Surah 38 · 88 verses · Tgk. H. Mahjiddin Jusuf

Surah Sad in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

38:1

صٓۚ وَٱلۡقُرۡءَانِ ذِي ٱلذِّكۡرِ

Shad Tuhan nyang teupue meukeusud ayat Sabab Hadharat hana Neupeugah Demi Qur'an nyang meugah that-that

38:2

بَلِ ٱلَّذِينَ كَفَرُواْ فِي عِزَّةٍ وَشِقَاقٍ

Tapi nyang sisat teukabo leupah Kaphe teukabo jipeurayok droe Bah barangkasoe di jih jibantah

38:3

كَمۡ أَهۡلَكۡنَا مِن قَبۡلِهِم مِّن قَرۡنٍ فَنَادَواْ وَّلَاتَ حِينَ مَنَاصٍ

Di Kamoe dilee meupeubinasa Padum le nyangka hana ek peugah Padum boh kurun nyang meuhoi bantu Hana soe bantu hana soe peuglah Hana meuho plueng keumeung peulheuh droe

38:4

وَعَجِبُوٓاْ أَن جَآءَهُم مُّنذِرٌ مِّنۡهُمۡۖ وَقَالَ ٱلۡكَٰفِرُونَ هَٰذَا سَٰحِرٌ كَذَّابٌ

Hireuen jih keu droe ‘oh troh peurintah Lam kawom droe jih ureueng peuingat Jikheun treuk ligat sulet sileupah Nyoe keuh nyang sihe ka troh bak tanyoe

38:5

أَجَعَلَ ٱلۡأٓلِهَةَ إِلَٰهًا وَٰحِدًاۖ إِنَّ هَٰذَا لَشَيۡءٌ عُجَابٌ

Tuhan geutanyoe dum jikheun salah Ek jijak peugah Tuhan cit sidroe Keubit atranyoe ajeb that leupah

38:6

وَٱنطَلَقَ ٱلۡمَلَأُ مِنۡهُمۡ أَنِ ٱمۡشُواْ وَٱصۡبِرُواْ عَلَىٰٓ ءَالِهَتِكُمۡۖ إِنَّ هَٰذَا لَشَيۡءٌ يُرَادُ

Keutua jih jak dum bak awak nyan Jikheun bah meunan tajak leh bagah Tasaba mantong keu Tuhan gata Laen dum hana peue jijak peugah Tuhan gata dum nyan keuh nyang beuna

38:7

مَا سَمِعۡنَا بِهَٰذَا فِي ٱلۡمِلَّةِ ٱلۡأٓخِرَةِ إِنۡ هَٰذَآ إِلَّا ٱخۡتِلَٰقٌ

Han tom tadeungo lagee jih peugah Agama akhe nyang troh bak tanyoe Hana buet tanyoe geujak kheun salah Jipeuna-peuna atranyoe mantong

38:8

أَءُنزِلَ عَلَيۡهِ ٱلذِّكۡرُ مِنۢ بَيۡنِنَاۚ بَلۡ هُمۡ فِي شَكٍّ مِّن ذِكۡرِيۚ بَل لَّمَّا يَذُوقُواْ عَذَابِ

Pane geupeutron bak jih peurintah Jih pih dì sinoe lam kawan tanyoe Tapi awaknyoe keubit roe salah Di jih chok jih that peurintah Kamoe Jipike lon nyoe han ek lon balah Tapi azeub lon gohlom jirasa

38:9

أَمۡ عِندَهُمۡ خَزَآئِنُ رَحۡمَةِ رَبِّكَ ٱلۡعَزِيزِ ٱلۡوَهَّابِ

Atawa peuna rahmat jikeubah Na gudang bak jih rahmat Po gata Nyang that Perkasa Maha Pemurah

38:10

أَمۡ لَهُم مُّلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۖ فَلۡيَرۡتَقُواْ فِي ٱلۡأَسۡبَٰبِ

Keurajeun langet keurajeun bumoe Bandum ngon asoe peue na jikeubah Peugot treuk rinyeun jiek u langet

38:11

جُندٌ مَّا هُنَالِكَ مَهۡزُومٌ مِّنَ ٱلۡأَحۡزَابِ

Teuntra jih meuhat anco dum kalah Bandum pasukan nyang meucharikat

38:12

كَذَّبَتۡ قَبۡلَهُمۡ قَوۡمُ نُوحٍ وَعَادٌ وَفِرۡعَوۡنُ ذُو ٱلۡأَوۡتَادِ

Dilee kon meuhat ka meunan ulah ¿ Kawom Noh ngon ‘Ad lom ngon Peura*un: Nyang le peukateuen teuntra jih meugah

38:13

وَثَمُودُ وَقَوۡمُ لُوطٍ وَأَصۡحَٰبُ لۡـَٔيۡكَةِۚ أُوْلَٰٓئِكَ ٱلۡأَحۡزَابُ

Tsamud kawom Luth nyang meucharikat Bandum meusapat ngon kawom aikah

38:14

إِن كُلٌّ إِلَّا كَذَّبَ ٱلرُّسُلَ فَحَقَّ عِقَابِ

Bandum jih jikheun sulet keu Rasul Ka keuh lam apui jih dum geukeubah Hukoman bak Lon keu jih ka hak that

38:15

وَمَا يَنظُرُ هَٰٓؤُلَآءِ إِلَّا صَيۡحَةً وَٰحِدَةً مَّا لَهَا مِن فَوَاقٍ

Jipreh meusiat kon na trep leupah Sigo-go deumpek abeh dum ligat ! Tan le meu siat watee geukeubah

38:16

وَقَالُواْ رَبَّنَا عَجِّل لَّنَا قِطَّنَا قَبۡلَ يَوۡمِ ٱلۡحِسَابِ

Jikheun treuk laju hai Tuhan kamoe Neuazeub jinoe kameo ka salah Yoh gohlom teuka hisab keu kamoe Bahgian kamoe Neubri beu bagah

38:17

ٱصۡبِرۡ عَلَىٰ مَا يَقُولُونَ وَٱذۡكُرۡ عَبۡدَنَا دَاوُۥدَ ذَا ٱلۡأَيۡدِۖ إِنَّهُۥٓ أَوَّابٌ

Peue-peu nyang jikheun bandum tasaba Taingat haba Daod meutuah Taingat Daod nyang kamba Kamoe Gopnyan buet jaroe geuh carong leupah Gopnyan bit teuga taʻat geutobat

38:18

إِنَّا سَخَّرۡنَا ٱلۡجِبَالَ مَعَهُۥ يُسَبِّحۡنَ بِٱلۡعَشِيِّ وَٱلۡإِشۡرَاقِ

Kamoe bri alat gunong dum meugah Jikheun teuseubeh beungoh ngon seupot Sapat ngon Daod jìpujoe Allah

38:19

وَٱلطَّيۡرَ مَحۡشُورَةًۖ كُلٌّ لَّهُۥٓ أَوَّابٌ

Meunan pih cicem Kamoe peusapat Bandum jih taʻat hana meuubah

38:20

وَشَدَدۡنَا مُلۡكَهُۥ وَءَاتَيۡنَٰهُ ٱلۡحِكۡمَةَ وَفَصۡلَ ٱلۡخِطَابِ

Keurajeun gopnyan Kamoe peukuat Meubri hikeumat keu gopnyan bagah i Peuputoh hukom bak jaroe gopnyan

38:21

وَهَلۡ أَتَىٰكَ نَبَؤُاْ ٱلۡخَصۡمِ إِذۡ تَسَوَّرُواْ ٱلۡمِحۡرَابَ

Teuma troh keunan ureueng meubantah Na troh bak gata haba ureueng nyan Bak Daod keunan geujak meulangkah Geulingkeu mihrab laju geutamong

38:22

إِذۡ دَخَلُواْ عَلَىٰ دَاوُۥدَ فَفَزِعَ مِنۡهُمۡۖ قَالُواْ لَا تَخَفۡۖ خَصۡمَانِ بَغَىٰ بَعۡضُنَا عَلَىٰ بَعۡضٍ فَٱحۡكُم بَيۡنَنَا بِٱلۡحَقِّ وَلَا تُشۡطِطۡ وَٱهۡدِنَآ إِلَىٰ سَوَآءِ ٱلصِّرَٰطِ

Bak Daod yohnyan hai geujak peugah Geueu urueng nyan Daod teukeujet Han peue tatakot teuma geupeugah Kamoe dua nyoe hana that meuphom Neupeugah hukom keu kamoe bagah Sang hana beutoi buet rakan lon nyoe Neutunyok kamoe bek roh meusalah Bak jalan teupat neutunyok kamoe

38:23

إِنَّ هَٰذَآ أَخِي لَهُۥ تِسۡعٌ وَتِسۡعُونَ نَعۡجَةً وَلِيَ نَعۡجَةٌ وَٰحِدَةٌ فَقَالَ أَكۡفِلۡنِيهَا وَعَزَّنِي فِي ٱلۡخِطَابِ

Buet rakan lon nyoe sang na meuilah Di gopnyan kameng sikureueng ploh boh Lom sikureueng boh jeut le sileupah Di lon cit saboh sagai kameng lon Geukheun atralon nyan kon atrakah Rayok su gopnyan bak peugah haba Hana kuasa di lon lonbantah

38:24

قَالَ لَقَدۡ ظَلَمَكَ بِسُؤَالِ نَعۡجَتِكَ إِلَىٰ نِعَاجِهِۦۖ وَإِنَّ كَثِيرًا مِّنَ ٱلۡخُلَطَآءِ لَيَبۡغِي بَعۡضُهُمۡ عَلَىٰ بَعۡضٍ إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَقَلِيلٌ مَّا هُمۡۗ وَظَنَّ دَاوُۥدُ أَنَّمَا فَتَنَّٰهُ فَٱسۡتَغۡفَرَ رَبَّهُۥ وَخَرَّۤ رَاكِعًاۤ وَأَنَابَ

Nyan jih elanya cok kameng gata Meunan keuh nyata kheun Daod bagah Le ureueng pubuet lagee nyan rupa Ateuh chedara jipubuet salah Meulengkan ureueng nyang na meuiman Lagi buet gopnyan pih jroh sileupah Tapi nit ureueng nyang na lagee nyan Daod ‘oh Iheuhnyan teupike salah Daod geupike kamoe cie gopnyan Sang-sang buet gopnyan pih na meuilah Geulakee ampon treuk bak Po goppnyan Geuruku“ sinan sujud bak Allah Hingga geutobat teuma ‘oh akhe

38:25

فَغَفَرۡنَا لَهُۥ ذَٰلِكَۖ وَإِنَّ لَهُۥ عِندَنَا لَزُلۡفَىٰ وَحُسۡنَ مَـَٔابٍ

Kamoe ampon le peue nyang ka salah Sabab gopnyan toe that deungon Kamoe Geuwoe bak Kamoe ngon jroh sileupah

38:26

يَٰدَاوُۥدُ إِنَّا جَعَلۡنَٰكَ خَلِيفَةً فِي ٱلۡأَرۡضِ فَٱحۡكُم بَيۡنَ ٱلنَّاسِ بِٱلۡحَقِّ وَلَا تَتَّبِعِ ٱلۡهَوَىٰ فَيُضِلَّكَ عَن سَبِيلِ ٱللَّهِۚ إِنَّ ٱلَّذِينَ يَضِلُّونَ عَن سَبِيلِ ٱللَّهِ لَهُمۡ عَذَابٌ شَدِيدُۢ بِمَا نَسُواْ يَوۡمَ ٱلۡحِسَابِ

Hai Daod Kamoe meupeujeut gata Di dalam donya gata khaliphah Teuma tahukom deungon sibeuna Dum manusia bek na meuilah Bek sagai gata peuturot napsu Jiba teuh laju ubak buet salah Bak jalan sisat gata jiyue jak Han jibri tajak bak jalan Allah Awak nyang sisat bak jalan Tuhan Neubri balasan azeub that leupah Sabab teuwo jih keu uroe hisab Uroe nyang phet that keu soe nyang salah

38:27

وَمَا خَلَقۡنَا ٱلسَّمَآءَ وَٱلۡأَرۡضَ وَمَا بَيۡنَهُمَا بَٰطِلًاۚ ذَٰلِكَ ظَنُّ ٱلَّذِينَ كَفَرُواْۚ فَوَيۡلٌ لِّلَّذِينَ كَفَرُواْ مِنَ ٱلنَّارِ

Nyang Kamoe peujeut langet ngon bumoe Bandum ngon asoe kon tan phaedah Kon sia-sia Kamoe peujeut nyan Jisangka meunan le kaphe jadah Teuma ceulaka keu bandum kaphe Di jih dum sare lam apui mirah Bandum jitamong dalam nuraka

38:28

أَمۡ نَجۡعَلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ كَٱلۡمُفۡسِدِينَ فِي ٱلۡأَرۡضِ أَمۡ نَجۡعَلُ ٱلۡمُتَّقِينَ كَٱلۡفُجَّارِ

Teuma ek roe sa ureueng meutuah Ureueng meuiman lom geupubeutgot Ngon ureueng jeuheut ek saban leupah Got pih meupeujeut ureueng takwa Ek saban teuma ngon ureueng salah Ureueng nyang pasek nyang le that dacha

38:29

كِتَٰبٌ أَنزَلۡنَٰهُ إِلَيۡكَ مُبَٰرَكٌ لِّيَدَّبَّرُوٓاْ ءَايَٰتِهِۦ وَلِيَتَذَكَّرَ أُوْلُواْ ٱلۡأَلۡبَٰبِ

Kitab nyoe teuma beureukat leupah Ka Kamoe peutron kitab keu gata Mangat jikira ngon akai ceudah Mangat jipike meukeusud ayat Lom keu peuingat soe nyang meutuah Barangsoe nyang got akai pikiran Jeut peuringatan jitueng phaedah

38:30

وَوَهَبۡنَا لِدَاوُۥدَ سُلَيۡمَٰنَۚ نِعۡمَ ٱلۡعَبۡدُ إِنَّهُۥٓ أَوَّابٌ

Keu Nabi Daod meubri Sulaiman Nyan hamba Tuhan nyang got that leupah Tobat bak Tuhan sabe lam taʻat

38:31

إِذۡ عُرِضَ عَلَيۡهِ بِٱلۡعَشِيِّ ٱلصَّٰفِنَٰتُ ٱلۡجِيَادُ

Bak saboh saat geuistirahah Seupot nyan jiba keunan bak gopnyan Guda pacuan nyang ceudah-ceudah

38:32

فَقَالَ إِنِّيٓ أَحۡبَبۡتُ حُبَّ ٱلۡخَيۡرِ عَن ذِكۡرِ رَبِّي حَتَّىٰ تَوَارَتۡ بِٱلۡحِجَابِ

Geukheun treuk di lon galak keu guda Disampeng cinta gaseh keu Allah Hingga hana le geukalon guda

38:33

رُدُّوهَا عَلَيَّۖ فَطَفِقَ مَسۡحَۢا بِٱلسُّوقِ وَٱلۡأَعۡنَاقِ

Bak rakan sigra teuma geupeugah Taba leh keunoe bandum guda nyan Geugeusuek yohnyan guda nyang ceudah Geusuek bak gaki deungon bak takue Bek jipeulale ingat keu Allah

38:34

وَلَقَدۡ فَتَنَّا سُلَيۡمَٰنَ وَأَلۡقَيۡنَا عَلَىٰ كُرۡسِيِّهِۦ جَسَدًا ثُمَّ أَنَابَ

Teuma Kamoe bri akan Sulaiman Saboh cubaan nyang hebat leupah Ateuh kurusi Nabi Sulaiman Troh ureueng keunan jijak peurintah Disinan jiduek jigantoe gopnyan Padum trep lheuhnyan geuwoe treuk bagah

38:35

قَالَ رَبِّ ٱغۡفِرۡ لِي وَهَبۡ لِي مُلۡكًا لَّا يَنۢبَغِي لِأَحَدٍ مِّنۢ بَعۡدِيٓۖ إِنَّكَ أَنتَ ٱلۡوَهَّابُ

Geukheun Tuhanku Neubri amponan Neubri keurajeun keu lon nyang luah Bek na meusidroe dudoe nibaknyan Nyang saban ngon lon jimat peurintah Droeneuh Tuhanku geumaseh that-that

38:36

فَسَخَّرۡنَا لَهُ ٱلرِّيحَ تَجۡرِي بِأَمۡرِهِۦ رُخَآءً حَيۡثُ أَصَابَ

Neupeutren hajat teuma le Allah Kamoe bri angen teuma keu gopnyan Jipubuet yohnyan peue nyang geupeugah Angen nyang leumbot jipateh gopnyan Jiba treuk gopnyan ho nyang geulangkah

38:37

وَٱلشَّيَٰطِينَ كُلَّ بَنَّآءٍ وَغَوَّاصٍ

Chetan dum tukang peugot bangunan Lom jeut jiseunom lam laot luah

38:38

وَءَاخَرِينَ مُقَرَّنِينَ فِي ٱلۡأَصۡفَادِ

Teuma nyang laen geuboh lam rante

38:39

هَٰذَا عَطَآؤُنَا فَٱمۡنُنۡ أَوۡ أَمۡسِكۡ بِغَيۡرِ حِسَابٍ

Sulaiman Neubri kuasa leupah Nyoe keuh beuneri Kamoe keu gata Peue-peue nyang hawa yue pubuet bagah Atawa tatham han tabri pubuet Barangkri nyang hʻeut teuh han peue salah

38:40

وَإِنَّ لَهُۥ عِندَنَا لَزُلۡفَىٰ وَحُسۡنَ مَـَٔابٍ

Gopnyan ureueng toe that deungon Kamoe Geuwoe bak Kamoe pih ngon jroh leupah

38:41

وَٱذۡكُرۡ عَبۡدَنَآ أَيُّوبَ إِذۡ نَادَىٰ رَبَّهُۥٓ أَنِّي مَسَّنِيَ ٱلشَّيۡطَٰنُ بِنُصۡبٍ وَعَذَابٍ

Teuma lom Aiyub taingat jinoe Nyan hamba Kamoe keunong musibah Aiyub meungadu ubak Po gopnyan Lon nyoe le chetan jipeugot ulah Jipeuseungsara lon ngon jiazeub Keubit that jeuheut chetan seurakah

38:42

ٱرۡكُضۡ بِرِجۡلِكَۖ هَٰذَا مُغۡتَسَلُۢ بَارِدٌ وَشَرَابٌ

Taculok gaki teuh keunan lam ie le nyan that leupie tajep puleh grah

38:43

وَوَهَبۡنَا لَهُۥٓ أَهۡلَهُۥ وَمِثۡلَهُم مَّعَهُمۡ رَحۡمَةً مِّنَّا وَذِكۡرَىٰ لِأُوْلِي ٱلۡأَلۡبَٰبِ

Kamoe bri teuma ahli geuh bandum Dumnan laen lom Kamoe bri tamah Bandum nyan rahmat meuh keu ureueng nyan Lom peuringatan keu soe nyang ceudah

38:44

وَخُذۡ بِيَدِكَ ضِغۡثًا فَٱضۡرِب بِّهِۦ وَلَا تَحۡنَثۡۗ إِنَّا وَجَدۡنَٰهُ صَابِرًاۚ نِّعۡمَ ٱلۡعَبۡدُ إِنَّهُۥٓ أَوَّابٌ

Saboh beureukah pureh pijampoh Ngon nyan keuh tapoh bek bateu sumpah Kamoe eu gopnyan ek that geusaba Seuneujroh hamba peuneujeut ALlah Taʻat ngon tobat sabe di gopnyan

38:45

وَٱذۡكُرۡ عِبَٰدَنَآ إِبۡرَٰهِيمَ وَإِسۡحَٰقَ وَيَعۡقُوبَ أُوْلِي ٱلۡأَيۡدِي وَٱلۡأَبۡصَٰرِ

Laen nibaknyan teuma tapeugah Nabi Ibrahim Ishak Ya‘qob Ureueng nyang patot tapeugah-peugah Ureueng nyan bandum kong geuusaha Lagi that nyata pikiran ceudah

38:46

إِنَّآ أَخۡلَصۡنَٰهُم بِخَالِصَةٍ ذِكۡرَى ٱلدَّارِ

Ate ureuengnyan ka Kamoe peugleh Ingat nanggroe jeh nyang brat sileupah

38:47

وَإِنَّهُمۡ عِندَنَا لَمِنَ ٱلۡمُصۡطَفَيۡنَ ٱلۡأَخۡيَارِ

Gopnyan bak Kamoe ureueng pilihan Buet keubajikan han tom geukeubah

38:48

وَٱذۡكُرۡ إِسۡمَٰعِيلَ وَٱلۡيَسَعَ وَذَا ٱلۡكِفۡلِۖ وَكُلٌّ مِّنَ ٱلۡأَخۡيَارِ

Nabi Ismail lom ngon Ilyasa‘ Bandum geuh galak ikot peurintah Lom ngon Zulkifli bandum pilihan

38:49

هَٰذَا ذِكۡرٌۚ وَإِنَّ لِلۡمُتَّقِينَ لَحُسۡنَ مَـَٔابٍ

Nyoe peunghormatan nyang raya leupah Nama uruengnyan sabe jiingat Le bandum umat dalam seujarah Ureueng takwa meuteumeung teumpat Sideh nyanggot that ka Tuhan keubah

38:50

جَنَّٰتِ عَدۡنٍ مُّفَتَّحَةً لَّهُمُ ٱلۡأَبۡوَٰبُ

Churuga ‘Adnen teumpat ureuengnyan Pinto keu gopnyan bandum ka teuhah

38:51

مُتَّكِـِٔينَ فِيهَا يَدۡعُونَ فِيهَا بِفَٰكِهَةٍ كَثِيرَةٍ وَشَرَابٍ

Geuduek meusadeu sinan dum teuntee Pajoh boh kayee nyang le sileupah Ngon ie nyang lazat cita ngon rasa

38:52

وَعِندَهُمۡ قَٰصِرَٰتُ ٱلطَّرۡفِ أَتۡرَابٌ

Lom aneuk dara dum ceudah-ceudah Bandum seulayeu muda jeulita Hana tom mata jieu nyang salah

38:53

هَٰذَا مَا تُوعَدُونَ لِيَوۡمِ ٱلۡحِسَابِ

Nyoe nyang geujanji dilee keu gata Watee tagisa uroe beunalah Uroenyan bandum peugot keunira

38:54

إِنَّ هَٰذَا لَرِزۡقُنَا مَا لَهُۥ مِن نَّفَادٍ

Nyoe dum keu gata ka Kamoe keubah Raseuki Kamoe han abeh-abeh

38:55

هَٰذَاۚ وَإِنَّ لِلطَّٰغِينَ لَشَرَّ مَـَٔابٍ

Nyoe teuma keudeh keu ureueng salah Ureueng nyang jeuheut brok that teumpat jih

38:56

جَهَنَّمَ يَصۡلَوۡنَهَا فَبِئۡسَ ٱلۡمِهَادُ

Nuraka keu jih ka Kamoe keubah Keunan jitamong bandum awaknyan Brok that teumpat nyan hana ban peugah

38:57

هَٰذَا فَلۡيَذُوقُوهُ حَمِيمٌ وَغَسَّاقٌ

Nyoe keuh ie hanyi mangat jirasa Hana peue kira tutong that leupah Lom ie sijuek that han jeut meutamat

38:58

وَءَاخَرُ مِن شَكۡلِهِۦٓ أَزۡوَٰجٌ

Laen lom azeub pih le sileupah

38:59

هَٰذَا فَوۡجٌ مُّقۡتَحِمٌ مَّعَكُمۡ لَا مَرۡحَبَۢا بِهِمۡۚ إِنَّهُمۡ صَالُواْ ٱلنَّارِ

Nyoe pat lom rame ngon gata bandum Keu peue nyan bandum pih ureueng salah Hana seulamat lop lam nuraka

38:60

قَالُواْ بَلۡ أَنتُمۡ لَا مَرۡحَبَۢا بِكُمۡۖ أَنتُمۡ قَدَّمۡتُمُوهُ لَنَاۖ فَبِئۡسَ ٱلۡقَرَارُ

Jiseuot sigra nyang ban troh langkah Keu gata bandum pih tan seulamat Kamoe tapakat jak pubuet salah Jeuheut that teumpat jinoe keu gata

38:61

قَالُواْ رَبَّنَا مَن قَدَّمَ لَنَا هَٰذَا فَزِدۡهُ عَذَابًا ضِعۡفًا فِي ٱلنَّارِ

Jikheun lom teuma wahe ya Allah Awak nyang dilee jipadan kamoe Wahe Po kamoe Neuazeub bagah Neuazeub beuthat jih lam nuraka Meuganda-ganda azeub that leupah

38:62

وَقَالُواْ مَا لَنَا لَا نَرَىٰ رِجَالًا كُنَّا نَعُدُّهُم مِّنَ ٱلۡأَشۡرَارِ

Jikheun lom ho ka ureueng uroe jeh Nyang takheun paleh hana meutuah Hana meukalon lagoe ureuengnyan Jeuheut that gopnyan dilee meupeugah

38:63

أَتَّخَذۡنَٰهُمۡ سِخۡرِيًّا أَمۡ زَاغَتۡ عَنۡهُمُ ٱلۡأَبۡصَٰرُ

Yoh dilee kamoe meuejek gopnyan Meukheun keu gopnyan hina sileupah Peue mata kamoe jinoe ka sisat

38:64

إِنَّ ذَٰلِكَ لَحَقٌّ تَخَاصُمُ أَهۡلِ ٱلنَّارِ

Nyan keuh riyoh that dum awak salah Keubit hak meunan asoe nuraka Gadoh meudawa peusalah-salah

38:65

قُلۡ إِنَّمَآ أَنَا۠ مُنذِرٌۖ وَمَا مِنۡ إِلَٰهٍ إِلَّا ٱللَّهُ ٱلۡوَٰحِدُ ٱلۡقَهَّارُ

Takheun dilon nyoe meu lon peuingat Tuhan Hadharat sit sidroe Allah Tan laen Tuhan meu kon Droeneuhnyan Sidroe Neuh Tuhan Perkasa leupah

38:66

رَبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلۡعَزِيزُ ٱلۡغَفَّٰرُ

Nyang Po dum langet ngon Po dum bumoe Ngon antaranyoe bandum blah bicah Maha Perkasa sit sidroe Tuhan Maha Pengampon keu ureueng salah

38:67

قُلۡ هُوَ نَبَؤٌاْ عَظِيمٌ

Takheun haba nyoe haba beuna that Haba raya that hana ban peugah

38:68

أَنتُمۡ عَنۡهُ مُعۡرِضُونَ

Di gata bandum han tatem pateh Tapaleng keudeh laju le bagah

38:69

مَا كَانَ لِيَ مِنۡ عِلۡمِۭ بِٱلۡمَلَإِ ٱلۡأَعۡلَىٰٓ إِذۡ يَخۡتَصِمُونَ

Haba di langet di alam ateuh Bak lon hana deuh peue nyang geupeugah Soe leh na dakwa nibak ureueng nyan

38:70

إِن يُوحَىٰٓ إِلَيَّ إِلَّآ أَنَّمَآ أَنَا۠ نَذِيرٌ مُّبِينٌ

Wahi atranyan hana troh langkah Nyang wahi bak lon neuyue peuingat Bak bandum umat beunyata leupah

38:71

إِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرًا مِّن طِينٍ

Po gata Neukheun bak malaikat Lon peujeut siat insan Lon ulah Nibak tanoh kliet Lon peujeut jih nyan

38:72

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ

Teuma ‘oh Iheuhnyan Lon boh areuwah Oh lIheuh Lon peugot roh Lon yup keunan Bandum teuh keunan tasujud bagah

38:73

فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ

Malaikat dum teuma geusujud Peurintah maʻbud hana soe bantah

38:74

إِلَّآ إِبۡلِيسَ ٱسۡتَكۡبَرَ وَكَانَ مِنَ ٱلۡكَٰفِرِينَ

Meulengkan iblih peuteukabo droe Jikaphe jih nyoe akan peurintah

38:75

قَالَ يَٰٓإِبۡلِيسُ مَا مَنَعَكَ أَن تَسۡجُدَ لِمَا خَلَقۡتُ بِيَدَيَّۖ أَسۡتَكۡبَرۡتَ أَمۡ كُنتَ مِنَ ٱلۡعَالِينَ

Neukheun hai iblih soe tham kah sujud ‘Oh Lon yue sujud han katem di kah Lon peujeut jihnyan ngon jaroe droe Lon Pakon kah meunan teukabo leupah Peue kapike droe ureueng manyang that

38:76

قَالَ أَنَا۠ خَيۡرٌ مِّنۡهُ خَلَقۡتَنِي مِن نَّارٍ وَخَلَقۡتَهُۥ مِن طِينٍ

Jiseuot ligat lon leubeh ceudah Nibak apui hu lon nyoe Neupeujeut Di jih Neupeujeut bak tanoh basah

38:77

قَالَ فَٱخۡرُجۡ مِنۡهَا فَإِنَّكَ رَجِيمٌ

Neukheun treuk teubiet laju kah sinan Ka keunong rajam uroe nyoe di kah

38:78

وَإِنَّ عَلَيۡكَ لَعۡنَتِيٓ إِلَىٰ يَوۡمِ ٱلدِّينِ

Laknat Lon keu kah sampoe kiamat

38:79

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ

Jiseuot ligat wahe ya Allah Tuhanku Neubri lonnyoe meutanggoh Jinoe sampoe troh uroe beunalah Sampoe ‘oh bangket lon Neubri tanggoh

38:80

قَالَ فَإِنَّكَ مِنَ ٱلۡمُنظَرِينَ

Ka Kubri tanggoh Neukheun le Allah

38:81

إِلَىٰ يَوۡمِ ٱلۡوَقۡتِ ٱلۡمَعۡلُومِ

Hingga troh watee uroe kamaklum

38:82

قَالَ فَبِعِزَّتِكَ لَأُغۡوِيَنَّهُمۡ أَجۡمَعِينَ

Iblih jikheun lom teuma jipeugah Demi meugah Droeneuh lon peusisat Bandum jih meuhat lon yue buet salah

38:83

إِلَّا عِبَادَكَ مِنۡهُمُ ٱلۡمُخۡلَصِينَ

Meulengkan hamba Neuh lam kawan jih Nyang ate jih gleh keubit ikheulah

38:84

قَالَ فَٱلۡحَقُّ وَٱلۡحَقَّ أَقُولُ

Neukheun nyang beutoi narit Lon sidroe

38:85

لَأَمۡلَأَنَّ جَهَنَّمَ مِنكَ وَمِمَّن تَبِعَكَ مِنۡهُمۡ أَجۡمَعِينَ

Bandum Kupasoe lam apui mirah Beupeunoh bandum dalam nuraka Bandum keuh sama soe nyang ikot kah

38:86

قُلۡ مَآ أَسۡـَٔلُكُمۡ عَلَيۡهِ مِنۡ أَجۡرٍ وَمَآ أَنَا۠ مِنَ ٱلۡمُتَكَلِّفِينَ

Takheun lon hana sapeue lon lakee Hana lon lakee bak gata upah Atranyoe pih kon lon peugot-peugot

38:87

إِنۡ هُوَ إِلَّا ذِكۡرٌ لِّلۡعَٰلَمِينَ

Haba peuingat sagai lon peugah Haba peuingat keu bandum alam

38:88

وَلَتَعۡلَمُنَّ نَبَأَهُۥ بَعۡدَ حِينِۭ

Gata pih saban hana geukeubah Tateupue bandum atranyan teuma Meu katroh masa Neubri le Allah

Translation: Tgk. H. Mahjiddin Jusuf.