Surah 20 · 135 verses · Tgk. H. Mahjiddin Jusuf

Surah Taha in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

20:1

طه

Tha Ha Tuhan nyang teupeue meukeusud ayat Sabab Hadharat hana Neupeugah

20:2

مَآ أَنزَلۡنَا عَلَيۡكَ ٱلۡقُرۡءَانَ لِتَشۡقَىٰٓ

Kon Kamoe peutron Quran bak gata Mangat jeuet gata tarasa sosah

20:3

إِلَّا تَذۡكِرَةً لِّمَن يَخۡشَىٰ

Meulengkan mangat jeuet keu peuingat Keu soe nyang takot dijih keu Allah

20:4

تَنزِيلًا مِّمَّنۡ خَلَقَ ٱلۡأَرۡضَ وَٱلسَّمَٰوَٰتِ ٱلۡعُلَى

Tren nibak Tuhan nyang peujeuet bumoe Ngon langet dum nyoe nyang manyang leupah

20:5

ٱلرَّحۡمَٰنُ عَلَى ٱلۡعَرۡشِ ٱسۡتَوَىٰ

Tuhan Peumurah Maha Perkasa Neumat kuasa di ateueh ‘arasy

20:6

لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِ وَمَا بَيۡنَهُمَا وَمَا تَحۡتَ ٱلثَّرَىٰ

Peue nyang di langet ngon nyang di bumoe Ngon bandum asoe jih milek Allah Nyang di yup tanoh han deueh takalon Pih milek Tuhan nyang Maha Murah

20:7

وَإِن تَجۡهَرۡ بِٱلۡقَوۡلِ فَإِنَّهُۥ يَعۡلَمُ ٱلسِّرَّ وَأَخۡفَى

Adak tamarit rayok suara Mandum rahsia Neuteupeue sudah Bandum Neuteupeue bahle nyang meusom

20:8

ٱللَّهُ لَآ إِلَٰهَ إِلَّا هُوَۖ لَهُ ٱلۡأَسۡمَآءُ ٱلۡحُسۡنَىٰ

Tan laen Tuhan meulengkan Allah Le nama Tuhan bandum nyang got-got Di sinan meuhat Tuhan Neupeugah

20:9

وَهَلۡ أَتَىٰكَ حَدِيثُ مُوسَىٰٓ

Peue na bak gata troeh haba Musa

20:10

إِذۡ رَءَا نَارًا فَقَالَ لِأَهۡلِهِ ٱمۡكُثُوٓاْ إِنِّيٓ ءَانَسۡتُ نَارًا لَّعَلِّيٓ ءَاتِيكُم مِّنۡهَا بِقَبَسٍ أَوۡ أَجِدُ عَلَى ٱلنَّارِ هُدًى

Youh geu-eu cahya apui nyang mirah Geukheun bak ahligeuh tinggal gata Lon kalon cahya apui trang leupah Mangat lon peuwoe apui nyan keu noe Jeuet digata nyoe tatueng phaedah Atawa pih na sinan peutunyok Sinan jeuet tacok kadang phaedah

20:11

فَلَمَّآ أَتَىٰهَا نُودِيَ يَٰمُوسَىٰٓ

Troh Musa keu nan deuh treuk suara Deungo hai Musa jinoe Lon peugah

20:12

إِنِّيٓ أَنَا۠ رَبُّكَ فَٱخۡلَعۡ نَعۡلَيۡكَ إِنَّكَ بِٱلۡوَادِ ٱلۡمُقَدَّسِ طُوًى

Keubit nyoekeuh Lon Tuhan po gata Tasuet le sigra kawoh takeubah g Kawoh bak gaki tasuet bandua Jinoe na gata bak tempat indah Teumpat nyang suci bak urong Thua

20:13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

Lon pileh gata nyang raya tuah Lon pileh gata tadeungo jinoe Wahyu bak Kamoe jinoe meupeugah

20:14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

Nyoekeuh Lon Allah tan laen Tuhan i Meulengkan cit lon sidroe taseumah Peubuet sembahyang keu lon taingat

20:15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

Teuma kiamat deungo lon peugah € Uroe kiamat han jeuet han teuka Teuma rahsia han jeuet Lon peugah Pajan wateejih Lon som bak gata Watee nyan hamba bandum geubalah

20:16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

Teuma bek gata roh jipeupaleng Le jih nyang han tem iman keu Allah Nyang han tem iman akan kiamat Dijih peuturot napsu seurakah Meu taturot jih gata binasa

20:17

وَمَا تِلۡكَ بِيَمِينِكَ يَٰمُوسَىٰ

Teuma hai Musa tacuba peugah Bak jaroe uneunteuh peue nyan tamat

20:18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

Geukheun nyoe tungkat lon keu peukakah Ngon tungkat lon nyoe jeuet lon meuteugon Lon paroh kameng meujan ‘oh salah. Maksud laen pih le ngon tungkat ‘Oh watee lon mat cit le phaedah

20:19

قَالَ أَلۡقِهَا يَٰمُوسَىٰ

Neukheun boh tatiek tungkat hai Musa

20:20

فَأَلۡقَىٰهَا فَإِذَا هِيَ حَيَّةٌ تَسۡعَىٰ

Geutiek treuk sigra sinan geukeubah ‘Oh ban geukalon ka jeuet keu uleue Watee nyan jiʻeue laju that bagah

20:21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

Neukheun boh tacok jih bek tatakot Kamoe peusurot tungkat lom bagah Meuwoe lagei sot tungkatteuh teuma

20:22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

Bak geutiek teuma jaroeteuh siblah Tapeuduek jaroe lam geutiek gata ‘Oh tasuet lanja hu mejeureulah Puteh meukeuprak kon jeuet keucacat Nyan saboh ayat laen lon peugah

20:23

لِنُرِيَكَ مِنۡ ءَايَٰتِنَا ٱلۡكُبۡرَى

Kamoe peuleumah nyan ubak gata Mvuʻjizat raya Kamoe bri tuah

20:24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Ubak Peuraʻeun tajak leh gata Jih darohaka jipeubuet salah

20:25

قَالَ رَبِّ ٱشۡرَحۡ لِي صَدۡرِي

Geukheun Tuhanku Neupeuhah dada Lon Neubri sigra akal nyang ceudah

20:26

وَيَسِّرۡ لِيٓ أَمۡرِي

Neubri beu mudah urusan lon nyoe

20:27

وَٱحۡلُلۡ عُقۡدَةً مِّن لِّسَانِي

Bak lidah lon nyoe pih na meukilah Neubri beu teuploh lidah lon beu got

20:28

يَفۡقَهُواْ قَوۡلِي

Watee lon marit jiteupue bagah

20:29

وَٱجۡعَل لِّي وَزِيرًا مِّنۡ أَهۡلِي

Neubri ahli lon jeuet keumentroe lon

20:30

هَٰرُونَ أَخِي

Harun aduen lon Neubri meutuah

20:31

ٱشۡدُدۡ بِهِۦٓ أَزۡرِي

Neubri beu kuat lon deungon gopnyan

20:32

وَأَشۡرِكۡهُ فِيٓ أَمۡرِي

Beu jeuet keurakan lon ba peurintah

20:33

كَيۡ نُسَبِّحَكَ كَثِيرًا

Jeuet kamoe ucap beu le teuseubeh Keudroe-Neuh lebeh nibak nyang sudah

20:34

وَنَذۡكُرَكَ كَثِيرًا

Jeuet kamoe ingat droe-Neuh beu le that

20:35

إِنَّكَ كُنتَ بِنَا بَصِيرًا

Droe-Neuh nyang lihat kamoe ya Allah

20:36

قَالَ قَدۡ أُوتِيتَ سُؤۡلَكَ يَٰمُوسَىٰ

Neukheun ka geubri peue nyang talakee Hai Musa teuntee hana meuilah

20:37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

Saboh treuk nikmat mubri keu gata Youh mantong gata ubit that leupah

20:38

إِذۡ أَوۡحَيۡنَآ إِلَىٰٓ أُمِّكَ مَا يُوحَىٰٓ

Kamoe bri wahyu ubak ma gata

20:39

أَنِ ٱقۡذِفِيهِ فِي ٱلتَّابُوتِ فَٱقۡذِفِيهِ فِي ٱلۡيَمِّ فَلۡيُلۡقِهِ ٱلۡيَمُّ بِٱلسَّاحِلِ يَأۡخُذۡهُ عَدُوٌّ لِّي وَعَدُوٌّ لَّهُۥۚ وَأَلۡقَيۡتُ عَلَيۡكَ مَحَبَّةً مِّنِّي وَلِتُصۡنَعَ عَلَىٰ عَيۡنِيٓ

Tatiek jih sigra lam tong takeubah Tatiek tong lam krueng jiba u bineh Sinan na soe preh jicok jih bagah Musoh lon nyang cok ngon musoh jih nyan Jigaseh jih nyan sayangjih leupah Ka lon tiek gaseh bak jih keu gata Nyak jipeulihara gata jipapah Lon ngieng ngon kalon na jihiroteuh

20:40

إِذۡ تَمۡشِيٓ أُخۡتُكَ فَتَقُولُ هَلۡ أَدُلُّكُمۡ عَلَىٰ مَن يَكۡفُلُهُۥۖ فَرَجَعۡنَٰكَ إِلَىٰٓ أُمِّكَ كَيۡ تَقَرَّ عَيۡنُهَا وَلَا تَحۡزَنَۚ وَقَتَلۡتَ نَفۡسًا فَنَجَّيۡنَٰكَ مِنَ ٱلۡغَمِّ وَفَتَنَّٰكَ فُتُونًاۚ فَلَبِثۡتَ سِنِينَ فِيٓ أَهۡلِ مَدۡيَنَ ثُمَّ جِئۡتَ عَلَىٰ قَدَرٍ يَٰمُوسَىٰ

Youh nyan cutdateuh keunan geulangkah Geukheun bak lon na si tem peulihara Keunoe jeuet taba bek le takeubah ` Kamoe peuwoe treuk gata bak mateuh ; Seunang that mateuh hana le susah Teuma na ureueng nyang tapoh mate Kamoe puweh le gata meupeuglah Mangat bek susah gata deungon nyan Teuma ujian gata le leupah Mewuji gata ngon peungalaman Teuma u Madyan keudeh talangkah Padum thon sabe gata di sinan Teuma ‘oh Iheueh nyan mubri peurintah Teuma troh gata laju hai Musa Bak watee kada teupat that leupah

20:41

وَٱصۡطَنَعۡتُكَ لِنَفۡسِي

Lon peujeuet gata keu utusan Lon Geunantoe droe Lon jak ba peurintah

20:42

ٱذۡهَبۡ أَنتَ وَأَخُوكَ بِـَٔايَٰتِي وَلَا تَنِيَا فِي ذِكۡرِي

Tajak ngon aduenteuh jinoe gata Ayat Lon taba dum tajak peugah Bek lalee gata taingat keu Lon

20:43

ٱذۡهَبَآ إِلَىٰ فِرۡعَوۡنَ إِنَّهُۥ طَغَىٰ

Ubak Peuraʻeun jinoe talangkah Sabab Peuraʻeun ka darohaka Peue-peue nyang hawa jipeubuet sudah

20:44

فَقُولَا لَهُۥ قَوۡلًا لَّيِّنًا لَّعَلَّهُۥ يَتَذَكَّرُ أَوۡ يَخۡشَىٰ

Tapeugah beu got le gata dua Bek narit gasa nyang jeuet keusalah Kadang pih jitem jeuet keu peuingat Got pih jitakot watee tapeugah

20:45

قَالَا رَبَّنَآ إِنَّنَا نَخَافُ أَن يَفۡرُطَ عَلَيۡنَآ أَوۡ أَن يَطۡغَىٰ

Kheun gopnyan dua wahe Po kamoe Teumakot kamoe kamoe jigagah Teumakot kamoe keu jielanya Get darohaka pih jih keu Allah

20:46

قَالَ لَا تَخَافَآۖ إِنَّنِي مَعَكُمَآ أَسۡمَعُ وَأَرَىٰ

Neukheun bek yoteuh Lon sajan gata Lon deungo nyata peue nyang jipeugah Lon kalon keudroe bandum perkara

20:47

فَأۡتِيَاهُ فَقُولَآ إِنَّا رَسُولَا رَبِّكَ فَأَرۡسِلۡ مَعَنَا بَنِيٓ إِسۡرَٰٓءِيلَ وَلَا تُعَذِّبۡهُمۡۖ قَدۡ جِئۡنَٰكَ بِـَٔايَةٍ مِّن رَّبِّكَۖ وَٱلسَّلَٰمُ عَلَىٰ مَنِ ٱتَّبَعَ ٱلۡهُدَىٰٓ

Tajak banduateuh laju bagah Tapeugah kamoe Rasul Po gata Neuyue bak gata keu noe meulangkah Bani Israil tajok keu kamoe Bek le lagee nyou buetteuh that salah Bek taazeueb dum Bani Israil Kamoe ba dalil Neubri le Allah Kamcoe ba ayat nibak Po gata Salam seujahtra soe ikot Allah Soe nyang tem ikot peutunyok Tuhan

20:48

إِنَّا قَدۡ أُوحِيَ إِلَيۡنَآ أَنَّ ٱلۡعَذَابَ عَلَىٰ مَن كَذَّبَ وَتَوَلَّىٰ

Meunyo kon meunan azeueb that leupah Ka Neubri wahyu bak kamoe dua Raya that seksa si nyang buet salah À Si nyang han pateh ji paleng muka

20:49

قَالَ فَمَن رَّبُّكُمَا يَٰمُوسَىٰ

Peuraʻeun sigra teuma jipeugah Boh soe Tuhanteuh gata bandua Peugah hai Musa bak lon beu bagah

20:50

قَالَ رَبُّنَا ٱلَّذِيٓ أَعۡطَىٰ كُلَّ شَيۡءٍ خَلۡقَهُۥ ثُمَّ هَدَىٰ

Geukheun Po kamoe nyang bri peuneujeuet ‘Oh Iheueh Neupeujeuet Neubri hidayah Bandum makhluk peuneujeuet Tuhan

20:51

قَالَ فَمَا بَالُ ٱلۡقُرُونِ ٱلۡأُولَىٰ

Seuot Peuraʻeun tacuba peugah Pakriban dilee dum ureueng jameun

20:52

قَالَ عِلۡمُهَا عِندَ رَبِّي فِي كِتَٰبٍۖ لَّا يَضِلُّ رَبِّي وَلَا يَنسَى

Atra nyan geukheun ileumee Allah Ileumee nyan dum na bak Tuhan lon Lam kitab sinan bandum Neupeugah Hana tom silap sagai Tuhan lon Tuwo-Neuh pih tan hana tom salah

20:53

ٱلَّذِي جَعَلَ لَكُمُ ٱلۡأَرۡضَ مَهۡدًا وَسَلَكَ لَكُمۡ فِيهَا سُبُلًا وَأَنزَلَ مِنَ ٱلسَّمَآءِ مَآءً فَأَخۡرَجۡنَا بِهِۦٓ أَزۡوَٰجًا مِّن نَّبَاتٍ شَتَّىٰ

Tuhan nyang peujeuet bumoe keu gata Takalon rupa lagee sajadah S Neubri jeuet gata tapeugot jalan Jeuet ban sabohnyan tajak meulangkah Sideh di langet Neupeutren ujeuen Tanom tanaman timoh le bagah Kamoe peuteubiet meupasang-pasang Le that tanaman hana ban peugah

20:54

كُلُواْ وَٱرۡعَوۡاْ أَنۡعَٰمَكُمۡۚ إِنَّ فِي ذَٰلِكَ لَأٓيَٰتٍ لِّأُوْلِي ٱلنُّهَىٰ

Tapajoh nyan dum jeuet keumakanan Binatangteuh nyan galakjih leupah Binatang ternak jeuet tabri umpeuen Jimeurot sinan umpeuen jih mudah Atra nyan bandum cit jeuet keutanda Soe Ihok bicara jitueng phaedah

20:55

مِنۡهَا خَلَقۡنَٰكُمۡ وَفِيهَا نُعِيدُكُمۡ وَمِنۡهَا نُخۡرِجُكُمۡ تَارَةً أُخۡرَىٰ

Kamoe meupeujeuet gata bak bumoe U dalam bumoe teuma meukeubah Sigo treuk teuma tateubiet sinan Tinggai bumoe nyan gata talangkah

20:56

وَلَقَدۡ أَرَيۡنَٰهُ ءَايَٰتِنَا كُلَّهَا فَكَذَّبَ وَأَبَىٰ

Kamoe peuleumah dum ayat Kamoe Jikheun atra nyoe sulet that leupah Han jitem pateh jidarohaka

20:57

قَالَ أَجِئۡتَنَا لِتُخۡرِجَنَا مِنۡ أَرۡضِنَا بِسِحۡرِكَ يَٰمُوسَىٰ

Jikheun hai Musa peue tajak peugah Tameung peuteubiet kamoe di sinoe Ngon siheteuh nyoe tapeuget ulah

20:58

فَلَنَأۡتِيَنَّكَ بِسِحۡرٍ مِّثۡلِهِۦ فَٱجۡعَلۡ بَيۡنَنَا وَبَيۡنَكَ مَوۡعِدًا لَّا نُخۡلِفُهُۥ نَحۡنُ وَلَآ أَنتَ مَكَانًا سُوًى

Dikamoe pih na siher dum sinoe 1 Gata ngon kamoe saban that leupah Nyan sihe gata cit kamoe lawan Meujanji pajan jinoe bek ubah Janji gata nyoe jinoe mupakat Bak saboh teumpat keudeh talangkah Teumpat nyang lapang keunan meusapat

20:59

قَالَ مَوۡعِدُكُمۡ يَوۡمُ ٱلزِّينَةِ وَأَن يُحۡشَرَ ٱلنَّاسُ ضُحًى

Musa kheun leugat janji bek ubah Bak uroe raya ‘oh beungoh uroe Tahei sinaroe rakyat tayue krah

20:60

فَتَوَلَّىٰ فِرۡعَوۡنُ فَجَمَعَ كَيۡدَهُۥ ثُمَّ أَتَىٰ

Beudoh Peuraʻeun jijak hei pakat Tipu muslihat jipeuget ulah Teuma bak teumpat laju jiteuka

20:61

قَالَ لَهُم مُّوسَىٰ وَيۡلَكُمۡ لَا تَفۡتَرُواْ عَلَى ٱللَّهِ كَذِبًا فَيُسۡحِتَكُم بِعَذَابٍۖ وَقَدۡ خَابَ مَنِ ٱفۡتَرَىٰ

Musa kheun gata ceulaka sudah Bek peuna-peuna sulet keu Tuhan Neubri balasan ‘azeueb that leupah Nyang peuna-peuna raya that rugoe

20:62

فَتَنَٰزَعُوٓاْ أَمۡرَهُم بَيۡنَهُمۡ وَأَسَرُّواْ ٱلنَّجۡوَىٰ

Teuma sabe droe ka jimubantah Lheueh jimeus‘ah-s‘ah dum sabe keudroe

20:63

قَالُوٓاْ إِنۡ هَٰذَٰنِ لَسَٰحِرَٰنِ يُرِيدَانِ أَن يُخۡرِجَاكُم مِّنۡ أَرۡضِكُم بِسِحۡرِهِمَا وَيَذۡهَبَا بِطَرِيقَتِكُمُ ٱلۡمُثۡلَىٰ

Jikheun treuk meunoe peue jijak peugah Bandua jih nyan cit tukang sihe Jimeung boh sihe tanyoe jirajah JIMEUNE pEurEuvIet tanyoe di Sinoe Lam gampong tanyoe jiyue weh bagah Lheueh jipeusihe ban dumna gata Agama gata pih jimeung ubah

20:64

فَأَجۡمِعُواْ كَيۡدَكُمۡ ثُمَّ ٱئۡتُواْ صَفًّاۚ وَقَدۡ أَفۡلَحَ ٱلۡيَوۡمَ مَنِ ٱسۡتَعۡلَىٰ

Peusapat jinoe dum sihe gata Mubareh sigra gata dum siblah Mangat talawan jih nyan bandua Uroe nyoe nyata meunang ngon kalah Soe-soe nyang meunang nyan mubahgia

20:65

قَالُواْ يَٰمُوسَىٰٓ إِمَّآ أَن تُلۡقِيَ وَإِمَّآ أَن نَّكُونَ أَوَّلَ مَنۡ أَلۡقَىٰ

Jikheun hai Musa peue han tapeugah Soe tiek phon kamoe atawa gata

20:66

قَالَ بَلۡ أَلۡقُواْۖ فَإِذَا حِبَالُهُمۡ وَعِصِيُّهُمۡ يُخَيَّلُ إِلَيۡهِ مِن سِحۡرِهِمۡ أَنَّهَا تَسۡعَىٰ

Teuma kheun Musa gata tiek bagah Teuma jitiek le taloe ngon tungkat Dum jigeuriwat geukalon ulah Meunankeuh sihe awak nyan peugot

20:67

فَأَوۡجَسَ فِي نَفۡسِهِۦ خِيفَةً مُّوسَىٰ

Musa teumakot sang-sang beulisah

20:68

قُلۡنَا لَا تَخَفۡ إِنَّكَ أَنتَ ٱلۡأَعۡلَىٰ

Kamoe kheun bek yoteuh gata meunang Leubeh that manyang gata meutuah

20:69

وَأَلۡقِ مَا فِي يَمِينِكَ تَلۡقَفۡ مَا صَنَعُوٓاْۖ إِنَّمَا صَنَعُواْ كَيۡدُ سَٰحِرٍۖ وَلَا يُفۡلِحُ ٱلسَّاحِرُ حَيۡثُ أَتَىٰ

Tatiek laju nyang bak jaroe uneun Teuh jiʻuet bandum peue nyang jiulah Nyang jipeugot nyan cit bandum sihe Han meunang sihe bahle jipeugah

20:70

فَأُلۡقِيَ ٱلسَّحَرَةُ سُجَّدًا قَالُوٓاْ ءَامَنَّا بِرَبِّ هَٰرُونَ وَمُوسَىٰ

Teuma jisujud dum tukang sihe C Jikheun dum han le kamoe buet salah Nyo Tuhan Harun ngon Tuhan Musa Kamoe dum sigra meuiman sudah

20:71

قَالَ ءَامَنتُمۡ لَهُۥ قَبۡلَ أَنۡ ءَاذَنَ لَكُمۡۖ إِنَّهُۥ لَكَبِيرُكُمُ ٱلَّذِي عَلَّمَكُمُ ٱلسِّحۡرَۖ فَلَأُقَطِّعَنَّ أَيۡدِيَكُمۡ وَأَرۡجُلَكُم مِّنۡ خِلَٰفٍ وَلَأُصَلِّبَنَّكُمۡ فِي جُذُوعِ ٱلنَّخۡلِ وَلَتَعۡلَمُنَّ أَيُّنَآ أَشَدُّ عَذَابًا وَأَبۡقَىٰ

Kheun Peuraʻeun peue ka kameuiman Hana kuizin lom keu bandum kah Keubit guree kah jih nyan troh keunoe Jih nyang peurunoe sihe dum keukah Jaroe ngon gakikeuh kukoh bandum Beu surang sareng meusiblah siblah Bandum kusula dicong keureuma Mangat karasa ‘azeueb that leupah Mangat kateupeue soe nyang brat seksa Keukai seumasa lom sinan dikah PEPEN PERR a a Paa A a amamma S

20:72

قَالُواْ لَن نُّؤۡثِرَكَ عَلَىٰ مَا جَآءَنَا مِنَ ٱلۡبَيِّنَٰتِ وَٱلَّذِي فَطَرَنَاۖ فَٱقۡضِ مَآ أَنتَ قَاضٍۖ إِنَّمَا تَقۡضِي هَٰذِهِ ٱلۡحَيَوٰةَ ٱلدُّنۡيَآ

Seuot awak nyan dikamoe han le Gata ka meucre ngon kamoe sudah Kamoe ka insaf ngon keunyataan Lom pih ngon Tuhan nyang Maha Murah Tuhan nyang peujeuet kamoe nyoe bandum Adak tahukom kamoe han susah Tahukom laju ban dumna kamoe Dalam donya nyoe gata peurintah

20:73

إِنَّآ ءَامَنَّا بِرَبِّنَا لِيَغۡفِرَ لَنَا خَطَٰيَٰنَا وَمَآ أَكۡرَهۡتَنَا عَلَيۡهِ مِنَ ٱلسِّحۡرِۗ وَٱللَّهُ خَيۡرٌ وَأَبۡقَىٰٓ

Kamoe meuiman keu Tuhan kamoe Neuampon kamoe sabab ka salah Bandumna kamoe raya that dacha Sabab tapaksa yue peugot ulah Gata yue peugot sihe bak kamoe Watee nyoe kamoe meuwo bak Allah Allah keuh Tuhan nyang that mulia Nyang keukal baqa Maha Peumurah

20:74

إِنَّهُۥ مَن يَأۡتِ رَبَّهُۥ مُجۡرِمًا فَإِنَّ لَهُۥ جَهَنَّمَ لَا يَمُوتُ فِيهَا وَلَا يَحۡيَىٰ

Soe nyang le dacha jijak bak Tuhan Keudeh geusimpan lam apui mirah Dalam nuraka mate jih pih han Udep jih pih han meularat leupah

20:75

وَمَن يَأۡتِهِۦ مُؤۡمِنًا قَدۡ عَمِلَ ٱلصَّٰلِحَٰتِ فَأُوْلَٰٓئِكَ لَهُمُ ٱلدَّرَجَٰتُ ٱلۡعُلَىٰ

Nyang jak bak Tuhan lheueh jimeuiman Amai jih youh nyan pih jroh sileupah Ban teuma Neubri akan ureueng nyan Pangkat nyang manyang hana ban peugah

20:76

جَنَّٰتُ عَدۡنٍ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَذَٰلِكَ جَزَآءُ مَن تَزَكَّىٰ

Churuga ‘Adnen Neubri keu jeumba Di yup churuga ie krueng dum boh bah Keukai di sinan hana teubiet le Ureueng gleh ate nyankeuh beunalah

20:77

وَلَقَدۡ أَوۡحَيۡنَآ إِلَىٰ مُوسَىٰٓ أَنۡ أَسۡرِ بِعِبَادِي فَٱضۡرِبۡ لَهُمۡ طَرِيقًا فِي ٱلۡبَحۡرِ يَبَسًا لَّا تَخَٰفُ دَرَكًا وَلَا تَخۡشَىٰ

Kamoe wahyu treuk teuma bak Musa Teubiet beu sigra watee nyoe bagah Malam tateubiet dum ngon hamba Lon Tapeugot jalan lam laot luah Rot tho ie tajak bek na teumakot Han troh jiseutot gata ka leupah

20:78

فَأَتۡبَعَهُمۡ فِرۡعَوۡنُ بِجُنُودِهِۦ فَغَشِيَهُم مِّنَ ٱلۡيَمِّ مَا غَشِيَهُمۡ

Beudoh Peuraʻeun teuma jiseutot Jiba ngon rakyat jih le sileupah ‘Oh troh lam laot karam treuk bandum Kaom Peuraʻeun ka habeh sudah

20:79

وَأَضَلَّ فِرۡعَوۡنُ قَوۡمَهُۥ وَمَا هَدَىٰ

Nyankeuh kaom jih ka jipeusisat Peuraʻeun jeungkat han ek jipeuglah Han jipeutunyok kaom jih bandum

20:80

يَٰبَنِيٓ إِسۡرَٰٓءِيلَ قَدۡ أَنجَيۡنَٰكُم مِّنۡ عَدُوِّكُمۡ وَوَٰعَدۡنَٰكُمۡ جَانِبَ ٱلطُّورِ ٱلۡأَيۡمَنَ وَنَزَّلۡنَا عَلَيۡكُمُ ٱلۡمَنَّ وَٱلسَّلۡوَىٰ

Hai gata bandum deungo lon peugah Hai cot Israil gata ka meunang Bandum ka seunang ka Kamoe peuglah f Ka leupah gata bak musoh gata À Jinoe dum gata sideh meukeubah Bak bineh buket Thur nyang rot uneun Lom Kamoe peutren makanan indah Ie mon ngon puyouh cicem mangat that Makanan leuzat hana ban peugah

20:81

كُلُواْ مِن طَيِّبَٰتِ مَا رَزَقۡنَٰكُمۡ وَلَا تَطۡغَوۡاْ فِيهِ فَيَحِلَّ عَلَيۡكُمۡ غَضَبِيۖ وَمَن يَحۡلِلۡ عَلَيۡهِ غَضَبِي فَقَدۡ هَوَىٰ

Tapajoh nyang got raseuki gata Nyang ka Kamoe ba bek leupah-leupah Meu leupah pajoh jeuet beungeh Kamoe Meu beungeh Kamoe ceulaka sudah

20:82

وَإِنِّي لَغَفَّارٌ لِّمَن تَابَ وَءَامَنَ وَعَمِلَ صَٰلِحًا ثُمَّ ٱهۡتَدَىٰ

Ureueng nyang toubat ngon jimeuiman € Lom amai jih nyan pih got that leupah Lon ampon deecha bandum ureueng nyan Teuma ureueng nyan mubri hidayah

20:83

وَمَآ أَعۡجَلَكَ عَن قَوۡمِكَ يَٰمُوسَىٰ

Pakon rijang troh gata hai Musa Jeh kaom gata sideh takeubah

20:84

قَالَ هُمۡ أُوْلَآءِ عَلَىٰٓ أَثَرِي وَعَجِلۡتُ إِلَيۡكَ رَبِّ لِتَرۡضَىٰ

Geukheun awak nyan na di likot lon Rila-Neuh keu lon jeuet lon jak bagah Mangat Neurila le Droe-Neuh keu lon

20:85

قَالَ فَإِنَّا قَدۡ فَتَنَّا قَوۡمَكَ مِنۢ بَعۡدِكَ وَأَضَلَّهُمُ ٱلسَّامِرِيُّ

Teuma kheun Tuhan sayang sileupah Brat that ujian keu kaom gata ‘Oh leupah gata jipeubuet salah Kamoe bri keu jih ujian brat that Ka jipeusisat jih le si jadah Ka jipeusisat jih le Samiri Bandum jitaki jiyue nyang salah

20:86

فَرَجَعَ مُوسَىٰٓ إِلَىٰ قَوۡمِهِۦ غَضۡبَٰنَ أَسِفًاۚ قَالَ يَٰقَوۡمِ أَلَمۡ يَعِدۡكُمۡ رَبُّكُمۡ وَعۡدًا حَسَنًاۚ أَفَطَالَ عَلَيۡكُمُ ٱلۡعَهۡدُ أَمۡ أَرَدتُّمۡ أَن يَحِلَّ عَلَيۡكُمۡ غَضَبٌ مِّن رَّبِّكُمۡ فَأَخۡلَفۡتُم مَّوۡعِدِي

Geuwo treuk Musa bak kaom gopnyan Beungeh that gopnyan ngon weueh geuh leupah Geukheun hai kaom kon ka Iheuh janji Keu gata Neubri nyang jroh le Allah Peue na treb lon jak janji ngon gata Peue cit tamita murka Allah Jeuet gata ubah janji deungon lon

20:87

قَالُواْ مَآ أَخۡلَفۡنَا مَوۡعِدَكَ بِمَلۡكِنَا وَلَٰكِنَّا حُمِّلۡنَآ أَوۡزَارًا مِّن زِينَةِ ٱلۡقَوۡمِ فَقَذَفۡنَٰهَا فَكَذَٰلِكَ أَلۡقَى ٱلسَّامِرِيُّ

Seuot dum kaom kon kamoe salah Kon kamoe ubah deungon seungaja Ò Janji ngon gata masa nyang sudah i Tapi jiyue ba bak kamoe barang Dum perhiasan nyang indah-indah Buet si Samiri jiyue tiek keunan Dijih pih meunan kamoe tiek bagah

20:88

فَأَخۡرَجَ لَهُمۡ عِجۡلًا جَسَدًا لَّهُۥ خُوَارٌ فَقَالُواْ هَٰذَآ إِلَٰهُكُمۡ وَإِلَٰهُ مُوسَىٰ فَنَسِيَ

Meung jipeuteubiet treuk aneuk leumo Meusu meuʻo-‘o sang saban leupah Jikheun treuk laju nyoe tuhan gata Ngon Tuhan Musa teuma ka salah Ka tuwo Musa hana geuwoe le

20:89

أَفَلَا يَرَوۡنَ أَلَّا يَرۡجِعُ إِلَيۡهِمۡ قَوۡلًا وَلَا يَمۡلِكُ لَهُمۡ ضَرًّا وَلَا نَفۡعًا

Peue han jipike nyan patong jadah Han jeuet jijaweueb watee jitanyong Meularat pih han cit ek jipeuglah Hana kuasa jibri meularat Hana munapheuʻat pih meung be seupah

20:90

وَلَقَدۡ قَالَ لَهُمۡ هَٰرُونُ مِن قَبۡلُ يَٰقَوۡمِ إِنَّمَا فُتِنتُم بِهِۦۖ وَإِنَّ رَبَّكُمُ ٱلرَّحۡمَٰنُ فَٱتَّبِعُونِي وَأَطِيعُوٓاْ أَمۡرِي

Ka lheueh geupeugah dilee le Harun i Wahe kaom lon atra nyan salah Ka jifitnah dum nyan keu gata Nyang Tuhan gata cit sidroe Allah Ikot lon jinoe tathaʻat keu lon Beu tapateh lon peue nyang lon peugah

20:91

قَالُواْ لَن نَّبۡرَحَ عَلَيۡهِ عَٰكِفِينَ حَتَّىٰ يَرۡجِعَ إِلَيۡنَا مُوسَىٰ

Jikheuen treuk sabe kamoe seumah nyoe Meu goh troh keu noe Musa geulangkah Meu goh woe Musa meuseumah sabe

20:92

قَالَ يَٰهَٰرُونُ مَا مَنَعَكَ إِذۡ رَأَيۡتَهُمۡ ضَلُّوٓاْ

Musa geukheun le aduen meutuah Hai Harun pakon han tatham jih nyan Ka taeu jih nyan sisat sileupah

20:93

أَلَّا تَتَّبِعَنِۖ أَفَعَصَيۡتَ أَمۡرِي

Peue gata han le tatem ikot lon Nyang peurintah lon sang-sang tabantah

20:94

قَالَ يَبۡنَؤُمَّ لَا تَأۡخُذۡ بِلِحۡيَتِي وَلَا بِرَأۡسِيٓۖ إِنِّي خَشِيتُ أَن تَقُولَ فَرَّقۡتَ بَيۡنَ بَنِيٓ إِسۡرَٰٓءِيلَ وَلَمۡ تَرۡقُبۡ قَوۡلِي

Geukheun le aduen hai aneuk ma lon Pakon janggot lon tarinthak bagah r Bek le ulee lon tamat lagee nyan Cit teumakot lon takheun lon salah Ka tapeucre bre Bani Israi Han tapadoli peue nyang lon peugah

20:95

قَالَ فَمَا خَطۡبُكَ يَٰسَٰمِرِيُّ

Kheun Musa teuma kah hai Samiri Pakon buet keuji kapeubuet dikah

20:96

قَالَ بَصُرۡتُ بِمَا لَمۡ يَبۡصُرُواْ بِهِۦ فَقَبَضۡتُ قَبۡضَةً مِّنۡ أَثَرِ ٱلرَّسُولِ فَنَبَذۡتُهَا وَكَذَٰلِكَ سَوَّلَتۡ لِي نَفۡسِي

Seuot Samiri dilon ka lon eu Nyang hana gop eu lon cok treuk bagah 7 Tanoh sigeupai euncit Rasul jak Lon tiek saboh cak bak patong sudah Jikheun le napsu dilon lagee nyan

20:97

قَالَ فَٱذۡهَبۡ فَإِنَّ لَكَ فِي ٱلۡحَيَوٰةِ أَن تَقُولَ لَا مِسَاسَۖ وَإِنَّ لَكَ مَوۡعِدًا لَّن تُخۡلَفَهُۥۖ وَٱنظُرۡ إِلَىٰٓ إِلَٰهِكَ ٱلَّذِي ظَلۡتَ عَلَيۡهِ عَاكِفًاۖ لَّنُحَرِّقَنَّهُۥ ثُمَّ لَنَنسِفَنَّهُۥ فِي ٱلۡيَمِّ نَسۡفًا

Kheun Musa youh nyan boh jak weh dikah Lam udep donya kakheun bek teupeh Dilon kujakweh meunan kapeugah y Uroe akhirat keu kah ‘azeub that Han ek beurangpat pih na soe peuglah Ka eu Tuhankah nyang ka seumah nyan Kamoe tet jih nyan lam apui mirah Lheueh nyan kamoe tiek keudeh lam laot Keu umpeuen eungkot hanco dum bicah

20:98

إِنَّمَآ إِلَٰهُكُمُ ٱللَّهُ ٱلَّذِي لَآ إِلَٰهَ إِلَّا هُوَۚ وَسِعَ كُلَّ شَيۡءٍ عِلۡمًا

Tapi Tuhankah cit sidroe Tuhan Tan laen Tuhan meulengkan Allah Maha kuasa Tuhan Hadharat Dumpeue Neutupat ‘eleumee-Neuh luah

20:99

كَذَٰلِكَ نَقُصُّ عَلَيۡكَ مِنۡ أَنۢبَآءِ مَا قَدۡ سَبَقَۚ وَقَدۡ ءَاتَيۡنَٰكَ مِن لَّدُنَّا ذِكۡرًا

Meunankeuh Kamoe meupeugah khaba Nyang dilee masa bandum meukisah Teuma keu gata pih ka Kamoe bri y Qur’an suci ziker keu Allah

20:100

مَّنۡ أَعۡرَضَ عَنۡهُ فَإِنَّهُۥ يَحۡمِلُ يَوۡمَ ٱلۡقِيَٰمَةِ وِزۡرًا

Soe nyang han tem ngui Qur'an jimat Uroe kiamat geuhon that salah í Geuhon that jime dacha jih nyang nyan

20:101

خَٰلِدِينَ فِيهِۖ وَسَآءَ لَهُمۡ يَوۡمَ ٱلۡقِيَٰمَةِ حِمۡلًا

Keukai jime nyan ngon brat sileupah Brok that awih jih uroe kiamat i

20:102

يَوۡمَ يُنفَخُ فِي ٱلصُّورِۚ وَنَحۡشُرُ ٱلۡمُجۡرِمِينَ يَوۡمَئِذٍ زُرۡقًا

Uroe nyan meuhat meuri soe salah € Uroe nyan geuyup ngon Sangkai Kala Ureueng meudacha muka dum mirah Kamoe peusapat sabe meudacha Keulabee muka krot sang beurintah

20:103

يَتَخَٰفَتُونَ بَيۡنَهُمۡ إِن لَّبِثۡتُمۡ إِلَّا عَشۡرًا

Jimeus‘ah-sʻah dum sabe keudoe-droe Sang siploh uroe sagai tasinggah

20:104

نَّحۡنُ أَعۡلَمُ بِمَا يَقُولُونَ إِذۡ يَقُولُ أَمۡثَلُهُمۡ طَرِيقَةً إِن لَّبِثۡتُمۡ إِلَّا يَوۡمًا

Kamoe nyang teupeue nyang dipeugah nyan i Nyang got pikiran teuma kheun bagah Tinggaiteuh sideh siuroe sagai Jinoe nyang keukai hana peue peugah

20:105

وَيَسۡـَٔلُونَكَ عَنِ ٱلۡجِبَالِ فَقُلۡ يَنسِفُهَا رَبِّي نَسۡفًا

Jitanyong le jih dum ubak gata Ol Gunong nyang raya pakriban ulah Takheun bandum nyan Tuhan peuanco Abeh teupeuro anco dum bicah

20:106

فَيَذَرُهَا قَاعًا صَفۡصَفًا

Neupeujeuet jih dum keu tanoh data Santeut meuleu-a takalon luah

20:107

لَّا تَرَىٰ فِيهَا عِوَجًا وَلَآ أَمۡتًا

Tan le lhok ngon cot takalon sinan

20:108

يَوۡمَئِذٍ يَتَّبِعُونَ ٱلدَّاعِيَ لَا عِوَجَ لَهُۥۖ وَخَشَعَتِ ٱلۡأَصۡوَاتُ لِلرَّحۡمَٰنِ فَلَا تَسۡمَعُ إِلَّا هَمۡسًا

Bandum uroe nyan turot peurintah a Ho nyang geuyue jak laju jiikot ` Han soe jeuet seuot takot keu Allah Hana suara tadeungo meusu Nyang na sigeutu ureueng meus‘ah-s‘ah

20:109

يَوۡمَئِذٍ لَّا تَنفَعُ ٱلشَّفَٰعَةُ إِلَّا مَنۡ أَذِنَ لَهُ ٱلرَّحۡمَٰنُ وَرَضِيَ لَهُۥ قَوۡلًا

Uroe nyan bandum han soe syafaat z Han meunapheu‘at keu soe nyang salah Meulengkan ureueng nyang izin Tuhan Nyang rila Tuhan nyang jeuet seumeugah

20:110

يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡ وَلَا يُحِيطُونَ بِهِۦ عِلۡمًا

Neuteupeue bandum nyang di keue jih nyan Di likot jih nyan Neuteupeue sudah Hana soe teupeue ‘eleumee Tuhan Hana soe tuban Tuhan peurintah

20:111

وَعَنَتِ ٱلۡوُجُوهُ لِلۡحَيِّ ٱلۡقَيُّومِۖ وَقَدۡ خَابَ مَنۡ حَمَلَ ظُلۡمًا

Muka teukukui takot keu Tuhan Nyang udep-Neuh nyan han tom meuubah Hana meuhajat keu beurangkasoe Cit Neudong keudroe hana soe bantah Soe nyang me lalem raya that rugoe

20:112

وَمَن يَعۡمَلۡ مِنَ ٱلصَّٰلِحَٰتِ وَهُوَ مُؤۡمِنٌ فَلَا يَخَافُ ظُلۡمًا وَلَا هَضۡمًا

Nyang hana rugoe iman keu Allah Soe nyang pubuet got lom jimeuiman Bandum ureueng nyan hanapeue sosah Hanapeue takot jih keu elanya Hak jih nyan teuma hana soe rampaih

20:113

وَكَذَٰلِكَ أَنزَلۡنَٰهُ قُرۡءَانًا عَرَبِيًّا وَصَرَّفۡنَا فِيهِ مِنَ ٱلۡوَعِيدِ لَعَلَّهُمۡ يَتَّقُونَ أَوۡ يُحۡدِثُ لَهُمۡ ذِكۡرًا

Meunankeuh Kamoe peutron Qur’an Arab pilehan bahsa jroh leupah Haba peuingat keu azeueb dudoe c Kadang jipakoe bek le buet salah 4 Takot keu azeueb got pih na ingat

20:114

فَتَعَٰلَى ٱللَّهُ ٱلۡمَلِكُ ٱلۡحَقُّۗ وَلَا تَعۡجَلۡ بِٱلۡقُرۡءَانِ مِن قَبۡلِ أَن يُقۡضَىٰٓ إِلَيۡكَ وَحۡيُهُۥۖ وَقُل رَّبِّ زِدۡنِي عِلۡمًا

Maha suci that cit sidroe Allah Raja nyang beuna Maha Kuasa Teuma bek gata napsu that bagah Napsu that bagah takheun Qur'an Wahyu bak Tuhan goh lom Neupeugah Takheun Tuhanku Neutamah keu lon ‘Eleumee dilon kureueng that leupah

20:115

وَلَقَدۡ عَهِدۡنَآ إِلَىٰٓ ءَادَمَ مِن قَبۡلُ فَنَسِيَ وَلَمۡ نَجِدۡ لَهُۥ عَزۡمًا

Ka kamoe janji dilee ngon Adam Tuwo treuk gopnyan ka roh meusalah Hana Kamoe eu gopnyan na cita Nyang kong that jiwa mangat bek salah

20:116

وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ أَبَىٰ

Watee Kamoe kheun bak Malaikat Bak Adam meuhat tasujud bagah Teuma geusujud bandum le leugat Diiblih jeungkat teuma jibantah Han jitem sujud dijih meusiat

20:117

فَقُلۡنَا يَٰٓـَٔادَمُ إِنَّ هَٰذَا عَدُوٌّ لَّكَ وَلِزَوۡجِكَ فَلَا يُخۡرِجَنَّكُمَا مِنَ ٱلۡجَنَّةِ فَتَشۡقَىٰٓ

Bak Adam leugat Kamoe kheun bagah Nyoe musoh gata ngon judo gata Beu ingat gata bek jeuet keu salah Bek jipeuteubiet bandua gata Nibak churuga ji mita hilah Meu ek jipadan peuteubiet gata Ceulaka gata hana ban peugah

20:118

إِنَّ لَكَ أَلَّا تَجُوعَ فِيهَا وَلَا تَعۡرَىٰ

Gata cit han deuek dalam churuga Pakaian gata han tom takeubah

20:119

وَأَنَّكَ لَا تَظۡمَؤُاْ فِيهَا وَلَا تَضۡحَىٰ

Lom gata han grah han tutong uroe

20:120

فَوَسۡوَسَ إِلَيۡهِ ٱلشَّيۡطَٰنُ قَالَ يَٰٓـَٔادَمُ هَلۡ أَدُلُّكَ عَلَىٰ شَجَرَةِ ٱلۡخُلۡدِ وَمُلۡكٍ لَّا يَبۡلَىٰ

Teuma bit paloe chetan seurakah Jipadan gopnyan jikheun hai Adam Deungo lontuan mangat bek sosah Bak kayee khuldi nyan kayee keukai Hana tom sagai pih na meuubah Keurajeuen teutap hantom binasa

20:121

فَأَكَلَا مِنۡهَا فَبَدَتۡ لَهُمَا سَوۡءَٰتُهُمَا وَطَفِقَا يَخۡصِفَانِ عَلَيۡهِمَا مِن وَرَقِ ٱلۡجَنَّةِۚ وَعَصَىٰٓ ءَادَمُ رَبَّهُۥ فَغَوَىٰ

Ka ek jidaya Adam meutuah Bandua gopnyan pajoh boh kayee Leumah meunalee laju ka teuhah Bandua gopnyan mita on kayee Ngon top meunalee bek ‘ayeb leupah Mita on kayee dalam churuga Ka darohaka Adam keu Allah Kakeuh roh sisat geupateh chetan

20:122

ثُمَّ ٱجۡتَبَٰهُ رَبُّهُۥ فَتَابَ عَلَيۡهِ وَهَدَىٰ

Teuma ‘oh lheueh nyan geutoubat bagah ‘Oh ka geutoubat Tuhan teurimong Neupileh gopnyan Neubri hidayah

20:123

قَالَ ٱهۡبِطَا مِنۡهَا جَمِيعَۢاۖ بَعۡضُكُمۡ لِبَعۡضٍ عَدُوٌّۖ فَإِمَّا يَأۡتِيَنَّكُم مِّنِّي هُدًى فَمَنِ ٱتَّبَعَ هُدَايَ فَلَا يَضِلُّ وَلَا يَشۡقَىٰ

Neukheun boh jaktron gata bandua Sabe droe gata mubantah-bantah Meumusoh-musoh sabe keudroe-droe Peutoe bak Kamoe teuma Meupeugah Teuma nyang ikot peutunyok Lon nyoe Han jeuet keu rugoe roh dalam salah Hana rot sisat deungon ceulaka

20:124

وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةً ضَنكًا وَنَحۡشُرُهُۥ يَوۡمَ ٱلۡقِيَٰمَةِ أَعۡمَىٰ

Nyang paleng teuma rugoe sileupah Nyang han tem ikot peutunyok Lon nyoe Udep phon sinoe dijih lam sosah ‘Oh Kamoe bangket kiamat teuka Mata jih buta han sapeue leumah

20:125

قَالَ رَبِّ لِمَ حَشَرۡتَنِيٓ أَعۡمَىٰ وَقَدۡ كُنتُ بَصِيرًا

Jikheun Tuhanku pakon lon buta Dilee trang mata dilon that leupah

20:126

قَالَ كَذَٰلِكَ أَتَتۡكَ ءَايَٰتُنَا فَنَسِيتَهَاۖ وَكَذَٰلِكَ ٱلۡيَوۡمَ تُنسَىٰ

Neukheun cit meunan troh ayat Kamoe Bak gata dum nyoe hana tapapah Digata tuwo keu ayat Kamoe Teuma uroe nyoe kakeuh meubalah Kamoe uroe nyoe tuwo keu gata

20:127

وَكَذَٰلِكَ نَجۡزِي مَنۡ أَسۡرَفَ وَلَمۡ يُؤۡمِنۢ بِـَٔايَٰتِ رَبِّهِۦۚ وَلَعَذَابُ ٱلۡأٓخِرَةِ أَشَدُّ وَأَبۡقَىٰٓ

Meunankeuh cara soe-soe nyang salah Nyang han meuiman keu ayat Tuhan Leubeh nibak nyan dudoe meubalah Azeueb akhirat leubeh that saket Keukai kon siblet saket that leupah

20:128

أَفَلَمۡ يَهۡدِ لَهُمۡ كَمۡ أَهۡلَكۡنَا قَبۡلَهُم مِّنَ ٱلۡقُرُونِ يَمۡشُونَ فِي مَسَٰكِنِهِمۡۚ إِنَّ فِي ذَٰلِكَ لَأٓيَٰتٍ لِّأُوْلِي ٱلنُّهَىٰ

Kon jeuet peutunyok atra nyan keu jih Dilee nibak jih dum ureueng salah a Padum le Kamoe meupeubinasa © Sinoe cit juga jih Kamoe keubah Jijak-jak sinan bak teumpat jih nyan Bandum atra nyan jeuet keu phaedah Jeuet nyan keu tanda keu ureueng ahli Ngon akai budi geupike sudah

20:129

وَلَوۡلَا كَلِمَةٌ سَبَقَتۡ مِن رَّبِّكَ لَكَانَ لِزَامًا وَأَجَلٌ مُّسَمًّى

Adak kon ka na putosan dilee Tuhan peuteuntee han jeuet meuubah Meuhat azeueb nyan ka keunong keu jih

20:130

فَٱصۡبِرۡ عَلَىٰ مَا يَقُولُونَ وَسَبِّحۡ بِحَمۡدِ رَبِّكَ قَبۡلَ طُلُوعِ ٱلشَّمۡسِ وَقَبۡلَ غُرُوبِهَاۖ وَمِنۡ ءَانَآيِٕ ٱلَّيۡلِ فَسَبِّحۡ وَأَطۡرَافَ ٱلنَّهَارِ لَعَلَّكَ تَرۡضَىٰ

Teuma narit jih bek that tapapah Peue nyang jipeugah beu that tasaba Teusbeh tabaca tapujoe Allah Pujoe Po gata yoh mantong shuboh Mata uroe goh hu meujeureulah Meunan pih seupot goh jilop uroe Beu sabe laloe tapujoe Allah Takheun teuseubeh uroe ngon malam Jeuet gata seunang hana le sosah

20:131

وَلَا تَمُدَّنَّ عَيۡنَيۡكَ إِلَىٰ مَا مَتَّعۡنَا بِهِۦٓ أَزۡوَٰجًا مِّنۡهُمۡ زَهۡرَةَ ٱلۡحَيَوٰةِ ٱلدُّنۡيَا لِنَفۡتِنَهُمۡ فِيهِۚ وَرِزۡقُ رَبِّكَ خَيۡرٌ وَأَبۡقَىٰ

Bek that tahadap roe dua mata Teuh keu peue nyang ka Kamoe bri mewah Padum golongan Kamoe bri meunan Nyan keuseunangan galak jih leupah Atra nyan bungong lam udep donya Cobaan raya keu jih fitnah Raseuki Po gata nyan nyang leubeh got Keukai lom meuhat han le meuubah

20:132

وَأۡمُرۡ أَهۡلَكَ بِٱلصَّلَوٰةِ وَٱصۡطَبِرۡ عَلَيۡهَاۖ لَا نَسۡـَٔلُكَ رِزۡقًاۖ نَّحۡنُ نَرۡزُقُكَۗ وَٱلۡعَٰقِبَةُ لِلتَّقۡوَىٰ

Teuma ahliteuh tayue seumbahyang Tasaba beu kong bek bagah-bagah Hana Meulakee raseuki bak gata Tapi keu gata dum Kamoe keubah Kamoe roe nyang bri raseuki keu gata Teuma takwa bahgia leupah

20:133

وَقَالُواْ لَوۡلَا يَأۡتِينَا بِـَٔايَةٍ مِّن رَّبِّهِۦٓۚ أَوَلَمۡ تَأۡتِهِم بَيِّنَةُ مَا فِي ٱلصُّحُفِ ٱلۡأُولَىٰ

Awak nyan jikheun pakon han jiba Ayat nyang nyata sideh bak Allah Tanda bak Tuhan jih keunoe jiba Peue tan jibaca masa nyang sudah Kon ka lheueh nyata lam kitab dilee Sinan dum teuntee ka lheueh geupeugah

20:134

وَلَوۡ أَنَّآ أَهۡلَكۡنَٰهُم بِعَذَابٍ مِّن قَبۡلِهِۦ لَقَالُواْ رَبَّنَا لَوۡلَآ أَرۡسَلۡتَ إِلَيۡنَا رَسُولًا فَنَتَّبِعَ ءَايَٰتِكَ مِن قَبۡلِ أَن نَّذِلَّ وَنَخۡزَىٰ

Sangkira Kamoe Meupeubinasa Jih nyan Meuseksa masa nyang sudah Yoh goh Meupeutron keunoe Qur’an Teuntee jikheun ban meunoe jipeugah Hana Neukirem wahe Po kamoe Rasul bak kamoe jak ba peurintah Meunyo Neukirem jeuet kamoe ikot Ban lagee patot mangat bek salah Bandum ayat-Droeneuh kamoe ikot Jeuet kamoe turot bandum peurintah Yoh goh lom kamoe ‘ayeb ngon hina Lagee nyoe teuma meunyeusai teulah

20:135

قُلۡ كُلٌّ مُّتَرَبِّصٌ فَتَرَبَّصُواْۖ فَسَتَعۡلَمُونَ مَنۡ أَصۡحَٰبُ ٱلصِّرَٰطِ ٱلسَّوِيِّ وَمَنِ ٱهۡتَدَىٰ

Takheun boh tapreh bandum geutanyoe Hana trep jinoe tateupeue bagah Soe tanyoe nyang jak bak jalan teupat Soe nyang Hadharat Neubri hidayah AL-ANBIYA’ (NABI-NABI) JUZ 17) Ngon nama Allah lon peuphon surat Tuhan Hadharat nyang Maha Murah Tuhanku Sidroe geumaseh that-that Donya akhirat rahmat Neulimpah

Translation: Tgk. H. Mahjiddin Jusuf.