Surah 19 · 98 verses · Tgk. H. Mahjiddin Jusuf

Surah Maryam in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

19:1

كٓهيعٓصٓ

Kaf Ha Ya ‘Ain Shad Tuhan nyang teupeue meukeusud ayat Sabab Hadharat hana Neupeugah

19:2

ذِكۡرُ رَحۡمَتِ رَبِّكَ عَبۡدَهُۥ زَكَرِيَّآ

Rahmat Po gata keu sidroe hamba Neuh Zakaria nyan Neuneuk peugah

19:3

إِذۡ نَادَىٰ رَبَّهُۥ نِدَآءً خَفِيًّا

Youh geumeudoʻa ubak Po gopnyan Bak watee teunang gopnyan munajah

19:4

قَالَ رَبِّ إِنِّي وَهَنَ ٱلۡعَظۡمُ مِنِّي وَٱشۡتَعَلَ ٱلرَّأۡسُ شَيۡبًا وَلَمۡ أَكُنۢ بِدُعَآئِكَ رَبِّ شَقِيًّا

Geukheun Tuhanku leumoh tuleueng lon Ka puteh ok lon hana le hilah Hana daya le lon nyoe ka tuha Doa lon pinta beu mustajabah Hana tom Neubri lon putoeh asa

19:5

وَإِنِّي خِفۡتُ ٱلۡمَوَٰلِيَ مِن وَرَآءِي وَكَانَتِ ٱمۡرَأَتِي عَاقِرًا فَهَبۡ لِي مِن لَّدُنكَ وَلِيًّا

Teumakot hamba keu aneuk lidah Saleh pakri dom ‘oh meulikot lon Ureueng inong lon pih hana hilah Ka padum lama inong lon male Harap hana le ka putoeh sudah Neubri Tuhanku sidroe aneuknda

19:6

يَرِثُنِي وَيَرِثُ مِنۡ ءَالِ يَعۡقُوبَۖ وَٱجۡعَلۡهُ رَبِّ رَضِيًّا

Ji tueng pusaka bak lon nyang ayah Lom pih pusaka bak wareh Ya‘qob Neubri bek Neutop rahmat Neupeuhah Aneuk nyan bak nyo nyang Droe-Neuh rila

19:7

يَٰزَكَرِيَّآ إِنَّا نُبَشِّرُكَ بِغُلَٰمٍ ٱسۡمُهُۥ يَحۡيَىٰ لَمۡ نَجۡعَل لَّهُۥ مِن قَبۡلُ سَمِيًّا

Hai Zakaria Neukheun le Allah Kamoe peuseunang lam ate gata Aneuk teuh Yahya Kamoe hadiah Goh na baroekon ureueng nan Yahya Nyan keuh keu gata aneuk meutuah

19:8

قَالَ رَبِّ أَنَّىٰ يَكُونُ لِي غُلَٰمٌ وَكَانَتِ ٱمۡرَأَتِي عَاقِرًا وَقَدۡ بَلَغۡتُ مِنَ ٱلۡكِبَرِ عِتِيًّا

Geukheun Tuhanku pat aneuk keu lon Ureueng inong lon umu ka leupah Inong lon male ka leupah that trep Dilon pih ka sep umu rap reubah Umu lon jinoe leupah that tuha

19:9

قَالَ كَذَٰلِكَ قَالَ رَبُّكَ هُوَ عَلَيَّ هَيِّنٌ وَقَدۡ خَلَقۡتُكَ مِن قَبۡلُ وَلَمۡ تَكُ شَيۡـًٔا

Meunan keuh kada Neukheun le Allah Po gata Neukheun gata bek apon Atra nyan bak Lon leupah that mudah Youh masa dilee Lon peujeuet gata Sapeue pih hana jeuet laju bagah

19:10

قَالَ رَبِّ ٱجۡعَل لِّيٓ ءَايَةًۖ قَالَ ءَايَتُكَ أَلَّا تُكَلِّمَ ٱلنَّاسَ ثَلَٰثَ لَيَالٍ سَوِيًّا

Geukheun Tuhanku Neubri keu tanda Kalon (nyoe tanda) Neukheun le Allah Tanda keu gata hana ta marit Lhee malam keubit ta gampet babah

19:11

فَخَرَجَ عَلَىٰ قَوۡمِهِۦ مِنَ ٱلۡمِحۡرَابِ فَأَوۡحَىٰٓ إِلَيۡهِمۡ أَن سَبِّحُواْ بُكۡرَةً وَعَشِيًّا

Beudoh bak Mihrab teuma geuteubiet Hana geumarit meu peue geupeugah Geubri icharat mantong bak kaom Geuh geuyue junjong perintah Allah Ta kheun teuseubeh beungoh ngon seupot Dumpeue taturot bek sagai bantah

19:12

يَٰيَحۡيَىٰ خُذِ ٱلۡكِتَٰبَ بِقُوَّةٍۖ وَءَاتَيۡنَٰهُ ٱلۡحُكۡمَ صَبِيًّا

Hai Yahya tacok kitab nyan beu that Meurunoe leugat beuna ngon salah Hikmah Kamoe bri teuma keu gopnyan Youh mantong gopnyan ubeut that leupah

19:13

وَحَنَانًا مِّن لَّدُنَّا وَزَكَوٰةًۖ وَكَانَ تَقِيًّا

Lom gaseh sayang meubri bak Kamoe Geupeugleh that droe taqwa keu Allah

19:14

وَبَرَّۢا بِوَٰلِدَيۡهِ وَلَمۡ يَكُن جَبَّارًا عَصِيًّا

Keu ma ku gopnyan pih that geujunjong Hana sagai mbong sabe meurendah

19:15

وَسَلَٰمٌ عَلَيۡهِ يَوۡمَ وُلِدَ وَيَوۡمَ يَمُوتُ وَيَوۡمَ يُبۡعَثُ حَيًّا

Seulamat gopnyan bak uroe lahe Ngon uroe mate geuh that meutuah Lom pih seulamat uroe geubangket Sigo treuk udep meuhadap Allah

19:16

وَٱذۡكُرۡ فِي ٱلۡكِتَٰبِ مَرۡيَمَ إِذِ ٱنتَبَذَتۡ مِنۡ أَهۡلِهَا مَكَانًا شَرۡقِيًّا

Teuma taingat haba Maryam Dalam Qur‘an sinoe geupeugah Watee geuteubiet geujak rot timu Sidroe geuh laju keunan geulangkah Ahli di rumoh tinggai sinaroe

19:17

فَٱتَّخَذَتۡ مِن دُونِهِمۡ حِجَابًا فَأَرۡسَلۡنَآ إِلَيۡهَا رُوحَنَا فَتَمَثَّلَ لَهَا بَشَرًا سَوِيًّا

Digopnyan sidroe geujak meusiblah Geujak bak padok digopnyan sidroe Keunan Roh Kamoe meukirem bagah Geupeurupa droe geuh lagee insan Leupah that saban geukalon gagah

19:18

قَالَتۡ إِنِّيٓ أَعُوذُ بِٱلرَّحۡمَٰنِ مِنكَ إِن كُنتَ تَقِيًّا

Maryam kheuen lon lakee bak Tuhan Bek gata tuan keunoe talangkah Meunyo cit gata ureueng takwa

19:19

قَالَ إِنَّمَآ أَنَا۠ رَسُولُ رَبِّكِ لِأَهَبَ لَكِ غُلَٰمًا زَكِيًّا

Geuseuot sigra lon Rasul Allah Rasul Po gata lon jak bak gata Haba gembira Neuyue jak peugah Neuyue bri aneuk bak lon keu gata Nyang meubahgia ngon gleh sileumpah

19:20

قَالَتۡ أَنَّىٰ يَكُونُ لِي غُلَٰمٌ وَلَمۡ يَمۡسَسۡنِي بَشَرٌ وَلَمۡ أَكُ بَغِيًّا

Han tom teupeh lon ngon ureueng agam Pane jeuet meunan aneuk tan ayah Lagi pih lon nyoe kon inong jalang Seuot Maryam meunan geupeugah

19:21

قَالَ كَذَٰلِكِ قَالَ رَبُّكِ هُوَ عَلَيَّ هَيِّنٌۖ وَلِنَجۡعَلَهُۥٓ ءَايَةً لِّلنَّاسِ وَرَحۡمَةً مِّنَّاۚ وَكَانَ أَمۡرًا مَّقۡضِيًّا

Geukheuen ka meunan kheuen Tuhan gata Buet bacut sahja bak Lon that mudah Lom Kamoe peujeuet nyang nyan keu tanda Keu manusia jitueng phaedah Lom pih nyan rahmat meubri le Kamoe Lagi atra nyoe ka putoh sudah

19:22

فَحَمَلَتۡهُ فَٱنتَبَذَتۡ بِهِۦ مَكَانًا قَصِيًّا

Teuma Maryam pih kakeuh hame Ngon aneuk geume geujak peusiblah

19:23

فَأَجَآءَهَا ٱلۡمَخَاضُ إِلَىٰ جِذۡعِ ٱلنَّخۡلَةِ قَالَتۡ يَٰلَيۡتَنِي مِتُّ قَبۡلَ هَٰذَا وَكُنتُ نَسۡيًا مَّنسِيًّا

Bak teumpat jioh geujak peungkleh droe Lahe treuk sinoe si manyak mirah Di yup keureuma sinan geuduek le Geukheuen bah mate lon dumnoe sosah Pakon: han mate lon sigohlom nyoe Mangat bek lon nyoe jipeugah-peugah Bahle beu teuwo jih bek jiingat Saket ngon mangat bek jeuet keu gundah

19:24

فَنَادَىٰهَا مِن تَحۡتِهَآ أَلَّا تَحۡزَنِي قَدۡ جَعَلَ رَبُّكِ تَحۡتَكِ سَرِيًّا

Teuma geudeungo saboh suara Bak teumpat rata nyang leubeh rendah Di yup gata duek ie jiteubiet le Tuhan peuile bek gata sosah e E a

19:25

وَهُزِّيٓ إِلَيۡكِ بِجِذۡعِ ٱلنَّخۡلَةِ تُسَٰقِطۡ عَلَيۡكِ رُطَبًا جَنِيًّا

Cuba tagrak-grak cabeueng keuruma Rhet boh keureuma nyang mantong basah

19:26

فَكُلِي وَٱشۡرَبِي وَقَرِّي عَيۡنًاۖ فَإِمَّا تَرَيِنَّ مِنَ ٱلۡبَشَرِ أَحَدًا فَقُولِيٓ إِنِّي نَذَرۡتُ لِلرَّحۡمَٰنِ صَوۡمًا فَلَنۡ أُكَلِّمَ ٱلۡيَوۡمَ إِنسِيًّا

Tapajoh tajep beu seunang ate Sapeue hana le nyang jeuet keu sosah Meunyo meuteume ngon manusia Lon lon puasa meunan tapeugah Hanjeuet lon marit ngon beurangkasoe Kaoi lon meunoe janji ngon Allah

19:27

فَأَتَتۡ بِهِۦ قَوۡمَهَا تَحۡمِلُهُۥۖ قَالُواْ يَٰمَرۡيَمُ لَقَدۡ جِئۡتِ شَيۡـًٔا فَرِيًّا

Geume treuk aneuk bak kaom gopnyan Wahe Maryam jikheuen le bagah Pakon digata buet teuh lagee nyan

19:28

يَٰٓأُخۡتَ هَٰرُونَ مَا كَانَ أَبُوكِ ٱمۡرَأَ سَوۡءٍ وَمَا كَانَتۡ أُمُّكِ بَغِيًّا

Chedara Harun pakon buet salah Ayah gata kon ureueng nyang jeuheut Ma gata pih got kon inong culah

19:29

فَأَشَارَتۡ إِلَيۡهِۖ قَالُواْ كَيۡفَ نُكَلِّمُ مَن كَانَ فِي ٱلۡمَهۡدِ صَبِيًّا

Maryam tunyok bak aneuk ubit í Hanjeuet jimarit laju jipeugah y Pakri meutanyong bak aneuk ubit

19:30

قَالَ إِنِّي عَبۡدُ ٱللَّهِ ءَاتَىٰنِيَ ٱلۡكِتَٰبَ وَجَعَلَنِي نَبِيًّا

Teuma jimarit lon hamba Allah Ngon saboh kitab keulon ka Neubri Ka jeuet keunabi lon nyoe Neupeugah

19:31

وَجَعَلَنِي مُبَارَكًا أَيۡنَ مَا كُنتُ وَأَوۡصَٰنِي بِٱلصَّلَوٰةِ وَٱلزَّكَوٰةِ مَا دُمۡتُ حَيًّا

Ho ho nyang lon jak Neubri beureukat Sembahyang meuhat lon Neupeurintah Meunan pih bak lon Neuyue bri zakeuet Youh mantong udep lon gohlom leupah y

19:32

وَبَرَّۢا بِوَٰلِدَتِي وَلَمۡ يَجۡعَلۡنِي جَبَّارًا شَقِيًّا

Pubuet bakti beu jroh keu ma lon Bek na sipheuet mbong nyang brok sileupah

19:33

وَٱلسَّلَٰمُ عَلَيَّ يَوۡمَ وُلِدتُّ وَيَوۡمَ أَمُوتُ وَيَوۡمَ أُبۡعَثُ حَيًّا

Seulamat keulon uroe laher lon Uroe mate lon pih beu meutuah Seulamat lom lon uroe geubangket y Sigo treuk udep meuhadap Allah Nyankeuh nyang Isa aneuk Maryam

19:34

ذَٰلِكَ عِيسَى ٱبۡنُ مَرۡيَمَۖ قَوۡلَ ٱلۡحَقِّ ٱلَّذِي فِيهِ يَمۡتَرُونَ

Nyang dum awak nyan meubantah-bantah Narit nyang beuna bak Tuhan sidroe Dijih chok cit roe ragu sileupah

19:35

مَا كَانَ لِلَّهِ أَن يَتَّخِذَ مِن وَلَدٍۖ سُبۡحَٰنَهُۥٓۚ إِذَا قَضَىٰٓ أَمۡرًا فَإِنَّمَا يَقُولُ لَهُۥ كُن فَيَكُونُ

Hana meuaneuk Tuhan Hadharat Maha suci that nibak jih peugah Wate Neukheundak barang peue meuhat Barang peue hajat Neumeung perintah Neukheuen boh jeuet kah jinoe le leugat Hasel le siat hana nyang payah

19:36

وَإِنَّ ٱللَّهَ رَبِّي وَرَبُّكُمۡ فَٱعۡبُدُوهُۚ هَٰذَا صِرَٰطٌ مُّسۡتَقِيمٌ

Allah Tuhan lon ngon Tuhan gata O Droe-Neuh nyan sahja wajeb taseumah Nyoe jalan teupat nyang jalan Tuhan

19:37

فَٱخۡتَلَفَ ٱلۡأَحۡزَابُ مِنۢ بَيۡنِهِمۡۖ فَوَيۡلٌ لِّلَّذِينَ كَفَرُواْ مِن مَّشۡهَدِ يَوۡمٍ عَظِيمٍ

Teuma awak nyan meupisah-pisah Han jimeusapeue bandum awak nyan Ceulaka youh nyan keu kaphe jadah ‘Oh teuka uroe haro hara that Keubit meukarat kaphe seurakah

19:38

أَسۡمِعۡ بِهِمۡ وَأَبۡصِرۡ يَوۡمَ يَأۡتُونَنَا لَٰكِنِ ٱلظَّٰلِمُونَ ٱلۡيَوۡمَ فِي ضَلَٰلٍ مُّبِينٍ

Deuh that jideungo trang that jikalon ‘Oh troh uroe nyan hana peue peugah Tapi si lalem jijak bak Kamoe Nibak uroe nyoe sisat that leupah

19:39

وَأَنذِرۡهُمۡ يَوۡمَ ٱلۡحَسۡرَةِ إِذۡ قُضِيَ ٱلۡأَمۡرُ وَهُمۡ فِي غَفۡلَةٍ وَهُمۡ لَا يُؤۡمِنُونَ

Tapeuingat jih uroe meunyesal Uroe nyang kekal ‘oh habeh sudah Dijih lam lalee han jimeuiman

19:40

إِنَّا نَحۡنُ نَرِثُ ٱلۡأَرۡضَ وَمَنۡ عَلَيۡهَا وَإِلَيۡنَا يُرۡجَعُونَ

Pusaka youh nyan Kamoe cok bagah Pusaka bumoe ngon bandum asoe Bandum keu-Kamoe hana meukeubah Bandum awaknyan teuma Meupuwo Keudeh bak Kamoe beuna ngon salah

19:41

وَٱذۡكُرۡ فِي ٱلۡكِتَٰبِ إِبۡرَٰهِيمَۚ إِنَّهُۥ كَانَ صِدِّيقًا نَّبِيًّا

Teuma taingat haba Ibrahim Lam Qur‘an Karim sinoe geupeugah Gopnyan beuna that lom jeuet keu nabi

19:42

إِذۡ قَالَ لِأَبِيهِ يَٰٓأَبَتِ لِمَ تَعۡبُدُ مَا لَا يَسۡمَعُ وَلَا يُبۡصِرُ وَلَا يُغۡنِي عَنكَ شَيۡـًٔا

Geukheun bak abi geuh wahe ayah Pakon teseumah berhala mate Han jeuet jidengo peue nyang tapeugah Han deuh jikalon hana meuguna Han sapeue pih na dijih phaedah

19:43

يَٰٓأَبَتِ إِنِّي قَدۡ جَآءَنِي مِنَ ٱلۡعِلۡمِ مَا لَمۡ يَأۡتِكَ فَٱتَّبِعۡنِيٓ أَهۡدِكَ صِرَٰطًا سَوِيًّا

Hai ayah dilon nyoe ka lon teupeue Nyang goh neuteupeue le droeneuh ayah Teuma neuikot lon tunyok droeneuh Lon maba droeneuh bak jalan Allah a a i A Jalan nyang beuna jalan nyang teupat

19:44

يَٰٓأَبَتِ لَا تَعۡبُدِ ٱلشَّيۡطَٰنَۖ إِنَّ ٱلشَّيۡطَٰنَ كَانَ لِلرَّحۡمَٰنِ عَصِيًّا

Bek jalan sisat neujak hai ayah Bek jalan sisat neuseumah chetan Maksiet keu-Tuhan cheitan seurakah

19:45

يَٰٓأَبَتِ إِنِّيٓ أَخَافُ أَن يَمَسَّكَ عَذَابٌ مِّنَ ٱلرَّحۡمَٰنِ فَتَكُونَ لِلشَّيۡطَٰنِ وَلِيًّا

Hai ayah dilon teumakot lon that ; Keu droeneuh azab Neubri le Allah Droeneuh neujakcok cheitan keuwali

19:46

قَالَ أَرَاغِبٌ أَنتَ عَنۡ ءَالِهَتِي يَٰٓإِبۡرَٰهِيمُۖ لَئِن لَّمۡ تَنتَهِ لَأَرۡجُمَنَّكَۖ وَٱهۡجُرۡنِي مَلِيًّا

Seuot le abi peue benci that kah A Wahai Ibrahim peue benci keuh that Tuhan lon sisat bandum kapeugah Meung han kapiyoh ka kheun keu Tuhan Keubit ku rajam keuh han soe teugah Kajak weh keudeh bek le keuh sinoe Bek le kawoe-woe beu trep sileupah

19:47

قَالَ سَلَٰمٌ عَلَيۡكَۖ سَأَسۡتَغۡفِرُ لَكَ رَبِّيٓۖ إِنَّهُۥ كَانَ بِي حَفِيًّا

Geukheun seulamat keu droeneuh bak lon Lon lakee ampon teuma bak Allah Neuampon keudroeneuh le Tuhan lon Neubri doa lon beu mustajabah Baroekon Tuhan cit got that keulon

19:48

وَأَعۡتَزِلُكُمۡ وَمَا تَدۡعُونَ مِن دُونِ ٱللَّهِ وَأَدۡعُواْ رَبِّي عَسَىٰٓ أَلَّآ أَكُونَ بِدُعَآءِ رَبِّي شَقِيًّا

Jinoe kakeuh lon keudeh lon langkah Kakeuh tinggai droeneuh dum ngon tuhan Neuh nyang neukheun nyan nyang bukon Allah Jeuet lon meudoa ubak Tuhan lon Kadang Neuampon droeneuh le Allah Mudah mudahan bak Neuteurimong Doa lon ceumong bek jeuet keu salah

19:49

فَلَمَّا ٱعۡتَزَلَهُمۡ وَمَا يَعۡبُدُونَ مِن دُونِ ٱللَّهِ وَهَبۡنَا لَهُۥٓ إِسۡحَٰقَ وَيَعۡقُوبَۖ وَكُلًّا جَعَلۡنَا نَبِيًّا

‘Oh ban ka geujak tinggai ureueng nyan Tinggai ngon tuhan jih nyang kon Allah Meubri keu gopnyan Ishaq ngon Ya‘qob Meuturot turot ureueng meutuah Bandua gopnyan pih jeuet keu nabi

19:50

وَوَهَبۡنَا لَهُم مِّن رَّحۡمَتِنَا وَجَعَلۡنَا لَهُمۡ لِسَانَ صِدۡقٍ عَلِيًّا

Meubri lom lagi rahmat meulimpah Nama ureueng nyan sabe gop teuoh Sipheuet got that jroh manyang sileupah i

19:51

وَٱذۡكُرۡ فِي ٱلۡكِتَٰبِ مُوسَىٰٓۚ إِنَّهُۥ كَانَ مُخۡلَصًا وَكَانَ رَسُولًا نَّبِيًّا

Teuma taingat lom haba Musa Lam Qur‘an nyata sinoe geupeugah Ikheulah that gopnyan pangkat Tuhan bri Rasul ngon Nabi raya that tuah

19:52

وَنَٰدَيۡنَٰهُ مِن جَانِبِ ٱلطُّورِ ٱلۡأَيۡمَنِ وَقَرَّبۡنَٰهُ نَجِيًّا

Bineh Tursina Kamoe hei gopnyan Siblah rot uneuen kon jarak leupah € Meupeutoe gopnyan bak geumunajat

19:53

وَوَهَبۡنَا لَهُۥ مِن رَّحۡمَتِنَآ أَخَاهُ هَٰرُونَ نَبِيًّا

Meubri ngon rahmat keu gopnyan bagah Chedara gopnyan Harun pih Nabi Geubantu akhi rahmat that leupah

19:54

وَٱذۡكُرۡ فِي ٱلۡكِتَٰبِ إِسۡمَٰعِيلَۚ إِنَّهُۥ كَانَ صَادِقَ ٱلۡوَعۡدِ وَكَانَ رَسُولًا نَّبِيًّا

Haba Ismail lom taba ingat Lam Qur‘an meuhat sinoe geupeugah Gopnyan pih Rasul cit deungon Nabi Beuna that janji han tom meuubah

19:55

وَكَانَ يَأۡمُرُ أَهۡلَهُۥ بِٱلصَّلَوٰةِ وَٱلزَّكَوٰةِ وَكَانَ عِندَ رَبِّهِۦ مَرۡضِيًّا

Geuyue ahligeuh sembahyang zakeuet Rila Hadharat keu gopnyan sudah

19:56

وَٱذۡكُرۡ فِي ٱلۡكِتَٰبِ إِدۡرِيسَۚ إِنَّهُۥ كَانَ صِدِّيقًا نَّبِيًّا

Haba Idris lom taba ingat Lam Qur‘an meuhat sinoe geupeugah Ureueng beuna that gopnyan pih Nabi

19:57

وَرَفَعۡنَٰهُ مَكَانًا عَلِيًّا

Pangkat nyang tinggi Neubri le Allah

19:58

أُوْلَٰٓئِكَ ٱلَّذِينَ أَنۡعَمَ ٱللَّهُ عَلَيۡهِم مِّنَ ٱلنَّبِيِّـۧنَ مِن ذُرِّيَّةِ ءَادَمَ وَمِمَّنۡ حَمَلۡنَا مَعَ نُوحٍ وَمِن ذُرِّيَّةِ إِبۡرَٰهِيمَ وَإِسۡرَٰٓءِيلَ وَمِمَّنۡ هَدَيۡنَا وَٱجۡتَبَيۡنَآۚ إِذَا تُتۡلَىٰ عَلَيۡهِمۡ ءَايَٰتُ ٱلرَّحۡمَٰنِ خَرُّواْۤ سُجَّدًاۤ وَبُكِيًّا

Bandum ureueng nyan Tuhan bri ni‘mat Nabi dum meuhat geunaseh Allah Turunan Adam dum Nabi-Nabi Ni‘mat Tuhan bri cit le sileupah Meunan pih nyang ek sajan Noh dilee Lam kapai teuntee Kamoe yue langkah Cuco Ibrahim deungon Israi Meunan lom lagi meubri hidayah Nyang Kamoe tunyok ngon Kamoe gaseh Nyang Kamoe pileh dum hamba Allah Watee geubaca ateueh ureueng nyan Dum ayat Tuhan nyang Maha Murah Teukukui laju bandum geusujud Geumoe meuʻeut-‘eut geuingat Allah

19:59

فَخَلَفَ مِنۢ بَعۡدِهِمۡ خَلۡفٌ أَضَاعُواْ ٱلصَّلَوٰةَ وَٱتَّبَعُواْ ٱلشَّهَوَٰتِۖ فَسَوۡفَ يَلۡقَوۡنَ غَيًّا

Gantoe ureueng nyan teuma di likot Le that nyang ka rhet ji peubuet salah Han jisembahyang peuturot napsu Dudoe meuteumeng sisat that leupah

19:60

إِلَّا مَن تَابَ وَءَامَنَ وَعَمِلَ صَٰلِحًا فَأُوْلَٰٓئِكَ يَدۡخُلُونَ ٱلۡجَنَّةَ وَلَا يُظۡلَمُونَ شَيۡـًٔا

Meulengkan ureueng nyang jitem toubat Meuiman leugat ngon buet jroh leupah Ureueng nyan teuma tamong churuga Han geuelanya geuh meung be seupah

19:61

جَنَّٰتِ عَدۡنٍ ٱلَّتِي وَعَدَ ٱلرَّحۡمَٰنُ عِبَادَهُۥ بِٱلۡغَيۡبِۚ إِنَّهُۥ كَانَ وَعۡدُهُۥ مَأۡتِيًّا

Neubri keu hamba churuga ‘Adnen ; Ka janji Tuhan nyang maha murah ; Dilee lam ghaeb ka janji Tuhan Janji Droe-Neuh nyan hantom meuubah

19:62

لَّا يَسۡمَعُونَ فِيهَا لَغۡوًا إِلَّا سَلَٰمًاۖ وَلَهُمۡ رِزۡقُهُمۡ فِيهَا بُكۡرَةً وَعَشِيًّا

Hantom geudeungo narit nyang sia Dalam churuga Neubri le Allah Meulengkan sabe saleuem seulamat Raseuki le that sinan neukeubah Beungoh ngon seupot raseuki le that

19:63

تِلۡكَ ٱلۡجَنَّةُ ٱلَّتِي نُورِثُ مِنۡ عِبَادِنَا مَن كَانَ تَقِيًّا

Pusaka meuhat keu hamba Allah Keu hamba Kamoe meubri churuga Soe nyang takwa sabe keu Allah

19:64

وَمَا نَتَنَزَّلُ إِلَّا بِأَمۡرِ رَبِّكَۖ لَهُۥ مَا بَيۡنَ أَيۡدِينَا وَمَا خَلۡفَنَا وَمَا بَيۡنَ ذَٰلِكَۚ وَمَا كَانَ رَبُّكَ نَسِيًّا

Kamoe han meutron meu kon yue Tuhan g Peue gata tuan nyang bri peurintah Nyang di keue tanyoe di likot tanyoe Bandum atra nyoe cit milek Allah Antara nyan dum pih milek Tuhan Tuwo Neuh hantom barang peue hilah

19:65

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا فَٱعۡبُدۡهُ وَٱصۡطَبِرۡ لِعِبَٰدَتِهِۦۚ هَلۡ تَعۡلَمُ لَهُۥ سَمِيًّا

Tuhankeuh nyang po langet ngon bumoe Ngon bandum asoe pih milek Allah Ta seumah Tuhan sabab nyan leugat Ta saba beuthat keubit ikheulah Pubuet ibadah akan Droe-Neuh nyan Ek na nyang saban laen ta peugah

19:66

وَيَقُولُ ٱلۡإِنسَٰنُ أَءِذَا مَا مِتُّ لَسَوۡفَ أُخۡرَجُ حَيًّا

Kheun manusia peue ek lom udep € Lon nyoe geubangket Iheueh mate sudah

19:67

أَوَلَا يَذۡكُرُ ٱلۡإِنسَٰنُ أَنَّا خَلَقۡنَٰهُ مِن قَبۡلُ وَلَمۡ يَكُ شَيۡـًٔا

Peue manusia hana jiingat , Kamoe nyang peujeuet dilee jih sudah Watee nyan dijih hana sapeue na

19:68

فَوَرَبِّكَ لَنَحۡشُرَنَّهُمۡ وَٱلشَّيَٰطِينَ ثُمَّ لَنُحۡضِرَنَّهُمۡ حَوۡلَ جَهَنَّمَ جِثِيًّا

Demi Po gata jih meubeureukah Kamoe peusapat jih dum ngon chetan Dalam jahannam keudeh meuruwah Ubak nuraka meuba jih mandum Sinan jih meugom lam apui mirah

19:69

ثُمَّ لَنَنزِعَنَّ مِن كُلِّ شِيعَةٍ أَيُّهُمۡ أَشَدُّ عَلَى ٱلرَّحۡمَٰنِ عِتِيًّا

Lheueh nyan meutarek bak jeuep golongan c Soe lam kawan nyan nyang beuhe leupah Soe nyang that paleh batat ngon tungang Jiławan Tuhan Nyang Maha Murah

19:70

ثُمَّ لَنَحۡنُ أَعۡلَمُ بِٱلَّذِينَ هُمۡ أَوۡلَىٰ بِهَا صِلِيًّا

Kamoe nyang teupeue soe nyang Meucabot Nyang leubeh patot keu apui mirah

19:71

وَإِن مِّنكُمۡ إِلَّا وَارِدُهَاۚ كَانَ عَلَىٰ رَبِّكَ حَتۡمًا مَّقۡضِيًّا

Bandumteuh gata tateuka keunan Putosan Tuhan han jeuet meuubah

19:72

ثُمَّ نُنَجِّي ٱلَّذِينَ ٱتَّقَواْ وَّنَذَرُ ٱلظَّٰلِمِينَ فِيهَا جِثِيًّا

Lheueh nyan meupeuglah si nyang takwa Nyang lalem teuma sinan meukeubah Sinan meulungkop bandum si lalem

19:73

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٍ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَيُّ ٱلۡفَرِيقَيۡنِ خَيۡرٌ مَّقَامًا وَأَحۡسَنُ نَدِيًّا

Atra jipeukhem dum ayat Allah ‘Oh geukheuen ayat Kamoe nyang nyata Si kaphe sigra laju jipeugah Bak ureueng mukmin jikheuen soe nyang got Soe nyang jroh teumpat dua kaphilah Mukmin ngon kaphe soe nyang leubeh got Nyang toh nyang teumpat jih leubeh indah

19:74

وَكَمۡ أَهۡلَكۡنَا قَبۡلَهُم مِّن قَرۡنٍ هُمۡ أَحۡسَنُ أَثَٰثًا وَرِءۡيًا

Padum le Kamoe meupeubinasa Youh dilee nyang ka masa nyang sudah Dilee nibak jih rumoh leubeh got Dumpeue leubeh that takalon mewah

19:75

قُلۡ مَن كَانَ فِي ٱلضَّلَٰلَةِ فَلۡيَمۡدُدۡ لَهُ ٱلرَّحۡمَٰنُ مَدًّاۚ حَتَّىٰٓ إِذَا رَأَوۡاْ مَا يُوعَدُونَ إِمَّا ٱلۡعَذَابَ وَإِمَّا ٱلسَّاعَةَ فَسَيَعۡلَمُونَ مَنۡ هُوَ شَرٌّ مَّكَانًا وَأَضۡعَفُ جُندًا

Takheuen barangsoe nyang ka lam sisat Bah sabe meuhat dijih lam salah Beu panyang unu jih laju sinan Neubri le Tuhan nyang Maha Murah c Hingga jikalon peue nyang geujanji Azeueb han sakri teuka musibah Atawa teuka watee kiamat Jiteupeue leugat watee nyan sudah Soe nyang leubeh brok teumpat jih singoh Soe leubeh leumoh han ek soe peuglah

19:76

وَيَزِيدُ ٱللَّهُ ٱلَّذِينَ ٱهۡتَدَوۡاْ هُدًىۗ وَٱلۡبَٰقِيَٰتُ ٱلصَّٰلِحَٰتُ خَيۡرٌ عِندَ رَبِّكَ ثَوَابًا وَخَيۡرٌ مَّرَدًّا

Soe nyang ka na keu jih peutunyok Neutamah tunyok lom jih le Allah Amal shalihat nibak Po gata Leubeh mulia phala le leupah Beukal leubeh that untuk tapuwoe

19:77

أَفَرَءَيۡتَ ٱلَّذِي كَفَرَ بِـَٔايَٰتِنَا وَقَالَ لَأُوتَيَنَّ مَالًا وَوَلَدًا

Teuma taeu roe si kaphe jadah Dijih jikaphe keu ayat Kamoe Arta jih nyoe jikheuen le leupah Arta dilon deungon aneuk lon Cit geubri keu lon hana peue peugah

19:78

أَطَّلَعَ ٱلۡغَيۡبَ أَمِ ٱتَّخَذَ عِندَ ٱلرَّحۡمَٰنِ عَهۡدًا

Peue atra ghaeb bak jih ka meuri Ka jimeujanji dijih ngon Allah

19:79

كـَلَّاۚ سَنَكۡتُبُ مَا يَقُولُ وَنَمُدُّ لَهُۥ مِنَ ٱلۡعَذَابِ مَدًّا

Teutapi Kamoe akan meutuleh Bandum beu habeh peue nyang jipeugah Kamoe pupanyang azeueb lom keu jih

19:80

وَنَرِثُهُۥ مَا يَقُولُ وَيَأۡتِينَا فَرۡدًا

Pusaka bak jih Kamoe tueng bagah Pusaka jih nyan meutueng keu Kamoe Tinggai jih sidroe jiwoe bak Allah Badan jih sidroe jiwoe bak Kamoe

19:81

وَٱتَّخَذُواْ مِن دُونِ ٱللَّهِ ءَالِهَةً لِّيَكُونُواْ لَهُمۡ عِزًّا

Awak jih meunoe cit dum lam salah Jipeugot laen dijih keu Tuhan Jih jikheuen tuhan nyang bukan Allah Nyan keu wali jih nyang peulindong jih

19:82

كـَلَّاۚ سَيَكۡفُرُونَ بِعِبَادَتِهِمۡ وَيَكُونُونَ عَلَيۡهِمۡ ضِدًّا

Tapi bandum jih dudoe jikeubah Si kaphe teuma ibadah keu jih Jeuet keu musoh jih teuma that leupah

19:83

أَلَمۡ تَرَ أَنَّآ أَرۡسَلۡنَا ٱلشَّيَٰطِينَ عَلَى ٱلۡكَٰفِرِينَ تَؤُزُّهُمۡ أَزًّا

Peue hana taeu meukirem chetan Kamoe yue padan dum kaphe jadah i Jipadan jiyue buet darohaka

19:84

فَلَا تَعۡجَلۡ عَلَيۡهِمۡۖ إِنَّمَا نَعُدُّ لَهُمۡ عَدًّا

Teuma bek gata talakei bagah Dikamoe bandum ka lheueh meukira Bandum keunira keu jih meukeubah

19:85

يَوۡمَ نَحۡشُرُ ٱلۡمُتَّقِينَ إِلَى ٱلرَّحۡمَٰنِ وَفۡدًا

Ureueng takwa bak saboh uroe Meusapat keu noe Kamoe yue langkah Jeuet keu utosan nyang that mulia

19:86

وَنَسُوقُ ٱلۡمُجۡرِمِينَ إِلَىٰ جَهَنَّمَ وِرۡدًا

Dum kaphe teuma meuparoh bagah Dalam nuraka meuparoh bandum Peudeh ngon reukueng jih grah sileupah b

19:87

لَّا يَمۡلِكُونَ ٱلشَّفَٰعَةَ إِلَّا مَنِ ٱتَّخَذَ عِندَ ٱلرَّحۡمَٰنِ عَهۡدًا

Beurangsoe han ek jibri chupeu‘at 4 Meu kon Hadharat izin Neupeugah £ Meu ka na janji deungon Hadharat Ureueng nyan meuhat mantong nyang leupah

19:88

وَقَالُواْ ٱتَّخَذَ ٱلرَّحۡمَٰنُ وَلَدًا

Awak nyan jikheuen Tuhan na aneuk

19:89

لَّقَدۡ جِئۡتُمۡ شَيۡـًٔا إِدًّا

Keubit that s‘ok mʻok narit ka peugah Keubit narit nyan leupah that jeuheut

19:90

تَكَادُ ٱلسَّمَٰوَٰتُ يَتَفَطَّرۡنَ مِنۡهُ وَتَنشَقُّ ٱلۡأَرۡضُ وَتَخِرُّ ٱلۡجِبَالُ هَدًّا

Ubena langet sang-sang ka bicah Beukah ngon bumoe runtoh ngon gunong

19:91

أَن دَعَوۡاْ لِلرَّحۡمَٰنِ وَلَدًا

Na aneuk Tuhan narit jipeugah

19:92

وَمَا يَنۢبَغِي لِلرَّحۡمَٰنِ أَن يَتَّخِذَ وَلَدًا

Han sagai patot na aneuk Tuhan Ureueng nyang kheun nyan raya that salah

19:93

إِن كُلُّ مَن فِي ٱلسَّمَٰوَٰتِ وَٱلۡأَرۡضِ إِلَّآ ءَاتِي ٱلرَّحۡمَٰنِ عَبۡدًا

Soe nyang di langet ngon nyang di bumoe Bandum ureueng nyoe cit hamba Allah Jak peunamiet droe bandum bak Tuhan

19:94

لَّقَدۡ أَحۡصَىٰهُمۡ وَعَدَّهُمۡ عَدًّا

Bandum ureueng nyan Neutudum peugah Ka lheueh Neubileueng bandum le Tuhan

19:95

وَكُلُّهُمۡ ءَاتِيهِ يَوۡمَ ٱلۡقِيَٰمَةِ فَرۡدًا

Jak dum bak Tuhan hana soe papah Uroe kiamat jak dum bak Tuhan Hana ngon rakan nyang jeuet seumeugah

19:96

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَيَجۡعَلُ لَهُمُ ٱلرَّحۡمَٰنُ وُدًّا

Soe nyang meuiman lom jipubuet got Tuhan Hadharat Neugaseh leupah

19:97

فَإِنَّمَا يَسَّرۡنَٰهُ بِلِسَانِكَ لِتُبَشِّرَ بِهِ ٱلۡمُتَّقِينَ وَتُنذِرَ بِهِۦ قَوۡمًا لُّدًّا

Kamoe peumudah Qur‘an keu gata Ngon lidah gata bahsa nyang mudah Mangat ta peugah haba geumbira Keu soe nyang takwa keupada Allah Lom ta peuingat azeueb akhirat Keu soe nyang batat sabe buet salah

19:98

وَكَمۡ أَهۡلَكۡنَا قَبۡلَهُم مِّن قَرۡنٍ هَلۡ تُحِسُّ مِنۡهُم مِّنۡ أَحَدٍ أَوۡ تَسۡمَعُ لَهُمۡ رِكۡزَۢا

Padum le dilei meupeubinasa Han ek ta kira dum le that leupah Peue na ta kalon jinoe meu sidroe Habeh sinaroe tan le meubeukaih Atawa peue na ta deungo meusu Tan meusigeutu habeh dum sudah THAHA Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah

Translation: Tgk. H. Mahjiddin Jusuf.