Surah 78 · 40 verses · Abdullatif Eduardo M. Arceo
Surah An-Naba in Filipino
بِسۡمِ ٱللَّهِ ٱلرَّحۡمَٰنِ ٱلرَّحِيمِ
عَنِ ٱلنَّبَإِ ٱلۡعَظِيمِ
Tungkol ba sa Malaking Balita (alalaong baga, ang Islam, Kaisahan ni Allah, ang Qur’an na dinala ni Propeta Muhammad, ang Araw ng Muling Pagkabuhay, atbp)
أَلَمۡ نَجۡعَلِ ٱلۡأَرۡضَ مِهَٰدًا
Hindi baga ginawa Namin ang kalupaan na malawak (bilang himlayan)
وَخَلَقۡنَٰكُمۡ أَزۡوَٰجًا
At Aming nilikha kayo sa pares (lalaki at babae, mataas at mababa, mabuti at masama, atbp)
وَجَعَلۡنَا نَوۡمَكُمۡ سُبَاتًا
At Aming ginawaran kayo ng pagtulog (o antok upang maidlip), sa inyong pamamahinga
وَجَعَلۡنَا ٱلَّيۡلَ لِبَاسًا
At ginawa Namin ang gabi bilang pantakip (sa pamamagitan ng kanyang kadiliman)
وَبَنَيۡنَا فَوۡقَكُمۡ سَبۡعًا شِدَادًا
At itinatag Namin sa itaas ninyo ang pitong matatatag (na kalangitan)
وَأَنزَلۡنَا مِنَ ٱلۡمُعۡصِرَٰتِ مَآءً ثَجَّاجًا
At nagpamalisbis Kami ng saganang ulan mula sa kimpal ng mga ulap
لِّنُخۡرِجَ بِهِۦ حَبًّا وَنَبَاتًا
Upang mapatubo Namin dito (sa pag-aani) ang mga butil at mga gulayan
إِنَّ يَوۡمَ ٱلۡفَصۡلِ كَانَ مِيقَٰتًا
Katotohanan! Ang Araw ng Pagpapasya (sa katarungan) ay natatakdaang panahon
يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجًا
Sa Araw na ang Tambuli ay hihipan at kayo ay magsisiparito ng langkay-langkay (at sa maraming pangkat)
وَسُيِّرَتِ ٱلۡجِبَالُ فَكَانَتۡ سَرَابًا
At ang kabundukan ay maglalaho sa kanilang kinatatayuan na tulad ng isang malikmata
إِنَّ جَهَنَّمَ كَانَتۡ مِرۡصَادًا
Katotohanan! Ang Impiyerno ay matutulad (sa isang pook) ng pagtambang
لِّلطَّٰغِينَ مَـَٔابًا
Bilang isang Tahanan sa Taghun (sila na lumalabag at sumusuway sa hangganan na itinakda ni Allah, katulad ng mga mapagsamba sa diyus-diyosan, walang pananalig sa Kaisahan ni Allah at sa Islam, mga mapagkunwari, mga makasalanan, mga kriminal, atbp)
لَّا يَذُوقُونَ فِيهَا بَرۡدًا وَلَا شَرَابًا
dito ay wala silang malalasap na lamig (at ginhawa), ni anumang inumin (na pampasigla)
إِلَّا حَمِيمًا وَغَسَّاقًا
Maliban sa kumukulong tubig at maruming katas ng sugat (nana, dugo, atbp)
إِنَّهُمۡ كَانُواْ لَا يَرۡجُونَ حِسَابًا
Sapagkat katotohanang sila ay hindi nagbigay pahalaga ( at nangamba) tungo sa (araw) ng pagsusulit (ng kanilang mga gawa)
وَكَذَّبُواْ بِـَٔايَٰتِنَا كِذَّابًا
At ganap nilang itinuring na walang katotohanan ang Aming Ayat (kapahayagan, tanda, katibayan, aral, atbp)
وَكُلَّ شَيۡءٍ أَحۡصَيۡنَٰهُ كِتَٰبًا
At ang lahat ng bagay ay Aming itinala sa napapangalagaang Aklat
فَذُوقُواْ فَلَن نَّزِيدَكُمۡ إِلَّا عَذَابًا
Kaya’t lasapin ninyo ang bunga (na inani) ng inyong masasamang gawa, at kayo ay hindi Namin bibigyan ng anuman maliban sa Kaparusahan
إِنَّ لِلۡمُتَّقِينَ مَفَازًا
Katotohanan! Sa Muttaqun (mga matutuwid at mabubuting tao na sumusunod sa lahat ng ipinag-uutos ni Allah at umiiwas sa lahat ng Kanyang ipinagbabawal) ay tagumpay, at katuparan ng kanilang inaasam (Paraiso)
لَّا يَسۡمَعُونَ فِيهَا لَغۡوًا وَلَا كِذَّٰبًا
dito ay wala silang maririnig na hinagpis o kasinungalingan (sa pag- uusap)
جَزَآءً مِّن رَّبِّكَ عَطَآءً حِسَابًا
Isang kabayaran mula sa inyong Panginoon, isang Biyayang sagana
رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابًا
Mula sa Panginoon ng kalangitan at kalupaan at anumang nasa pagitan nito, ang diyos na Lubos na Mapagbigay ng biyaya, at walang sinuman (ang may kapamahalaan) na makakasalansang sa Kanya (sa Araw ng Muling Pagkabuhay), malibang Kanyang pahintulutan
يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفًّاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابًا
SaAraw na ang ruh (si Gabriel o ibangAnghel) at iba pang anghel ay nakatindig (nang tuwid at maayos) sa mga hanay, at hindi makakapangusap malibang pahintulutan siya ng Lubos na Mapagbigay (Allah), at kanyang ipagsasaysay kung ano ang matuwid
ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا
Ito ang Araw ng Katotohanan na walang alinlangan, kaya’t sinuman ang magnais, hayaang tahakin niya ang Pagbabalik, sa tuwid na landas ng kanyang Panginoon (sa pamamagitan ng pagsunod sa Kanya sa buhay sa mundong ito)
إِنَّآ أَنذَرۡنَٰكُمۡ عَذَابًا قَرِيبًا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا
Katotohanang Aming pinaaalalahanan kayo ng daratal na Kaparusahan. Sa Araw na ang tao ay makakapagmalas (sa gawa) ng kanyang kamay kung saan siya inihantong. Ang mga hindi sumasampalataya ay magsasabi: “ Kasawian sa akin! Sana ay naging alabok na lamang ako!”
Translation: Abdullatif Eduardo M. Arceo.