Surah 79 · 46 verses · Abdullah Muhammad Abu Bakr

Surah An-Nazi'at in Swahili

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

79:1

وَٱلنَّٰزِعَٰتِ غَرۡقًا

Anaapa Mwenyezi Mungu kwa Malaika ambao huzing’oa roho za makafiri mng’oo mkali

79:2

وَٱلنَّٰشِطَٰتِ نَشۡطًا

Na kwa Malaika ambao huzitukua roho za Waumini kwa uchangamfu na upole

79:3

وَٱلسَّٰبِحَٰتِ سَبۡحًا

Na kwa Malaika wanaoogelea katika kushuka kwao kutoka mbinguni na kupaa kwao kwenda mbinguni

79:4

فَٱلسَّٰبِقَٰتِ سَبۡقًا

Na kwa Mlaika ambao wanakimbilia kutekeleza amri za Mwenyezi Mungu

79:5

فَٱلۡمُدَبِّرَٰتِ أَمۡرًا

Na kwa Malaika wanaopitisha amri za Mola wao katika mambo ya ulimwengu waliowakilishwa kuyafanya na kuyasimamia, - Wala haifai kwa kiumbe kukiapia chochote kile, bali yapasa kiapo chake kiwe ni kwa jina la Mola wake Muumba au sifa Zake. Na lau ataapa kwa asiye Muumba wake, basi huyo amekuwa mshirikina - Watafufuliwa viumbe bila shaka na watahesabiwa

79:6

يَوۡمَ تَرۡجُفُ ٱلرَّاجِفَةُ

Siku ambayo ardhi itatetemeka kwa mvuvuo wa kwanza

79:7

تَتۡبَعُهَا ٱلرَّادِفَةُ

mvuvio wa kufisha, ukifuatiwa na mvuvio mwingine wa kuhuisha

79:8

قُلُوبٌ يَوۡمَئِذٍ وَاجِفَةٌ

Nyoyo za makafiri, Siku hiyo, zitakuwa na papatiko kwa kicho kikubwa

79:9

أَبۡصَٰرُهَا خَٰشِعَةٌ

Macho ya makafiri hao yatakuwa madhalilifu kwa kitisho watakachokiona

79:10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Wanasema hawa wakanushao kufufuliwa

79:11

أَءِذَا كُنَّا عِظَٰمًا نَّخِرَةً

«Je, tutarudishwa baada ya kufa kwetu kwenye yale tuliyokuwa nayo katika ardhi? Je, tutarudishwa na hali tushakuwa mifupa iliochakaa?»

79:12

قَالُواْ تِلۡكَ إِذًا كَرَّةٌ خَاسِرَةٌ

Wakasema: «Kurejea kwetu huko kutakuwa kutupu kusikokuwa kweli.’

79:13

فَإِنَّمَا هِيَ زَجۡرَةٌ وَٰحِدَةٌ

Hakika tukio hilo litakuwa kwa mvivio mmoja tu

79:14

فَإِذَا هُم بِٱلسَّاهِرَةِ

Wakitahamaki wao wako hai juu ya ardhi baada ya kuwa walikuwa ndani yake

79:15

هَلۡ أَتَىٰكَ حَدِيثُ مُوسَىٰٓ

Je imekujilia, ewe Mtume, habari ya Mūsā

79:16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Pindi Mola wake Alipomwita katika bonde lililotakaswa na kubarikiwa, la Ṭuwā. Akamwambia

79:17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

«Enda kwa Firauni. Hakika yeye amekiuka mno katika kuasi

79:18

فَقُلۡ هَل لَّكَ إِلَىٰٓ أَن تَزَكَّىٰ

Ukamwambie, ‘Je, unapendelea kuitakasa nafsi yako na upungufu na kuipamba na imani

79:19

وَأَهۡدِيَكَ إِلَىٰ رَبِّكَ فَتَخۡشَىٰ

Na nikuelekeze njia ya kumtii Mola wako, upate kumcha na kumuogopa?’»

79:20

فَأَرَىٰهُ ٱلۡأٓيَةَ ٱلۡكُبۡرَىٰ

Mūsā alimuonyesha Firauni alama kubwa: fimbo na mkono

79:21

فَكَذَّبَ وَعَصَىٰ

Hapo Firauni alimkanusha Nabii wa Mwenyezi Mungu , naye ni Mtume Mūsā, amani imshukie, na alimuasi Mola wake Aliyetukuka

79:22

ثُمَّ أَدۡبَرَ يَسۡعَىٰ

Kisha alikengeuka hali ya kuipa mgongo Imani na kufanya bidii katika kumpinga Mūsā

79:23

فَحَشَرَ فَنَادَىٰ

Hapo aliwakusanya raia wa utawala wake na akawaita kwa

79:24

فَقَالَ أَنَا۠ رَبُّكُمُ ٱلۡأَعۡلَىٰ

kuwaambia,»Mimi ndiye mola wenu ambaye hakuna mola mwengine aliye juu yake.»

79:25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Hapo Mwenyezi Mungu Alimtesa kwa adhabu ya duniani na ya Akhera

79:26

إِنَّ فِي ذَٰلِكَ لَعِبۡرَةً لِّمَن يَخۡشَىٰٓ

Na Akaifanya adhabu hiyo iwe ni mazingatio na ni onyo kwa watu mfano wake kati ya wale waasi. Hakika Firauni na kile kilichompata cha adhabu ni mawaidha kwa mwenye kuwaidhika na kutishika

79:27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Je, kufufuliwa kwenu, enyi watu, baada ya kufa ni kugumu zaidi, katika vipimo vyenu, au ni kuumbwa kwa mbingu

79:28

رَفَعَ سَمۡكَهَا فَسَوَّىٰهَا

Amezipanga juu yenu kama jengo. Na Ameinua sakafu yake angani, haina tofauti wala nyufa

79:29

وَأَغۡطَشَ لَيۡلَهَا وَأَخۡرَجَ ضُحَىٰهَا

Na Ameutia giza usiku wake kwa kutwa kwa jua lake. Na Ameweka wazi mchana wake kwa kuchomoza kwake

79:30

وَٱلۡأَرۡضَ بَعۡدَ ذَٰلِكَ دَحَىٰهَآ

Na ardhi baada ya kuumba mbingu Ameitandaza. Na Ameweka humo manufaa yake

79:31

أَخۡرَجَ مِنۡهَا مَآءَهَا وَمَرۡعَىٰهَا

Na Ametumbua humo chemchemu za maji. Na Ameotesha humo mimea inayolishwa

79:32

وَٱلۡجِبَالَ أَرۡسَىٰهَا

Na Ameyakita humo majabali yakiwa ni vigingi vyake. Ameumba, Aliyetakasika na kila upungufu

79:33

مَتَٰعًا لَّكُمۡ وَلِأَنۡعَٰمِكُمۡ

neema zote hizi zikiwa ni manufaa kwenu na kwa wanyama wenu. (Hakika kurudisha kuumbwa kwenu, Siku ya Kiyama, ni sahali kwa Mwenyezi Mungu kushinda kuumba viumbe hivyo vyingine. Na vyote hivyo, kwa Mwenyezi Mungu, ni rahisi na ni vipesi)

79:34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Pindi kitakapokuja Kiyama Kikubwa na balaa nzito, nao ni Mvuvio wa pili. Kipindi hicho zitaoneshwa kwa binadamu vitendo vyake vyote, za kheri na za shari

79:35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Hapo atazikumbuka na kuzitambua

79:36

وَبُرِّزَتِ ٱلۡجَحِيمُ لِمَن يَرَىٰ

Na utaoneshwa Moto wa Jahanamu kwa kila aonaye, uwe waonekana waziwazi

79:37

فَأَمَّا مَن طَغَىٰ

Ama yule atakayekiuka amri ya Mwenyezi Mungu

79:38

وَءَاثَرَ ٱلۡحَيَوٰةَ ٱلدُّنۡيَا

na akapendelea maisha ya ulimwenguni kuliko ya Akhera

79:39

فَإِنَّ ٱلۡجَحِيمَ هِيَ ٱلۡمَأۡوَىٰ

basi kwa kweli marejeo yake ni Motoni

79:40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Na ama yule atakayeogopa kusimama mbele ya Mwenyezi Mungu kuhesabiwa na akaikanya nafsi yake na matamanio mapotofu

79:41

فَإِنَّ ٱلۡجَنَّةَ هِيَ ٱلۡمَأۡوَىٰ

basi Peponi ndiko makazi yake

79:42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Wanakuuliza washirikina, ewe Mtume, kwa madharau, kuhusu wakati wa kuanzia Kiyama unachowaonya

79:43

فِيمَ أَنتَ مِن ذِكۡرَىٰهَآ

Wewe huna kamwe ujuzi nacho

79:44

إِلَىٰ رَبِّكَ مُنتَهَىٰهَآ

Bali mambo ya ujuzi huo yarejeshwe kwa Mwenyezi Mungu, Mwenye Sifa Tukufu

79:45

إِنَّمَآ أَنتَ مُنذِرُ مَن يَخۡشَىٰهَا

Wewe linalokuhusu katika habari zake ni kumuonya nacho yule anayekiogopa

79:46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Kama kwamba wao siku watakapouona Kiyama kimesimama, watakuwa hawakukaa katika maisha yao ya duniani, kwa vituko vya hiko Kiyama, isipokuwa ni kama kwamba wamkaa kati ya adhuhuri mpaka kutwa juwa, au ni kama kati ya kuchomoza jua mpaka nusu ya mchana

Translation: Abdullah Muhammad Abu Bakr.