Surah 36 · 83 verses · Tgk. H. Mahjiddin Jusuf

Surah Ya-Sin in Achinese

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

36:1

يسٓ

Yasin Tuhan nyang teupue meukeusud ayat Sabab Hadharat hana geupeugah

36:2

وَٱلۡقُرۡءَانِ ٱلۡحَكِيمِ

Demi Qur'an nyang le hikeumat

36:3

إِنَّكَ لَمِنَ ٱلۡمُرۡسَلِينَ

Gata Muhammad bit Rasul Allah

36:4

عَلَىٰ صِرَٰطٍ مُّسۡتَقِيمٍ

Neupeutron ateuh jalan nyang teupat

36:5

تَنزِيلَ ٱلۡعَزِيزِ ٱلرَّحِيمِ

Uleh Hadharat Meugah ngon Murah

36:6

لِتُنذِرَ قَوۡمًا مَّآ أُنذِرَ ءَابَآؤُهُمۡ فَهُمۡ غَٰفِلُونَ

Mangat tapeutron bak bandum umat Haba peuingat takot keu Allah Yah-yah jih dilee ka geupeuingat Lale dum sisat gadoh sileupah

36:7

لَقَدۡ حَقَّ ٱلۡقَوۡلُ عَلَىٰٓ أَكۡثَرِهِمۡ فَهُمۡ لَا يُؤۡمِنُونَ

Ka kada keubit nibak Hadharat Awaknyan le that iman ka salah Han jimeuiman akan Hadharat Meunan ka teutap Neubri le Allah

36:8

إِنَّا جَعَلۡنَا فِيٓ أَعۡنَٰقِهِمۡ أَغۡلَٰلًا فَهِيَ إِلَى ٱلۡأَذۡقَانِ فَهُم مُّقۡمَحُونَ

Kamoe boh rante bak takue meuhat Keudeh meuikat bak kudok leupah

36:9

وَجَعَلۡنَا مِنۢ بَيۡنِ أَيۡدِيهِمۡ سَدًّا وَمِنۡ خَلۡفِهِمۡ سَدًّا فَأَغۡشَيۡنَٰهُمۡ فَهُمۡ لَا يُبۡصِرُونَ

Di keu di likot Kamoe top rapat Han deuh jilihat sapeue tan leumah

36:10

وَسَوَآءٌ عَلَيۡهِمۡ ءَأَنذَرۡتَهُمۡ أَمۡ لَمۡ تُنذِرۡهُمۡ لَا يُؤۡمِنُونَ

Teuma di kaphe meunyo ka sisat Tabri nasehat hana phaedah i Han tapeuingat got tapeuingat Di jih cit sisat iman ka salah

36:11

إِنَّمَا تُنذِرُ مَنِ ٱتَّبَعَ ٱلذِّكۡرَ وَخَشِيَ ٱلرَّحۡمَٰنَ بِٱلۡغَيۡبِۖ فَبَشِّرۡهُ بِمَغۡفِرَةٍ وَأَجۡرٍ كَرِيمٍ

Kon macam jihnyan nyang tapeuingat Teutapi umat nyang ikot Allah Umat nyang pateh uroe kiamat Akan Hadharat teumakot leupah Haba gembira keu jihnyan meuhat Ampon Hadharat pahla Neubalah

36:12

إِنَّا نَحۡنُ نُحۡيِ ٱلۡمَوۡتَىٰ وَنَكۡتُبُ مَا قَدَّمُواْ وَءَاثَٰرَهُمۡۚ وَكُلَّ شَيۡءٍ أَحۡصَيۡنَٰهُ فِيٓ إِمَامٍ مُّبِينٍ

Ureueng nyang mate Kamoe peuudep Watee Neubangket bandum le Allah Amai jih dilee yoh masa hayat Bandum meusurat beuna ngon salah Peue nyang jipubuet bandum meusurat Meuboh lam kitab nyata sileupah

36:13

وَٱضۡرِبۡ لَهُم مَّثَلًا أَصۡحَٰبَ ٱلۡقَرۡيَةِ إِذۡ جَآءَهَا ٱلۡمُرۡسَلُونَ

Tapeugot miseu wahe Muhammad ¿ Jeut keu ibarat sinan tapeugah Bak saboh nanggroe na saboh umat Rasul Hadharat keunan geulangkah

36:14

إِذۡ أَرۡسَلۡنَآ إِلَيۡهِمُ ٱثۡنَيۡنِ فَكَذَّبُوهُمَا فَعَزَّزۡنَا بِثَالِثٍ فَقَالُوٓاْ إِنَّآ إِلَيۡكُم مُّرۡسَلُونَ

Dua droe teuka rasul Hadharat Teuma di umat sulet jipeugah Hingga Neukirem uleh Hadharat Nyang keu lIhee meuhat utusan Allah Teuma geupeugah ubak dum umat Kamoe nyoe meuhat nyoe rasul Allah

36:15

قَالُواْ مَآ أَنتُمۡ إِلَّا بَشَرٌ مِّثۡلُنَا وَمَآ أَنزَلَ ٱلرَّحۡمَٰنُ مِن شَيۡءٍ إِنۡ أَنتُمۡ إِلَّا تَكۡذِبُونَ

Umat dum jaweub gata sulet that Hana Hadharat kirem peurintah Kamoe pih insan gata pih basyar Tanyoe saban that hana meuubah

36:16

قَالُواْ رَبُّنَا يَعۡلَمُ إِنَّآ إِلَيۡكُمۡ لَمُرۡسَلُونَ

Rasul dum jaweub geukheun bak umat Tuhan Hadharat teupue peurintah Kamoe bit rasul nibak Hadharat Hana bak teumpat haba beurakah

36:17

وَمَا عَلَيۡنَآ إِلَّا ٱلۡبَلَٰغُ ٱلۡمُبِينُ

Di kamoe sagai meupeutroh siat

36:18

قَالُوٓاْ إِنَّا تَطَيَّرۡنَا بِكُمۡۖ لَئِن لَّمۡ تَنتَهُواْ لَنَرۡجُمَنَّكُمۡ وَلَيَمَسَّنَّكُم مِّنَّا عَذَابٌ أَلِيمٌ

Jijaweub ligat gata nyang salah Ngon sabab gata kamoe meularat Tapiyoh ligat bek le tapeugah Meu han tapiyoh meupoh ngon tungkat Gata meularat azeub sileupah

36:19

قَالُواْ طَٰٓئِرُكُم مَّعَكُمۡ أَئِن ذُكِّرۡتُمۚ بَلۡ أَنتُمۡ قَوۡمٌ مُّسۡرِفُونَ

Jaweub dum rasul kamoe kon sisat Droe gata meuhat nyang hana tuah Han tatem pateh kamoe peuingat Gata nyang batat tulak peurintah

36:20

وَجَآءَ مِنۡ أَقۡصَا ٱلۡمَدِينَةِ رَجُلٌ يَسۡعَىٰ قَالَ يَٰقَوۡمِ ٱتَّبِعُواْ ٱلۡمُرۡسَلِينَ

Na sidroe ureueng troh keunan ligat Nanggroe jioh that sideh geulangkah Ubak kawomnyan geubri nasehat Ikot hai sahbat kheun Rasulullah

36:21

ٱتَّبِعُواْ مَن لَّا يَسۡـَٔلُكُمۡ أَجۡرًا وَهُم مُّهۡتَدُونَ

(Pateh hai rakan ureueng nyoe teupat Hana meuhajat geutueng phaedah JUZ 23) Geujak peutunyok ureueng nyang sisat Hana geuhajat meubacut upah

36:22

وَمَالِيَ لَآ أَعۡبُدُ ٱلَّذِي فَطَرَنِي وَإِلَيۡهِ تُرۡجَعُونَ

Pakon han di lon ulon ibadat Lon seumah meuhat sit sidroe Allah Tuhan peujeut lon deungon lat-batat Tawoe dum meuhat dudoe bak Allah

36:23

ءَأَتَّخِذُ مِن دُونِهِۦٓ ءَالِهَةً إِن يُرِدۡنِ ٱلرَّحۡمَٰنُ بِضُرٍّ لَّا تُغۡنِ عَنِّي شَفَٰعَتُهُمۡ شَيۡـًٔا وَلَا يُنقِذُونِ

Keu peue lon seumah tuhan charikat Lonjak ibadat bak nyang kon Allah Meunyo lon susah kheundak Hadharat Tuhan charikat han ek jiilah Han ek jilakee peulheuh lon siat Meunyo meularat han ek jipeuglah

36:24

إِنِّيٓ إِذًا لَّفِي ضَلَٰلٍ مُّبِينٍ

Meunyo lon pateh tuhan charikat Teuntee lon sisat nyata sileupah

36:25

إِنِّيٓ ءَامَنتُ بِرَبِّكُمۡ فَٱسۡمَعُونِ

Di lon meuiman akan Hadharat Deungo hai sahbat peue nyang lon peugah

36:26

قِيلَ ٱدۡخُلِ ٱلۡجَنَّةَۖ قَالَ يَٰلَيۡتَ قَوۡمِي يَعۡلَمُونَ

Ureueng nyan teuma balah Hadharat Churuga meuhat tamong beu bagah Watee nyan geukheun teuma sayang that Kawom lon batat sayang that leupah Adak jiteupue balah Hadharat

36:27

بِمَا غَفَرَ لِي رَبِّي وَجَعَلَنِي مِنَ ٱلۡمُكۡرَمِينَ

Neuampon ligat keu lon dum salah Neupeumulia keu lon lom that-that

36:28

وَمَآ أَنزَلۡنَا عَلَىٰ قَوۡمِهِۦ مِنۢ بَعۡدِهِۦ مِن جُندٍ مِّنَ ٱلسَّمَآءِ وَمَا كُنَّا مُنزِلِينَ

Kawom geuh teutap jipubuet salah 3 Di likot gopnyan hana peue le that Uleh Hadharat teuntra Neuyue krah Hana Neukirem dum malaikat Nėéuyue prang rakyat nyang pubuet salah

36:29

إِن كَانَتۡ إِلَّا صَيۡحَةً وَٰحِدَةً فَإِذَا هُمۡ خَٰمِدُونَ

Cukop ngon deumpek sigoe nyang that-that Bandum jih teupat nyawong meusiblah

36:30

يَٰحَسۡرَةً عَلَى ٱلۡعِبَادِۚ مَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ

Sayang takalon nasib dum rakyat Rasul Hadharat jikheun beurakah Jiulok-ulok jikheun sulet that

36:31

أَلَمۡ يَرَوۡاْ كَمۡ أَهۡلَكۡنَا قَبۡلَهُم مِّنَ ٱلۡقُرُونِ أَنَّهُمۡ إِلَيۡهِمۡ لَا يَرۡجِعُونَ

Hana jilihat nyang ka Neubalah Peue hana jieu padum le umat Sabab khianat dilee keu Allah Bandum binasa hana seulamat Hana woe meuhat bandum ka leupah

36:32

وَإِن كُلٌّ لَّمَّا جَمِيعٌ لَّدَيۡنَا مُحۡضَرُونَ

Umat nyan bandum keudeh meusapat Ukeu Hadharat Neumeung bri balah

36:33

وَءَايَةٌ لَّهُمُ ٱلۡأَرۡضُ ٱلۡمَيۡتَةُ أَحۡيَيۡنَٰهَا وَأَخۡرَجۡنَا مِنۡهَا حَبًّا فَمِنۡهُ يَأۡكُلُونَ

Lom saboh tanda kuasa Neuh that Tuhan Hadharat kuasa leupah Tanoh nyang mate udep le siat Timoh le ligat kayee nyang ceudah Jimeuboh kayee rasa jih lazat Tapajoh ligat mangat sileupah

36:34

وَجَعَلۡنَا فِيهَا جَنَّٰتٍ مِّن نَّخِيلٍ وَأَعۡنَٰبٍ وَفَجَّرۡنَا فِيهَا مِنَ ٱلۡعُيُونِ

Timoh di lampoh kurma ngon inab Babah han seungap tapajoh bagah Teupanca ngon krueng ie jeureuengeh that

36:35

لِيَأۡكُلُواْ مِن ثَمَرِهِۦ وَمَا عَمِلَتۡهُ أَيۡدِيهِمۡۚ أَفَلَا يَشۡكُرُونَ

Tapajoh ligat peue nyang na mudah Pajoh boh kayee peugot bu lukat Chuko le ligat keu nikmat Allah Pakon di kaphe hana jiingat Hana meu siat chuko keu Allah

36:36

سُبۡحَٰنَ ٱلَّذِي خَلَقَ ٱلۡأَزۡوَٰجَ كُلَّهَا مِمَّا تُنۢبِتُ ٱلۡأَرۡضُ وَمِنۡ أَنفُسِهِمۡ وَمِمَّا لَا يَعۡلَمُونَ

Tuhanku sidroe Maha Suci that i Timoh lat-batat takalon indah Inong ngon agam meujudo meuhat Saban ngon rakyat dum hamba Allah Bandum meujudo han ek tatupat Tuhan Hadharat bandum Neuulah

36:37

وَءَايَةٌ لَّهُمُ ٱلَّيۡلُ نَسۡلَخُ مِنۡهُ ٱلنَّهَارَ فَإِذَا هُم مُّظۡلِمُونَ

Teuma saboh treuk tanda raya that Kuasa meuhat sidroe Potallah Malam ngon uroe gantoe siat-at ‘Oh Iheuh trang that-that seupot sileupah

36:38

وَٱلشَّمۡسُ تَجۡرِي لِمُسۡتَقَرٍّ لَّهَاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ

Mata uroe jak sabe bak teumpat Hana meu siat meusireuk langkah Meunan Neukada uleh Hadharat Tuhan meugah that ‘eleumee luah

36:39

وَٱلۡقَمَرَ قَدَّرۡنَٰهُ مَنَازِلَ حَتَّىٰ عَادَ كَٱلۡعُرۡجُونِ ٱلۡقَدِيمِ

Buleuen di langet phon-phon ubit that Teuma deuh bulat malam limong blah Dudoe meugisa ubit lom meuhat Sang mata sadeup hu meujeureulah

36:40

لَا ٱلشَّمۡسُ يَنۢبَغِي لَهَآ أَن تُدۡرِكَ ٱلۡقَمَرَ وَلَا ٱلَّيۡلُ سَابِقُ ٱلنَّهَارِۚ وَكُلٌّ فِي فَلَكٍ يَسۡبَحُونَ

Buleuen ngon uroe han tom meusapat Tuhan Hadharat sit Neupeusiblah 3 Han tom meureumpok bak saboh teumpat Na jalan teupat meusiblah-siblah

36:41

وَءَايَةٌ لَّهُمۡ أَنَّا حَمَلۡنَا ذُرِّيَّتَهُمۡ فِي ٱلۡفُلۡكِ ٱلۡمَشۡحُونِ

Saboh tanda treuk teuga Hadharat Kapai nyang sarat lam laot luah Aneuk ngon cuco soe meu neurangkat Lam kapai ligat jitamong bagah

36:42

وَخَلَقۡنَا لَهُم مِّن مِّثۡلِهِۦ مَا يَرۡكَبُونَ

Laen nibak nyan keundraan di darat Han ek tahisab macam le leupah

36:43

وَإِن نَّشَأۡ نُغۡرِقۡهُمۡ فَلَا صَرِيخَ لَهُمۡ وَلَا هُمۡ يُنقَذُونَ

Meunyo Neukheundak uleh Hadharat Kapai nyan siat anco ngon bicah Ureueng dum karam tulong han sapat

36:44

إِلَّا رَحۡمَةً مِّنَّا وَمَتَٰعًا إِلَىٰ حِينٍ

Meu kon Hadharat hana soe peuglah Meulengkan meu na Kamoe bri rahmat Seulamat siat han mate bagah

36:45

وَإِذَا قِيلَ لَهُمُ ٱتَّقُواْ مَا بَيۡنَ أَيۡدِيكُمۡ وَمَا خَلۡفَكُمۡ لَعَلَّكُمۡ تُرۡحَمُونَ

‘Oh Rasul peugah ubak dum umat Beuthat taingat kuasa Allah Kawom nyang dilee hana seulamat Dudoe pih meuhat hana meuubah Bandum atranyoe meu tatem ingat Keu gata rahmat Neubri le Allah

36:46

وَمَا تَأۡتِيهِم مِّنۡ ءَايَةٍ مِّنۡ ءَايَٰتِ رَبِّهِمۡ إِلَّا كَانُواْ عَنۡهَا مُعۡرِضِينَ

Sayang takalon teuma dum umat ‘Oh teuka ayat tron nibak Allah Muka ho laen jipaleng ligat

36:47

وَإِذَا قِيلَ لَهُمۡ أَنفِقُواْ مِمَّا رَزَقَكُمُ ٱللَّهُ قَالَ ٱلَّذِينَ كَفَرُواْ لِلَّذِينَ ءَامَنُوٓاْ أَنُطۡعِمُ مَن لَّوۡ يَشَآءُ ٱللَّهُ أَطۡعَمَهُۥٓ إِنۡ أَنتُمۡ إِلَّا فِي ضَلَٰلٍ مُّبِينٍ

Lom geupeuingat teuma geupeugah Raseukiteuh le Tuhan bri meuhat Ureueng meularat tabri seudeukah Teuma jijaweub le kaphe sisat k Jikheun bak umat iman keu Allah Ureueng nyan meunan kada Hadharat Hana meuhajat di jih napakah Meunyoe Neumeu jok uleh Hadharat Kon Neubri ligat peue nyang jeut susah Keubit nyoe gata nyata that sisat

36:48

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Jikheun lom meuhat kaphe seurakah Janjiteuh nyang nyoe pajan taintat Meunyoe beuna that gata tapeugah

36:49

مَا يَنظُرُونَ إِلَّا صَيۡحَةً وَٰحِدَةً تَأۡخُذُهُمۡ وَهُمۡ يَخِصِّمُونَ

Hana peue jipreh hukom Hadharat Sit troh le siat kon trep sileupah Sigo geudeumpek le malaikat Abeh dum teupat teungeh meubantah

36:50

فَلَا يَسۡتَطِيعُونَ تَوۡصِيَةً وَلَآ إِلَىٰٓ أَهۡلِهِمۡ يَرۡجِعُونَ

Hana meuteumee wasiet meusiat Sabab Hadharat ka Neupeurintah Hana le jiwoe ubak keurabat Tinggai dum meuhat hana peue peugah

36:51

وَنُفِخَ فِي ٱلصُّورِ فَإِذَا هُم مِّنَ ٱلۡأَجۡدَاثِ إِلَىٰ رَبِّهِمۡ يَنسِلُونَ

Geuyup beuragoe le malaikat f Bandum jih meuhat beudoh le bagah Bandum geubangket ngon badan bulat Geuyue meuhadap keudeh bak Allah

36:52

قَالُواْ يَٰوَيۡلَنَا مَنۢ بَعَثَنَا مِن مَّرۡقَدِنَاۜۗ هَٰذَا مَا وَعَدَ ٱلرَّحۡمَٰنُ وَصَدَقَ ٱلۡمُرۡسَلُونَ

Watee nyan jikheun le kaphe sisat Ceulaka that-that tanyoe sileupah Soe nyang peubangket tanyoe bak teumpat Teuntee Hadharat nyang Maha Murah Janji uroejeh ka teuka meuhat Rasul beuna that ban nyang geupeugah

36:53

إِن كَانَتۡ إِلَّا صَيۡحَةً وَٰحِدَةً فَإِذَا هُمۡ جَمِيعٌ لَّدَيۡنَا مُحۡضَرُونَ

Sigo geudeumpek le malaikat Bandum meusapat keudeh bak Allah

36:54

فَٱلۡيَوۡمَ لَا تُظۡلَمُ نَفۡسٌ شَيۡـًٔا وَلَا تُجۡزَوۡنَ إِلَّا مَا كُنتُمۡ تَعۡمَلُونَ

Uroe nyoe nyata Tuhan ade that Ban laku adat bandum Neubalah Hana elanya meu sidroe rakyat Amai dum meuhat keudroe jipeugah

36:55

إِنَّ أَصۡحَٰبَ ٱلۡجَنَّةِ ٱلۡيَوۡمَ فِي شُغُلٍ فَٰكِهُونَ

Asoe churuga jinoe seunang that Geuduek ngon sahbat meupeugah-peugah

36:56

هُمۡ وَأَزۡوَٰجُهُمۡ فِي ظِلَٰلٍ عَلَى ٱلۡأَرَآئِكِ مُتَّكِـُٔونَ

Budiyadari sajan meusapat Ngon judo meuhat bineh peuratah Di yup bak kayee nyang reului that-that Meusadeu ligat seunang sileupah

36:57

لَهُمۡ فِيهَا فَٰكِهَةٌ وَلَهُم مَّا يَدَّعُونَ

Pajoh boh kayee nyang lazat-lazat Lom peue nyang hajat cit troh le bagah

36:58

سَلَٰمٌ قَوۡلًا مِّن رَّبٍّ رَّحِيمٍ

Seulamat datang Neukheun le ligat Uleh Hadharat nyang Maha Murah

36:59

وَٱمۡتَٰزُواْ ٱلۡيَوۡمَ أَيُّهَا ٱلۡمُجۡرِمُونَ

Teuma di kaphe suroh Hadharat Beumeukleh teumpat uroenyoe di kah

36:60

أَلَمۡ أَعۡهَدۡ إِلَيۡكُمۡ يَٰبَنِيٓ ءَادَمَ أَن لَّا تَعۡبُدُواْ ٱلشَّيۡطَٰنَۖ إِنَّهُۥ لَكُمۡ عَدُوٌّ مُّبِينٌ

Hai aneuk adam deunge dum beuthat i Dilee ka meuhat janji lon peugah Bek roh taseumah chetan nyang sisat Musoh raya that nyata sileupah

36:61

وَأَنِ ٱعۡبُدُونِيۚ هَٰذَا صِرَٰطٌ مُّسۡتَقِيمٌ

Tapi taseumah Ulon Hadharat Jalan nyang teupat hana meuilah

36:62

وَلَقَدۡ أَضَلَّ مِنكُمۡ جِبِلًّا كَثِيرًاۖ أَفَلَمۡ تَكُونُواْ تَعۡقِلُونَ

Hana tapike padumna rakyat Nyang ka lam sisat Neubri le Allah

36:63

هَٰذِهِۦ جَهَنَّمُ ٱلَّتِي كُنتُمۡ تُوعَدُونَ

Nyoe keuh nuraka di kah keu teumpat Janji Hadharat ka lheuh Neupeugah

36:64

ٱصۡلَوۡهَا ٱلۡيَوۡمَ بِمَا كُنتُمۡ تَكۡفُرُونَ

Jak tamong laju hai kaphe sisat Nuraka meuhat uroenyoe di kah

36:65

ٱلۡيَوۡمَ نَخۡتِمُ عَلَىٰٓ أَفۡوَٰهِهِمۡ وَتُكَلِّمُنَآ أَيۡدِيهِمۡ وَتَشۡهَدُ أَرۡجُلُهُم بِمَا كَانُواْ يَكۡسِبُونَ

Uroenyoe babah ka teutop rapat Hana meusiat pih jeut jipeuhah Jaroe ngon gaki jimarit ligat Kamoe jak intat ubak buet salah Peue nyang jipubuet yoh masa hayat Bandum ban teupat anggota peugah

36:66

وَلَوۡ نَشَآءُ لَطَمَسۡنَا عَلَىٰٓ أَعۡيُنِهِمۡ فَٱسۡتَبَقُواْ ٱلصِّرَٰطَ فَأَنَّىٰ يُبۡصِرُونَ

Meunyoe Neukheundak uleh Hadharat Buta le siat mata nyang ceudah Han deuh jikalon jalan nyang teupat Pakri jilihat beuna ngon salah

36:67

وَلَوۡ نَشَآءُ لَمَسَخۡنَٰهُمۡ عَلَىٰ مَكَانَتِهِمۡ فَمَا ٱسۡتَطَٰعُواْ مُضِيًّا وَلَا يَرۡجِعُونَ

Meu Kamoe kheundak keumeung peusisat Rupajih meuhat meubalek bagah Hana jituho timu ngon barat Teudong bak teumpat han meubot langkah Hajat jimeuwoe rot hana meupat Jalan ka sisat ka roh nyang salah

36:68

وَمَن نُّعَمِّرۡهُ نُنَكِّسۡهُ فِي ٱلۡخَلۡقِۚ أَفَلَا يَعۡقِلُونَ

Hana jipike teuma di umat Umu panyang that tuha sileupah Meu ka that tuha akai ka singkat Meuwoe manyak that akai ka reundah

36:69

وَمَا عَلَّمۡنَٰهُ ٱلشِّعۡرَ وَمَا يَنۢبَغِي لَهُۥٓۚ إِنۡ هُوَ إِلَّا ذِكۡرٌ وَقُرۡءَانٌ مُّبِينٌ

Jikheun keu Nabi panton neusurat Padahai ayat nyang tron bak Allah Han patot Nabi meupanton meuhat Haba peuingat Qur'an neupeugah

36:70

لِّيُنذِرَ مَن كَانَ حَيًّا وَيَحِقَّ ٱلۡقَوۡلُ عَلَى ٱلۡكَٰفِرِينَ

Ureueng nyang udep neuyue peuingat Saket ngon mangat beuna ngon salah Teuma soe kaphe ka putoh meuhat Nuraka teumpat hana meuubah

36:71

أَوَلَمۡ يَرَوۡاْ أَنَّا خَلَقۡنَا لَهُم مِّمَّا عَمِلَتۡ أَيۡدِينَآ أَنۡعَٰمًا فَهُمۡ لَهَا مَٰلِكُونَ

Peue hana jieu binatang le that Uleh Hadharat Neupeujeut mudah Binatang ternak jitheun taikat

36:72

وَذَلَّلۡنَٰهَا لَهُمۡ فَمِنۡهَا رَكُوبُهُمۡ وَمِنۡهَا يَأۡكُلُونَ

Jipubuet ligat peue tapeurintah Ladom tagiduek ladom taikat Nyang ladom meuhat meʻue di sawah Ladom tapajoh sie jih mangat that

36:73

وَلَهُمۡ فِيهَا مَنَٰفِعُ وَمَشَارِبُۚ أَفَلَا يَشۡكُرُونَ

Munaphaʻat le that raya phaedah Susu jih tajep rasa jih lazat Peu sit han umat chuko keu Allah

36:74

وَٱتَّخَذُواْ مِن دُونِ ٱللَّهِ ءَالِهَةً لَّعَلَّهُمۡ يُنصَرُونَ

Teuma di kaphe tuhan jih le that Buken Hadharat nyang Maha Murah Jipike sang ek tulong meularat Sabab ka le that tuhan jipeugah

36:75

لَا يَسۡتَطِيعُونَ نَصۡرَهُمۡ وَهُمۡ لَهُمۡ جُندٌ مُّحۡضَرُونَ

Han ek jitulong jihnyan dum meuhat Beuthat bak kasad teuntra jikeubah Jipike nyan keuh teuntra jih meuhat Peuglah meularat jih watee susah

36:76

فَلَا يَحۡزُنكَ قَوۡلُهُمۡۘ إِنَّا نَعۡلَمُ مَا يُسِرُّونَ وَمَا يُعۡلِنُونَ

Bek jeut keu gundah gata jiupat Narit jih meuhat hana meubeukah Rahsia jih dum Kamoe teupue that Nyang lahe meuhat leubeh lom mudah

36:77

أَوَلَمۡ يَرَ ٱلۡإِنسَٰنُ أَنَّا خَلَقۡنَٰهُ مِن نُّطۡفَةٍ فَإِذَا هُوَ خَصِيمٌ مُّبِينٌ

Peue manusia hana jilihat 1 Tuhan Hadharat kuasa leupah Kamoe peujeut jih bak ie bacut that Pakon jeut sisat lawan peurintah

36:78

وَضَرَبَ لَنَا مَثَلًا وَنَسِيَ خَلۡقَهُۥۖ قَالَ مَن يُحۡيِ ٱلۡعِظَٰمَ وَهِيَ رَمِيمٌ

Jikheun keu Kamoe na meucharikat Hana jilihat tubohjih indah Teuma jitanyeng bak gata ligat Sang hana teupat narit tapeugah Tuleung ka anco di dalam jeurat Udep le siat mustahe leupah

36:79

قُلۡ يُحۡيِيهَا ٱلَّذِيٓ أَنشَأَهَآ أَوَّلَ مَرَّةٍۖ وَهُوَ بِكُلِّ خَلۡقٍ عَلِيمٌ

Takheun ubakjih buet nyan mudah that Uleh Hadharat ka Neupeuleumah Ka lheuh Neupeujeut dilee jih meuhat Peuudep siat leubeh that mudah Tuhan Neuteupue bandum lat-batat Hana peue sasat ‘eleumee Allah

36:80

ٱلَّذِي جَعَلَ لَكُم مِّنَ ٱلشَّجَرِ ٱلۡأَخۡضَرِ نَارًا فَإِذَآ أَنتُم مِّنۡهُ تُوقِدُونَ

Tuhan nyang peujeut kayee ijo that Meuie bak urat takalon basah Teutapi apui sinan jeut meuhat Kayee udep that tutong le bagah Peuudep apui hu jih le ligat Kheundak Hadharat bah kayee basah

36:81

أَوَلَيۡسَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ بِقَٰدِرٍ عَلَىٰٓ أَن يَخۡلُقَ مِثۡلَهُمۚ بَلَىٰ وَهُوَ ٱلۡخَلَّٰقُ ٱلۡعَلِيمُ

Tuhan nyang peujeut bandum lat-batat Kuasa that-that hana peue peugah Langet ngon bumoe Neupeujeut siat Nyang laen meuhat peue han ek mudah Neupeujeut jih dum kon buet mangat that Tuhan Hadharat ‘eleumee luah

36:82

إِنَّمَآ أَمۡرُهُۥٓ إِذَآ أَرَادَ شَيۡـًٔا أَن يَقُولَ لَهُۥ كُن فَيَكُونُ

Watee Neukheundak uleh Hadharat Barangpeue hajat Neumeung peurintah Neukheun jeut di kah jinoe le ligat Ase le siat hana meupayah

36:83

فَسُبۡحَٰنَ ٱلَّذِي بِيَدِهِۦ مَلَكُوتُ كُلِّ شَيۡءٍ وَإِلَيۡهِ تُرۡجَعُونَ

Tuhanku sidroe Maha Suci that Bandum lat-batat lam jaroe Allah Barangpeue kheundak ase le siat Tanyoe pih meuhat tawoe bak Allah

Translation: Tgk. H. Mahjiddin Jusuf.