بِسۡمِ ٱللَّهِ ٱلرَّحۡمَٰنِ ٱلرَّحِيمِ
78:1عَمَّ يَتَسَآءَلُونَ
(यी) मानिसहरूले कुन कुराको बारेमा सोधपूछ गरिराखेका छन्
78:2عَنِ ٱلنَّبَإِ ٱلۡعَظِيمِ
(के) त्यस ठूलो समाचारको बारेमा
78:3ٱلَّذِي هُمۡ فِيهِ مُخۡتَلِفُونَ
जसमा यिनीहरूले मतभेद गरिराखेका छन्
78:4كـَلَّا سَيَعۡلَمُونَ
हेर, यिनीहरूले शीघ्र नै थाहा पाउनेछन् ।
78:5ثُمَّ كـَلَّا سَيَعۡلَمُونَ
अनि यकिनको साथ यिनीहरूले शीघ्र नै थाहा पाउनेछन् ।
78:6أَلَمۡ نَجۡعَلِ ٱلۡأَرۡضَ مِهَٰدًا
के हामीले धरतीलाई ओछ्यान बनाएनौं
78:7وَٱلۡجِبَالَ أَوۡتَادًا
र पहाडहरूलाई मेख खम्बा
78:8وَخَلَقۡنَٰكُمۡ أَزۡوَٰجًا
र हामीले तिमीलाई जोडी–जोडी सृष्टि गर्यौं ।
78:9وَجَعَلۡنَا نَوۡمَكُمۡ سُبَاتًا
र हामीले तिम्रा निद्रालाई आरामको माध्यम बनायौं ।
78:10وَجَعَلۡنَا ٱلَّيۡلَ لِبَاسًا
र रातलाई पर्दा बनायौं ।
78:11وَجَعَلۡنَا ٱلنَّهَارَ مَعَاشًا
र दिनलाई जीविकोपार्जनको समय बनायौं ।
78:12وَبَنَيۡنَا فَوۡقَكُمۡ سَبۡعًا شِدَادًا
र तिमीमाथि हामीले सातवटा सुदृढ आकाश निर्मित गर्यौं
78:13وَجَعَلۡنَا سِرَاجًا وَهَّاجًا
र एक चम्किलो प्रकाशमान सूर्य बनायौं ।
78:14وَأَنزَلۡنَا مِنَ ٱلۡمُعۡصِرَٰتِ مَآءً ثَجَّاجًا
र बादलहरूबाट हामीले पानीको बृष्टि गरायौं ।
78:15لِّنُخۡرِجَ بِهِۦ حَبًّا وَنَبَاتًا
ताकि त्यसबाट अन्न र सब्जी उत्पन्न गरौं
78:16وَجَنَّٰتٍ أَلۡفَافًا
र बाक्ला घना बगैंचाहरू
78:17إِنَّ يَوۡمَ ٱلۡفَصۡلِ كَانَ مِيقَٰتًا
निःसन्देह फैसलाको दिन निश्चित छ
78:18يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجًا
जुन दिन सूरमा फूँकिनेछ, अनि तिमीहरू समूह–समूहमा आई उपस्थित हुनेछौ ।
78:19وَفُتِحَتِ ٱلسَّمَآءُ فَكَانَتۡ أَبۡوَٰبًا
र आकाश खोलिनेछ, (त्यसमा) ढोकैढोका हुनेछ ।
78:20وَسُيِّرَتِ ٱلۡجِبَالُ فَكَانَتۡ سَرَابًا
र पहाड चलाइनेछन्, तब तिनीहरू रेत (बालुवा) भइहाल्नेछन् ।
78:21إِنَّ جَهَنَّمَ كَانَتۡ مِرۡصَادًا
निःसंदेह जहन्नम घातमा छ ।
78:22لِّلطَّٰغِينَ مَـَٔابًا
अर्थात् उल्लंघनकारीहरूको बासस्थान हो ।
78:23لَّٰبِثِينَ فِيهَآ أَحۡقَابًا
त्यसमा तिनीहरू वर्षौंवर्षसम्म रहनेछन् ।
78:24لَّا يَذُوقُونَ فِيهَا بَرۡدًا وَلَا شَرَابًا
उनीहरू न त्यसमा शीतलताको स्वाद चाख्नेछन् र न कुनै पेयको ।
78:25إِلَّا حَمِيمًا وَغَسَّاقًا
उम्लिराखेको पानी र बगिराखेको पीप मात्र हुनेछ ।
78:26جَزَآءً وِفَاقًا
उनीहरूले पूरा–पूर प्रतिफल पाउनेछन् ।
78:27إِنَّهُمۡ كَانُواْ لَا يَرۡجُونَ حِسَابًا
उनीहरूलाई त हिसाबको आशा नै थिएन ।
78:28وَكَذَّبُواْ بِـَٔايَٰتِنَا كِذَّابًا
र निडर भएर उनीहरूले हाम्रा आयतहरूको उपहास गर्दथे ।
78:29وَكُلَّ شَيۡءٍ أَحۡصَيۡنَٰهُ كِتَٰبًا
हामीले प्रत्येक कुरालाई लेखेर गन्तीमा राखेका छौं ।
78:30فَذُوقُواْ فَلَن نَّزِيدَكُمۡ إِلَّا عَذَابًا
तसर्थ (अब) तिमीले आफ्नो कर्मको स्वाद चाख । हामीले तिमीमाथि यातनाको वृद्धि गर्दै जानेछौं ।
78:31إِنَّ لِلۡمُتَّقِينَ مَفَازًا
निःसन्देह संयमीहरूको निम्ति ठूलो सफलता छ ।
78:32حَدَآئِقَ وَأَعۡنَٰبًا
बगैचाहरू छन्, र अँगूरहरू छन् ।
78:33وَكَوَاعِبَ أَتۡرَابًا
नौयवना कुमारी युवतीहरू छिन् ।
78:34وَكَأۡسًا دِهَاقًا
र शराबका (मदिराका) टनाटन्न भरिएका गिलासहरू ।
78:35لَّا يَسۡمَعُونَ فِيهَا لَغۡوًا وَلَا كِذَّٰبًا
उनीहरूले त्यहाँ न त कुनै व्यर्थका कुरा सुन्नेछन्, नत झूठ कुरो सुन्ने छन् ।
78:36جَزَآءً مِّن رَّبِّكَ عَطَآءً حِسَابًا
तिम्रो पालनकर्ताको तर्फबाट (उनीहरूको राम्रो) कर्मको प्रतिफल हुनेछ
78:37رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابًا
उसको तर्फबाट जो आकाशहरू र पृथ्वीको र तिनको बीचमा जे छ त्यसको पालनकर्ता हो । र धेरै कृपाशील छ । कसैलाई उनीसित कुराकानी गर्ने अधिकार छैन ।
78:38يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفًّاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابًا
जुन दिन आत्मा र फरिश्ताहरू पंक्तिबद्ध भएर उभिनेछन् तर कोही कुरो गर्न सक्दैन परन्तु जसलाई अललाहले आज्ञा दिन्छ र उसले ठीक कुरो मुखबाट निकाल्नेछ ।
78:39ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا
त्यो दिन सत्य (सुनिश्चित) छ । अब जसले चाहन्छ (सत्कर्म गरेर) आफ्नो पालनकर्ताकहाँ राम्रो ठेगाना बनाओस् ।
78:40إِنَّآ أَنذَرۡنَٰكُمۡ عَذَابًا قَرِيبًا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا
हामीले तिमीसित छिटै आउनेवाला सजायबाट डरायौं । जुनदिन मान्छे आफूले गरेको कमाई देख्नेछ र काफिर भन्ने छन् कि काश हामी माटो भइहालेको भए ।
Translation: Ahl Al Hadith Central Society Of Nepal.