Surah 44 · 59 verses · Tgk. H. Mahjiddin Jusuf
Surah Ad-Dukhan in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِنَّآ أَنزَلۡنَٰهُ فِي لَيۡلَةٍ مُّبَٰرَكَةٍۚ إِنَّا كُنَّا مُنذِرِينَ
Malam beureukat hanaban peugah Kamoe peutron bak malam beureukat Kamoe peuingat dum hamba Allah
فِيهَا يُفۡرَقُ كُلُّ أَمۡرٍ حَكِيمٍ
Dalam kitab nyoe le that hikeumah Uleh Hadharat Neutrang Neupeugah
أَمۡرًا مِّنۡ عِندِنَآۚ إِنَّا كُنَّا مُرۡسِلِينَ
Bandum urusan asai bak Kamoe Meukirem keunoe geuba risalah
رَحۡمَةً مِّن رَّبِّكَۚ إِنَّهُۥ هُوَ ٱلسَّمِيعُ ٱلۡعَلِيمُ
Atranyan rahmat nibak Po gata Allah Taʻala kuasa leupah Dumpeue Neudeunge dumpeue Neuteupue
رَبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَآۖ إِن كُنتُم مُّوقِنِينَ
Po langet bumoe deungon blah bicah Langet ngon bumoe ngon bandum asoe Meunyo gata nyoe yakin keu Allah
لَآ إِلَٰهَ إِلَّا هُوَ يُحۡيِۦ وَيُمِيتُۖ رَبُّكُمۡ وَرَبُّ ءَابَآئِكُمُ ٱلۡأَوَّلِينَ
Udep ngon mate lam jaroe Tuhan Tan laen Tuhan meulengkan Allah Po gata bandum ngon yah-yah gata Nyang dilee masa ka abeh sudah
فَٱرۡتَقِبۡ يَوۡمَ تَأۡتِي ٱلسَّمَآءُ بِدُخَانٍ مُّبِينٍ
Tapreh troh angen asap trang leupah Sideh di langet asap geukirem
يَغۡشَى ٱلنَّاسَۖ هَٰذَا عَذَابٌ أَلِيمٌ
Bak bandum insan nyang pubuet salah Azeub peudeh that asap nyoe lagoe
رَّبَّنَا ٱكۡشِفۡ عَنَّا ٱلۡعَذَابَ إِنَّا مُؤۡمِنُونَ
Wahe Po kamoe Neubri meusiblah Neupeuglah kamoe nibak azeub nyoe Meuiman kamoe jinoe le bagah
أَنَّىٰ لَهُمُ ٱلذِّكۡرَىٰ وَقَدۡ جَآءَهُمۡ رَسُولٌ مُّبِينٌ
Pakri roe di jih hana jiingat Rasul nyata that ka troh geulangkah Geujakba bak jih haba peuingat
ثُمَّ تَوَلَّوۡاْ عَنۡهُ وَقَالُواْ مُعَلَّمٌ مَّجۡنُونٌ
Jipaleng ligat jikheun beurakah Jikheun jihnyan na ureueng peureunoe Gila that jihnyoe nyan jijak peugah
إِنَّا كَاشِفُواْ ٱلۡعَذَابِ قَلِيلًاۚ إِنَّكُمۡ عَآئِدُونَ
Kamoe peukureueng azeub nyan bacut Lom cit tapubuet lagee nyang sudah
يَوۡمَ نَبۡطِشُ ٱلۡبَطۡشَةَ ٱلۡكُبۡرَىٰٓ إِنَّا مُنتَقِمُونَ
Saboh pukulan nyang raya that-that Uroenyan meuhat Kamoe jok balah
وَلَقَدۡ فَتَنَّا قَبۡلَهُمۡ قَوۡمَ فِرۡعَوۡنَ وَجَآءَهُمۡ رَسُولٌ كَرِيمٌ
Kawom Peuraʻun dilee nibak jih Kamoe uji jih masa nyang sudah Meukirem rasul nyang that mulia Keunan geujakba bak jih risalah
أَنۡ أَدُّوٓاْ إِلَيَّ عِبَادَ ٱللَّهِۖ إِنِّي لَكُمۡ رَسُولٌ أَمِينٌ
Tapulang keu lon dum hamba Tuhan Lon rasul Tuhan Neuyue amanah
وَأَن لَّا تَعۡلُواْ عَلَى ٱللَّهِۖ إِنِّيٓ ءَاتِيكُم بِسُلۡطَٰنٍ مُّبِينٍ
Bek le teukabo gata keu Tuhan Nyoe ayat Tuhan jeut lon peuleumah Lon ba bak gata ayat nyang nyata
وَإِنِّي عُذۡتُ بِرَبِّي وَرَبِّكُمۡ أَن تَرۡجُمُونِ
Di lon keu gata han jeut keu susah Hana lon takot lon taelanya Po lon Po gata lon Neupeusiblah
وَإِن لَّمۡ تُؤۡمِنُواْ لِي فَٱعۡتَزِلُونِ
Meu han taiman di gata keu lon Bah lonjak di lon ngon hamba Allah
فَدَعَا رَبَّهُۥٓ أَنَّ هَٰٓؤُلَآءِ قَوۡمٌ مُّجۡرِمُونَ
Musa meuduʻa bak Tuhan gopnyan Bandum awaknyan kawom nyang salah
فَأَسۡرِ بِعِبَادِي لَيۡلًا إِنَّكُم مُّتَّبَعُونَ
Boh jak le gata bak watee malam Ngon hamba Lon nyan keudeh talangkah Jiseutot gata teuma di likot
وَٱتۡرُكِ ٱلۡبَحۡرَ رَهۡوًاۖ إِنَّهُمۡ جُندٌ مُّغۡرَقُونَ
Teuma ie laot meunan bah teuhah Meunyo ka leupah gata jeumeurang Bandum jih karam lam laot luah
كَذَٰلِكَۖ وَأَوۡرَثۡنَٰهَا قَوۡمًا ءَاخَرِينَ
Kamoe bri bulueng atranyan bandum Keu kawom laen nyang tueng phaedah
فَمَا بَكَتۡ عَلَيۡهِمُ ٱلسَّمَآءُ وَٱلۡأَرۡضُ وَمَا كَانُواْ مُنظَرِينَ
Langet ngon bumoe han jimoe keu jih Ajai pih keu jih han jeut meuubah Meu bacut tanggoh keu jih han geubri
وَلَقَدۡ نَجَّيۡنَا بَنِيٓ إِسۡرَٰٓءِيلَ مِنَ ٱلۡعَذَابِ ٱلۡمُهِينِ
Bani Israil Kamoe peuleupah Azeub that han le dum keu awaknyan
مِن فِرۡعَوۡنَۚ إِنَّهُۥ كَانَ عَالِيًا مِّنَ ٱلۡمُسۡرِفِينَ
Nibak Peuraʻun nyang that seurakah Teukabo jih that di dalam bumoe Keu ureueng nanggroe lalem jih leupah
وَلَقَدِ ٱخۡتَرۡنَٰهُمۡ عَلَىٰ عِلۡمٍ عَلَى ٱلۡعَٰلَمِينَ
Bani Israil ka Kamoe pileh Kamoe peuleubeh masa nyang sudah Leubeh awaknyan nibak dum alam Atranyan Tuhan Neuteupue sudah
وَءَاتَيۡنَٰهُم مِّنَ ٱلۡأٓيَٰتِ مَا فِيهِ بَلَٰٓؤٌاْ مُّبِينٌ
Kamoe bri ayat teuma dum keu jih Cobaan keu jih nyata that leupah
إِنۡ هِيَ إِلَّا مَوۡتَتُنَا ٱلۡأُولَىٰ وَمَا نَحۡنُ بِمُنشَرِينَ
Mate geutanyoe gata ka sudah Hana geubangket teuh dudoe teuma
فَأۡتُواْ بِـَٔابَآئِنَآ إِن كُنتُمۡ صَٰدِقِينَ
Meu gata beuna bangket treuk ayah Yue beudoh jinoe dum ayah kamoe
أَهُمۡ خَيۡرٌ أَمۡ قَوۡمُ تُبَّعٍ وَٱلَّذِينَ مِن قَبۡلِهِمۡ أَهۡلَكۡنَٰهُمۡۚ إِنَّهُمۡ كَانُواْ مُجۡرِمِينَ
Peue leubeh jih nyoe ngon nyang ka sudah Jih kawom Tubba“ ngon nyang dilee lom Binasa bandum sabab jih salah Meupeubinasa bandum awaknyoe
وَمَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا لَٰعِبِينَ
Lagee ngon bumoe Kamoe peurintah Kon sia-sia langet ngon bumoe Bandum ngon asoe meupeujeut sudah
مَا خَلَقۡنَٰهُمَآ إِلَّا بِٱلۡحَقِّ وَلَٰكِنَّ أَكۡثَرَهُمۡ لَا يَعۡلَمُونَ
Meupeujeut nyan hak deungon sibeuna Le that jih teuma hana jipapah Nyang le that jih nyan hana jiteupue
إِنَّ يَوۡمَ ٱلۡفَصۡلِ مِيقَٰتُهُمۡ أَجۡمَعِينَ
Watee jih jinoe hana geupeugah Uroe hukom jih cit ka meuteuntee Bak saboh watee bandum geubalah
يَوۡمَ لَا يُغۡنِي مَوۡلًى عَن مَّوۡلًى شَيۡـًٔا وَلَا هُمۡ يُنصَرُونَ
Hana guna le uroenyan rakan Han ek jitulong hana phaedah
إِلَّا مَن رَّحِمَ ٱللَّهُۚ إِنَّهُۥ هُوَ ٱلۡعَزِيزُ ٱلرَّحِيمُ
Meulangkah ureueng nyang gaseh Tuhan Keubit roe Tuhan leubeh that meugah Droenuehnyan sidroe Maha Perkasa Meunan pih juga Maha Murah
خُذُوهُ فَٱعۡتِلُوهُ إِلَىٰ سَوَآءِ ٱلۡجَحِيمِ
Tacok jih tahue jih keudeh ligat U teungoh pusat nuraka juah
ثُمَّ صُبُّواْ فَوۡقَ رَأۡسِهِۦ مِنۡ عَذَابِ ٱلۡحَمِيمِ
‘Oh Iheuh nyan taple ateuh ulee jih Minyeuk tutong jeh azeub that leupah
ذُقۡ إِنَّكَ أَنتَ ٱلۡعَزِيزُ ٱلۡكَرِيمُ
Perkasa that kah ngon that mulia Jinoe karasa troh azeub di kah
إِنَّ ٱلۡمُتَّقِينَ فِي مَقَامٍ أَمِينٍ
Nyang takwa jinoe seunang that leupah Tinggai geuh sinan bak teumpat aman
يَلۡبَسُونَ مِن سُندُسٍ وَإِسۡتَبۡرَقٍ مُّتَقَٰبِلِينَ
Pakaian sutra nyang haloh leupah Sutra sundusen deungon istabraq Takalon galak dum indah-indah Meuhadap-hadap geuduek ngon rakan
كَذَٰلِكَ وَزَوَّجۡنَٰهُم بِحُورٍ عِينٍ
Kamoe bri rakan inong nyang ceudah Budiyadari Neubri keu rakan
يَدۡعُونَ فِيهَا بِكُلِّ فَٰكِهَةٍ ءَامِنِينَ
Buah-buahan pih le sileupah ‘Oh watee meuhʻeut pajoh boh kayee ‘Oh ban talakee sit troh le bagah
لَا يَذُوقُونَ فِيهَا ٱلۡمَوۡتَ إِلَّا ٱلۡمَوۡتَةَ ٱلۡأُولَىٰۖ وَوَقَىٰهُمۡ عَذَابَ ٱلۡجَحِيمِ
Hana le sinan ureueng nyan bandum ‘Oh Iheuh mate phon dilee ka sudah Bandum ureueng nyan Tuhan plihara Azeub nuraka Tuhan peusiblah
فَضۡلًا مِّن رَّبِّكَۚ ذَٰلِكَ هُوَ ٱلۡفَوۡزُ ٱلۡعَظِيمُ
Nyan keuh karonya nibak Po gata Bahagia raya hanaban peugah
فَإِنَّمَا يَسَّرۡنَٰهُ بِلِسَانِكَ لَعَلَّهُمۡ يَتَذَكَّرُونَ
Teuma Qur'an lam bahasa gata Mangat tabaca Kamoe peumudah Mangat ek meuphom bandum awaknyan
فَٱرۡتَقِبۡ إِنَّهُم مُّرۡتَقِبُونَ
Tapreh teuka nyan teuma bek salah Di gata tapreh di jih pih jipreh Han jeut han jadeh peue nyang tapeugah AL-JAISIYARN (IANO MEU 1091) Ngon nama Allah lon puphon surat Tuhan Hadharat nyang Maha Murah Tuhanku sidroe geumaseh that-that Donya akhirat rahmat Neulimpah
Translation: Tgk. H. Mahjiddin Jusuf.