بِسۡمِ ٱللَّهِ ٱلرَّحۡمَٰنِ ٱلرَّحِيمِ
83:1وَيۡلٌ لِّلۡمُطَفِّفِينَ
ناپ اور تول میں کمی کرنے والوں کے لیے خرابی ہے
83:2ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ
جو لوگوں سے ناپ کر لیں تو پورا لیں
83:3وَإِذَا كَالُوهُمۡ أَو وَّزَنُوهُمۡ يُخۡسِرُونَ
اور جب ان کو ناپ کر یا تول کر دیں تو کم کر دیں
83:4أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ
کیا یہ لوگ نہیں جانتے کہ اٹھائے بھی جائیں گے
83:5لِيَوۡمٍ عَظِيمٍ
(یعنی) ایک بڑے (سخت) دن میں
83:6يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ
جس دن (تمام) لوگ رب العالمین کے سامنے کھڑے ہوں گے
83:7كـَلَّآ إِنَّ كِتَٰبَ ٱلۡفُجَّارِ لَفِي سِجِّينٍ
سن رکھو کہ بدکارروں کے اعمال سجّین میں ہیں
83:8وَمَآ أَدۡرَىٰكَ مَا سِجِّينٌ
اور تم کیا جانتے ہوں کہ سجّین کیا چیز ہے؟
83:9كِتَٰبٌ مَّرۡقُومٌ
ایک دفتر ہے لکھا ہوا
83:10وَيۡلٌ يَوۡمَئِذٍ لِّلۡمُكَذِّبِينَ
اس دن جھٹلانے والوں کی خرابی ہے
83:11ٱلَّذِينَ يُكَذِّبُونَ بِيَوۡمِ ٱلدِّينِ
(یعنی) جو انصاف کے دن کو جھٹلاتے ہیں
83:12وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ
اور اس کو جھٹلاتا وہی ہے جو حد سے نکل جانے والا گنہگار ہے
83:13إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
جب اس کو ہماری آیتیں سنائی جاتی ہیں تو کہتا ہے کہ یہ تو اگلے لوگوں کے افسانے ہیں
83:14كـَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ
دیکھو یہ جو (اعمال بد) کرتے ہیں ان کا ان کے دلوں پر زنگ بیٹھ گیا ہے
83:15كـَلَّآ إِنَّهُمۡ عَن رَّبِّهِمۡ يَوۡمَئِذٍ لَّمَحۡجُوبُونَ
بےشک یہ لوگ اس روز اپنے پروردگار (کے دیدار) سے اوٹ میں ہوں گے
83:16ثُمَّ إِنَّهُمۡ لَصَالُواْ ٱلۡجَحِيمِ
پھر دوزخ میں جا داخل ہوں گے
83:17ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ
پھر ان سے کہا جائے گا کہ یہ وہی چیز ہے جس کو تم جھٹلاتے تھے
83:18كـَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ
(یہ بھی) سن رکھو کہ نیکوکاروں کے اعمال علیین میں ہیں
83:19وَمَآ أَدۡرَىٰكَ مَا عِلِّيُّونَ
اور تم کو کیا معلوم کہ علیین کیا چیز ہے؟
83:20كِتَٰبٌ مَّرۡقُومٌ
ایک دفتر ہے لکھا ہوا
83:21يَشۡهَدُهُ ٱلۡمُقَرَّبُونَ
جس کے پاس مقرب (فرشتے) حاضر رہتے ہیں
83:22إِنَّ ٱلۡأَبۡرَارَ لَفِي نَعِيمٍ
بےشک نیک لوگ چین میں ہوں گے
83:23عَلَى ٱلۡأَرَآئِكِ يَنظُرُونَ
تختوں پر بیٹھے ہوئے نظارے کریں گے
83:24تَعۡرِفُ فِي وُجُوهِهِمۡ نَضۡرَةَ ٱلنَّعِيمِ
تم ان کے چہروں ہی سے راحت کی تازگی معلوم کر لو گے
83:25يُسۡقَوۡنَ مِن رَّحِيقٍ مَّخۡتُومٍ
ان کو خالص شراب سربمہر پلائی جائے گی
83:26خِتَٰمُهُۥ مِسۡكٌۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ
جس کی مہر مشک کی ہو گی تو (نعمتوں کے) شائقین کو چاہیے کہ اسی سے رغبت کریں
83:27وَمِزَاجُهُۥ مِن تَسۡنِيمٍ
اور اس میں تسنیم (کے پانی) کی آمیزش ہو گی
83:28عَيۡنًا يَشۡرَبُ بِهَا ٱلۡمُقَرَّبُونَ
وہ ایک چشمہ ہے جس میں سے (خدا کے) مقرب پیئیں گے
83:29إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ
جو گنہگار (یعنی کفار) ہیں وہ (دنیا میں) مومنوں سے ہنسی کیا کرتے تھے
83:30وَإِذَا مَرُّواْ بِهِمۡ يَتَغَامَزُونَ
اور جب ان کے پاس سے گزرتے تو حقارت سے اشارے کرتے
83:31وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ
اور جب اپنے گھر کو لوٹتے تو اتراتے ہوئے لوٹتے
83:32وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ
اور جب ان (مومنوں) کو دیکھتے تو کہتے کہ یہ تو گمراہ ہیں
83:33وَمَآ أُرۡسِلُواْ عَلَيۡهِمۡ حَٰفِظِينَ
حالانکہ وہ ان پر نگراں بنا کر نہیں بھیجے گئے تھے
83:34فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ
تو آج مومن کافروں سے ہنسی کریں گے
83:35عَلَى ٱلۡأَرَآئِكِ يَنظُرُونَ
(اور) تختوں پر (بیٹھے ہوئے ان کا حال) دیکھ رہے ہوں گے
83:36هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ
تو کافروں کو ان کے عملوں کا (پورا پورا) بدلہ مل گیا
Translation: Fateh Muhammad Jalandhry.