بِسۡمِ ٱللَّهِ ٱلرَّحۡمَٰنِ ٱلرَّحِيمِ
80:1عَبَسَ وَتَوَلَّىٰٓ
Yakhulusia obweni namukhupila likosi
80:2أَن جَآءَهُ ٱلۡأَعۡمَىٰ
Khulwokhwitsilwa nende Omuwofu
80:3وَمَا يُدۡرِيكَ لَعَلَّهُۥ يَزَّكَّىٰٓ
Ne nishina shikhumanyia ye awundi anyala ukhwitwenula
80:4أَوۡ يَذَّكَّرُ فَتَنفَعَهُ ٱلذِّكۡرَىٰٓ
Nohomba aletsulisibwa mana ametsulisio kamukhoonye
80:5أَمَّا مَنِ ٱسۡتَغۡنَىٰ
Ne ulia wilola mbu kamubulilamwo oluchendo
80:6فَأَنتَ لَهُۥ تَصَدَّىٰ
Nawe niye oworeerekhwo eshinani
80:7وَمَا عَلَيۡكَ أَلَّا يَزَّكَّىٰ
Shikali khwiwe tawe nakhaya okhutswenukha
80:8وَأَمَّا مَن جَآءَكَ يَسۡعَىٰ
Ne ulia ukhwitsila neshinani
80:9وَهُوَ يَخۡشَىٰ
Naye naririre
80:10فَأَنتَ عَنۡهُ تَلَهَّىٰ
Niye niwokhupila likosi
80:11كـَلَّآ إِنَّهَا تَذۡكِرَةٌ
shikali kario tawe! khuno nokhwitsulisania
80:12فَمَن شَآءَ ذَكَرَهُۥ
Ulia uchama yetsulile
80:13فِي صُحُفٍ مُّكَرَّمَةٍ
Kali mutsimbapulo tsiahebwa oluyali
80:14مَّرۡفُوعَةٍ مُّطَهَّرَةِۭ
Tsiarebwa hekulu tsinzwenufu
80:15بِأَيۡدِي سَفَرَةٍ
Tsili mumikhono chia Abamalaika Abahandichi
80:16كِرَامِۭ بَرَرَةٍ
Boluyali abalayi
80:17قُتِلَ ٱلۡإِنسَٰنُ مَآ أَكۡفَرَهُۥ
Omundu yasikha! Nishina shimukholanga aba omukhayi
80:18مِنۡ أَيِّ شَيۡءٍ خَلَقَهُۥ
Yalongwa okhurula khushina
80:19مِن نُّطۡفَةٍ خَلَقَهُۥ فَقَدَّرَهُۥ
okhurulana nende indonyande ya amaatsi kolwibulo, yamuloonga mana namubalilila
80:20ثُمَّ ٱلسَّبِيلَ يَسَّرَهُۥ
Mana namwanguyilisilia injila
80:21ثُمَّ أَمَاتَهُۥ فَأَقۡبَرَهُۥ
Mana namufwisia namura mushilindwa
80:22ثُمَّ إِذَا شَآءَ أَنشَرَهُۥ
Mana nalichama alimulamusia
80:23كـَلَّا لَمَّا يَقۡضِ مَآ أَمَرَهُۥ
Tawe! Ashili akhumala kayamulomesia
80:24فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
Kho Omundu ahenjekhwo eshilibwa shishie
80:25أَنَّا صَبَبۡنَا ٱلۡمَآءَ صَبًّا
Toto efwe khwayomboola amatsi buyomboola
80:26ثُمَّ شَقَقۡنَا ٱلۡأَرۡضَ شَقًّا
Ne nikhukalukhasia liloba bukalukhasia
80:27فَأَنۢبَتۡنَا فِيهَا حَبًّا
Ne nikhumesiamwo imele
80:28وَعِنَبًا وَقَضۡبًا
Nende tsizabibu nende eliani liamasafu
80:29وَزَيۡتُونًا وَنَخۡلًا
Nende emizaituna nende mitende
80:30وَحَدَآئِقَ غُلۡبًا
Nende emikunda chiemisala chiasitanakhwo obulayi
80:31وَفَٰكِهَةً وَأَبًّا
Nende ebiamo, nende olwayilo lwemiruko
80:32مَّتَٰعًا لَّكُمۡ وَلِأَنۡعَٰمِكُمۡ
Khulwo obukhala bwenyu nende ebiruche bienyu
80:33فَإِذَا جَآءَتِ ٱلصَّآخَّةُ
Mana shingala omwayukho kuliitsa
80:34يَوۡمَ يَفِرُّ ٱلۡمَرۡءُ مِنۡ أَخِيهِ
Inyanga yo Omundu alimwilukha Omusiani wabu
80:35وَأُمِّهِۦ وَأَبِيهِ
Nende Nyinamwana nende Samwana
80:36وَصَٰحِبَتِهِۦ وَبَنِيهِ
Nende Omukhaye wuwe nende Abanabe
80:37لِكُلِّ ٱمۡرِيٍٕ مِّنۡهُمۡ يَوۡمَئِذٍ شَأۡنٌ يُغۡنِيهِ
Buli shiamulala aliba nende akeke kamuyela
80:38وُجُوهٌ يَوۡمَئِذٍ مُّسۡفِرَةٌ
Inyanga eyo obweni bundi buling’enang’ena
80:39ضَاحِكَةٌ مُّسۡتَبۡشِرَةٌ
Bulitsekha nibusangalile
80:40وَوُجُوهٌ يَوۡمَئِذٍ عَلَيۡهَا غَبَرَةٌ
Ne obweni bundi inyanga eyo buliba nende olufu
80:41تَرۡهَقُهَا قَتَرَةٌ
Ishilima tititi shilibufunikha
80:42أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ
Abo nibo Abakhayi abakholi betsimbi
Translation: Mohammad Ramadhan Sebwa, Ramadhan Hajj Ndeka, Ismail Were, Musa Murasi Salim Kukuya, Yusuf Shiundu Malala, Yahya Wafula Ojwang, Haroon Albert Msah.