بِسۡمِ ٱللَّهِ ٱلرَّحۡمَٰنِ ٱلرَّحِيمِ
80:1عَبَسَ وَتَوَلَّىٰٓ
O (Annabi Muhammadu) saɣim o nini ni, ka lebi biri
80:2أَن جَآءَهُ ٱلۡأَعۡمَىٰ
Domin zom kana o sani na zuɣu
80:3وَمَا يُدۡرِيكَ لَعَلَّهُۥ يَزَّكَّىٰٓ
(Yaa nyini Annabi)! Bo n-leei baŋsi a ni di yi pa shɛli o naan niŋ kasi
80:4أَوۡ يَذَّكَّرُ فَتَنفَعَهُ ٱلذِّكۡرَىٰٓ
Bee ka o wum a wa’azu, ka wa’azu maa niŋ o anfaani
80:5أَمَّا مَنِ ٱسۡتَغۡنَىٰ
Amaa! Ninvuɣu so ŋun mali buni maa
80:6فَأَنتَ لَهُۥ تَصَدَّىٰ
Ka a zaɣisim be o ni
80:7وَمَا عَلَيۡكَ أَلَّا يَزَّكَّىٰ
Tɔ! Bo n-leei yɛn niŋ a chuuta o yi bi niŋ kasi
80:8وَأَمَّا مَن جَآءَكَ يَسۡعَىٰ
Amaa! Ŋun kana a sani n-ti bɔri yomyom’ maa
80:9وَهُوَ يَخۡشَىٰ
Ka o nyɛla ŋun zɔri Naawuni
80:10فَأَنتَ عَنۡهُ تَلَهَّىٰ
Ka a nyɛla ŋun yi o yɛla ni
80:11كـَلَّآ إِنَّهَا تَذۡكِرَةٌ
Haifa! Achiika! Di nyɛla teebu
80:12فَمَن شَآءَ ذَكَرَهُۥ
Dinzuɣu, ŋun bɔra ŋun zaŋ li n-teei o maŋa
80:13فِي صُحُفٍ مُّكَرَّمَةٍ
Di bela kundi shɛŋa din mali jilma la puuni
80:14مَّرۡفُوعَةٍ مُّطَهَّرَةِۭ
Ka di nyɛ bɛ ni duhi shɛli, ka nyɛla din mali kasi
80:15بِأَيۡدِي سَفَرَةٍ
Ka di be Malaaikanim’ ban sabri (ninsalinim’) tuuntumsa nuu ni
80:16كِرَامِۭ بَرَرَةٍ
Darzanima, ban doli Naawuni zaligu
80:17قُتِلَ ٱلۡإِنسَٰنُ مَآ أَكۡفَرَهُۥ
Bɛ narim ninsala (chɛfura), bo n- leei chɛ ka o niŋ gutulunsi
80:18مِنۡ أَيِّ شَيۡءٍ خَلَقَهُۥ
Ni bimbo ka O (Naawuni) nam o
80:19مِن نُّطۡفَةٍ خَلَقَهُۥ فَقَدَّرَهُۥ
Ni maniyyi (dablim kom) ka O nam o, ka nam O saɣisi
80:20ثُمَّ ٱلسَّبِيلَ يَسَّرَهُۥ
Din nyaaŋa ka O balgi soli n-ti o
80:21ثُمَّ أَمَاتَهُۥ فَأَقۡبَرَهُۥ
Din nyaaŋa, ka O chɛ ka o kpi, ka zaŋ o niŋ gballi ni
80:22ثُمَّ إِذَا شَآءَ أَنشَرَهُۥ
Din nyaaŋa, O yi bɔra, ka O lahi yiɣisi o
80:23كـَلَّا لَمَّا يَقۡضِ مَآ أَمَرَهُۥ
Haifa! O (ninsala) bi tum Naawuni ni puhi o shɛli niŋbu
80:24فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
Dinzuɣu, ninsala yulmi o bindirgu
80:25أَنَّا صَبَبۡنَا ٱلۡمَآءَ صَبًّا
Achiika! Ti (Tinim’ Naawuni) kpaai la kom na (sagbana ni) kpaabu ni yɛlimaŋli
80:26ثُمَّ شَقَقۡنَا ٱلۡأَرۡضَ شَقًّا
Din nyaaŋa, ka Ti chɛ ka tiŋgbani tahibɔɣi, bɔɣibu ni yɛlimaŋli
80:27فَأَنۢبَتۡنَا فِيهَا حَبًّا
Din nyaaŋa, ka Ti chɛ ka bimbilima yi di puuni na
80:28وَعِنَبًا وَقَضۡبًا
Ni inabi (sinsaba) mini momaha
80:29وَزَيۡتُونًا وَنَخۡلًا
Ni zaituun mini dobino
80:30وَحَدَآئِقَ غُلۡبًا
Ni puri din laɣim tihi pam
80:31وَفَٰكِهَةً وَأَبًّا
Ni binwola mini biŋkobri bindira
80:32مَّتَٰعًا لَّكُمۡ وَلِأَنۡعَٰمِكُمۡ
Ka di nyɛla nyεɣisim n-ti ya, n-ti pahi yi biŋkobri
80:33فَإِذَا جَآءَتِ ٱلصَّآخَّةُ
Dinzuɣu, tahigu din pahi ayi yi ti kana
80:34يَوۡمَ يَفِرُّ ٱلۡمَرۡءُ مِنۡ أَخِيهِ
Dindali ka ninsala yɛn ti zɔri ka chɛri o mabia
80:35وَأُمِّهِۦ وَأَبِيهِ
Ni o ba mini o ma
80:36وَصَٰحِبَتِهِۦ وَبَنِيهِ
Ni o paɣa mini o bihi
80:37لِكُلِّ ٱمۡرِيٍٕ مِّنۡهُمۡ يَوۡمَئِذٍ شَأۡنٌ يُغۡنِيهِ
Dindali maa, bɛ puuni ninvuɣu yino kam daa ti yεn malila yɛli shɛli din saɣindi o
80:38وُجُوهٌ يَوۡمَئِذٍ مُّسۡفِرَةٌ
Dindali maa, ninvuɣu shɛba nina yɛn ti malila neesim
80:39ضَاحِكَةٌ مُّسۡتَبۡشِرَةٌ
Ka nyɛla din lara, ka mali suhupɛlli
80:40وَوُجُوهٌ يَوۡمَئِذٍ عَلَيۡهَا غَبَرَةٌ
Dindali maa mi, taŋkpagbilgu yɛn ti limsila shɛba nina polo
80:41تَرۡهَقُهَا قَتَرَةٌ
Ka zimsim ŋari li
80:42أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ
Bannim’ maa n-nyɛ chɛfurinima, ka nyɛ bibiɛhi
Translation: Muhammad Baba Ghtobo.