Surah 69 · 52 verses · Tgk. H. Mahjiddin Jusuf
Surah Al-Haqqah in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
كَذَّبَتۡ ثَمُودُ وَعَادُۢ بِٱلۡقَارِعَةِ
Yoh dilee masa Tsamud geupeugah Jikheun sulet that uroe kiamat Meunan pih si ‘Ad jikheun beurakah
وَأَمَّا عَادٌ فَأُهۡلِكُواْ بِرِيحٍ صَرۡصَرٍ عَاتِيَةٍ
Binasa si ‘Ad angen kreuh leupah Angen sijuek that badei ngon tophan
سَخَّرَهَا عَلَيۡهِمۡ سَبۡعَ لَيَالٍ وَثَمَٰنِيَةَ أَيَّامٍ حُسُومًاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٍ
Tujoh malam tan jipiyoh payah Jeuet lom meutamah ngon lapan uroe Kawom teupipoe taeu dum reubah Sang bak kureuma nyang ka brok asoe Reubah sinaroe abeh dum tewah
وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ
Peuraʻun pande pih hana ubah Yoh goh Peuraʻun ngon muktafikat Bandum saban that jipubuet salah
فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةً رَّابِيَةً
Jimaksiet dum jih rasul tuhan jih Neusiksa treuk jih nyang brat sileupah
إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ
‘Oh teuka tophan jiek ie raya Gata lam bahtra dum Kamoe keubah
لِنَجۡعَلَهَا لَكُمۡ تَذۡكِرَةً وَتَعِيَهَآ أُذُنٌ وَٰعِيَةٌ
Meupeujeuet nyan dum jeuet keu peuingat Keu gata meuhat tatueng phaedah Geulinyueng nyang got sabe jiingat
فَإِذَا نُفِخَ فِي ٱلصُّورِ نَفۡخَةٌ وَٰحِدَةٌ
‘Oh jan kiamat teuma geupeugah Geuyup beuragoe sigo yup meuhat
وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةً وَٰحِدَةً
Bumoe geuangkat ngon gunong meugah Bumoe ngon gunong meuseumpom anco
وَٱنشَقَّتِ ٱلسَّمَآءُ فَهِيَ يَوۡمَئِذٍ وَاهِيَةٌ
Langet pih bicah uroe nyan reului Hana daya le leumoh jih leupah
وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٍ ثَمَٰنِيَةٌ
Jeut sagoe langet dum malaikat Arasy Hadharat geume dum sudah Lapan droe ureueng nyang me ‘arasy nyan Di ateuh gopnyan sinan keuh ‘arasy
يَوۡمَئِذٍ تُعۡرَضُونَ لَا تَخۡفَىٰ مِنكُمۡ خَافِيَةٌ
Uroe nyan gata geuba bak Tuhan Meu sapeue pih tan meusom bak Allah
فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ
Soe nyang cok kitab ngon jaroe uneun Geujok rot uneun jikheun treuk bagah Beudoh dum jak kheun kitab lon nyopat
إِنِّي ظَنَنتُ أَنِّي مُلَٰقٍ حِسَابِيَهۡ
Yoh dilee meuhat lon yakin sudah Lon yakin di lon akan geuhisab
فَهُوَ فِي عِيشَةٍ رَّاضِيَةٍ
Ureueng nyan meuhat seunang that leupah Udep that seunang rila Hadharat
كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ
Tapajoh tajep seunang ngon ladat Sabab buet got that masa nyang sudah
وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ
Soe-soe nyang geujok rot wie jih kitab Jikheun treuk ligat meunyesai leupah Adak jeuet di lon bek geujok kitab
يَٰلَيۡتَهَا كَانَتِ ٱلۡقَاضِيَةَ
Nyang got cit mate mantong bek meunoe Mangat atra nyoe dum abeh sudah
ثُمَّ فِي سِلۡسِلَةٍ ذَرۡعُهَا سَبۡعُونَ ذِرَاعًا فَٱسۡلُكُوهُ
Lheuh nyan tarante jih lom di sinan Panyang rante nyan na tujoh ploh hah
إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ
Han jimeuiman di jih keu Tuhan Allah keuh Tuhan nyang agong leupah
وَلَا يَحُضُّ عَلَىٰ طَعَامِ ٱلۡمِسۡكِينِ
Han jitem yue bri di jih makanan Keu ureueng gasien nyang dalam susah
لَّا يَأۡكُلُهُۥٓ إِلَّا ٱلۡخَٰطِـُٔونَ
Nyan keuh makanan ureueng meudacha Geubri nyan saja keu ureueng salah
وَمَا هُوَ بِقَوۡلِ شَاعِرٍۚ قَلِيلًا مَّا تُؤۡمِنُونَ
Bukon nyan narit ureueng meupanton Gata meuiman nit that sileupah
وَلَا بِقَوۡلِ كَاهِنٍۚ قَلِيلًا مَّا تَذَكَّرُونَ
Jeuet keu peuingat di gata pih nit Tapi kon narit ureueng meurajah
وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ
Meunyo buet gopnyan lagee tapeugah Geupeuna-peuna narit ateuh Lon
لَأَخَذۡنَا مِنۡهُ بِٱلۡيَمِينِ
Teuntee Lon hukom gopnyan le bagah Bak jaroe uneun lon mat geuh lon hue
فَمَا مِنكُم مِّنۡ أَحَدٍ عَنۡهُ حَٰجِزِينَ
Lam kawan gata hana meusidroe Nyang peutheun geuh nyoe bek Kamoe balah
وَإِنَّهُۥ لَتَذۡكِرَةٌ لِّلۡمُتَّقِينَ
Atra nyan cit roe haba peuingat Keu ureueng nyang that takwa keu Allah
وَإِنَّا لَنَعۡلَمُ أَنَّ مِنكُم مُّكَذِّبِينَ
Kamoe meuteupue lam kawan gata Na nyang duseuta gopnyan jipeugah
وَإِنَّهُۥ لَحَسۡرَةٌ عَلَى ٱلۡكَٰفِرِينَ
Teuma atra nyan keu awak kaphe Meuhat jeuet ase meunyesai teulah
فَسَبِّحۡ بِٱسۡمِ رَبِّكَ ٱلۡعَظِيمِ
Teuseubeh takheun tapujoe Allah Takheun teuseubeh ngon nan Po gata Nyang Maha Raya Agong ngon Meugah
Translation: Tgk. H. Mahjiddin Jusuf.