Surah 43 · 89 verses · Tgk. H. Mahjiddin Jusuf

Surah Az-Zukhruf in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

43:1

حمٓ

Ha Mim Tuhan nyang teupue meukeusud ayat Sabab Hadharat hana Neupeugah

43:2

وَٱلۡكِتَٰبِ ٱلۡمُبِينِ

Demi kitab nyoe keubit nyata that

43:3

إِنَّا جَعَلۡنَٰهُ قُرۡءَٰنًا عَرَبِيًّا لَّعَلَّكُمۡ تَعۡقِلُونَ

Lam bahsa Arab Qur’an meuulah Mangat jeut tapham ngon akai sehat

43:4

وَإِنَّهُۥ فِيٓ أُمِّ ٱلۡكِتَٰبِ لَدَيۡنَا لَعَلِيٌّ حَكِيمٌ

Lam ummul kitab dilee meukeubah Sideh bak Kamoe dilee manyang that Ngon le hikeumat sinan meupeugah

43:5

أَفَنَضۡرِبُ عَنكُمُ ٱلذِّكۡرَ صَفۡحًا أَن كُنتُمۡ قَوۡمًا مُّسۡرِفِينَ

Peue bek meupeutron teuma bak gata Sabab dum gata kawom nyang salah

43:6

وَكَمۡ أَرۡسَلۡنَا مِن نَّبِيٍّ فِي ٱلۡأَوَّلِينَ

Padum le Nabi ka Kamoe kirem Bak kawom jameun masa nyang sudah

43:7

وَمَا يَأۡتِيهِم مِّن نَّبِيٍّ إِلَّا كَانُواْ بِهِۦ يَسۡتَهۡزِءُونَ

‘Oh ban troh Nabi ubak awaknyan Jipeukhem gopnyan jikheun beurakah

43:8

فَأَهۡلَكۡنَآ أَشَدَّ مِنۡهُم بَطۡشًا وَمَضَىٰ مَثَلُ ٱلۡأَوَّلِينَ

Meupeubinasa treuk nyang juara Nyang leupah teuga dalam buet salah Haba ngon miseu dum keu awaknyan Ka lheuh uroenyan dum Kamoe peugah

43:9

وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ خَلَقَهُنَّ ٱلۡعَزِيزُ ٱلۡعَلِيمُ

Meunyo tatanyong soe peujeut langet Ngon bumoe meuhat lagee nyoe luah Meuhat dum jikheun Tuhan nyang peujeut Kuasa Neuh that Perkasa leupah Neuteupue dumpeue hana nyang silap

43:10

ٱلَّذِي جَعَلَ لَكُمُ ٱلۡأَرۡضَ مَهۡدًا وَجَعَلَ لَكُمۡ فِيهَا سُبُلًا لَّعَلَّكُمۡ تَهۡتَدُونَ

Bumoe nyo meuhat lagee peuratah Neupeujeut bumoe keu gata bandum Sang tika teulheung raya ngon luah Neupeugot jalan dum dalam bumoe Mangat troh sampoe ho tameulangkah

43:11

وَٱلَّذِي نَزَّلَ مِنَ ٱلسَّمَآءِ مَآءَۢ بِقَدَرٍ فَأَنشَرۡنَا بِهِۦ بَلۡدَةً مَّيۡتًاۚ كَذَٰلِكَ تُخۡرَجُونَ

Ujeun di langet Neupeutron bacut Kamoe peuudep nanggroe tho leupah Gata pih meunan dudoe geubangket ‘Oh Iheuh padum trep sinan geukeubah

43:12

وَٱلَّذِي خَلَقَ ٱلۡأَزۡوَٰجَ كُلَّهَا وَجَعَلَ لَكُم مِّنَ ٱلۡفُلۡكِ وَٱلۡأَنۡعَٰمِ مَا تَرۡكَبُونَ

Neupeujeut dumpeue meupasang-pasang Kapai jak tajam di laot luah Binatang ternak Neupeujuet saban Jeut cit keu keundraan ho tameulangkah

43:13

لِتَسۡتَوُۥاْ عَلَىٰ ظُهُورِهِۦ ثُمَّ تَذۡكُرُواْ نِعۡمَةَ رَبِّكُمۡ إِذَا ٱسۡتَوَيۡتُمۡ عَلَيۡهِ وَتَقُولُواْ سُبۡحَٰنَ ٱلَّذِي سَخَّرَ لَنَا هَٰذَا وَمَا كُنَّا لَهُۥ مُقۡرِنِينَ

Meu ka Iheuh taduek ateuh rueng keundraan Taingat rijang keu nikmat Allah Nikmat Po gata ‘oh taduek takheun Suci that Tuhan nyang Maha Murah Neubri jeut meuduek ateuh keundraan nyoe Adak han kamoe ka jeut that susah

43:14

وَإِنَّآ إِلَىٰ رَبِّنَا لَمُنقَلِبُونَ

Kamoe cit meuwoe ubak Po kamoe

43:15

وَجَعَلُواْ لَهُۥ مِنۡ عِبَادِهِۦ جُزۡءًاۚ إِنَّ ٱلۡإِنسَٰنَ لَكَفُورٌ مُّبِينٌ

Teuma awaknyoe jipubuet ulah Na saboh bahgi peuneujeut Tuhan Jijok keu Tuhan meunan jipeugah Insan nyoe hana jiingat jasa Jikaphe teuma nyata that leupah I

43:16

أَمِ ٱتَّخَذَ مِمَّا يَخۡلُقُ بَنَاتٍ وَأَصۡفَىٰكُم بِٱلۡبَنِينَ

Ek patot Tuhan na aneuk inong Laen nyang agam bandum Neukeubah Neujok nyang agam bandum keu gata Oh lheuh Neucipta makheuluk Allah

43:17

وَإِذَا بُشِّرَ أَحَدُهُم بِمَا ضَرَبَ لِلرَّحۡمَٰنِ مَثَلًا ظَلَّ وَجۡهُهُۥ مُسۡوَدًّا وَهُوَ كَظِيمٌ

Meunyo na aneuk di jih nyang inong Lagee keu Tuhan ban lheuh jipeugah Mukajih itam beungeh jih that-that I

43:18

أَوَمَن يُنَشَّؤُاْ فِي ٱلۡحِلۡيَةِ وَهُوَ فِي ٱلۡخِصَامِ غَيۡرُ مُبِينٍ

Peue meunan sipheut awak nyang gagah Takalon cantek bak ngui pakaian Han ek jipeutrang watee geubantah

43:19

وَجَعَلُواْ ٱلۡمَلَٰٓئِكَةَ ٱلَّذِينَ هُمۡ عِبَٰدُ ٱلرَّحۡمَٰنِ إِنَٰثًاۚ أَشَهِدُواْ خَلۡقَهُمۡۚ سَتُكۡتَبُ شَهَٰدَتُهُمۡ وَيُسۡـَٔلُونَ

Malaikat dum jipeugah inong Nyan hamba Tuhan nyang Maha Murah Peue na jikalon watee Neupeujeut Uleh Hadharat jeutnyan jipeugah Bandum geutuleh peue nyang jikheun nyan Akan Neutanyong dudoe le Allah

43:20

وَقَالُواْ لَوۡ شَآءَ ٱلرَّحۡمَٰنُ مَا عَبَدۡنَٰهُمۗ مَّا لَهُم بِذَٰلِكَ مِنۡ عِلۡمٍۖ إِنۡ هُمۡ إِلَّا يَخۡرُصُونَ

Jikheun meunyo ka kheundak bak Tuhan Bandum ureueng nyan han kamoe seumah Hana jiteupue di jih meusapeue Meuka jigo-go mantong jipeugah

43:21

أَمۡ ءَاتَيۡنَٰهُمۡ كِتَٰبًا مِّن قَبۡلِهِۦ فَهُم بِهِۦ مُسۡتَمۡسِكُونَ

Peue na Kamoe bri keu jihnyan kitab Keunan jimumat masa nyang sudah

43:22

بَلۡ قَالُوٓاْ إِنَّا وَجَدۡنَآ ءَابَآءَنَا عَلَىٰٓ أُمَّةٍ وَإِنَّا عَلَىٰٓ ءَاثَٰرِهِم مُّهۡتَدُونَ

Tapi jih jikheun kamoe meukalon Yah kamoe bandum jkeunan geuseumah Kamoe meuikot peutunyok gopnyan

43:23

وَكَذَٰلِكَ مَآ أَرۡسَلۡنَا مِن قَبۡلِكَ فِي قَرۡيَةٍ مِّن نَّذِيرٍ إِلَّا قَالَ مُتۡرَفُوهَآ إِنَّا وَجَدۡنَآ ءَابَآءَنَا عَلَىٰٓ أُمَّةٍ وَإِنَّا عَلَىٰٓ ءَاثَٰرِهِم مُّقۡتَدُونَ

Dileekon meunan cit dum jipeugah Pat-pat nyang nanggroe meukirem rasul Han jitem kabui bandum jibantah Awak nyang mewah dum jikheun meunoe Dilee yah kamoe meunan geupeugah Kamoe meuikot agama gopnyan

43:24

قَٰلَ أَوَلَوۡ جِئۡتُكُم بِأَهۡدَىٰ مِمَّا وَجَدتُّمۡ عَلَيۡهِ ءَابَآءَكُمۡۖ قَالُوٓاْ إِنَّا بِمَآ أُرۡسِلۡتُم بِهِۦ كَٰفِرُونَ

Kheun rasul yohnyan kawom meutuah Boh meunyo lon bri tunyok keu gata Nyang leubeh nyata nibak buet ayah Jikheun di kamoe hana peue kheun le Sit ka meukaphe peue nyang tapeugah

43:25

فَٱنتَقَمۡنَا مِنۡهُمۡۖ فَٱنظُرۡ كَيۡفَ كَانَ عَٰقِبَةُ ٱلۡمُكَذِّبِينَ

Kamoe bri azeub treuk keu awaknyan Takalon keuh nyan peue na jikeubah Pakri akibat keu soe han pateh Bandum jih abeh jinoe ka sudah

43:26

وَإِذۡ قَالَ إِبۡرَٰهِيمُ لِأَبِيهِ وَقَوۡمِهِۦٓ إِنَّنِي بَرَآءٌ مِّمَّا تَعۡبُدُونَ

Ibrahim geukheun bak ayah gopnyan Ngon kawom gopnyan meunoe geupeugah Peue nyang taseumah dum hana roh lon

43:27

إِلَّا ٱلَّذِي فَطَرَنِي فَإِنَّهُۥ سَيَهۡدِينِ

Lon seumah di lon sit sidroe Allah Tuhanku sidroe keuh nyang peujeut lon Neupeutunyok lon bek roh buet salah

43:28

وَجَعَلَهَا كَلِمَةَۢ بَاقِيَةً فِي عَقِبِهِۦ لَعَلَّهُمۡ يَرۡجِعُونَ

Nyan keuh geukeubah narit nyang keukai Beu jeut keu beukai soe nyang meutuah Mudah-mudahan jigisa keunan Dilikot gopnyan dum hamba Allah

43:29

بَلۡ مَتَّعۡتُ هَٰٓؤُلَآءِ وَءَابَآءَهُمۡ حَتَّىٰ جَآءَهُمُ ٱلۡحَقُّ وَرَسُولٌ مُّبِينٌ

Tapi ka lon bri dum seunang keu jih Deungon yah-yah jih dilee ka sudah NINSEA TON Dax Jin nyang Keuvcnaran Rasul jak peutrang bandum peurintah

43:30

وَلَمَّا جَآءَهُمُ ٱلۡحَقُّ قَالُواْ هَٰذَا سِحۡرٌ وَإِنَّا بِهِۦ كَٰفِرُونَ

‘Oh ban troh geuba bak jih nyang beuna Atranyoe teuma sihe jipeugah Kamoe meukaphe hana meupateh

43:31

وَقَالُواْ لَوۡلَا نُزِّلَ هَٰذَا ٱلۡقُرۡءَانُ عَلَىٰ رَجُلٍ مِّنَ ٱلۡقَرۡيَتَيۡنِ عَظِيمٍ

Pakon han keudeh mantong geukeubah Bak ureueng rayok bak dua nanggroe Keunan Quran nyoe geuyue jak peugah

43:32

أَهُمۡ يَقۡسِمُونَ رَحۡمَتَ رَبِّكَۚ نَحۡنُ قَسَمۡنَا بَيۡنَهُم مَّعِيشَتَهُمۡ فِي ٱلۡحَيَوٰةِ ٱلدُّنۡيَاۚ وَرَفَعۡنَا بَعۡضَهُمۡ فَوۡقَ بَعۡضٍ دَرَجَٰتٍ لِّيَتَّخِذَ بَعۡضُهُم بَعۡضًا سُخۡرِيًّاۗ وَرَحۡمَتُ رَبِّكَ خَيۡرٌ مِّمَّا يَجۡمَعُونَ

Peue jih nyang bagi rahmat Po gata Jibagi dua meusiblah-siblah Kamoe nyang bagi keu jih dum teuma Udep lam donya keu jih meupisah Meupeuek pangkat keu jihnyan ladom Mangat nyang ladom jipandang rendah Jiyue barangpeue ngon jih nyang hina Rahmat Po gata teuma nyang indah Nibak areuta nyang jih peusapat Leubeh got rahmat Neubri le Allah

43:33

وَلَوۡلَآ أَن يَكُونَ ٱلنَّاسُ أُمَّةً وَٰحِدَةً لَّجَعَلۡنَا لِمَن يَكۡفُرُ بِٱلرَّحۡمَٰنِ لِبُيُوتِهِمۡ سُقُفًا مِّن فِضَّةٍ وَمَعَارِجَ عَلَيۡهَا يَظۡهَرُونَ

Adak kon napsu keu bandum insan $ Beu saboh jalan bek roh lam salah Teuntee Kamoe bri keu awak kaphe Rumoh meuuke nyanggot that leupah Bubong jih pirak rinyeun rot jiek

43:34

وَلِبُيُوتِهِمۡ أَبۡوَٰبًا وَسُرُرًا عَلَيۡهَا يَتَّكِـُٔونَ

Pinto meulirek lom ngon peuratah Meusadeu jidong bak peuratah nyan

43:35

وَزُخۡرُفًاۚ وَإِن كُلُّ ذَٰلِكَ لَمَّا مَتَٰعُ ٱلۡحَيَوٰةِ ٱلدُّنۡيَاۚ وَٱلۡأٓخِرَةُ عِندَ رَبِّكَ لِلۡمُتَّقِينَ

Lom perhiasan nyang indah-indah ; Bandumnyan seunang lam udep donya Akhirat teuma nyan laen ulah Seunang akhirat keu soe nyang takwa Nibak Po gata sideh Neukeubah

43:36

وَمَن يَعۡشُ عَن ذِكۡرِ ٱلرَّحۡمَٰنِ نُقَيِّضۡ لَهُۥ شَيۡطَٰنًا فَهُوَ لَهُۥ قَرِينٌ

Barangsoe buta han ingat Tuhan Kamoe bri rakan chetan seurakah Kamoe bri keu ngon jih di jih chetan

43:37

وَإِنَّهُمۡ لَيَصُدُّونَهُمۡ عَنِ ٱلسَّبِيلِ وَيَحۡسَبُونَ أَنَّهُم مُّهۡتَدُونَ

Mangat jih jitham bak jalan Allah Han jibri jak jih bak jalan teupat Jisangka meuhat jalan got leupah

43:38

حَتَّىٰٓ إِذَا جَآءَنَا قَالَ يَٰلَيۡتَ بَيۡنِي وَبَيۡنَكَ بُعۡدَ ٱلۡمَشۡرِقَيۡنِ فَبِئۡسَ ٱلۡقَرِينُ

Hingga ‘oh troh jih teuma bak Kamoe Beu jarak keuh nyoe jikheun le bagah Antara teubiet ngon jìlop uroe Adak jeut dumnoe jarak lon ngon kah Keubit roe chetan rakan jeuheut that

43:39

وَلَن يَنفَعَكُمُ ٱلۡيَوۡمَ إِذ ظَّلَمۡتُمۡ أَنَّكُمۡ فِي ٱلۡعَذَابِ مُشۡتَرِكُونَ

Tan le munaphaʻat meunyesai teulah Hana guna le meunyesai gata Lalem that gata masa nyang sudah Uroe nyoe sapat teuh dalam azeub

43:40

أَفَأَنتَ تُسۡمِعُ ٱلصُّمَّ أَوۡ تَهۡدِي ٱلۡعُمۡيَ وَمَن كَانَ فِي ضَلَٰلٍ مُّبِينٍ

Peue ek tamarit ngon ureueng salah Peue ureueng tuloe ek deuh jideungo Bak ureueng buta jalan tapeugah Ngon ureueng sisat nyang leupah nyata

43:41

فَإِمَّا نَذۡهَبَنَّ بِكَ فَإِنَّا مِنۡهُم مُّنتَقِمُونَ

Kadang di gata tawoe bak Allah Kamoe peumate kadang phon gata Jihnyan meusiksa dudoe that leupah

43:42

أَوۡ نُرِيَنَّكَ ٱلَّذِي وَعَدۡنَٰهُمۡ فَإِنَّا عَلَيۡهِم مُّقۡتَدِرُونَ

Got meupeuleumah pih ubak gata Janjimeuh nyang ka masa nyang sudah Barangban Kamoe sit that kuasa

43:43

فَٱسۡتَمۡسِكۡ بِٱلَّذِيٓ أُوحِيَ إِلَيۡكَۖ إِنَّكَ عَلَىٰ صِرَٰطٍ مُّسۡتَقِيمٍ

Teuma di gata beu kong that leupah Peue nyang geuwahi keunan bak gata Tamat beu teuga bek sagai ubah Keubit roe gata bak jalan teupat

43:44

وَإِنَّهُۥ لَذِكۡرٌ لَّكَ وَلِقَوۡمِكَۖ وَسَوۡفَ تُسۡـَٔلُونَ

Dike teuh meuhat taingat Allah Dike keu gata ngon kawom gata Neutänyong teuma dudoe le Allah

43:45

وَسۡـَٔلۡ مَنۡ أَرۡسَلۡنَا مِن قَبۡلِكَ مِن رُّسُلِنَآ أَجَعَلۡنَا مِن دُونِ ٱلرَّحۡمَٰنِ ءَالِهَةً يُعۡبَدُونَ

Tatanyeng rasul sigohlom gata Peue na meuyue ba Tuhan nyang salah Na meuyue seumah Tuhan nyang laen Nyang macam-macam nyang bukon Allah

43:46

وَلَقَدۡ أَرۡسَلۡنَا مُوسَىٰ بِـَٔايَٰتِنَآ إِلَىٰ فِرۡعَوۡنَ وَمَلَإِيْهِۦ فَقَالَ إِنِّي رَسُولُ رَبِّ ٱلۡعَٰلَمِينَ

Ka Kamoe kirem yoh dilee Musa Keudeh geujakba ngon ayat Allah Ubak Peureu‘ʻun ngon kawom jihnyoe Ngon ayat Kamoe keunan geulangkah Geukheun lon rasul Tuhan Po gata

43:47

فَلَمَّا جَآءَهُم بِـَٔايَٰتِنَآ إِذَا هُم مِّنۡهَا يَضۡحَكُونَ

‘Oh troh geuh keunan jikhem meuhah-hah Jiulok-ulok dum ayat Kamoe

43:48

وَمَا نُرِيهِم مِّنۡ ءَايَةٍ إِلَّا هِيَ أَكۡبَرُ مِنۡ أُخۡتِهَاۖ وَأَخَذۡنَٰهُم بِٱلۡعَذَابِ لَعَلَّهُمۡ يَرۡجِعُونَ

Meubagoe-bagoe Kamoe peuleumah Meupeudeuh bak jih padum muʻjizat Maken raya that Kamoe peuleumah Maken le ayat maken rayok lom Di jih han cit lom pateh peurintah Kamoe bri azeub treuk teuma keu jih Kadang jiwoe jih nibak buet salah

43:49

وَقَالُواْ يَٰٓأَيُّهَ ٱلسَّاحِرُ ٱدۡعُ لَنَا رَبَّكَ بِمَا عَهِدَ عِندَكَ إِنَّنَا لَمُهۡتَدُونَ

Jikheun treuk dum jih hai tukang sihe Di kamoe han le meupubuet salah Talakee duʻa bak Tuhan gata Janji ngon gata kamoe Neupeuglah

43:50

فَلَمَّا كَشَفۡنَا عَنۡهُمُ ٱلۡعَذَابَ إِذَا هُمۡ يَنكُثُونَ

Kamoe peuglah treuk jih nibak azeub ‘Oh Iheuhnyan ligat jibalek ulah Hana tingat jih le keu janji jih

43:51

وَنَادَىٰ فِرۡعَوۡنُ فِي قَوۡمِهِۦ قَالَ يَٰقَوۡمِ أَلَيۡسَ لِي مُلۡكُ مِصۡرَ وَهَٰذِهِ ٱلۡأَنۡهَٰرُ تَجۡرِي مِن تَحۡتِيٓۚ أَفَلَا تُبۡصِرُونَ

Peureaʻun dengki jeuheut that leupah Jikheun bak kawom jih kon lon raja Keurajeun raya nanggroe nyang meugah Peue kon lon nyang po keurajeun Meuse Te krueng dum ile di yup lon boh-bah Peue han deuh taeu le gata bandum

43:52

أَمۡ أَنَا۠ خَيۡرٌ مِّنۡ هَٰذَا ٱلَّذِي هُوَ مَهِينٌ وَلَا يَكَادُ يُبِينُ

Boh kon leubeh lon ngon jih nyang rendah Karap-rap han jeut di jih jimarit Jihnyan sit keubit hina sileupah

43:53

فَلَوۡلَآ أُلۡقِيَ عَلَيۡهِ أَسۡوِرَةٌ مِّن ذَهَبٍ أَوۡ جَآءَ مَعَهُ ٱلۡمَلَٰٓئِكَةُ مُقۡتَرِنِينَ

Pakon han gleung meuh keu jih geupeusok Malaikat troh pih lom geulangkah Troh malaikat geujak peungon jih

43:54

فَٱسۡتَخَفَّ قَوۡمَهُۥ فَأَطَاعُوهُۚ إِنَّهُمۡ كَانُواْ قَوۡمًا فَٰسِقِينَ

Teuma kawomjih ek jipeurintah Jipateh laju peue kheun Peuraʻun Keubit kawomnyan pasek that leupah

43:55

فَلَمَّآ ءَاسَفُونَا ٱنتَقَمۡنَا مِنۡهُمۡ فَأَغۡرَقۡنَٰهُمۡ أَجۡمَعِينَ

‘Oh beungeh Kamoe teuma keu jih dum Meu Kamoe hukom treuk jih dum bagah Kamoe peukaram treuk jih lam laot

43:56

فَجَعَلۡنَٰهُمۡ سَلَفًا وَمَثَلًا لِّلۡأٓخِرِينَ

Jeut jih geuseubot geupeugah-peugah Jeut jih ibarat keu ureueng dudoe Nyang jeut lagee nyoe sabab ka salah

43:57

وَلَمَّا ضُرِبَ ٱبۡنُ مَرۡيَمَ مَثَلًا إِذَا قَوۡمُكَ مِنۡهُ يَصِدُّونَ

‘Oh ban geupeugah aneuk Mariyam Jeut keu teuladan kuasa Allah Kawom gata dum ka jeut keu karu

43:58

وَقَالُوٓاْ ءَأَٰلِهَتُنَا خَيۡرٌ أَمۡ هُوَۚ مَا ضَرَبُوهُ لَكَ إِلَّا جَدَلَۢاۚ بَلۡ هُمۡ قَوۡمٌ خَصِمُونَ

Jikheun dum laju teuma jipeugah Tuhan geutanyoe dum got nibak nyan Meukeusud jihnyan sit keu jibantah Bandum jih sit nyan kawom bantahan

43:59

إِنۡ هُوَ إِلَّا عَبۡدٌ أَنۡعَمۡنَا عَلَيۡهِ وَجَعَلۡنَٰهُ مَثَلًا لِّبَنِيٓ إِسۡرَٰٓءِيلَ

Kon laen gopnyan cit hamba Allah Kamoe bri nikmat teuma keu gopnyan Jeut keu misalan nyang jroh sileupah Jeut keu ibarat Bani israil

43:60

وَلَوۡ نَشَآءُ لَجَعَلۡنَا مِنكُم مَّلَٰٓئِكَةً فِي ٱلۡأَرۡضِ يَخۡلُفُونَ

Gata pih Neubri ban nyang hʻeut Allah Meu Kamoe kheundak keugata meuhat Ngon malaikat meugantoe bagah Meugantoe gata ngon malaikat Di bumoe meuhat jeut keu khaliphah

43:61

وَإِنَّهُۥ لَعِلۡمٌ لِّلسَّاعَةِ فَلَا تَمۡتَرُنَّ بِهَا وَٱتَّبِعُونِۚ هَٰذَا صِرَٰطٌ مُّسۡتَقِيمٌ

Jeut keu ‘eleumee teuntang kiamat Gata dum meuhat bek chok sileupah Taikot treuk lon nyoe jalan teupat

43:62

وَلَا يَصُدَّنَّكُمُ ٱلشَّيۡطَٰنُۖ إِنَّهُۥ لَكُمۡ عَدُوٌّ مُّبِينٌ

Chetan nyang laknat bek ek jiteugah Keubit roe chetan musoh nyata that Gata bak sisat jiyue meulangkah

43:63

وَلَمَّا جَآءَ عِيسَىٰ بِٱلۡبَيِّنَٰتِ قَالَ قَدۡ جِئۡتُكُم بِٱلۡحِكۡمَةِ وَلِأُبَيِّنَ لَكُم بَعۡضَ ٱلَّذِي تَخۡتَلِفُونَ فِيهِۖ فَٱتَّقُواْ ٱللَّهَ وَأَطِيعُونِ

‘Oh ban troh Isa geuba ngon ayat Lon ba hikeumah teuma geupeugah Lom lon jak peutrang keunoe bak gata Nyang tameudawa mangat bek salah Teuma takwa gata keu Tuhan Tataʻat keu lon Neuyue le Allah

43:64

إِنَّ ٱللَّهَ هُوَ رَبِّي وَرَبُّكُمۡ فَٱعۡبُدُوهُۚ هَٰذَا صِرَٰطٌ مُّسۡتَقِيمٌ

Allah Tuhanlon ngon Tuhan gata Droeneuhnyan saja nyang beu taseumah Jalan nyoe keuh nyang jalan nyang teupat

43:65

فَٱخۡتَلَفَ ٱلۡأَحۡزَابُ مِنۢ بَيۡنِهِمۡۖ فَوَيۡلٌ لِّلَّذِينَ ظَلَمُواْ مِنۡ عَذَابِ يَوۡمٍ أَلِيمٍ

Han jitem pakat teuma jibantah Jipeudong dawa sabe keudroe jih Ceulaka treuk jih nyang lalem leupah Keu jihnyan azeub uroe kiamat Uroe peudeh that hanaban peugah

43:66

هَلۡ يَنظُرُونَ إِلَّا ٱلسَّاعَةَ أَن تَأۡتِيَهُم بَغۡتَةً وَهُمۡ لَا يَشۡعُرُونَ

Peue laen jipren meu kon Kiamat Hana jan siat cit troh le bagah Hana meujithee ka troh kiamat

43:67

ٱلۡأَخِلَّآءُ يَوۡمَئِذِۭ بَعۡضُهُمۡ لِبَعۡضٍ عَدُوٌّ إِلَّا ٱلۡمُتَّقِينَ

Ngon rakan jih that musoh sileupah Meumusoh-musoh sabe keudroe-droe Meu kon ureueng nyoe takwa keu Allah

43:68

يَٰعِبَادِ لَا خَوۡفٌ عَلَيۡكُمُ ٱلۡيَوۡمَ وَلَآ أَنتُمۡ تَحۡزَنُونَ

Ho ka dum gata hamba-hamba Lon Uroenyoe bandum gata ka leupah Hana peue takot hana susah le

43:69

ٱلَّذِينَ ءَامَنُواْ بِـَٔايَٰتِنَا وَكَانُواْ مُسۡلِمِينَ

Iman lam ate keu ayat Allah Soe nyang meuiman keu ayat Kamoe Lom pih bak Kamoe droejih meunyerah

43:70

ٱدۡخُلُواْ ٱلۡجَنَّةَ أَنتُمۡ وَأَزۡوَٰجُكُمۡ تُحۡبَرُونَ

Jak tamong laju ngon judo gata Dalam churuga seunang that leupah Bandum teuh seunang dalam churuga

43:71

يُطَافُ عَلَيۡهِم بِصِحَافٍ مِّن ذَهَبٍ وَأَكۡوَابٍۖ وَفِيهَا مَا تَشۡتَهِيهِ ٱلۡأَنفُسُ وَتَلَذُّ ٱلۡأَعۡيُنُۖ وَأَنتُمۡ فِيهَا خَٰلِدُونَ

Keunan troh geuba pingan deungon glah Pingan meuh ngon glah ka na soe idang Bandum ureueng nyan ladat sileupah Peue napsu ate ladat di mata Bandum seudia han ek tapeugah Lom bandum gata keukai di sinan

43:72

وَتِلۡكَ ٱلۡجَنَّةُ ٱلَّتِيٓ أُورِثۡتُمُوهَا بِمَا كُنتُمۡ تَعۡمَلُونَ

Pusaka teuh nyan churuga indah c Keu gata bandum geubri pusaka Balah usaha masa nyang sudah

43:73

لَكُمۡ فِيهَا فَٰكِهَةٌ كَثِيرَةٌ مِّنۡهَا تَأۡكُلُونَ

Boh kayee le that sinan keu gata Tapajoh sigra ladat that leupah

43:74

إِنَّ ٱلۡمُجۡرِمِينَ فِي عَذَابِ جَهَنَّمَ خَٰلِدُونَ

Awak nyang salah keukai lam azeub Keu jihnyan teumpat nuraka juah

43:75

لَا يُفَتَّرُ عَنۡهُمۡ وَهُمۡ فِيهِ مُبۡلِسُونَ

Putoh asa bit di jih lam azeub Hana meusiat pih jih geupeuglah

43:76

وَمَا ظَلَمۡنَٰهُمۡ وَلَٰكِن كَانُواْ هُمُ ٱلظَّٰلِمِينَ

Teuma kon Kamoe nyang elanya jih Tapi keudroe jih lalem that leupah

43:77

وَنَادَوۡاْ يَٰمَٰلِكُ لِيَقۡضِ عَلَيۡنَا رَبُّكَۖ قَالَ إِنَّكُم مَّٰكِثُونَ

Jikheun hai Malek han ek meutheun le Tayue poh mate kamoe bak Allah Geujaweub di kah teutap lagee nyan

43:78

لَقَدۡ جِئۡنَٰكُم بِٱلۡحَقِّ وَلَٰكِنَّ أَكۡثَرَكُمۡ لِلۡحَقِّ كَٰرِهُونَ

Kon ka watee nyan dum Kamoe peugah c Haba nyang beuna meuba bak gata Tapi dum gata beunci teuh leupah Beunci that gata keupeue nyang beuna

43:79

أَمۡ أَبۡرَمُوٓاْ أَمۡرًا فَإِنَّا مُبۡرِمُونَ

Jipakat teuma lom bak buet salah Jipakat dum jih saboh rencana Kamoe rencana leubeh lom ceudah

43:80

أَمۡ يَحۡسَبُونَ أَنَّا لَا نَسۡمَعُ سِرَّهُمۡ وَنَجۡوَىٰهُمۚ بَلَىٰ وَرُسُلُنَا لَدَيۡهِمۡ يَكۡتُبُونَ

Hana meudeunge rahsia jihnyan jisangka meunan kaphe seurakah Nyang jimeus‘ah-s‘ah jipeugot pakat Bandum geusurat hana meuilah Bandum geutuleh le Rasul Kamoe Nyang jih pubuet nyoe beuna ngon salah

43:81

قُلۡ إِن كَانَ لِلرَّحۡمَٰنِ وَلَدٌ فَأَنَا۠ أَوَّلُ ٱلۡعَٰبِدِينَ

Takheun meunyoe bit na aneuk Tuhan Lon keuh ureueng phon keunan lon seumah

43:82

سُبۡحَٰنَ رَبِّ ٱلسَّمَٰوَٰتِ وَٱلۡأَرۡضِ رَبِّ ٱلۡعَرۡشِ عَمَّا يَصِفُونَ

Maha suci that Po langet bumoe Po ‘arasy lom nyoe ban nyang jih peugah

43:83

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Bah jilop keunan jimaen-maen ‘Oh troh uroenyan meunyesai teulah Akan meureumpok jih ngon uroenyan Ka janji Tuhan dilee Neupeugah

43:84

وَهُوَ ٱلَّذِي فِي ٱلسَّمَآءِ إِلَٰهٌ وَفِي ٱلۡأَرۡضِ إِلَٰهٌۚ وَهُوَ ٱلۡحَكِيمُ ٱلۡعَلِيمُ

Sideh di langet Droeneuh nyan Tuhan Di bumoe meunan hana meuubah That bijaksana dumpeue Neuteupue Hana meusapeue pih na meuilah

43:85

وَتَبَارَكَ ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَعِندَهُۥ عِلۡمُ ٱلسَّاعَةِ وَإِلَيۡهِ تُرۡجَعُونَ

Maha suci that Tuhanku sidroe Langet ngon bumoe sit milek Allah Keurajeun langet keurajeun bumoe Bandum ngon asoe Droeneuh peurintah Pajan kiamat Droeneuh nyang teupue Bandum gata nyoe tawoe bak Allah

43:86

وَلَا يَمۡلِكُ ٱلَّذِينَ يَدۡعُونَ مِن دُونِهِ ٱلشَّفَٰعَةَ إِلَّا مَن شَهِدَ بِٱلۡحَقِّ وَهُمۡ يَعۡلَمُونَ

Nyang jikheun Tuhan dum le awaknyan Chuphevuʻat pih tan keu jih Neukeubah Han jeut chupheuʻat bandum awaknyan Nyang jikheun Tuhan nyang bukon Allah Meulengkan ureueng nyang saksi beuna Geupubuet teuma bandum peurintah Nyang jeut keu saksi bak keubenaran ‘Eleumee gopnyan Neubri le Allah

43:87

وَلَئِن سَأَلۡتَهُم مَّنۡ خَلَقَهُمۡ لَيَقُولُنَّ ٱللَّهُۖ فَأَنَّىٰ يُؤۡفَكُونَ

Meunyo tatanyong ubak awaknyan Soe peujeut jihnyan sit jikheun Allah Pakon sit di jih ek jipeupaleng

43:88

وَقِيلِهِۦ يَٰرَبِّ إِنَّ هَٰٓؤُلَآءِ قَوۡمٌ لَّا يُؤۡمِنُونَ

Geukheun ya Tuhan nyang Maha Murah Kawomnyoe bandum han jimeuiman

43:89

فَٱصۡفَحۡ عَنۡهُمۡ وَقُلۡ سَلَٰمٌۚ فَسَوۡفَ يَعۡلَمُونَ

Bah keu jih meunan bek that tapapah Takheun seulamat mantong keu jih nyoe Jiteupue dudoe akibat salah

Translation: Tgk. H. Mahjiddin Jusuf.