Surah 77 · 50 verses · Abdullah Muhammad Abu Bakr

Surah Al-Mursalat in Swahili

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

77:1

وَٱلۡمُرۡسَلَٰتِ عُرۡفًا

Anaapa Mwenyezi Mungu kwa upepo unapovuma kwa mfululizo, huu baada ya huu

77:2

فَٱلۡعَٰصِفَٰتِ عَصۡفًا

Na kwa upepo wenye kuvuma kwa ukali wenye kuangamiza

77:3

وَٱلنَّٰشِرَٰتِ نَشۡرًا

Na kwa Malaika waliopewa jukumu la mawingu, wakawa wayapeleka pale anapotaka Mwenyezi Mungu

77:4

فَٱلۡفَٰرِقَٰتِ فَرۡقًا

Na kwa Malaika wanaoshuka, kutoka kwa Mwenyezi Mungu

77:5

فَٱلۡمُلۡقِيَٰتِ ذِكۡرًا

na amri zinazopambanua baina ya haki na batili na halali na haramu

77:6

عُذۡرًا أَوۡ نُذۡرًا

Na kwa Malaika wanaoupokea wahyi kutoka kwa Mwenyezi Mungu na kuuteremsha kwa Manabii Wake, unaowapa viumbe wake udhuru kutoka kwa Mwenyezi Mungu na pia onyo kutoka Kwake, ili watu wasiwe na hoja

77:7

إِنَّمَا تُوعَدُونَ لَوَٰقِعٌ

Hakika jambo la Kiyama mnaloahidiwa pamoja na lile la kuhesabiwa na kulipwa ni lenye kuwa hapana shaka

77:8

فَإِذَا ٱلنُّجُومُ طُمِسَتۡ

Basi nyota zitakapofutwa na mwangaza wake ukaondoka

77:9

وَإِذَا ٱلسَّمَآءُ فُرِجَتۡ

na mbingu zitakapopasuka

77:10

وَإِذَا ٱلۡجِبَالُ نُسِفَتۡ

na majabali yatakapopeperuka na kukueanea huku na kule na yakawa ni mapepe yanayorushwa na upepo

77:11

وَإِذَا ٱلرُّسُلُ أُقِّتَتۡ

Na Mitume watapowekewa wakati na muda wa baina yao na ummah wao na kusemwe

77:12

لِأَيِّ يَوۡمٍ أُجِّلَتۡ

«Ni Siku kubwa gani Mitume wameahirishiwa?»

77:13

لِيَوۡمِ ٱلۡفَصۡلِ

Wameahirishiwa Siku ya hukumu na uamuzi baina ya viumbe

77:14

وَمَآ أَدۡرَىٰكَ مَا يَوۡمُ ٱلۡفَصۡلِ

Na nilipi lililokujulisha wewe, ewe binadamu, ni siku gani hiyo ya kutolewa uamuzi na ni zipi shida zake na vituko vyake

77:15

وَيۡلٌ يَوۡمَئِذٍ لِّلۡمُكَذِّبِينَ

Maangamivu makubwa Siku hiyo ni ya wale waliyoikanusha Siku hii iliyoahidiwa

77:16

أَلَمۡ نُهۡلِكِ ٱلۡأَوَّلِينَ

Kwani hatukuawaangamiza walitangulia kati ya umma waliopita kwa kuwakanusha kwao Mitume, kama vile watu wa Nūḥ, ‘Ād na Thamūd

77:17

ثُمَّ نُتۡبِعُهُمُ ٱلۡأٓخِرِينَ

Kisha tutawakutanisha na wao wale waliokuja nyuma kati ya wale waliokuwa ni kama wao katika ukanushaji na uasi

77:18

كَذَٰلِكَ نَفۡعَلُ بِٱلۡمُجۡرِمِينَ

Mfano wa uangamizaji huo mkali ndivyo tutakavyowafanya wahalifu kati ya makafiri wa Makkah, kwa kumkanusha kwao Mtume, rehema ya Mwenyezi Mungu na amani zimshukie

77:19

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali Siku ya Kiyama kwa kila mwenye kuukanusha upweke wa Mwenyezi Mungu, unabii, kufufuliwa na kuhesabiwa

77:20

أَلَمۡ نَخۡلُقكُّم مِّن مَّآءٍ مَّهِينٍ

Je kwani sisi hatukuwaumba nyinyi, enyi mkusanyiko wa makafiri, kutokana na maji dhaifu yaliyo matwevu nayo ni tone la manii

77:21

فَجَعَلۡنَٰهُ فِي قَرَارٍ مَّكِينٍ

tukayaweka maji haya kwenye mahali palipohifadhika, napo ni kizazi cha mwanamke

77:22

إِلَىٰ قَدَرٍ مَّعۡلُومٍ

mpaka kipindi maalumu kinachojulikana na Mwenyezi Mungu Aliyetukuka

77:23

فَقَدَرۡنَا فَنِعۡمَ ٱلۡقَٰدِرُونَ

Tukaweza kumuumba, kumtia sura na kumtoa. Basi bora wa wenye kuweza ni s isi

77:24

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kukanusha uweza wetu

77:25

أَلَمۡ نَجۡعَلِ ٱلۡأَرۡضَ كِفَاتًا

Je kwani hatukuifanya hii ardhi mnayoishi juu yake

77:26

أَحۡيَآءً وَأَمۡوَٰتًا

ikusanye juu ya mgongo wake walio hai wasiohesabika, na ndani ya matumbo yake wafu wasiodhibitika, na

77:27

وَجَعَلۡنَا فِيهَا رَوَٰسِيَ شَٰمِخَٰتٍ وَأَسۡقَيۡنَٰكُم مَّآءً فُرَاتًا

tukajaalia iwe na majabali yaliyojikita yaliyo marefu ili isitikisike na nyinyi, na tukawanywesha maji tamu yaliyo mazuri

77:28

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali Siku ya Kiyama kwa waliozikanusha neema hizi

77:29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

Wataambiwa makafiri Siku ya Kiyama, «Endeni kwenye adhabu ya moto wa Jahanamu mliokuwa mkiukanusha duniani

77:30

ٱنطَلِقُوٓاْ إِلَىٰ ظِلٍّ ذِي ثَلَٰثِ شُعَبٍ

Endeni mjifinike kwenye kivuli cha moshi wa moto wa Jahanamu ambacho hapo panachembuka vipande vitatu

77:31

لَّا ظَلِيلٍ وَلَا يُغۡنِي مِنَ ٱللَّهَبِ

Kivuli hiko hakimfanyi mtu ahifadhike na joto la Siku hiyo wala hakizuii muwako wa Moto chochote

77:32

إِنَّهَا تَرۡمِي بِشَرَرٍ كَٱلۡقَصۡرِ

Hakika moto wa Jahanamu unarusha macheche makubwa ya moto, kila cheche moja katika hayo ni kama jengo lililoimarishwa katika ukubwa na urefu wa kuenda juu

77:33

كَأَنَّهُۥ جِمَٰلَتٌ صُفۡرٌ

Kama kwamba hizo cheche za moto wa Jahanamu zinazopaa juu ni ngamia weusi ambao rangi yao imeingia kwenye umanjano.»

77:34

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali kwa wenye kukanusha mateso yaliyoahidiwa na Mwenyezi Mungu

77:35

هَٰذَا يَوۡمُ لَا يَنطِقُونَ

Hii ndiyo Siku ya Kiyama ambayo wakanushaji hawatatamka maneno ya kuwanufaisha

77:36

وَلَا يُؤۡذَنُ لَهُمۡ فَيَعۡتَذِرُونَ

wala hawatapewa idhini ya kusema wakatoa nyudhuru, kwa kuwa hawatakuwa na udhuru wowote

77:37

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali kwa wenye kuikanusha siku hii na yaliyomo ndani yake

77:38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Hii ni Siku ambayo Mwenyezi Mungu Atatoa uamuzi baina ya viumbe, na ukweli na ubatilifu utapambanuka. Tutawakusanya nyinyi Siku hiyo, enyi makafiri wa ummah huu, pamoja na makafiri wa mwanzo miongoni mwa ummah waliopita

77:39

فَإِن كَانَ لَكُمۡ كَيۡدٌ فَكِيدُونِ

Basi mkiwa na hila za kujitoa na adhabu, tumieni hila zenu na mziokoe nafsi zenu na msukosuko wa Mwenyezi Mungu na mateso Yake

77:40

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya Kiyama

77:41

إِنَّ ٱلۡمُتَّقِينَ فِي ظِلَٰلٍ وَعُيُونٍ

Hakika ya wale waliomuogopa Mola wao duniani na wakaiogopa adhabu Yake kwa kufuata amri Zake na kujiepusha na makatazo Yake. Wao Siku ya Kiyama watakuwa kwenye vivuli vya miti vilivyonyoka, na chemchemi za maji zinazotembea

77:42

وَفَوَٰكِهَ مِمَّا يَشۡتَهُونَ

na matunda mengi yanayopendwa na nafsi zao ambayo wao wanastarehe nayo. Hapo waambiwe

77:43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

«Kuleni chakula chenye ladha na mnyweni kinywaji chenye kufurahisha kwa sababu ya matendo mema mliyoyatanguliza duniani.»

77:44

إِنَّا كَذَٰلِكَ نَجۡزِي ٱلۡمُحۡسِنِينَ

Sisi, kwa mfano wa malipo hayo makubwa, tutawalipa watu wema katika matendo yao na utiifu wao kwetu

77:45

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya Malipo na Hesabu, na kuzikanusha sterehe na mateso yaliyomo Siku hiyo

77:46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

Kisha Mwenyezi Mungu Akawaonya makafiri kwa kusema, «Kuleni aina ya vyakula vya ladha duniani na stareheni kwa matamanio yake yenye kumalizika kwa muda mchache, hakika nyinyi ni wahalifu kwa kumshirikisha kwenu Mwenyezi Mungu.»

77:47

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya kuhesabiwa na kulipwa

77:48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Na wanapoambiwa hawa washirikina, «Mswalieni Mwenyezi Mungu na mnyenyekeeni,» hawanyenyekei wala hawaswali, bali wanaendelea kuonyesha kiburi chao

77:49

وَيۡلٌ يَوۡمَئِذٍ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuzikanusha aya za Mwenyezi Mungu

77:50

فَبِأَيِّ حَدِيثِۭ بَعۡدَهُۥ يُؤۡمِنُونَ

Iwapo wao hawataiamini hii Qur’ani, basi wataamini kitabu gani na maneno gani baada yake? Na Qur’ani yenyewe ni Kitabu kilichobainisha kila kitu, kilicho wazi katika hekima zake, hukumu zake na habari zake, chenye kushinda katika matamko yake na maana yake

Translation: Abdullah Muhammad Abu Bakr.