Surah 38 · 88 verses · Unknown

Surah Sad in Kendayan

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

38:1

صٓۚ وَٱلۡقُرۡءَانِ ذِي ٱلذِّكۡرِ

Sad, demi Al-Quran nang ngandungi’ paringatan

38:2

بَلِ ٱلَّذِينَ كَفَرُواْ فِي عِزَّةٍ وَشِقَاقٍ

Tapi urakng-urakng nang kafir (barada) dalapm kasombongan man permusuhan

38:3

كَمۡ أَهۡلَكۡنَا مِن قَبۡلِهِم مِّن قَرۡنٍ فَنَادَواْ وَّلَاتَ حِينَ مَنَاصٍ

Sangae manyak umat sanape’ iaka’ia nang udah Kami binasakan’, lalu iaka’koa minta tolong padahal (waktu koa) buke’lah saat nto’ dari ngalapasatn’ diri’

38:4

وَعَجِبُوٓاْ أَن جَآءَهُم مُّنذِرٌ مِّنۡهُمۡۖ وَقَالَ ٱلۡكَٰفِرُونَ هَٰذَا سَٰحِرٌ كَذَّابٌ

Man iaka’ia heran karana iaka’ia kaatangan seko’ pamare’ paringatatn’ (rasul) dari kalangan iaka’ia; man urakng-urakng nang kafir bakata, “urakng nian ialah panyihir nang manyak ngaloki’”

38:5

أَجَعَلَ ٱلۡأٓلِهَةَ إِلَٰهًا وَٰحِدًاۖ إِنَّ هَٰذَا لَشَيۡءٌ عُجَابٌ

Ahe ke’ ia nyajiatn’ tuhan-tuhan koa Tuhan nang sote’ ihan? Sungguh, nisn batol-batol sesuatu nang miah ngaheranatn

38:6

وَٱنطَلَقَ ٱلۡمَلَأُ مِنۡهُمۡ أَنِ ٱمۡشُواْ وَٱصۡبِرُواْ عَلَىٰٓ ءَالِهَتِكُمۡۖ إِنَّ هَٰذَا لَشَيۡءٌ يُرَادُ

Lalu ampuslah pamimpin-pamimpn iaka’ia (palis bakata), “Ampuslah kao man tataplah (nyambah) tuhan-tuhannyu,sasungguhnya nian batol-batol suatu hal nang dikamao’i’

38:7

مَا سَمِعۡنَا بِهَٰذَا فِي ٱلۡمِلَّةِ ٱلۡأٓخِرَةِ إِنۡ هَٰذَآ إِلَّا ٱخۡتِلَٰقٌ

Kami nana’ paranah nangaratn’ hal nia dalapm’ agama nang tarakir,745 nian (mengesakan Allah), nana’ lain hanyalah (duata) nang di ada-adakan’

38:8

أَءُنزِلَ عَلَيۡهِ ٱلذِّكۡرُ مِنۢ بَيۡنِنَاۚ بَلۡ هُمۡ فِي شَكٍّ مِّن ذِكۡرِيۚ بَل لَّمَّا يَذُوقُواْ عَذَابِ

ngahe Al-Quran koa dinuruntatn’ ka’ ia ka’ antara diri’?’ Sasungguhnya iaka’ia ragu- ragu ka’ Al-Quran-Ku, tapi iaka’ia nape’ misa’i’azab (-Ku)

38:9

أَمۡ عِندَهُمۡ خَزَآئِنُ رَحۡمَةِ رَبِّكَ ٱلۡعَزِيزِ ٱلۡوَهَّابِ

Ato ahe ke’ iaka’ia koa ngampu’i’ perbendaharaan rahmat Tuhannyu Nang Mahapakasa, Maha Pemberani

38:10

أَمۡ لَهُم مُّلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۖ فَلۡيَرۡتَقُواْ فِي ٱلۡأَسۡبَٰبِ

Ato ahe ke’ iaka’ia ada ngampu’i’ kerajaan langit man bumi man ahe nang ada ka’ antar kadua’nya? (kade’ ada),maka biarlah iaka’ia naiki’ tangga-tangga (ka’ langit)

38:11

جُندٌ مَّا هُنَالِكَ مَهۡزُومٌ مِّنَ ٱلۡأَحۡزَابِ

(Iaka’ia koa) kalompok aya’ bala tantara nang barada dinaun nang mao’ dikalahatn

38:12

كَذَّبَتۡ قَبۡلَهُمۡ قَوۡمُ نُوحٍ وَعَادٌ وَفِرۡعَوۡنُ ذُو ٱلۡأَوۡتَادِ

Sanape’ iaka’ia koa, Kaum Nuh, ‘Ad ma fir’aun nang ngampu’i’ bala tantar nang manyak, uga’ udah ngadustakan (rasul- rasul)

38:13

وَثَمُودُ وَقَوۡمُ لُوطٍ وَأَصۡحَٰبُ لۡـَٔيۡكَةِۚ أُوْلَٰٓئِكَ ٱلۡأَحۡزَابُ

Man (pakoa uga’) Samut, kaum Lut man panduduk Aikah.747 Iaka’ia koalah golong golongan nang basakutu (nantangi’ rasul- rasul)

38:14

إِن كُلٌّ إِلَّا كَذَّبَ ٱلرُّسُلَ فَحَقَّ عِقَابِ

Samua iaka’ia ngadustakan’ rasul-raasul, maka pantas iaka’ia misa’i’ azab-Ku

38:15

وَمَا يَنظُرُ هَٰٓؤُلَآءِ إِلَّا صَيۡحَةً وَٰحِدَةً مَّا لَهَا مِن فَوَاقٍ

Man sasungguhnya nang iaka’ia tunggu ialah sote’ kampakatn’ ihan, nang nana’ a selanya

38:16

وَقَالُواْ رَبَّنَا عَجِّل لَّنَا قِطَّنَا قَبۡلَ يَوۡمِ ٱلۡحِسَابِ

Man iaka’ia bakata,”Ya Tuhan kami,capa azab nang dinto’atn ka’ kami sanape’ ari pangetongan”

38:17

ٱصۡبِرۡ عَلَىٰ مَا يَقُولُونَ وَٱذۡكُرۡ عَبۡدَنَا دَاوُۥدَ ذَا ٱلۡأَيۡدِۖ إِنَّهُۥٓ أَوَّابٌ

Basabarlah atas ahe nang iaka’ia batakatn man ingatlah ka’ amba Kami Dawud nan nganpu’i’ kakuatatn’; sungguh ia miah ta (ka’ Allah)

38:18

إِنَّا سَخَّرۡنَا ٱلۡجِبَالَ مَعَهُۥ يُسَبِّحۡنَ بِٱلۡعَشِيِّ وَٱلۡإِشۡرَاقِ

Sungguh, Kamilah nang nundukatn’ gunung-gunung nto’ batasbih basama ia (Dawud) ka’ waktu nurutn’ ari man alapm

38:19

وَٱلطَّيۡرَ مَحۡشُورَةًۖ كُلٌّ لَّهُۥٓ أَوَّابٌ

Man (Kami tundukatn’ uga’) burukng’- burukng’ dalapm kaadaan takumpul. Masing-masing miah taat (ka’ Allah)

38:20

وَشَدَدۡنَا مُلۡكَهُۥ وَءَاتَيۡنَٰهُ ٱلۡحِكۡمَةَ وَفَصۡلَ ٱلۡخِطَابِ

Man Kami kuatatn kerajaannya man Kam barentatn’ hikmah ka’ ia.749 serta kabijaksanaan dalapm’ mutusatn’ pakara

38:21

وَهَلۡ أَتَىٰكَ نَبَؤُاْ ٱلۡخَصۡمِ إِذۡ تَسَوَّرُواْ ٱلۡمِحۡرَابَ

Man ahe ka’ udah sampe ka’ kao barita urakng-urakng nang basalisih waktu iaka naiki’ dinikng’ mihrab

38:22

إِذۡ دَخَلُواْ عَلَىٰ دَاوُۥدَ فَفَزِعَ مِنۡهُمۡۖ قَالُواْ لَا تَخَفۡۖ خَصۡمَانِ بَغَىٰ بَعۡضُنَا عَلَىٰ بَعۡضٍ فَٱحۡكُم بَيۡنَنَا بِٱلۡحَقِّ وَلَا تُشۡطِطۡ وَٱهۡدِنَآ إِلَىٰ سَوَآءِ ٱلصِّرَٰطِ

Waktu iaka’ia tama’ namui’ Dawud lalu takajut karana (kaatangan) iaka’ia. Iaka’i bakata, “ amelah gali’ (Kami) badu tanga basalisih, sabagian dari kami babuat zalim ka’ nang lain; maka bare’lah kaputusatn’ ka’ antara kami sacara adil man amelah nyimpang dari kabanaratn’ serta tunjuki’lah kami ka’ jalatn’ nang lurus

38:23

إِنَّ هَٰذَآ أَخِي لَهُۥ تِسۡعٌ وَتِسۡعُونَ نَعۡجَةً وَلِيَ نَعۡجَةٌ وَٰحِدَةٌ فَقَالَ أَكۡفِلۡنِيهَا وَعَزَّنِي فِي ٱلۡخِطَابِ

Sasungguhnya kamar kapalaku nian ngampu’i’ sambilan puluh sambilan eko’ kamikng’ nan bini man aku ngampu’i’ seko’ ihan, lalu ia bakata, “sarahi’lah (kamikng’nyu) koa ka’ aku! Man ia ngalahatn’ aku dalapm’ padebatan”

38:24

قَالَ لَقَدۡ ظَلَمَكَ بِسُؤَالِ نَعۡجَتِكَ إِلَىٰ نِعَاجِهِۦۖ وَإِنَّ كَثِيرًا مِّنَ ٱلۡخُلَطَآءِ لَيَبۡغِي بَعۡضُهُمۡ عَلَىٰ بَعۡضٍ إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَقَلِيلٌ مَّا هُمۡۗ وَظَنَّ دَاوُۥدُ أَنَّمَا فَتَنَّٰهُ فَٱسۡتَغۡفَرَ رَبَّهُۥ وَخَرَّۤ رَاكِعًاۤ وَأَنَابَ

Ia (Dawud) bakata,”sungguh, ia udah babuat zalim ka’ kao mang minta’ kamikng’ nyu koa nto’ (dinambahkan’) ka’ kamikng’nya. Memang manyak ka’ antara urakng-urakng nang basakutu koa babuat zalim ka’ urakng lain, kacoali urakng-urakng Nang baiman man ngarajaatn’ kabakade’tn’; man hanya sabebetlah iaka’ia nang ampikoa”. Man Dawud ngaduga bahwa’ Kami ngujinya; maka ia mohon ampun ka’ Tuhannya lalu ia nyungur sujud man batobat

38:25

فَغَفَرۡنَا لَهُۥ ذَٰلِكَۖ وَإِنَّ لَهُۥ عِندَنَا لَزُلۡفَىٰ وَحُسۡنَ مَـَٔابٍ

Lalu Kami ngamponi’ (kasalahatnnya) koa. Man sungguh, ia ngampu’i’ kaduduatn nang banar-banar sama’ ka’ sisi Kami man tampat kambali nang baik

38:26

يَٰدَاوُۥدُ إِنَّا جَعَلۡنَٰكَ خَلِيفَةً فِي ٱلۡأَرۡضِ فَٱحۡكُم بَيۡنَ ٱلنَّاسِ بِٱلۡحَقِّ وَلَا تَتَّبِعِ ٱلۡهَوَىٰ فَيُضِلَّكَ عَن سَبِيلِ ٱللَّهِۚ إِنَّ ٱلَّذِينَ يَضِلُّونَ عَن سَبِيلِ ٱللَّهِ لَهُمۡ عَذَابٌ شَدِيدُۢ بِمَا نَسُواْ يَوۡمَ ٱلۡحِسَابِ

(Allah bafirman), Wahai Dawud! Sasungguhnya kao Kami jajiatn’ khalifah (panguasa) ka’ bumi, maka bare’lah kaputusatn’ (pakara) ka’ antara talino mang adil man amelah kao ngikuti’ hawa nafsu, karana mao’ nyasatatn’ kao dari jalatn’ Allah. Sungguh, urakng-urakng nang sasat dari jalatn’ Allah akan mandapat azab nang barat, karana iaka’ia ngalupai’ ari paretongan”

38:27

وَمَا خَلَقۡنَا ٱلسَّمَآءَ وَٱلۡأَرۡضَ وَمَا بَيۡنَهُمَا بَٰطِلًاۚ ذَٰلِكَ ظَنُّ ٱلَّذِينَ كَفَرُواْۚ فَوَيۡلٌ لِّلَّذِينَ كَفَرُواْ مِنَ ٱلنَّارِ

Man Kami nana’ nyiptaatn’ langit man bumi man ahe nang ada ka’ antara kadua’nya mang sia-sia. Koa anggapan urakng-urakng kafir, maka cilakalah urakng-urakng nang kafir koa karana iaka’ia masok naraka

38:28

أَمۡ نَجۡعَلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ كَٱلۡمُفۡسِدِينَ فِي ٱلۡأَرۡضِ أَمۡ نَجۡعَلُ ٱلۡمُتَّقِينَ كَٱلۡفُجَّارِ

Pantaske’ Kami ngalakuatni’ urakng-urakng nang baiman man ngarajaatni’ kabajiatn sama mang urakng-urakng nang babuat karusakatn’ ka’ bumi? Ato pantaske’ Kami nganggap urakng-urakng nang batakwa sama mang urakng-urakng nang jahat

38:29

كِتَٰبٌ أَنزَلۡنَٰهُ إِلَيۡكَ مُبَٰرَكٌ لِّيَدَّبَّرُوٓاْ ءَايَٰتِهِۦ وَلِيَتَذَكَّرَ أُوْلُواْ ٱلۡأَلۡبَٰبِ

Kitab (Al-Quran) nang Kami turuntatn’ ka’ panoh berkah supaya iaka’ia menghayati’ ayat-ayatnya man supaya urakng-urakng nang barakal sehat mandapat palajaran

38:30

وَوَهَبۡنَا لِدَاوُۥدَ سُلَيۡمَٰنَۚ نِعۡمَ ٱلۡعَبۡدُ إِنَّهُۥٓ أَوَّابٌ

Man ka’ Dawud Kami karuniakan (anak badama) Sulaiman; ia ialah sabaik-baik amba. Sungguh, ia miah taat (ka’ Allah)

38:31

إِذۡ عُرِضَ عَلَيۡهِ بِٱلۡعَشِيِّ ٱلصَّٰفِنَٰتُ ٱلۡجِيَادُ

(Ingatlah) waktu ka’ suatu gumare’ dipatunjuatn ka’ ia (kuda-kuda) nang jinak, (tapi) miah capat darinya

38:32

فَقَالَ إِنِّيٓ أَحۡبَبۡتُ حُبَّ ٱلۡخَيۡرِ عَن ذِكۡرِ رَبِّي حَتَّىٰ تَوَارَتۡ بِٱلۡحِجَابِ

Maka ia bakata, “Sasungguhnya aku nyukai’ sagala nang baik (kuda), nang manjuatku ingat akan (kebesaran) Tuhanku, sampai mata ari tingalapm’”

38:33

رُدُّوهَا عَلَيَّۖ فَطَفِقَ مَسۡحَۢا بِٱلسُّوقِ وَٱلۡأَعۡنَاقِ

“Incaknglah samua kuda koa kambali ka’ aku”. Lalu ia murus-murus kaki man tage’ kuda koa

38:34

وَلَقَدۡ فَتَنَّا سُلَيۡمَٰنَ وَأَلۡقَيۡنَا عَلَىٰ كُرۡسِيِّهِۦ جَسَدًا ثُمَّ أَنَابَ

Man sungguh, Kami udah ngujii’ Sulaiman man Kami jajiatn’ (ia) tagalatak ka’ atas kursinya sabage tubuh (nang lamah karana sakit),kamudian ia batobat

38:35

قَالَ رَبِّ ٱغۡفِرۡ لِي وَهَبۡ لِي مُلۡكًا لَّا يَنۢبَغِي لِأَحَدٍ مِّنۢ بَعۡدِيٓۖ إِنَّكَ أَنتَ ٱلۡوَهَّابُ

Ia bakata, “Ya Tuhanku,ampunilah aku man anugerahatnlah ka’ aku kerajaan nang nana’ dimiliki oleh saepun salaka’ aku. Sungguh Kita’lah Nang Maha Pamare’”

38:36

فَسَخَّرۡنَا لَهُ ٱلرِّيحَ تَجۡرِي بِأَمۡرِهِۦ رُخَآءً حَيۡثُ أَصَابَ

Kamudian Kami tundukatn’ ka’ ia nyaru nang barambus mang baik manurut parentahnya ka’ mae ma’an nang dikamao’i’nya

38:37

وَٱلشَّيَٰطِينَ كُلَّ بَنَّآءٍ وَغَوَّاصٍ

Man (Kami tundukatn’ uga’ ka’ ia) setan- setan, samuanya ahli bangunan man panyalapm’

38:38

وَءَاخَرِينَ مُقَرَّنِينَ فِي ٱلۡأَصۡفَادِ

Man (setaan) nang lain nang tarikat dalapm’ belenggu

38:39

هَٰذَا عَطَآؤُنَا فَٱمۡنُنۡ أَوۡ أَمۡسِكۡ بِغَيۡرِ حِسَابٍ

Nianlah anugerah Kami; maka barentatn’lah (ka’ urakng lain) ato tahanlah (nto’ diri’nyu babaro) tampa paretongan

38:40

وَإِنَّ لَهُۥ عِندَنَا لَزُلۡفَىٰ وَحُسۡنَ مَـَٔابٍ

Man sungguh, ia ngampu’i’ kaduduatn nang sama’ ka’ sisi Kami man tampat kambali nang baik

38:41

وَٱذۡكُرۡ عَبۡدَنَآ أَيُّوبَ إِذۡ نَادَىٰ رَبَّهُۥٓ أَنِّي مَسَّنِيَ ٱلشَّيۡطَٰنُ بِنُصۡبٍ وَعَذَابٍ

Man ingatlah ka’ amba Kami Ayub waktu ia nyaru’ Tuhannya, “Sasungguhnya aku di ganggu setan mang penderitaan man bencana”

38:42

ٱرۡكُضۡ بِرِجۡلِكَۖ هَٰذَا مُغۡتَسَلُۢ بَارِدٌ وَشَرَابٌ

(Allah bafirman) “antakkatn’lah kakinyu; nianlah ai’ nang dingin nto’ mani’ man nto’ nyocok”

38:43

وَوَهَبۡنَا لَهُۥٓ أَهۡلَهُۥ وَمِثۡلَهُم مَّعَهُمۡ رَحۡمَةً مِّنَّا وَذِكۡرَىٰ لِأُوْلِي ٱلۡأَلۡبَٰبِ

Mna Kami anugerahi’ ia (mang ngumpulatn’ agi’) kaluarganya man Kami lipat-gandakan jumbalah iaka’ia, sabage rahmat dari Kami man pelajaran bagi urakng-urakng nang bafikir sehat

38:44

وَخُذۡ بِيَدِكَ ضِغۡثًا فَٱضۡرِب بِّهِۦ وَلَا تَحۡنَثۡۗ إِنَّا وَجَدۡنَٰهُ صَابِرًاۚ نِّعۡمَ ٱلۡعَبۡدُ إِنَّهُۥٓ أَوَّابٌ

Man ta’aplah saikat (rumput) mang kokotnyu, lalu imatlah mang koa man amelah kao ngalanggar sumpah. Sasungguhnya Kami tamui’ ia (Ayyub) seko’ nang sabar. Ia lah sabaik-baik amba. Sungguh ia miah taat (ka’ Allah)

38:45

وَٱذۡكُرۡ عِبَٰدَنَآ إِبۡرَٰهِيمَ وَإِسۡحَٰقَ وَيَعۡقُوبَ أُوْلِي ٱلۡأَيۡدِي وَٱلۡأَبۡصَٰرِ

Man ingatlah amba-amba Kami: Ibrahim,Ishak man Yakub nang ngampu’i’ kakuatan-kakuatan nang aya’ man ilmu- ilmu (nang tingi’)

38:46

إِنَّآ أَخۡلَصۡنَٰهُم بِخَالِصَةٍ ذِكۡرَى ٱلدَّارِ

Sungguh Kami udah nyuciatn’ iaka’ia mang (menganugerahatn) akhlak nang tingi’ ka’ ia iakoa selalu ngingatatn’ (talino) ka’ nagari naherat

38:47

وَإِنَّهُمۡ عِندَنَا لَمِنَ ٱلۡمُصۡطَفَيۡنَ ٱلۡأَخۡيَارِ

Man sungguh, ka’ sisi Kami iaka’ia tamasok urakng-urakng pilihan nang paling baik

38:48

وَٱذۡكُرۡ إِسۡمَٰعِيلَ وَٱلۡيَسَعَ وَذَا ٱلۡكِفۡلِۖ وَكُلٌّ مِّنَ ٱلۡأَخۡيَارِ

Man ingatlah Ismail, Ilyasa’ man Zulkifli. Samuanya tamasok urakng-urakng nang paling baik

38:49

هَٰذَا ذِكۡرٌۚ وَإِنَّ لِلۡمُتَّقِينَ لَحُسۡنَ مَـَٔابٍ

Nian ialah kehormatan (nto’ iaka’ia). Man sungguh bagi urakng-urakng nang batakwa (dinyadiakan’) tampat mulakng’ nang baik

38:50

جَنَّٰتِ عَدۡنٍ مُّفَتَّحَةً لَّهُمُ ٱلۡأَبۡوَٰبُ

(Ia koa) saruga ‘Adn nang pintu-pintunya tabuka’ nto’ iaka’ia

38:51

مُتَّكِـِٔينَ فِيهَا يَدۡعُونَ فِيهَا بِفَٰكِهَةٍ كَثِيرَةٍ وَشَرَابٍ

Ka’ dalapm’nya iaka’ia basandar (ka’ atas pene-pene) sambil minta makanan nang manyak man minuman (ka’ saruga koa)

38:52

وَعِندَهُمۡ قَٰصِرَٰتُ ٱلطَّرۡفِ أَتۡرَابٌ

Man ka’ samping iaka’ia (ada bidadari- bidadari) nang redup panele’atn’nya man sabaya omornya

38:53

هَٰذَا مَا تُوعَدُونَ لِيَوۡمِ ٱلۡحِسَابِ

Nianlah nang dinyanjiatn’ ka’ kao ka’ ari paretongan

38:54

إِنَّ هَٰذَا لَرِزۡقُنَا مَا لَهُۥ مِن نَّفَادٍ

Sungguh nian lah rajaki dari Kami nang nana’ ada habis-habisnya

38:55

هَٰذَاۚ وَإِنَّ لِلطَّٰغِينَ لَشَرَّ مَـَٔابٍ

Lea nianlah (kaadaan iaka’ia). Man sungguh, bagi urakng-urakng nang durhaka pasti (dinyadiakan’) tampat kambali nang buruk

38:56

جَهَنَّمَ يَصۡلَوۡنَهَا فَبِئۡسَ ٱلۡمِهَادُ

(Iakoa) narka Jahanam nang iaka’ia masoki’; maka koalah saburuk-buruknya tampat badiapm’

38:57

هَٰذَا فَلۡيَذُوقُوهُ حَمِيمٌ وَغَسَّاقٌ

Nianlah (azab neraka), ka’atilah iaka’ia misa’i’nya, (minuman iaka’ia) ai’ nang miah angat man ai’ nang miah dingin

38:58

وَءَاخَرُ مِن شَكۡلِهِۦٓ أَزۡوَٰجٌ

Man babagai macam (azab) nang lain nang sarupa koa

38:59

هَٰذَا فَوۡجٌ مُّقۡتَحِمٌ مَّعَكُمۡ لَا مَرۡحَبَۢا بِهِمۡۚ إِنَّهُمۡ صَالُواْ ٱلنَّارِ

(Dibatakatn’ ka’ iaka’ia), “Nian rombongan aya’ (pangikut-pangikutnyu) nang masok bapeset-peset barage kao (ka’ neraka)”. Nana’ ada ucapatn’ salamat atakng’ nto’ iaka’ia karana sasungguhnya iaka’ia mao’ masok naraka (kata pemimipin-pemimpin iaka’ia)

38:60

قَالُواْ بَلۡ أَنتُمۡ لَا مَرۡحَبَۢا بِكُمۡۖ أَنتُمۡ قَدَّمۡتُمُوهُ لَنَاۖ فَبِئۡسَ ٱلۡقَرَارُ

Sigana pangikut iaka’ia manjawab. “Sasungguhnya kaolah nang (labih pantas) nana’ narima’ ucapatn’ salamat atakng’, karana kao nang ngajarumusatn’ kami ka’ dalapm’ azab, maka koalah saburuk- buruknya tampat natap”

38:61

قَالُواْ رَبَّنَا مَن قَدَّمَ لَنَا هَٰذَا فَزِدۡهُ عَذَابًا ضِعۡفًا فِي ٱلنَّارِ

Iaka’ia bakata (agi’), “Ya Tuhan kami, barang sae nang ngajarumusatn’ kami ka’ dalapm’ (azab) nian, maka tambahi’lah azab ka’ ia dua kali lipat ka’ dalapm’ naraka”

38:62

وَقَالُواْ مَا لَنَا لَا نَرَىٰ رِجَالًا كُنَّا نَعُدُّهُم مِّنَ ٱلۡأَشۡرَارِ

Man (urakng-urakng durhaka) bakata, “Diahe kami nana’ nele’ urakng-urakng nang duhuya (ka’ dunia) kami anggap sabage urakng-urakng jahat (hina)

38:63

أَتَّخَذۡنَٰهُمۡ سِخۡرِيًّا أَمۡ زَاغَتۡ عَنۡهُمُ ٱلۡأَبۡصَٰرُ

Duhuya kami nyajiatn’ iaka’ia diolok-olok, ato ke’ karana panele’atn’ kami nang nana’ nele’ iaka’ia?”

38:64

إِنَّ ذَٰلِكَ لَحَقٌّ تَخَاصُمُ أَهۡلِ ٱلنَّارِ

Sungguh, nang ampikoa batol-batol tajadi, (iakoa) patangkaratn’ ka’ antara penghuni naraka

38:65

قُلۡ إِنَّمَآ أَنَا۠ مُنذِرٌۖ وَمَا مِنۡ إِلَٰهٍ إِلَّا ٱللَّهُ ٱلۡوَٰحِدُ ٱلۡقَهَّارُ

Batakatn’lah (Muhammad), “Sasungguhnya aku hanya pamare’ paringatatn’, nana’ ada Tuhan selain Allah Nang Maha Esa, Maha Pakasa

38:66

رَبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلۡعَزِيزُ ٱلۡغَفَّٰرُ

(Iakoa) Tuhan langit man bumi man ahe nang ada ka’ antara kadua’nya, Nang Mahapakasa, Maha Pengampun”

38:67

قُلۡ هُوَ نَبَؤٌاْ عَظِيمٌ

Batakatn’lah, “Koa (Al-Quran) ada barita aya’

38:68

أَنتُمۡ عَنۡهُ مُعۡرِضُونَ

Nang kita’ bapaling darinya

38:69

مَا كَانَ لِيَ مِنۡ عِلۡمِۭ بِٱلۡمَلَإِ ٱلۡأَعۡلَىٰٓ إِذۡ يَخۡتَصِمُونَ

Aku nana’ ngampu’i’ pangatahuan saebet pun tantang al-mala ‘ul a’la (mala’ekat) koa waktu iaka’ia babantah-bantah

38:70

إِن يُوحَىٰٓ إِلَيَّ إِلَّآ أَنَّمَآ أَنَا۠ نَذِيرٌ مُّبِينٌ

Nang diwahyuan ka’ aku, bahwa’ aku hanyalah surakng pamare’ paringatan nang nyata”

38:71

إِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرًا مِّن طِينٍ

(Ingatlah) waktu Tuhannyu bafirman ka’ mala’ekat, “sasungguhnya Aku mao’ nyiptaatn’ talino dari tanah liat

38:72

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ

Kemudian kamile udah Aku sempurnakan kajadiannya man Aku siup roh (ciptaan)-Ku ka’ ia; maka tunduklah kita’ mang basujud ka’ ia”

38:73

فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ

Lalu sigana mala’ekat koa basujud samuanya

38:74

إِلَّآ إِبۡلِيسَ ٱسۡتَكۡبَرَ وَكَانَ مِنَ ٱلۡكَٰفِرِينَ

Kacoali iblis; ia nyombongkatn’ diri’ man ia tamasok golongan nang kafir

38:75

قَالَ يَٰٓإِبۡلِيسُ مَا مَنَعَكَ أَن تَسۡجُدَ لِمَا خَلَقۡتُ بِيَدَيَّۖ أَسۡتَكۡبَرۡتَ أَمۡ كُنتَ مِنَ ٱلۡعَالِينَ

(Allah) bafirman, “Wahai iblis,ahe ke’ nang ngalangi’ kao sujud ka’ nang udah Aku ciptaatn’ mang kakuasaan-Ku. Aheke’ kao nyombongatn diri’ ato kao (misa’) tamasok golongan nang (labih) tingi’?”

38:76

قَالَ أَنَا۠ خَيۡرٌ مِّنۡهُ خَلَقۡتَنِي مِن نَّارٍ وَخَلَقۡتَهُۥ مِن طِينٍ

(Iblis) bakata, “Aku labih baik dari pada ia,jukut Kita’ nyiptatn’ aku dari api, samintara ia kita’ nyiptaatn’ dari tanah”

38:77

قَالَ فَٱخۡرُجۡ مِنۡهَا فَإِنَّكَ رَجِيمٌ

(Allah) bafirman, “Kade’ ampikoa kaluarlah kao dari saruga! Sasungguhnya kao mahluk nang takutuk

38:78

وَإِنَّ عَلَيۡكَ لَعۡنَتِيٓ إِلَىٰ يَوۡمِ ٱلدِّينِ

Man sungguh,kutuatn-Ku tatap atasnyu sampe ari pambalasan”

38:79

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ

(Iblis) bakata, “Ya Tuhanku, tangguhi’lah aku sampe ka’ ari iaka’ia dilumpatatni’”

38:80

قَالَ فَإِنَّكَ مِنَ ٱلۡمُنظَرِينَ

(Allah) bafirman, Maka sasungguhnya kao tamasok golongan nang dibare’ panangguhan

38:81

إِلَىٰ يَوۡمِ ٱلۡوَقۡتِ ٱلۡمَعۡلُومِ

Sampe ka’ ari nang udah ditantuatni’ waktunya (ari kiamat)”

38:82

قَالَ فَبِعِزَّتِكَ لَأُغۡوِيَنَّهُمۡ أَجۡمَعِينَ

(Iblis) manjawab, “Demi kemuliaan-Kita’, pasti aku mao’ nyasatatni’ iaka’ia samuanya

38:83

إِلَّا عِبَادَكَ مِنۡهُمُ ٱلۡمُخۡلَصِينَ

Kacoali amba-amba-Kita’ nang tapilih ka’ antara iaka’ia

38:84

قَالَ فَٱلۡحَقُّ وَٱلۡحَقَّ أَقُولُ

(Allah) bafirman, “Maka nang banar (ialah sumpah-Ku), man hanya kabanaratn’ koalah nang Aku batakatn’

38:85

لَأَمۡلَأَنَّ جَهَنَّمَ مِنكَ وَمِمَّن تَبِعَكَ مِنۡهُمۡ أَجۡمَعِينَ

Sungguh Aku mao’ manohi’ naraka Jahanam mang kita’ mannang urakng- urakng nang ngikuti’nyu ka’ antara iaka’ia samuanya”

38:86

قُلۡ مَآ أَسۡـَٔلُكُمۡ عَلَيۡهِ مِنۡ أَجۡرٍ وَمَآ أَنَا۠ مِنَ ٱلۡمُتَكَلِّفِينَ

Batakatn’lah (Muhammad), “Aku nana’ minta imbalan saebet pun atas ia (dakwahku); man aku buke’lah urakng nang ngada-adakan’

38:87

إِنۡ هُوَ إِلَّا ذِكۡرٌ لِّلۡعَٰلَمِينَ

(Al-Quran) nian nana’ lain hanyalah paringatan bagi saluruh alam

38:88

وَلَتَعۡلَمُنَّ نَبَأَهُۥ بَعۡدَ حِينِۭ

Man sungguh,kao mao’ ngatahui’ (kabanaratn’) baritanya (Al-Quran) satelah sangae waktu agi’”755 a

Translation: Unknown.