Surah 83 · 36 verses · Imaam Ismaaeel Ngqoyiyana
Surah Al-Mutaffifin in Xhosa
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ
Abo bathi xa kufuneka befumene into kwabanye abantu, bafune umlinganiselo ozeleyo
وَإِذَا كَالُوهُمۡ أَو وَّزَنُوهُمۡ يُخۡسِرُونَ
Kodwa xa kufuneka ibe ngabo amabanike abanye abantu umlinganiselo onguwo, suke bona babanike omncinane kunofanelekileyo
أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ
Abacingi na ukuba baza kuphinda bavuswe (baxoxiswe)
يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ
UMhla abaya kuthi bonke abantu bame phambi kweNkosi yamazwe
كـَلَّآ إِنَّ كِتَٰبَ ٱلۡفُجَّارِ لَفِي سِجِّينٍ
Yeha inene, imibhalo yezenzo zabangcolileyo igcinwe kwi- Sijjîn
وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ
Akakho oyiphikayo ngaphandle komoni ogabadeleyo
إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
Lowo uthi xa efundelwa iziTyhilelo zeThu athi: “Ziintsomi zamandulo”
كـَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ
Nakanye! (Banongcoliseko) lomhlwa ezintliziyweni zabo ngenxa yezenzo zabo
كـَلَّآ إِنَّهُمۡ عَن رَّبِّهِمۡ يَوۡمَئِذٍ لَّمَحۡجُوبُونَ
Inene baya kusithwa bangayiboni iNkosi yabo ngaloo Mini
ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ
Yaye kuya kuthiwa (kubo): “Le yilaa (nyaniso) naniyiphika!”
كـَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ
Inene iiNcwadi zezenzo zamalungisa zigcinwe kwi- ‘Iliyyûn
عَلَى ٱلۡأَرَآئِكِ يَنظُرُونَ
Ehleli ezihlalweni eziphakamileyo, emana ukujonga-jonga, (ebukela ubuhle bezinto eziseMyezweni)
خِتَٰمُهُۥ مِسۡكٌۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ
Etywina layo liziziqholo zeMisk1: Nantsi ke into abanomnqweno abanokukhuphisana ngayo
وَمِزَاجُهُۥ مِن تَسۡنِيمٍ
Ixutywe namanzi omthombo weTasnîm. okwabo iya kuba ngumvuzo ongasokuze ube nasiphelo
إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ
Inene, aboni babedla ngokubahleka abo bakholwayo
وَإِذَا مَرُّواْ بِهِمۡ يَتَغَامَزُونَ
Ngalo lonke ixesha begqitha ecaleni kwabo (bakholwayo), baqobelane amehlo (begculela)
وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ
Bathi bakufika kumawabo benze intlekisa
وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ
Baze bathi lonke ixesha xa bebabona bathi: “Yabonani! Aba bantu balahlekile ngenene!”
وَمَآ أُرۡسِلُواْ عَلَيۡهِمۡ حَٰفِظِينَ
Ukanti babengathunywanga ukuba babe ngabalondolozi babo
فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ
Ngale Mini ngabakholwayo abaya kuba behleka abangakholwayayo
عَلَى ٱلۡأَرَآئِكِ يَنظُرُونَ
Behleli ezihlalweni (ezimfuma-mfuma), eziphakamileyo, bejonga-jonga
هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ
Abamelanga kubuyekezwa na abangakholwayo ngoko bakwenzayo
Translation: Imaam Ismaaeel Ngqoyiyana.