Surah 79 · 46 verses · Abdullatif Eduardo M. Arceo
Surah An-Nazi'at in Filipino
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلنَّٰزِعَٰتِ غَرۡقًا
Sa pamamagitan ng (mga anghel) na bumabatak (sa kaluluwa ng mga walang pananampalataya at tampalasan) ng may matinding dahas
وَٱلنَّٰشِطَٰتِ نَشۡطًا
Sa pamamagitan ng (mga anghel) na mabanayad na kumukuha (ng kaluluwa ng mga sumasampalataya at mapapalad)
وَٱلسَّٰبِحَٰتِ سَبۡحًا
At sa pamamagitan ng (mga anghel) na bumababa sa kalangitan na may dalang pag-uutos ng kanilang Panginoon (o ang mga lumilipad [na mga anghel] o lumalangoy [na mga planeta] sa kanilang daan o landas
فَٱلسَّٰبِقَٰتِ سَبۡقًا
At sa pamamagitan nila na nagpapatuloy na nangunguna na katulad ng isang karera (alalaong baga, ang mga anghel, o mga bituin o mga kabayo, atbp)
فَٱلۡمُدَبِّرَٰتِ أَمۡرًا
At sa pamamagitan ng mga anghel na nagsasaayos upang gawin ang Pag-uutos ng kanilang Panginoon, (kaya’t katunayang kayo na hindi sumasampalataya ay tatawagin upang magsulit)
يَوۡمَ تَرۡجُفُ ٱلرَّاجِفَةُ
Sa Araw na (kung ang unang Pag-ihip ng Tambuli ay gawin), ang kalupaan at kabundukan ay mayayanig nang marahas (at ang lahat ay mamamatay)
تَتۡبَعُهَا ٱلرَّادِفَةُ
Na susundan ng pangalawang Pag-ihip ng Tambuli (at ang lahat ay ibabangon)
قُلُوبٌ يَوۡمَئِذٍ وَاجِفَةٌ
Sa Araw na ito, ang (ibang) mga puso ay magsisitibok sa pangamba at hapis
يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
Sa gayon , sila ay magtuturing: “Ano! Kami baga ay katotohanang ibabalik (na muli) sa aming dating anyo ng buhay
قَالُواْ تِلۡكَ إِذًا كَرَّةٌ خَاسِرَةٌ
Sila ay magsasabi: “Ito, sa gayong pangyayari, ay isang pagbabalik na walang pakinabang!”
فَإِنَّمَا هِيَ زَجۡرَةٌ وَٰحِدَةٌ
Datapuwa’t katotohanang ito ay isang Hiyaw lamang (o isang Pag-ihip)
فَإِذَا هُم بِٱلسَّاهِرَةِ
At pagmasdan! Natagpuan nila ang kanilang sarili sa ibabaw ng lupa na buhay matapos ang kanilang kamatayan
إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
Nang siya ay tawagin ng kanyang Panginoon sa banal na Lambak ng Tuwa
ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
(Na nagsasabi): “Pumaroon ka kay Paraon. Katotohanang siya ay nagmalabis sa pagsuway at paglabag (sakanyangmgakasalanan, kawalanngpananalig, pagsamba sa mga diyus-diyosan, atbp.).”
فَقُلۡ هَل لَّكَ إِلَىٰٓ أَن تَزَكَّىٰ
At iyong sabihin (sa kanya): “Nais mo bang dalisayin ang iyong sarili (sa kasalanan ng kawalang pananalig, sa pagiging isang mananampalataya)
وَأَهۡدِيَكَ إِلَىٰ رَبِّكَ فَتَخۡشَىٰ
At upang mapatnubayan kita sa iyong Panginoon, at ikaw ay magkaroon ng pagkatakot sa Kanya?”
فَأَرَىٰهُ ٱلۡأٓيَةَ ٱلۡكُبۡرَىٰ
At ipinamalas ni Moises sa kanya ang dakilang Tanda (mga himala)
فَقَالَ أَنَا۠ رَبُّكُمُ ٱلۡأَعۡلَىٰ
Na nagsasabi: “ Ako ang inyong panginoon, ang kataas-taasan.”
فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Datapuwa’t sinakmal siya ni Allah ng kaparusahan, (at ginawa siya) na isang halimbawa, sa Kabilang Buhay , at sa buhay na ito
إِنَّ فِي ذَٰلِكَ لَعِبۡرَةً لِّمَن يَخۡشَىٰٓ
Katotohanang naririto ang isang nagtuturong tagubilin (at aral) sa sinumang may pagkatakot kay Allah
ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Ano? Kayo baga ay higit na mahirap likhain kaysa sa kalangitan na Kanyang itinatag
رَفَعَ سَمۡكَهَا فَسَوَّىٰهَا
Sa kaitaasan ay Kanyang itinaas ang kulandong nito at Kanyang ginawaran yaon nang kaayusan at pagiging ganap
وَأَغۡطَشَ لَيۡلَهَا وَأَخۡرَجَ ضُحَىٰهَا
Ang kanyang gabi ay nilukuban Niya ng kadiliman, at ang kanyang katanghalian ay ginawaran Niya ng liwanag
وَٱلۡأَرۡضَ بَعۡدَ ذَٰلِكَ دَحَىٰهَآ
At matapos ito, ay inilatag Niya ang kalupaan nang malawak
أَخۡرَجَ مِنۡهَا مَآءَهَا وَمَرۡعَىٰهَا
At nagpasibol Siya mula rito ng kanyang tubig at kanyang pastulan (na luntiang halaman)
مَتَٰعًا لَّكُمۡ وَلِأَنۡعَٰمِكُمۡ
Bilang kapakinabangan sa inyo at sa inyong bakahan (at hayupan)
فَإِذَا جَآءَتِ ٱلطَّآمَّةُ ٱلۡكُبۡرَىٰ
Datapuwa’t kung dumatal na ang dakilang kapinsalaan (alalaong baga, ang Araw ng Kabayaran, atbp)
يَوۡمَ يَتَذَكَّرُ ٱلۡإِنسَٰنُ مَا سَعَىٰ
Sa Araw na ang tao ay makakaala-ala ng lahat ng kanyang pinagsumikapan (pinagdaanang mga gawa)
وَبُرِّزَتِ ٱلۡجَحِيمُ لِمَن يَرَىٰ
At ang Apoy ng Impiyernoayganapnamatatambadngmalapitsa(bawat) isa na nakakamasid
فَأَمَّا مَن طَغَىٰ
At sa kanya na nag-Tagha (lumabag at sumuway sa lahat ng hangganan na itinakda ni Allah, kawalan ng paniniwala, pang-aapi, kasamaan, atbp)
وَءَاثَرَ ٱلۡحَيَوٰةَ ٱلدُّنۡيَا
At minahalaga ang buhay sa mundong ito (sa pamamagitan ng pagsunod sa kanyang masamang hangarin at mga pagnanasa)
وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Datapuwa’t siya na may pagkatakot sa kanyang pagharap (sa pagsusulit) sa kanyang Panginoon, at nagtimpi ng kanyang sarili sa marumi at maitim na hangarin at pagnanasa
فَإِنَّ ٱلۡجَنَّةَ هِيَ ٱلۡمَأۡوَىٰ
Katotohanan! Ang kanilang pananahanan ay Halamanan (ng Paraiso)
يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Sila ay nagtatanong sa iyo (o Muhammad) tungkol sa oras? Kailan kaya ang kanyang takdang panahon
إِنَّمَآ أَنتَ مُنذِرُ مَن يَخۡشَىٰهَا
At ikaw (o Muhammad) ay isa lamang Tagapagbabala sa mga may pangangamba rito
كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Sa Araw na ito ay kanilang mapagmamalas, (wari) bang sila ay umidlip lamang ng isang gabi sa mundong ito, (o ang pinakamatagal) ay hanggang sa pagdatal ng umaga
Translation: Abdullatif Eduardo M. Arceo.