Surah 68 · 52 verses · Tgk. H. Mahjiddin Jusuf
Surah Al-Qalam in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
نٓۚ وَٱلۡقَلَمِ وَمَا يَسۡطُرُونَ
Nun Peue meukeusud Nun bak awal ayat Tuhan Hadharat hana Neupeugah Demi na kalam ngon nyang jih surat
مَآ أَنتَ بِنِعۡمَةِ رَبِّكَ بِمَجۡنُونٍ
Gata kon meuhat lagee jih peugah Nikmat Po gata gata kon gila
وَإِنَّ لَكَ لَأَجۡرًا غَيۡرَ مَمۡنُونٍ
Nyang le di gata pahla bak Allah Han peutoh-peutoh pahla keu gata
إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ
Po gata keubit Neuteupue that-that Soe nyang bit sisat jalan ka salah Neuteupue that soe nyang na peutunyok Nyang ka geujak cok jalan got leupah
وَدُّواْ لَوۡ تُدۡهِنُ فَيُدۡهِنُونَ
Napsu jih gata meugot-got ngon jih Sang-sang bit di jih got-got that leupah
وَلَا تُطِعۡ كُلَّ حَلَّافٍ مَّهِينٍ
Lom bek taseutot awak hina that Di jih sia-at ka jimeusumpah
مَّنَّاعٍ لِّلۡخَيۡرِ مُعۡتَدٍ أَثِيمٍ
Atra jeh di jih bek sagai leupah Meunyo buet nyang got di jih kriet jih that Keubit jeuheut that jipubuet salah
أَن كَانَ ذَا مَالٍ وَبَنِينَ
Areuta jih nyan cit le sileupah Meunan lom aneuk di jih pih le that
إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
‘Oh geukheun ayat jipaleng bagah Dum ayat Kamoe jikheun nyan dongeng Kra ureueng jameun bandum jipeugah
سَنَسِمُهُۥ عَلَى ٱلۡخُرۡطُومِ
Kamoe boh tanda ‘oh dudoe keu jih Bak beuralee jih meucap meukeubah
إِنَّا بَلَوۡنَٰهُمۡ كَمَا بَلَوۡنَآ أَصۡحَٰبَ ٱلۡجَنَّةِ إِذۡ أَقۡسَمُواْ لَيَصۡرِمُنَّهَا مُصۡبِحِينَ
Dilee awaknyan ka Kamoe ujoe Lagee meuujoe kawom nyang sudah Sinan na lampoh jih di kawom nyan Teuma watee nyan ka jimeusumpah Singoh ban beungoh tajak pot ase
فَطَافَ عَلَيۡهَا طَآئِفٌ مِّن رَّبِّكَ وَهُمۡ نَآئِمُونَ
Meu troh treuk keunan ureueng ziarah Teungoh teungeut jih ureueng nyan teuka Nibak Po gata sideh geulangkah
أَنِ ٱغۡدُواْ عَلَىٰ حَرۡثِكُمۡ إِن كُنتُمۡ صَٰرِمِينَ
Bandum tabeudoh jak keudeh bagah Meunyo meunapsu tajak pot ase Bak keubon sare laju talangkah
أَن لَّا يَدۡخُلَنَّهَا ٱلۡيَوۡمَ عَلَيۡكُم مِّسۡكِينٌ
Bek leumah-leumah tanyoe jak bagah Ureueng gasien bek jitamong keunoe Tanyoe uroe nyoe tajak pot buah
وَغَدَوۡاْ عَلَىٰ حَرۡدٍ قَٰدِرِينَ
Jijak treuk laju padahai di jih Ek jibri le jih peue-peue nyang mudah
فَلَمَّا رَأَوۡهَا قَالُوٓاْ إِنَّا لَضَآلُّونَ
‘Oh ban jikalon lampoh lagee nyoe Jikheun bit tanyoe sisat sileupah
قَالَ أَوۡسَطُهُمۡ أَلَمۡ أَقُل لَّكُمۡ لَوۡلَا تُسَبِّحُونَ
Ureueng got ate teuma kheun bagah Kon ka Lon peugah bak bandum gata Pakon han gata tapujoe Allah Takheun teuseubeh tapujoe Tuhan
قَالُواْ سُبۡحَٰنَ رَبِّنَآ إِنَّا كُنَّا ظَٰلِمِينَ
Jikheun treuk yoh nyan Subhanallah Keubit Po tanyoe Maha Suci that Tanyoe lalem that hanaban peugah
فَأَقۡبَلَ بَعۡضُهُمۡ عَلَىٰ بَعۡضٍ يَتَلَٰوَمُونَ
Nyang ladom jikheun nyan salah gata Bandum jih teuma peusalah-salah
قَالُواْ يَٰوَيۡلَنَآ إِنَّا كُنَّا طَٰغِينَ
Jikheun ceulaka bandum geutanyoe Sabab geutanyoe leupah that culah
عَسَىٰ رَبُّنَآ أَن يُبۡدِلَنَا خَيۡرًا مِّنۡهَآ إِنَّآ إِلَىٰ رَبِّنَا رَٰغِبُونَ
Kadang Neutem bri le Po geutanyoe c Laen Neugantoe nyang leubeh ceudah Taharap ampon bak Po geutanyoe
كَذَٰلِكَ ٱلۡعَذَابُۖ وَلَعَذَابُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ
Meunan keuh Kamoe azeub meubalah Azeub akhirat raya nibak nyoe Meunyo jiteupue han roe jih salah
إِنَّ لِلۡمُتَّقِينَ عِندَ رَبِّهِمۡ جَنَّٰتِ ٱلنَّعِيمِ
Ureueng takwa nibak Po gopnyan Churuga naʻim ka lheuh Neukeubah
أَفَنَجۡعَلُ ٱلۡمُسۡلِمِينَ كَٱلۡمُجۡرِمِينَ
Po kamoe peusa ureueng Iseulam Lagee kaphe nyan nyang pubuet salah
أَمۡ لَكُمۡ كِتَٰبٌ فِيهِ تَدۡرُسُونَ
Lam kitab teuh dum peue na geupeugah Na kitab teuh dum teuma di gata
أَمۡ لَكُمۡ أَيۡمَٰنٌ عَلَيۡنَا بَٰلِغَةٌ إِلَىٰ يَوۡمِ ٱلۡقِيَٰمَةِ إِنَّ لَكُمۡ لَمَا تَحۡكُمُونَ
Peue na meujanji gata ngon Kamoe Sampoe ‘an dudoe taakad sumpah Nyang jeuet gata dum meunan tahukom
سَلۡهُمۡ أَيُّهُم بِذَٰلِكَ زَعِيمٌ
Tanyong bak jih dum mangat jipeugah Soe keupala jih nyang hukom meunoe
أَمۡ لَهُمۡ شُرَكَآءُ فَلۡيَأۡتُواْ بِشُرَكَآئِهِمۡ إِن كَانُواْ صَٰدِقِينَ
Na ngon jih dum nyoe laen jikeubah Jak hai ngon jih dum keunoe tayue ba Meunyo jih beuna peue nyang jipeugah
يَوۡمَ يُكۡشَفُ عَن سَاقٍ وَيُدۡعَوۡنَ إِلَى ٱلسُّجُودِ فَلَا يَسۡتَطِيعُونَ
Uroe deuh beuteh bandum ka teulhon Geuyue sujud lom laju beu bagah Han ek sujud le di jih watee nyan
خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٌۖ وَقَدۡ كَانُواْ يُدۡعَوۡنَ إِلَى ٱلسُّجُودِ وَهُمۡ سَٰلِمُونَ
Mata ka rabon khuchu‘ that leupah Watee nyan di jih hina ngon malee Yoh geuyue dilee han jitem papah Yoh mantong teuga han jitem pubuet ‘Oh geuyue sujud di jih jibantah
فَذَرۡنِي وَمَن يُكَذِّبُ بِهَٰذَا ٱلۡحَدِيثِۖ سَنَسۡتَدۡرِجُهُم مِّنۡ حَيۡثُ لَا يَعۡلَمُونَ
Bah jih deungon Lon jinoe meuhukom Jikheun narit Lon sulet that leupah Lon keumeung hoi jih dum seun-seun bacut Bah le jipubuet laju nyang salah Hana jiteupue ho jikeumeung bloh
وَأُمۡلِي لَهُمۡۚ إِنَّ كَيۡدِي مَتِينٌ
Jih Lon bri tanggoh yoh goh Lon balah 7 Leubeh carong Lon roe bak teumaki
أَمۡ تَسۡـَٔلُهُمۡ أَجۡرًا فَهُم مِّن مَّغۡرَمٍ مُّثۡقَلُونَ
Peue na tayue bri keu gata upah Jeut jih nyan teuma geuhon ngon utang
أَمۡ عِندَهُمُ ٱلۡغَيۡبُ فَهُمۡ يَكۡتُبُونَ
Peue na bak jih nyan ‘eleumee Allah s ‘Eleumee gaeb nyang tan gop teupue Jituleh dumpeue beuna ngon salah
فَٱصۡبِرۡ لِحُكۡمِ رَبِّكَ وَلَا تَكُن كَصَاحِبِ ٱلۡحُوتِ إِذۡ نَادَىٰ وَهُوَ مَكۡظُومٌ
Teuma tasaba hukom Po gata Bek lagee haba masa nyang sudah 5 Lagee soe dilee dalam pruet eungkot Sang-sang teumakot geuba peurintah Geulakee duʻa gopnyan di laot Kawom buet karot beungeh geuh leupah
لَّوۡلَآ أَن تَدَٰرَكَهُۥ نِعۡمَةٌ مِّن رَّبِّهِۦ لَنُبِذَ بِٱلۡعَرَآءِ وَهُوَ مَذۡمُومٌ
Adak kon nikmat bak Tuhan gopnyan Teutiek geuh sinan dalam blang luah Meuhat jicaci bandum buet gopnyan
فَٱجۡتَبَٰهُ رَبُّهُۥ فَجَعَلَهُۥ مِنَ ٱلصَّٰلِحِينَ
Lan pih di Tuhan gopnyan Neupeuglah Neupileh gopnyan keu ureueng saleh d Ureueng nyang leubeh geunaseh Allah
وَإِن يَكَادُ ٱلَّذِينَ كَفَرُواْ لَيُزۡلِقُونَكَ بِأَبۡصَٰرِهِمۡ لَمَّا سَمِعُواْ ٱلذِّكۡرَ وَيَقُولُونَ إِنَّهُۥ لَمَجۡنُونٌ
Kaphe ‘oh jingieng sang ateuh gata Jikeuih gata sinan beureubah ‘Oh ban jideungo dike tabaca Keubit ka gila gata jipeugah
وَمَا هُوَ إِلَّا ذِكۡرٌ لِّلۡعَٰلَمِينَ
Padahai Ziker haba peuingat s Le bandum umat jitueng phaedah Keu bandum alam jeuet keu peuingat r Soe nyang tem ingat nyang nyang meutuah
Translation: Tgk. H. Mahjiddin Jusuf.