بِسۡمِ ٱللَّهِ ٱلرَّحۡمَٰنِ ٱلرَّحِيمِ
79:1وَٱلنَّٰزِعَٰتِ غَرۡقًا
And olsun kafirlərin canını zorla alanlara
79:2وَٱلنَّٰشِطَٰتِ نَشۡطًا
And olsun möminlərin canını rahatlıqla alanlara
79:3وَٱلسَّٰبِحَٰتِ سَبۡحًا
And olsun göydə üzdükcə üzənlərə
79:4فَٱلسَّٰبِقَٰتِ سَبۡقًا
And olsun ötdükcə ötənlərə
79:5فَٱلۡمُدَبِّرَٰتِ أَمۡرًا
And olsun buyruqları yerinə yetirənlərə
79:6يَوۡمَ تَرۡجُفُ ٱلرَّاجِفَةُ
O gün lərzəyə gələn lərzələnəcək
79:7تَتۡبَعُهَا ٱلرَّادِفَةُ
onun ardınca təkrar lərzələnəcək
79:8قُلُوبٌ يَوۡمَئِذٍ وَاجِفَةٌ
Həmən gün qəlblər qorxudan tir-tir əsəcək
79:9أَبۡصَٰرُهَا خَٰشِعَةٌ
Bu qəlb sahiblərinin gözləri məzlum görkəm alacaq
79:10يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
Onlar deyirlər: “Yəni biz yenidən bundan qabaqkı halımıza döndəriləcəyik
79:11أَءِذَا كُنَّا عِظَٰمًا نَّخِرَةً
Sümüklərimiz çürüdükdən sonra?”
79:12قَالُواْ تِلۡكَ إِذًا كَرَّةٌ خَاسِرَةٌ
Onlar dedilər: “Belə olduğu halda bu, zərərli bir qayıdışdır”
79:13فَإِنَّمَا هِيَ زَجۡرَةٌ وَٰحِدَةٌ
O surun üfürülməsi təkcə qorxunc bir səsdir
79:14فَإِذَا هُم بِٱلسَّاهِرَةِ
O vaxt onlar ləngimədən qəbirlərindən yerin səthinə çıxacaqlar
79:15هَلۡ أَتَىٰكَ حَدِيثُ مُوسَىٰٓ
Musanın hadisəsi sənə yetişdimi
79:16إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
O zaman Rəbbi onu müqəddəs Tuva vadisində səsləyib demişdi
79:17ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
“Fironun yanına yollan! O, həddini çox aşmışdır
79:18فَقُلۡ هَل لَّكَ إِلَىٰٓ أَن تَزَكَّىٰ
De: “Günahlardan xilas olmaq istəyirsənmi
79:19وَأَهۡدِيَكَ إِلَىٰ رَبِّكَ فَتَخۡشَىٰ
Səni Rəbbinə doğru yönəldimmi ki, Ondan qorxub çəkinəsən?”
79:20فَأَرَىٰهُ ٱلۡأٓيَةَ ٱلۡكُبۡرَىٰ
Musa ən böyük möcüzəni Firona göstərdi
79:21فَكَذَّبَ وَعَصَىٰ
O isə haqqı yalan sayıb üsyankar olduğunu göstərdi
79:22ثُمَّ أَدۡبَرَ يَسۡعَىٰ
Sonra da üz döndərib fəsad törətməyə girişdi
79:23فَحَشَرَ فَنَادَىٰ
O, camaatını toplayıb onlara hündür səslə müraciət edərək
79:24فَقَالَ أَنَا۠ رَبُّكُمُ ٱلۡأَعۡلَىٰ
dedi: “Sizin ən uca rəbbiniz mənəm!”
79:25فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Belə olduqda, Allah da onu dünya və Axirət əzabı ilə yaxaladı
79:26إِنَّ فِي ذَٰلِكَ لَعِبۡرَةً لِّمَن يَخۡشَىٰٓ
Həqiqətən, bunda Allahdan qorxanlardan ötrü işarə var
79:27ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Sizin yaradılışınız çətindir, yoxsa göyün? Allah onu qurdu
79:28رَفَعَ سَمۡكَهَا فَسَوَّىٰهَا
onun qübbəsini yüksəltdi və düzəldib kamilləşdirdi
79:29وَأَغۡطَشَ لَيۡلَهَا وَأَخۡرَجَ ضُحَىٰهَا
gecəsini qaranlıq edib, səhərini də nurlandırdı
79:30وَٱلۡأَرۡضَ بَعۡدَ ذَٰلِكَ دَحَىٰهَآ
Sonra yeri döşəyib
79:31أَخۡرَجَ مِنۡهَا مَآءَهَا وَمَرۡعَىٰهَا
onda su və otlaq yaratdı
79:32وَٱلۡجِبَالَ أَرۡسَىٰهَا
dağları da yerə bərkitdi
79:33مَتَٰعًا لَّكُمۡ وَلِأَنۡعَٰمِكُمۡ
Bunlar sizin və mal-qaranızın faydalanmasından ötrüdür
79:34فَإِذَا جَآءَتِ ٱلطَّآمَّةُ ٱلۡكُبۡرَىٰ
Ən böyük fəlakətin gəldiyi zaman –
79:35يَوۡمَ يَتَذَكَّرُ ٱلۡإِنسَٰنُ مَا سَعَىٰ
o gün insan törətdiklərini xatırlayacaqdır
79:36وَبُرِّزَتِ ٱلۡجَحِيمُ لِمَن يَرَىٰ
Cəhənnəm isə hər görmə qabiliyyətliyə göstəriləcəkdir
79:37فَأَمَّا مَن طَغَىٰ
Kim həddi aşmışsa
79:38وَءَاثَرَ ٱلۡحَيَوٰةَ ٱلدُّنۡيَا
dünya həyatını axirətdən üstün bilmişsə
79:39فَإِنَّ ٱلۡجَحِيمَ هِيَ ٱلۡمَأۡوَىٰ
həqiqətən, Cəhənnəm onun sığınacağı olacaqdır
79:40وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Ancaq kim Rəbbinin hüzuruna gələcəyindən qorxmuş və nəfsinə ehtirası yasaq etmişsə
79:41فَإِنَّ ٱلۡجَنَّةَ هِيَ ٱلۡمَأۡوَىٰ
həqiqətən, Cənnət onun məskəni olacaq
79:42يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Səndən o Saat barəsində: “O nə vaxt qopacaq?”– deyə soruşurlar
79:43فِيمَ أَنتَ مِن ذِكۡرَىٰهَآ
Axı sən onu haradan biləsən
79:44إِلَىٰ رَبِّكَ مُنتَهَىٰهَآ
Onu kamil bilmək sənin Rəbbinə aiddir
79:45إِنَّمَآ أَنتَ مُنذِرُ مَن يَخۡشَىٰهَا
Sən yalnız ondan qorxanı xəbərdar edənsən
79:46كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Onlar Qiyaməti gördükləri an dünyada yalnız bir axşam çağı və yaxud bir gündüz qədər yaşadıqlarını güman edəcəklər
Translation: Alikhan Musayev.