Surah 37 · 182 verses · Tgk. H. Mahjiddin Jusuf
Surah As-Saffat in Achinese
بِسۡمِ ٱللَّهِ ٱلرَّحۡمَٰنِ ٱلرَّحِيمِ
رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ
Langet ngon bumoe sit milek Allah Langet ngon bumoe ngon bandum asoe Tuhanku sidroe nyang Po peurintah Teumpat jiteubiet dum mata uroe Bandum sinaroe sit milek Allah
إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ
Keubit di Kamoe meupeungui langet Bintang meubl‘et-blʻet hu meujeureulah Bak langet nyang toe leumah dum bintang
لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٍ
Bek jijak deunge bak alam manyang Geurhom jih yohnyan hana pat balah Ban siseulingka jihnyan dum geurhom
إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٌ ثَاقِبٌ
Meulengkan nyang na jiteumee sama Meteor teuma keu jih geukeubah Bintang meuiku ngon geulet jihnyan
فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٍ لَّازِبِۭ
Teuma bak jihnyan jinoe tapeugah Tatanyong bak jih soe leubeh hebat Nyang Kamoe peujeut masa nyang sudah Peue na leubeh jih nibak awak jeh Meupeujeut dum jih bak tanoh basah Bak tanoh leukiet asai jih bandum
وَإِذَا ذُكِّرُواْ لَا يَذۡكُرُونَ
‘Oh tapeuingat jikheun beurakah Bandum di jih han jeut keu peuingat
أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَبۡعُوثُونَ
Tanyoe ka teupat udep geupeugah Tanyoe ka mate ka jeut keu tanoh Tuleung ngon tanoh meusapat sudah Ek geubangket lom teuma geutanyoe
قُلۡ نَعَمۡ وَأَنتُمۡ دَٰخِرُونَ
Takheun nyoe keubit gata watee nyoe Hina sapeue tan pih jeut tapeugah
فَإِنَّمَا هِيَ زَجۡرَةٌ وَٰحِدَةٌ فَإِذَا هُمۡ يَنظُرُونَ
Sigo geudeumpek sagai watee nyan Jikalon yoh nyan hebat sileupah
وَقَالُواْ يَٰوَيۡلَنَا هَٰذَا يَوۡمُ ٱلدِّينِ
Jikheun ceulaka bandum gata nyoe Ka troh uroenyoe teurimong balah
هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ
Nyoe keuh uroenyoe peuputoh hukom Nyang dilee takheun sulet sileupah
ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ
Peusapat bandum awak lalem nyan Peurumoh jihnyan pih bek takeubah Peusapat ngon jih bandum di sinan Ngon tuhan jihnyan dum nyang jiseumah
مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ
Nyang bukon Allah di jih keu tuhan Yue jak jih rijang lam apui mirah Peuleumah jalan jak lam nuraka Di jih that hawa keunan jilangkah
مَا لَكُمۡ لَا تَنَاصَرُونَ
Hana soe tulong lagoe dum di kah Pakon han kaba ureueng nyang tulong
بَلۡ هُمُ ٱلۡيَوۡمَ مُسۡتَسۡلِمُونَ
Tapi jih bandum ka jimeunyerah Seumateh jih that bandum uroe nyoe
قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ
Jikheun gata roe nyang padan kamoe Ret uneun kamoe tadong tapeugah
قَالُواْ بَل لَّمۡ تَكُونُواْ مُؤۡمِنِينَ
Seuot keupala sit droe teuh meunan Han tameuiman keu Rasul Allah
وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمًا طَٰغِينَ
Hana kuasa kamoe keu gata Sit droeteuh gata nyang pubuet salah Droe gata bandum nyang darohaka
فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ
Teuma jinoe ka putusan Allah Bandum geutanyoe jinoe tarasa Hana le daya droeteuh tapeuglah
فَأَغۡوَيۡنَٰكُمۡ إِنَّا كُنَّا غَٰوِينَ
Kamoe peusisat takheun dum gata Di kamoe sit ka sisat sileupah
فَإِنَّهُمۡ يَوۡمَئِذٍ فِي ٱلۡعَذَابِ مُشۡتَرِكُونَ
Bandum awaknyan teuma lam azeub Sinan meusapat hana soe peuglah
إِنَّا كَذَٰلِكَ نَفۡعَلُ بِٱلۡمُجۡرِمِينَ
Meunan keuh Kamoe meubri alasan Keu soe nyang meunan jipubuet salah
إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ
‘Oh watee geukheun ubak awaknyan Tan laen Tuhan meulengkan Allah Di jih teukabo jipeurayok droe
وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٍ مَّجۡنُونِۭ
Jikheun peue kamoe meubalek ulah Meukeubah keudeh dum tuhan kamoe Sabab soe jih nyoe nyang poh beurakah Jeut jimeupanton ngon pungo gila
بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ
Tapi geujakba bak jih peurintah Peurintah Tuhan nyang bit that beuna Lom geupeubeuna Rasul nyang sudah Rasul nyang dilee bandum sit beuna
إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ
Teuma dum gata azeub that leupah Azeub peudeh that jinoe tarasa
إِلَّا عِبَادَ ٱللَّهِ ٱلۡمُخۡلَصِينَ
Meulengkan ureueng nyang hamba Tuhan Buet keubajikan deungon ikheulah
أُوْلَٰٓئِكَ لَهُمۡ رِزۡقٌ مَّعۡلُومٌ
Ureueng nyan bandum ka na raseuki Maklum sendiri ka Tuhan keubah
فَوَٰكِهُ وَهُم مُّكۡرَمُونَ
Padum boh kayee dum keu ureueng nyan Lom penghormatan Neubri le Allah
يُطَافُ عَلَيۡهِم بِكَأۡسٍ مِّن مَّعِينِۭ
Geuidang ngon glah dum keu ureueng nyan Asoe minuman jeureuengeh leupah
بَيۡضَآءَ لَذَّةٍ لِّلشَّٰرِبِينَ
Wareuna puteh ie jeureuengeh that Rasa jih lazat tajep puleh grah
لَا فِيهَا غَوۡلٌ وَلَا هُمۡ عَنۡهَا يُنزَفُونَ
Hana dalam ie nyang jeut keu mumang Mabok teuh pih han teunang sileupah
وَعِندَهُمۡ قَٰصِرَٰتُ ٱلطَّرۡفِ عِينٌ
Budiyadari dum di geunireng Hana nyang mireng mata cit indah
يَقُولُ أَءِنَّكَ لَمِنَ ٱلۡمُصَدِّقِينَ
Jikheun gata nyan karoh meusalah Keu peue tapateh nyang jipeugah nyoe
أَءِذَا مِتۡنَا وَكُنَّا تُرَابًا وَعِظَٰمًا أَءِنَّا لَمَدِينُونَ
‘Oh mate tanyoe ka abeh sudah Ka jeut keu tanoh bandum geutanyoe Tuleung ka cre-bre ka bicah-bicah Ek na lom balah geubri keu tanyoe
فَٱطَّلَعَ فَرَءَاهُ فِي سَوَآءِ ٱلۡجَحِيمِ
Geujak treuk keunoe geukalon ulah Geueu treuk jih ka dalam nuraka
قَالَ تَٱللَّهِ إِن كِدتَّ لَتُرۡدِينِ
Geukheun treuk sigra demi nyoe Allah Karap tapeubloh lon sajan gata
وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ
Adak sangkira kon nikmat Allah Adak kon Neubri nikmat le Po lon Ka keuh roh lon lon lam apui mirah
إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ
‘Oh lheuh phon mate dilee ka sudah Han geubri azeub le keu geutanyoe
إِنَّ هَٰذَا لَهُوَ ٱلۡفَوۡزُ ٱلۡعَظِيمُ
Keubit atranyoe bahgia leupah Nyoe keumenangan nyang raya that-that
لِمِثۡلِ هَٰذَا فَلۡيَعۡمَلِ ٱلۡعَٰمِلُونَ
Adak jeut umat jipubuet salah Lagee nyoe bandum beu jitem pubuet Le soe nyang pubuet mangat meutuah
إِنَّا جَعَلۡنَٰهَا فِتۡنَةً لِّلظَّٰلِمِينَ
Bala keu kawom nyang pubuet salah Awak nyang lalem dum Kamoe ujoe Ngon bak kayee nyoe lam apui mirah
طَلۡعُهَا كَأَنَّهُۥ رُءُوسُ ٱلشَّيَٰطِينِ
Manyam jih raya hebat sileupah Sang ule chetan takalon rupa
فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ
Jipajoh sigra le ureueng salah Peunoh le ngon pruet jih ube raya
ثُمَّ إِنَّ لَهُمۡ عَلَيۡهَا لَشَوۡبًا مِّنۡ حَمِيمٍ
le tutong teuma jijep le bagah Te tutong that-that han ek takira
ثُمَّ إِنَّ مَرۡجِعَهُمۡ لَإِلَى ٱلۡجَحِيمِ
Lheuh nyan jigisa lam apui mirah Dalam nuraka keudeh dum jiwoe
إِنَّهُمۡ أَلۡفَوۡاْ ءَابَآءَهُمۡ ضَآلِّينَ
Sabab awak nyoe jiikot ayah Ayah jih jieu sit ureueng sisat
وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ
Ureueng nyang dilee le that ka sisat Yoh goh jih meuhat sabab buet salah
وَلَقَدۡ أَرۡسَلۡنَا فِيهِم مُّنذِرِينَ
Ka Kamoe kirem rasul dum bak jih Keu peuingat jih peue nyang peurintah
فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ
Teuma takalon pakri akibat Lheuh geupeuingat jipubuet salah
إِلَّا عِبَادَ ٱللَّهِ ٱلۡمُخۡلَصِينَ
Meulengkan teuma dum hamba Tuhan Nyang amai jihnyan keubit ikheulah
وَلَقَدۡ نَادَىٰنَا نُوحٌ فَلَنِعۡمَ ٱلۡمُجِيبُونَ
Nabi Noh dilee geumeuhoi kamoe Teuma di kamoe meuseuot bagah Hana nyang leubeh nibak Hadharat Nyang peutroh hajat soe nyang lam susah
وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ
Kamoe peuleupah treuk teuma gopnyan Sabab watee nyan gopnyan that susah Meupeuglah gopnyan ngon ahli gopnyan
وَجَعَلۡنَا ذُرِّيَّتَهُۥ هُمُ ٱلۡبَاقِينَ
Tinggai treuk gopnyan mantong meukeubah Ngon aneuk cuco nyang gantoe gopnyan
وَتَرَكۡنَا عَلَيۡهِ فِي ٱلۡأٓخِرِينَ
Jeut nama gopnyan geupeugah-peugah Le ureueng dudoe di likot gopnyan Kamoe keubah nan geuh lam seujarah
إِنَّا كَذَٰلِكَ نَجۡزِي ٱلۡمُحۡسِنِينَ
Di Kamoe meunan sabe meubalah Soe nyang pubuet got meubalah meunan
إِنَّهُۥ مِنۡ عِبَادِنَا ٱلۡمُؤۡمِنِينَ
Sabab meuiman di Noh keu Allah Dum hamba Kamoe nyang na meuiman Nyang lagee gopnyan bandum meutuah
وَإِنَّ مِن شِيعَتِهِۦ لَإِبۡرَٰهِيمَ
Ibrahim teuma pih kawom gopnyan Saban ngon gopnyan ureueng meutuah
إِذۡ جَآءَ رَبَّهُۥ بِقَلۡبٍ سَلِيمٍ
Geujak bak Tuhan ngon ate salim Keubit Ibrahim ureueng nyang ceudah
إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ
Geukheun bak yah geuh ngon kawom gopnyan Peue taseumah nyan tacuba peugah
أَئِفۡكًا ءَالِهَةً دُونَ ٱللَّهِ تُرِيدُونَ
Peue dum tapeugot tuhan paleusu Nyan tan meunapsu nyang bukon Allah
فَمَا ظَنُّكُم بِرَبِّ ٱلۡعَٰلَمِينَ
Peue na tapike soe nyang Po alam Nyan keuh nyang Tuhan nyang jeut taseumah
فَقَالَ إِنِّي سَقِيمٌ
Geukheun treuk yoh nyan lon nyoe ka parah Lon nyoe ka saket ulee ka mumang
فَتَوَلَّوۡاْ عَنۡهُ مُدۡبِرِينَ
Jijak treuk yohnyan gopnyan jikeubah ‘Oh ban meulikot jijak awaknyan
فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ
Bak Tuhan jihnyan geujak treuk bagah Geukheun treuk bak jih peue haba dumnyoe Pakon han sapeue ka pajoh di kah
فَرَاغَ عَلَيۡهِمۡ ضَرۡبَۢا بِٱلۡيَمِينِ
Ngon jaroe uneun geukhok le bagah Abeh dum geuphok tuhan awaknyan
قَالَ أَتَعۡبُدُونَ مَا تَنۡحِتُونَ
Geukheun peue gata pubuet lagee nyoe Lheuh tapheut keudroe teuma taseumah
وَٱللَّهُ خَلَقَكُمۡ وَمَا تَعۡمَلُونَ
Tuhan nyang peujeut gatanyoe bandum Buet teuh pih bandum peuneujeut Allah
قَالُواْ ٱبۡنُواْ لَهُۥ بُنۡيَٰنًا فَأَلۡقُوهُ فِي ٱلۡجَحِيمِ
Jikheun treuk tamon kayee dum keunoe Nak tatiek jihnyoe lam apui mirah
فَأَرَادُواْ بِهِۦ كَيۡدًا فَجَعَلۡنَٰهُمُ ٱلۡأَسۡفَلِينَ
Jikeumeung daya gopnyan jimeung poh Ka keuh u baroh jih Kamoe keubah Jeut teuma jihnyan nyang paleng miyup
وَقَالَ إِنِّي ذَاهِبٌ إِلَىٰ رَبِّي سَيَهۡدِينِ
Ibrahim ban buet teuma geupeugah Di lon lon meung jak peurintah Po lon Neutunyok keu lon teuma bek salah
رَبِّ هَبۡ لِي مِنَ ٱلصَّٰلِحِينَ
Tuhanku Neubri keu lon beu leubeh Aneuk nyang saleh jigantoe ayah
فَبَشَّرۡنَٰهُ بِغُلَٰمٍ حَلِيمٍ
Kamoe peusuka treuk teuma gopnyan Ngon aneuk agam nyang halim leupah
فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ
‘Oh ban rayok jih jak sajan Kamoe Geukheun treuk yohnyan aneuk meutuah Lon leumpoe gata Neuyue koh takue Pakri aneuk droe pike tapeugah Seuot treuk aneuk hai ayah Teungku Neupubuet laju peue nyang peurintah Insya Allah lon akan lon saba Neukalon nyata teuma hai ayah
فَلَمَّآ أَسۡلَمَا وَتَلَّهُۥ لِلۡجَبِينِ
‘Oh ban meunyerah bandua gopnyan Geupeueh yohnyan treuk aneuk lidah Geumeukoh takue laju watee nyan
وَنَٰدَيۡنَٰهُ أَن يَٰٓإِبۡرَٰهِيمُ
Kamoe hoi gopnyan teuma le bagah Wahe Ibrahim tadeungo jinoe
قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ
Nyang gata leumpoe beuna that leupah Sabab tapateh peue nyang taleumpoe Meunan keuh Kamoe akan meubalah Sit Kamoe balah soe nyang pubuet got
إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ
Ujian that brat atranyoe sudah Keubit cubaan nyang leupah nyata
وَفَدَيۡنَٰهُ بِذِبۡحٍ عَظِيمٍ
Meuteuboh teuma le Kamoe bagah Meujok sie laen nyang leubeh raya
وَتَرَكۡنَا عَلَيۡهِ فِي ٱلۡأٓخِرِينَ
Nan gopnyan teuma jipeugah-peugah Keu ureueng dudoe di likot gopnyan Kamoe keubah nan geuh lam seujarah
كَذَٰلِكَ نَجۡزِي ٱلۡمُحۡسِنِينَ
Di Kamoe meunan sabe meubalah Ureueng pubuet got meubalah meunan
إِنَّهُۥ مِنۡ عِبَادِنَا ٱلۡمُؤۡمِنِينَ
Sabab meuiman gopnyan keu Allah Dum hamba Kamoe nyang na meuiman A Nyang lagee gopnyan bandum meutuah
وَبَشَّرۡنَٰهُ بِإِسۡحَٰقَ نَبِيًّا مِّنَ ٱلصَّٰلِحِينَ
Haba gembira keu gopnyan meubri Ishak Nabi nyang saleh leupah
وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٌ وَظَالِمٌ لِّنَفۡسِهِۦ مُبِينٌ
Meubri beureukat teuma keu gopnyan Ngon Ishak nyan nyang aneuk lidah Aneuk ngon cuco gopnyan bandua Nyang ladom beuna nyang ladom salah Ladom pubuet got nyang ladom teuma Droe jielanya nyata sileupah
وَلَقَدۡ مَنَنَّا عَلَىٰ مُوسَىٰ وَهَٰرُونَ
Kamoe bri nikmat teuma keu Musa Ngon Harun dua geuh that meutuah
وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ
Meupeuglah gopnyan ngon kawom gopnyan Sabab ureueng nyan raya that susah
وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ
Meubri keu gopnyan teuma risalah Kitab nyang nyata meubri keu gopnyan
وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ
Bandua gopnyan jakba peurintah Kamoe peutunyok jalan nyang teupat
وَتَرَكۡنَا عَلَيۡهِمَا فِي ٱلۡأٓخِرِينَ
Jeut gopnyan meuhat gop peugah-peugah Keu ureueng dudoe di likot gopnyan Kamoe keubah nan geuh lam seujarah
إِنَّا كَذَٰلِكَ نَجۡزِي ٱلۡمُحۡسِنِينَ
Di Kamoe meunan sabe meubalah Ureueng pubuet got meubalah meunan
إِنَّهُمَا مِنۡ عِبَادِنَا ٱلۡمُؤۡمِنِينَ
Sabab meuiman gopnyan keu Allah Dum hamba Kamoe nyang lagee gopnyan Bandua gopnyan bandum meutuah
إِذۡ قَالَ لِقَوۡمِهِۦٓ أَلَا تَتَّقُونَ
Bak kawom gopnyan teuma geupeugah Pakon han takwa gata keu Tuhan
أَتَدۡعُونَ بَعۡلًا وَتَذَرُونَ أَحۡسَنَ ٱلۡخَٰلِقِينَ
Keu peue Baʻal nyan nyang tajak seumah Takeubah Tuhan nyang peujeut alam Nyang jroh hana ban cit sidroe Allah
ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ
Tuhan Po gata ngon Po yah gata Nyang dilee masa bandum ka sudah
فَكَذَّبُوهُ فَإِنَّهُمۡ لَمُحۡضَرُونَ
Jipeugah sulet teuma keu gopnyan Ka keuh jih dumnyan lam apui mirah Bandum awaknyan asoe nuraka
وَتَرَكۡنَا عَلَيۡهِ فِي ٱلۡأٓخِرِينَ
‘Oh dudoe teuma hana le gopnyan Jeut nama gopnyan geupeugah-peugah Le ureueng dudoe di likot gopnyan Kamoe keubah nan. geuh lam seujarah
إِنَّا كَذَٰلِكَ نَجۡزِي ٱلۡمُحۡسِنِينَ
Di Kamoe meuhat meunan meubalah Ureueng pubuet got meubalah meunan
إِنَّهُۥ مِنۡ عِبَادِنَا ٱلۡمُؤۡمِنِينَ
Sabab meuiman gopnyan keu Allah Dum hamba Kamoe nyang na meuiman Nyang lagee gopnyan bandum meutuah
إِذۡ نَجَّيۡنَٰهُ وَأَهۡلَهُۥٓ أَجۡمَعِينَ
Bak watee gopnyan Kamoe peuleupah Meupeuglah gopnyan ngon ahli gopnyan Bek le di sinan ngon awak salah
إِلَّا عَجُوزًا فِي ٱلۡغَٰبِرِينَ
Meulengkan sidroe inong nyang tuha Ka keuh binasa sinan meukeubah
وَإِنَّكُمۡ لَتَمُرُّونَ عَلَيۡهِم مُّصۡبِحِينَ
Bak watee beungoh meunyoe tajak-jak Takalon jeujak euncit jih leumah
وَبِٱلَّيۡلِۚ أَفَلَا تَعۡقِلُونَ
Got pih tajak-jak ʻoh watee malam Pakon han tapham ngon akai ceudah
إِذۡ أَبَقَ إِلَى ٱلۡفُلۡكِ ٱلۡمَشۡحُونِ
Teuma dì gopnyan geuplueng that bagah Geuek lam kapai peunoh muatan
فَسَاهَمَ فَكَانَ مِنَ ٱلۡمُدۡحَضِينَ
Teuma roh gopnyan bak top soe salah Talo treuk gopnyan geugrop lam laot
فَٱلۡتَقَمَهُ ٱلۡحُوتُ وَهُوَ مُلِيمٌ
Jiʻuet le eungkot teuma le bagah Teuma jicaci jikheun keu gopnyan
فَلَوۡلَآ أَنَّهُۥ كَانَ مِنَ ٱلۡمُسَبِّحِينَ
Adak kon gopnyan geupujoe Allah Adak kon sabe geukheun teuseubeh
لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ
Meuhat trep geupreh hana soe peuglah Dalam pruet eungkot geupreh sinan trep Hingga Neubangket teuma le Allah Bak uroe bangket baroglah gopnyan
فَنَبَذۡنَٰهُ بِٱلۡعَرَآءِ وَهُوَ سَقِيمٌ
Kamoe tiek gopnyan bak pasi luah Gopnyan pih saket teuma wateenyan
وَأَنۢبَتۡنَا عَلَيۡهِ شَجَرَةً مِّن يَقۡطِينٍ
Timoh treuk sinan bak kayee bagah Kamoe peutimoh sinan bak labu
وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ
Bak nanggroe makmu rakyat barollah Sireutoh ribee rakyat di sinan Leubeh nibaknyan kadang jumeulah Teuma meukirem treuk gopnyan keunan
فَـَٔامَنُواْ فَمَتَّعۡنَٰهُمۡ إِلَىٰ حِينٍ
Ureueng meuiman teuma le bagah Kamoe bri seunang teuma ureueng nyan Dang-dang troh keunan watee meupisah
فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ
Teuma tatanyong bak jih dum jinoe Pakon jeut meunoe di jih jipeugah Aneuk nyang inong jikheun keu Tuhan Aneuk nyang agam keudroe jikeubah
أَمۡ خَلَقۡنَا ٱلۡمَلَٰٓئِكَةَ إِنَٰثًا وَهُمۡ شَٰهِدُونَ
Atawa inong dum malaikat Peue na jilihat meunan jipeugah Yoh Kamoe peujeut peuna jikalon
أَلَآ إِنَّهُم مِّنۡ إِفۡكِهِمۡ لَيَقُولُونَ
Meu kana jikheun keu ayeum babah Jipeuna-peuna sulet keu Tuhan
وَلَدَ ٱللَّهُ وَإِنَّهُمۡ لَكَٰذِبُونَ
Na aneuk Tuhan di jih jipeugah Keubit sulet that bandum awaknyan
أَصۡطَفَى ٱلۡبَنَاتِ عَلَى ٱلۡبَنِينَ
Ek aneuk inong Neutueng le Allah Neutinggai teuma dum aneuk agam
فَأۡتُواْ بِكِتَٰبِكُمۡ إِن كُنتُمۡ صَٰدِقِينَ
Toh kitab gata me keunoe bagah Meunyoe bit gata ureueng nyang beuna
وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبًاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ
Jikheun chedara lom jen ngon Allah Padahai di jen sit ka jiteupue Bandum awaknyoe lam apui mirah Keudeh jitamong dalam nuraka
سُبۡحَٰنَ ٱللَّهِ عَمَّا يَصِفُونَ
Allah Taʻala suci that leupah Maha suci Neuh bak peue nyang jih kheun
إِلَّا عِبَادَ ٱللَّهِ ٱلۡمُخۡلَصِينَ
Meulengkan ureueng nyang bit ikheulah Soe nyang gleh ate dum hamba Tuhan
وَمَا مِنَّآ إِلَّا لَهُۥ مَقَامٌ مَّعۡلُومٌ
Di kamoe teuma bandum na tugah Sit ka meuteuntee dum buet di kamoe
لَوۡ أَنَّ عِندَنَا ذِكۡرًا مِّنَ ٱلۡأَوَّلِينَ
Kitab dum jameun hana soe keubah Hana geutinggai le ureueng jameun Meunyo nyan takheun raya phaedah
لَكُنَّا عِبَادَ ٱللَّهِ ٱلۡمُخۡلَصِينَ
Meuhat jeut tanyoe keu hamba Tuhan Ikheulah keu Tuhan ikot peurintah
فَكَفَرُواْ بِهِۦۖ فَسَوۡفَ يَعۡلَمُونَ
Teuma jikaphe cit di jih jinoe Jiteupue dudoe teuma geubalah
وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ
Atra sit kana putusan Kamoe Keu hamba Kamoe dum Rasul Allah
إِنَّهُمۡ لَهُمُ ٱلۡمَنصُورُونَ
Bandum meutulong teuma ureueng nyan Sabab ureueng nyan jakba peurintah
فَتَوَلَّ عَنۡهُمۡ حَتَّىٰ حِينٍ
Gata sabab nyan bek jeut keu susah Bek tapeuduli keu jihnyan dilee Dang-dang troh watee putusan Allah
وَأَبۡصِرۡهُمۡ فَسَوۡفَ يُبۡصِرُونَ
Teuma tapeutrang bak jih akibat Akan jilihat teuma trang leupah
فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ
Meunyo troh bak jih ka jeut keu susah ‘Oh beudoh beungoh ceulaka that-that Yoh geupeuingat dilee jibantah
وَتَوَلَّ عَنۡهُمۡ حَتَّىٰ حِينٍ
Bek tapeuduli keu jihnyan dilee Dang-dang troh watee putusan Allah
وَأَبۡصِرۡ فَسَوۡفَ يُبۡصِرُونَ
Teuma tapeutrang bak jih akibat Akan jilihat teuma trang leupah
سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ
Maha suci Po teuh nyang Perkasa Meubacut hana lagee jih peugah
وَٱلۡحَمۡدُ لِلَّهِ رَبِّ ٱلۡعَٰلَمِينَ
Pujoe pih bandum meuwoe keu Allah Pujoe keu Tuhan nyang Po dum alam Dum seukalian cit milek Allah
Translation: Tgk. H. Mahjiddin Jusuf.