जीवित पारिहलोस् ।
Translation: Ahl Al Hadith Central Society Of Nepal.