Surah 70 · 44 verses · Abdullatif Eduardo M. Arceo

Surah Al-Ma'arij in Filipino

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

70:1

سَأَلَ سَآئِلُۢ بِعَذَابٍ وَاقِعٍ

Ang isang nagtatanong ay nagtanong tungkol sa Kaparusahan na napipinto

70:2

لِّلۡكَٰفِرِينَ لَيۡسَ لَهُۥ دَافِعٌ

Sa mga hindi sumasampalataya, na walang sinuman ang makakahadlang

70:3

مِّنَ ٱللَّهِ ذِي ٱلۡمَعَارِجِ

(Isang Kaparusahan) mula kay Allah, ang Panginoon ng mga daan ng Pag-akyat

70:4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٍ كَانَ مِقۡدَارُهُۥ خَمۡسِينَ أَلۡفَ سَنَةٍ

Ang mga anghel at ang ruh (Gabriel) ay umaakyat sa Kanya sa loob ng isang araw, na ang katumbas noon ay limampung taon

70:5

فَٱصۡبِرۡ صَبۡرًا جَمِيلًا

Kaya’t maging matiyaga ka (o Muhammad ), sa pagtitiyaga na may magandang maaasam

70:6

إِنَّهُمۡ يَرَوۡنَهُۥ بَعِيدًا

Katotohanang napag-aakala nila na ang Araw (ng Kaparusahan) ay malayo sa pangyayari

70:7

وَنَرَىٰهُ قَرِيبًا

Datapuwa’t napagmamalas Namin ito na (lubhang) malapit na

70:8

يَوۡمَ تَكُونُ ٱلسَّمَآءُ كَٱلۡمُهۡلِ

Sa Araw na ang himpapawid (alapaap) ay matutulad sa maruming langis na kumukulo (o naaagnas na tanso o pilak, atbp)

70:9

وَتَكُونُ ٱلۡجِبَالُ كَٱلۡعِهۡنِ

At ang kabundukan ay matutulad sa maninipis na himaymay ng lana

70:10

وَلَا يَسۡـَٔلُ حَمِيمٌ حَمِيمًا

At walang kaibigan ang magtatanong sa isang kaibigan

70:11

يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ

Bagama’t sila ay biniyayaan na magkatinginan sa isa’t isa (alalaong baga, sa Araw ng Muling Pagkabuhay ang lahat ay makakakilala sa kanyang ama, mga anak at mga kamag-anak, datapuwa’t siya ay hindi mangungusap sa kanila o hihingi sa kanila ng tulong). Ang ninanais ng Mujrimun (mga makasalanan, kriminal, walang pananalig kay Allah at sa Kanyang Tagapagbalita na si Muhammad, atbp.) sa Araw na yaon ay matubos niya ang kanyang sarili sa Kaparusahan na ang kabayaran ay ang kanyang mga anak

70:12

وَصَٰحِبَتِهِۦ وَأَخِيهِ

At kanyang asawa at kanyang kapatid

70:13

وَفَصِيلَتِهِ ٱلَّتِي تُـٔۡوِيهِ

At kanyang kamag-anak na nagbigay sa kanya ng masisilungan

70:14

وَمَن فِي ٱلۡأَرۡضِ جَمِيعًا ثُمَّ يُنجِيهِ

At ng lahat-lahat ng nasa kalupaan; kung ito ang makakapagligtas sa kanya

70:15

كـَلَّآۖ إِنَّهَا لَظَىٰ

Sa anumang kaparaanan, ito ay walang saysay! Katotohanang ito ay Apoy ng Impiyerno

70:16

نَزَّاعَةً لِّلشَّوَىٰ

Na bumubunot (sa ganap na pagkatupok) ng anit

70:17

تَدۡعُواْ مَنۡ أَدۡبَرَ وَتَوَلَّىٰ

At tumatawag: “O mga Kafir (walang paniniwala kay Allah, sa Kanyang mga Anghel, sa Kanyang Aklat, sa Kanyang mga Tagapagbalita, sa Araw ng Muling Pagkabuhay at sa Qadar [maka-Diyos na kahihinatnan]) at, O mga Mushrik (mga mapagsamba sa diyus-diyosan, walang pananalig sa Kaisahan ni Allah) na nag-aanyaya sa kanilang lahat na magsitalikod ( sa katotohanan ) at naglihis ng kanilang mukha (sa Pananampalataya).”

70:18

وَجَمَعَ فَأَوۡعَىٰٓ

At nagsipagtipon (ng mga kayamanan) at nagtago nito (tutol sa paggugol tungo sa Kapakanan ni Allah)

70:19

إِنَّ ٱلۡإِنسَٰنَ خُلِقَ هَلُوعًا

Katotohanan, ang tao (na walang pananalig) ay nilikha na lubhang mainipin (walang pasensya)

70:20

إِذَا مَسَّهُ ٱلشَّرُّ جَزُوعًا

Na naiinis (walang kasiyahan) kung ang kasamaaan ay sumaling sa kanya

70:21

وَإِذَا مَسَّهُ ٱلۡخَيۡرُ مَنُوعًا

At lubhang gahaman kung ang kasaganaan ay dumatal sa kanya

70:22

إِلَّا ٱلۡمُصَلِّينَ

Maliban sa mga matimtiman sa pananalangin

70:23

ٱلَّذِينَ هُمۡ عَلَىٰ صَلَاتِهِمۡ دَآئِمُونَ

Sila na namamalagi sa kanilang pagdalangin

70:24

وَٱلَّذِينَ فِيٓ أَمۡوَٰلِهِمۡ حَقٌّ مَّعۡلُومٌ

At sa kanilang kayamanan ay mayroong nakalaan

70:25

لِّلسَّآئِلِ وَٱلۡمَحۡرُومِ

Sa mga pulubi na humihingi at sa mga sawimpalad na nawalan ng ari-arian at kayamanan (at ang pinanggagalingan ng kanyang ikabubuhay ay naghigpit o umunti)

70:26

وَٱلَّذِينَ يُصَدِّقُونَ بِيَوۡمِ ٱلدِّينِ

At sila na nananangan sa katotohanan ng Araw ng Paghuhukom o Kabayaran

70:27

وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ

At sila na may pangangamba sa Kaparusahan ng kanilang Panginoon

70:28

إِنَّ عَذَابَ رَبِّهِمۡ غَيۡرُ مَأۡمُونٍ

SapagkatangKaparusahanngkanilangPanginoonayisang bagay na kabaligtaran ng kapayapaan at katahimikan

70:29

وَٱلَّذِينَ هُمۡ لِفُرُوجِهِمۡ حَٰفِظُونَ

At sila na nagpapanatili ng kanilang kalinisan (sa kapurihan, at umiiwas sa bawal na pakikipagtalik)

70:30

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Maliban sa kanilang mga asawa at sa mga (babaeng alipin) na angkin ng kanilang kanang kamay, (dito) sila ay hindi susumbatan

70:31

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Datapuwa’t ang sinuman na magnais ng higit pa rito, kung gayon, sila ang tunay na lumalabag (sa kautusan)

70:32

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

At sila na nagpapanatili ng kanilang mga pangako at kasunduan

70:33

وَٱلَّذِينَ هُم بِشَهَٰدَٰتِهِمۡ قَآئِمُونَ

At sila na naninindigan nang matatag sa kanilang mga patotoo

70:34

وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ

At sila na nagbabantay sa kanilang pagdalangin nang mainam

70:35

أُوْلَٰٓئِكَ فِي جَنَّٰتٍ مُّكۡرَمُونَ

Sila nga ang papupurihan at magsisitahan sa Halamanan ng Kaligayahan (Paraiso)

70:36

فَمَالِ ٱلَّذِينَ كَفَرُواْ قِبَلَكَ مُهۡطِعِينَ

Kaya’t ano ang nagpapagulo sa mga hindi sumasampalataya at nagmamadali (alumpihit) na makinig sa iyo (o Muhammad), upang ikaw ay kanilang pasinungalingan at kutyain, at (gayundin) sa Aklat ni Allah (ang Qur’an)

70:37

عَنِ ٱلۡيَمِينِ وَعَنِ ٱلشِّمَالِ عِزِينَ

(Na nakaupo) sa mga pangkat, sa iyong kanan at sa iyong kaliwa (o Muhammad)

70:38

أَيَطۡمَعُ كُلُّ ٱمۡرِيٍٕ مِّنۡهُمۡ أَن يُدۡخَلَ جَنَّةَ نَعِيمٍ

At bawat isa kaya sa kanila ay umaasam na makakapasok sa Hardin ng Kaligayahan (Paraiso)

70:39

كـَلَّآۖ إِنَّا خَلَقۡنَٰهُم مِّمَّا يَعۡلَمُونَ

Hindi, sa anupamang kaparaanan! Sila ay nilikha Namin mula sa sangkap na kanilang batid

70:40

فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ

Narito! Ako ay nananawagan upang saksihan ang Panginoon ng lahat ng lugar sa Silangan at Kanluran, na katiyakang Aming magagawa

70:41

عَلَىٰٓ أَن نُّبَدِّلَ خَيۡرًا مِّنۡهُمۡ وَمَا نَحۡنُ بِمَسۡبُوقِينَ

Na palitan sila (sa pamamagitan ng iba) ng higit na mainam kaysa kanila; at Kami ay hindi nila magagapi sa Aming kapasiyahan

70:42

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Kaya’t hayaan sila na malubog sa walang saysay na pag- uusap at palibot-libot na paglalaro, hanggang sa sapitin nila ang Araw na sa kanila ay ipinangako

70:43

يَوۡمَ يَخۡرُجُونَ مِنَ ٱلۡأَجۡدَاثِ سِرَاعًا كَأَنَّهُمۡ إِلَىٰ نُصُبٍ يُوفِضُونَ

Sa Araw na sila ay magsisilabas sa kanilang libingan na nagmamadali, na katulad ng pag-uunahan (karera) na marating ang punong pananda

70:44

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٌۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ

Na ang kanilang mga mata ay nakatungo sa lupa sa pangamba at pagkaaba, ang kahihiyan ang lumulukob sa kanila (ng buo). Ito ang Araw na sa kanila ay ipinangako! 910 ProPetA noe

Translation: Abdullatif Eduardo M. Arceo.