بِسۡمِ ٱللَّهِ ٱلرَّحۡمَٰنِ ٱلرَّحِيمِ
79:1وَٱلنَّٰزِعَٰتِ غَرۡقًا
Ndayira Malayika ezisikambula emyoyo gy’abajeemu mu bukambwe
79:2وَٱلنَّٰشِطَٰتِ نَشۡطًا
Era ndayira Malayika ezisowola emyoyo gy’abakkiriza obusowozi
79:3وَٱلسَّٰبِحَٰتِ سَبۡحًا
Era ndayira Malayika eziwugira mu bbanga oluwuga
79:4فَٱلسَّٰبِقَٰتِ سَبۡقًا
Era ndayira Malayika ezivuganya oluvuganya nga zitwala emyoyo gy’abakkiriza mu jjana
79:5فَٱلۡمُدَبِّرَٰتِ أَمۡرًا
Ne ndayira ne Malayika ezissa mu nkola ebiragiro (Byange)
79:6يَوۡمَ تَرۡجُفُ ٱلرَّاجِفَةُ
(Mukimanye nti ebitonde byonna bigenda kuzikirira) ku lunaku buli kintu kyonna lwe kirikankana nga engombe efuuyiddwa
79:7تَتۡبَعُهَا ٱلرَّادِفَةُ
Luligobererwa olufuuwa olw'okubiri (olw'okuzuukira)
79:8قُلُوبٌ يَوۡمَئِذٍ وَاجِفَةٌ
E mitima gy’abatakkiriza ku lunaku olwo giribeera mu kutya
79:9أَبۡصَٰرُهَا خَٰشِعَةٌ
Amaaso gaabwe nga makkakkamu
79:10يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
Bagamba (nga bajerega), nti "Mazima ddala tulizzibwawo mu bulamu nga bwetulimu kati
79:11أَءِذَا كُنَّا عِظَٰمًا نَّخِرَةً
Bwe tuliba tumaze okufuuka amagumba amamerengufu
79:12قَالُواْ تِلۡكَ إِذًا كَرَّةٌ خَاسِرَةٌ
Bongerako ne bagamba nti (okwonno bwekiriba bwekityo) kuliba kudda kwa kufaafaaganirwa
79:13فَإِنَّمَا هِيَ زَجۡرَةٌ وَٰحِدَةٌ
Mazima okuzuukira lugenda kubeera olukanga lumu lwokka
79:14فَإِذَا هُم بِٱلسَّاهِرَةِ
Baligenda okulaba nga bali ku ngulu ku nsi
79:15هَلۡ أَتَىٰكَ حَدِيثُ مُوسَىٰٓ
Abaffe wamanya ku kyafaayo kya Nabbi Musa
79:16إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
Awo Katonda we yakoowoolera Musa nga (Musa) ali mu lusenyi olutukuvu 'Tuwa
79:17ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
N'amugamba nti genda eri Firaawo kubanga ye asusse mu bujeemu ne mu buwakanyi
79:18فَقُلۡ هَل لَّكَ إِلَىٰٓ أَن تَزَكَّىٰ
Omugambe nti, Abaffe waalyetaaze okwetukuza (n'okkiriza mukama Katonda wo)
79:19وَأَهۡدِيَكَ إِلَىٰ رَبِّكَ فَتَخۡشَىٰ
Ndyoke mbe nga nkulungamya eri Katonda wo obeere nga omutya
79:20فَأَرَىٰهُ ٱلۡأٓيَةَ ٱلۡكُبۡرَىٰ
(Nabbi Musa) n’alaga Firaawo obujulizi obwenkukunala
79:21فَكَذَّبَ وَعَصَىٰ
(Firaawo) naalimbisa era n’ajeema
79:22ثُمَّ أَدۡبَرَ يَسۡعَىٰ
Bwe yamala n'abikuba amabega era n’akola kaweefube w'okubirwanyisa
79:23فَحَشَرَ فَنَادَىٰ
N’akungaanya (amagye ge, abakungu be, n’abalogo) n’alangirira
79:24فَقَالَ أَنَا۠ رَبُّكُمُ ٱلۡأَعۡلَىٰ
Ng’agamba nti nze Katonda wa mmwe owa waggulu
79:25فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Katonda n’amubonereza n’okumuzikiriza olw’ekisobyo ekyasembayo n’ekyasooka
79:26إِنَّ فِي ذَٰلِكَ لَعِبۡرَةً لِّمَن يَخۡشَىٰٓ
Mazima mu ekyo (eky’okuzikiriza Firaawo) mulimu eky’okulabirako eri oyo atya Katonda
79:27ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Abaffe, mmwe be mweraba mwe musinga obuzibu okutonda okusinga e ggulu? Yalitonda nno
79:28رَفَعَ سَمۡكَهَا فَسَوَّىٰهَا
(Awamu n'obugevvu bwalyo) yaliwanika n'alitereeza
79:29وَأَغۡطَشَ لَيۡلَهَا وَأَخۡرَجَ ضُحَىٰهَا
Aleeta enzikiza yaalyo n’aggyayo ekitangaala kyalyo
79:30وَٱلۡأَرۡضَ بَعۡدَ ذَٰلِكَ دَحَىٰهَآ
N’ensi oluvanyuma lwebyo yagyaliira
79:31أَخۡرَجَ مِنۡهَا مَآءَهَا وَمَرۡعَىٰهَا
Muyo mwennyini mweyajja amazzi gaayo namalundiro gaayo
79:32وَٱلۡجِبَالَ أَرۡسَىٰهَا
N’ensozi yazisimba n'azinyweeza
79:33مَتَٰعًا لَّكُمۡ وَلِأَنۡعَٰمِكُمۡ
(Ebyo yabikola) lwa kugasa mmwe n'ensolo za mmwe
79:34فَإِذَا جَآءَتِ ٱلطَّآمَّةُ ٱلۡكُبۡرَىٰ
Akabenje akanene bwe kalijja (olwo lwe luliba olunaku lw'enkomerero)
79:35يَوۡمَ يَتَذَكَّرُ ٱلۡإِنسَٰنُ مَا سَعَىٰ
Olunaku lw’alijjukira omuntu ebyo byonna bye yakola
79:36وَبُرِّزَتِ ٱلۡجَحِيمُ لِمَن يَرَىٰ
Omuliro Jahiimu negulagibwa eri yenna alaba
79:37فَأَمَّا مَن طَغَىٰ
Oyo yenna eyasukka mu kujeema
79:38وَءَاثَرَ ٱلۡحَيَوٰةَ ٱلدُّنۡيَا
N’asukkulumya obulamu bw’ensi (ku bw'enkomerero)
79:39فَإِنَّ ٱلۡجَحِيمَ هِيَ ٱلۡمَأۡوَىٰ
Mazima omuliro Jahiimu bwe buddo bwe
79:40وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Oyo aliba nga yatya okuyimirira mu maaso ga Mukama we (Katonda). N’aziyiza omwoyo gwe ku by’obwagazi
79:41فَإِنَّ ٱلۡجَنَّةَ هِيَ ٱلۡمَأۡوَىٰ
Mazima e jjana, bwe buddo bwe
79:42يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Bakubuuza gwe (Nabbi Muhammad) ebikwata ku lunaku lw’enkomerero, nti lulibaawo ddi
79:43فِيمَ أَنتَ مِن ذِكۡرَىٰهَآ
Wa gy'onoggya okulwogerako
79:44إِلَىٰ رَبِّكَ مُنتَهَىٰهَآ
Omulezi wo Katonda yekka ya manyi ebirukwatako
79:45إِنَّمَآ أَنتَ مُنذِرُ مَن يَخۡشَىٰهَا
Mazima ggwe oli mutiisa eri oyo alutya
79:46كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Mazima bwe baliraba olunaku olwo balibanga abataatuula ku nsi okugyako ekiseera ky'olweggulo oba e kye nkya
Translation: Fareeq Musa.