Surah 79 · 46 verses · Tgk. H. Mahjiddin Jusuf
Surah An-Nazi'at in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
Jikheun peue ek jeut tanyoe meuubah Ek jeut tawoe lom Iheuh dalam uruek
أَءِذَا كُنَّا عِظَٰمًا نَّخِرَةً
Tuleung ka teupluek ka anco bicah ‘Oh jeut geutanyoe keu tuleung anco
فَإِذَا هُم بِٱلسَّاهِرَةِ
Ban tanjo jih nyan ka teudong bagah U ateuh bumoe jih nyan ka teudong Teubingong-bingong hana peue peugah
إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
Watee di Thuwa Neuhoi le Allah Lam urong suci nyang nan jih Thuwa Sinan bak Musa Tuhan Neupeugah
ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
Ubak Peuraʻun tajak hai Musa! Jih darohaka jipubuet salah
وَأَهۡدِيَكَ إِلَىٰ رَبِّكَ فَتَخۡشَىٰ
Lon tunyok keunoe bak jalan Allah Mangat tatakot akan Po gata
فَقَالَ أَنَا۠ رَبُّكُمُ ٱلۡأَعۡلَىٰ
Jikheun nyoe keuh lon sidroe po gata Nyang manyang raya leupah that meugah
فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Neuazeub treuk jih uleh Hadharat Azeub akhirat nyang brat sileupah Azeub di donya jirasa meuhat
إِنَّ فِي ذَٰلِكَ لَعِبۡرَةً لِّمَن يَخۡشَىٰٓ
Jeut keu ibarat bandum nyan sudah Jeut keu ibarat keu soe nyang takot Keu soe nyang turot peutunyok Allah
ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Peue brat that gata bak Tuhan peujeut Soe brat ngon langet nyang dumnan luah Langet Neubina keudroe le Tuhan
وَأَغۡطَشَ لَيۡلَهَا وَأَخۡرَجَ ضُحَىٰهَا
Neupeujeut malam seupot that leupah ‘Oh beungoh uroe teuma Neupeutrang
أَخۡرَجَ مِنۡهَا مَآءَهَا وَمَرۡعَىٰهَا
Neupeuteubiet ie di dalam bumoe Timoh sinaroe taeu jroh leupah Timoh bak kayee ijo dum rata
مَتَٰعًا لَّكُمۡ وَلِأَنۡعَٰمِكُمۡ
Jeut keusenangan bandum keu gata Binatang gata pih han le susah Binatang ternak bandum ka seunang Le that makanan jirot le bagah
يَوۡمَ يَتَذَكَّرُ ٱلۡإِنسَٰنُ مَا سَعَىٰ
Insan teuingat masa nyang sudah Peue nyang jipubuet baro-baro kon Ingat uroe nyan peue na nyang salah
وَبُرِّزَتِ ٱلۡجَحِيمُ لِمَن يَرَىٰ
Lom geupeuleumah yoh nyan nuraka Uroe nyan nyata jikalon leumah
وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Laen that beda ureueng meutuah Ureueng nyang takwa takot keu Tuhan Napsu ureueng nyan pih ek geuteugah Han geupeuturot napsu ngon chetan
يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Awak nyan tanyong teuma bak gata Kiamat teuka pajan tapeugah
إِنَّمَآ أَنتَ مُنذِرُ مَن يَخۡشَىٰهَا
Di gata teuntee han jeut tapeugah Di gata sagai meu tapeuingat Keu soe nyang takot keubit keu Allah Keu soe nyang takot teuka kiamat
كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Uroe nyan meuhat jieu trang leupah Watee nyan jieu sang-sang gohlom trep Malam lheuh meugreb watee that bagah Atawa beungoh ban teubiet uroe Hana trep lagoe ka teuka sudah
Translation: Tgk. H. Mahjiddin Jusuf.