بِسۡمِ ٱللَّهِ ٱلرَّحۡمَٰنِ ٱلرَّحِيمِ
79:1وَٱلنَّٰزِعَٰتِ غَرۡقًا
Nditsuba Khubamalaika bakhunyulanga (emioyo cha bakhayi) nende amaani
79:2وَٱلنَّٰشِطَٰتِ نَشۡطًا
Nende balia barusinjia (emioyo chiabasuubili) kaala
79:3وَٱلسَّٰبِحَٰتِ سَبۡحًا
Nende balia bakulukhanga mwikulu bukulukha
79:4فَٱلسَّٰبِقَٰتِ سَبۡقًا
Nende balia bashilananga tsimbilo (nende emioyo chiabasuubili okhuyila mwikulu)
79:5فَٱلۡمُدَبِّرَٰتِ أَمۡرًا
Nende balia bakaasinjia amakhuwa. (emioyo emibii nichinyoola eshinyasio, ne emilayi nichisangaasibwa)
79:6يَوۡمَ تَرۡجُفُ ٱلرَّاجِفَةُ
Inyanga yolwika lulikhupwa lweyimbeli (lulirenjia buli eshindu)
79:7تَتۡبَعُهَا ٱلرَّادِفَةُ
Ne ulwika lundi lulilondakhwo
79:8قُلُوبٌ يَوۡمَئِذٍ وَاجِفَةٌ
Inyanga eyo emioyo chilirengarenga khuburi
79:9أَبۡصَٰرُهَا خَٰشِعَةٌ
Tsimoni tsiachio tsilikhookha. (tsilihenga hasi)
79:10يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
(Abakhayi) baboolanga mbu: “khulikalusibwa toto shinga khwali?” (Khulilamusibwa)
79:11أَءِذَا كُنَّا عِظَٰمًا نَّخِرَةً
Olwakhuliba ebikumba bibulungukha
79:12قَالُواْ تِلۡكَ إِذًا كَرَّةٌ خَاسِرَةٌ
Baboola mbu: “okhukalusibwa okho nikhweshikhaya (khwifwe! )”
79:13فَإِنَّمَا هِيَ زَجۡرَةٌ وَٰحِدَةٌ
Kho toto okhulamusibwa okho ni oluyoka lulala lwonyene
79:14فَإِذَا هُم بِٱلسَّاهِرَةِ
hawo na hawo buli eshiloonje shiliba mushikuri eshiya
79:15هَلۡ أَتَىٰكَ حَدِيثُ مُوسَىٰٓ
Koo! lwakhuulilakhwo Olukano lwa Musa
79:16إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
Olwa Nyasaye wuwe yamulanga mulitwoma lio luyali lia T’uwaa
79:17ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
Tsia ewa Firauni, toto ye yaburirira
79:18فَقُلۡ هَل لَّكَ إِلَىٰٓ أَن تَزَكَّىٰ
Umuboolele mbu: “Koo ochama okhuba Omutswenufu?”
79:19وَأَهۡدِيَكَ إِلَىٰ رَبِّكَ فَتَخۡشَىٰ
Ekhwimilile khu Nyasaye wo onyoole okhumuria
79:20فَأَرَىٰهُ ٱلۡأٓيَةَ ٱلۡكُبۡرَىٰ
Mana namwenchesia ebimanyisio ebikhongo
79:21فَكَذَّبَ وَعَصَىٰ
Ne naloba nakhaila elala
79:22ثُمَّ أَدۡبَرَ يَسۡعَىٰ
Khandi nakalukha inyuma, nakhola eshinani. (Okhukania Abandu balafuchilila Musa tawe)
79:23فَحَشَرَ فَنَادَىٰ
Nakhung’asia Abandu nalaanga
79:24فَقَالَ أَنَا۠ رَبُّكُمُ ٱلۡأَعۡلَىٰ
Naboola mbu: “nesie Nyasaye wenyu Omukhongo.”
79:25فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Kho Omulonji namutila namuhelesia eshinyasio khukayaboola kokhumalilikha (nesie Nyasaye wenyue omukhongo) nende kayaranjilila (Abulaho Nyasaye wundi owulali esie)
79:26إِنَّ فِي ذَٰلِكَ لَعِبۡرَةً لِّمَن يَخۡشَىٰٓ
toto esho neshimanyisio khubalia baria Nyasaye
79:27ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Koo! Nobutinyu okhuloonga enywe nohomba likulu? Ye niye waliumbakha
79:28رَفَعَ سَمۡكَهَا فَسَوَّىٰهَا
yalichingula, nalikasia obulayi
79:29وَأَغۡطَشَ لَيۡلَهَا وَأَخۡرَجَ ضُحَىٰهَا
Ne nara eshilima mushilo shiayio, ne nayiniamwo eshitere
79:30وَٱلۡأَرۡضَ بَعۡدَ ذَٰلِكَ دَحَىٰهَآ
Akhurula awo nakwalasia liloba
79:31أَخۡرَجَ مِنۡهَا مَآءَهَا وَمَرۡعَىٰهَا
Narusiamwo amatsikayio nende emimela
79:32وَٱلۡجِبَالَ أَرۡسَىٰهَا
Ne nabuusia tsingulu
79:33مَتَٰعًا لَّكُمۡ وَلِأَنۡعَٰمِكُمۡ
Khubukhala bwenyu nende ibiayo bienyu
79:34فَإِذَا جَآءَتِ ٱلطَّآمَّةُ ٱلۡكُبۡرَىٰ
Olwamatinyu amakhongo kaliula
79:35يَوۡمَ يَتَذَكَّرُ ٱلۡإِنسَٰنُ مَا سَعَىٰ
Inyanga yomundu aliitsulila kayakhola
79:36وَبُرِّزَتِ ٱلۡجَحِيمُ لِمَن يَرَىٰ
ne jahanamu ilisitibwa khu ulola
79:37فَأَمَّا مَن طَغَىٰ
ne ulia waburirira mubufuru
79:38وَءَاثَرَ ٱلۡحَيَوٰةَ ٱلدُّنۡيَا
mana nachama muno ubulamu bweshialo
79:39فَإِنَّ ٱلۡجَحِيمَ هِيَ ٱلۡمَأۡوَىٰ
toto jahanamu neshimenyo shishie
79:40وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Ne ulia waria okhwema imbeli Wa Nyasaye wuwe , nakaania omwoyo kukwe obwikombi
79:41فَإِنَّ ٱلۡجَنَّةَ هِيَ ٱلۡمَأۡوَىٰ
Toto oyo Mwikulu nishiliba eshimenyo shishie
79:42يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Bakhurebanga ebise bieyindukho biliba lina
79:43فِيمَ أَنتَ مِن ذِكۡرَىٰهَآ
Oli nashina ewe wakhanyala okhuyirumbula
79:44إِلَىٰ رَبِّكَ مُنتَهَىٰهَآ
Obumalilishi bweyinyanga eyo buli khu Nyasaye wuwo Omulesi
79:45إِنَّمَآ أَنتَ مُنذِرُ مَن يَخۡشَىٰهَا
Toto ewe oli butswa Omwikanyilisi khu ulia owaria inyanga eyo
79:46كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Olwa baliyilola inyanga eyo, balikaala mbu shibamenya khwo (khushialo) tawe halali ingolobe ndala nohomba eshitere shiayo
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.