بِسۡمِ ٱللَّهِ ٱلرَّحۡمَٰنِ ٱلرَّحِيمِ
80:1عَبَسَ وَتَوَلَّىٰٓ
Jwautile sinya (Muhammadi ﷺ) ni kulola kumbali
80:2أَن جَآءَهُ ٱلۡأَعۡمَىٰ
Ligongo lyakum’bichiilila jwangalola
80:3وَمَا يُدۡرِيكَ لَعَلَّهُۥ يَزَّكَّىٰٓ
Ana chichi chachimmanyisye kuti mwine jwalakwejo kuŵa nkuliswejesya (ku ilemwa)
80:4أَوۡ يَذَّكَّرُ فَتَنفَعَهُ ٱلذِّكۡرَىٰٓ
Mwine chakumbuchile, basi nikunkamuchisya kumbuchilako
80:5أَمَّا مَنِ ٱسۡتَغۡنَىٰ
Nambo mundu jwaliweni kusichila
80:6فَأَنتَ لَهُۥ تَصَدَّىٰ
Basi jwalakwejo mmwe ni nkunkosoŵalila
80:7وَمَا عَلَيۡكَ أَلَّا يَزَّكَّىٰ
Pangalitu ulemwa kukwenu naga ngaakuliswejesya (ku ukafili)
80:8وَأَمَّا مَن جَآءَكَ يَسۡعَىٰ
Nambo mundu jwam’bichilile aku juchikangamalaga
80:9وَهُوَ يَخۡشَىٰ
Soni jwalakwejo ali nkun'jogopa (Allah)
80:10فَأَنتَ عَنۡهُ تَلَهَّىٰ
Basi ya jwalakwejo mmwe ni nkuikwanjila
80:11كـَلَّآ إِنَّهَا تَذۡكِرَةٌ
Ngwamba (ngasintenda iyyo)! Chisimu galakwe (ma Ȃyaga) gaŵele chikumbusyo
80:12فَمَن شَآءَ ذَكَرَهُۥ
Basi jwaakusaka talikumbusye najo (Qur’anijo)
80:13فِي صُحُفٍ مُّكَرَّمَةٍ
(Jili) mu ikalakala yakuchimbichikwa
80:14مَّرۡفُوعَةٍ مُّطَهَّرَةِۭ
Yapenani, yakuswejesyedwa
80:15بِأَيۡدِي سَفَرَةٍ
Ili m’makono mwa akulemba (Achimalaika)
80:16كِرَامِۭ بَرَرَةٍ
Ŵakuchimbichika, ŵaakunda (malamusi)
80:17قُتِلَ ٱلۡإِنسَٰنُ مَآ أَكۡفَرَهُۥ
Pamasile palaniwe mundu (kafili), kanila kwakwe kwalakweku ni kwantiuli
80:18مِنۡ أَيِّ شَيۡءٍ خَلَقَهُۥ
Ana an'gumbile kuumila mu chinduchi
80:19مِن نُّطۡفَةٍ خَلَقَهُۥ فَقَدَّرَهُۥ
Kuumila m’mesi (gaŵalume ni ŵakongwe) an'gumbile, ni kumpanjila mpango (wakagumbidwe kakwe)
80:20ثُمَّ ٱلسَّبِيلَ يَسَّرَهُۥ
Kaneka naakun'jepepachisyaga litala (lyakopochela ku duniya)
80:21ثُمَّ أَمَاتَهُۥ فَأَقۡبَرَهُۥ
Kaneko nakasampaga chiwa ni kunsiika m’malembe
80:22ثُمَّ إِذَا شَآءَ أَنشَرَهُۥ
Soni patachisakapo tachinsyusya
80:23كـَلَّا لَمَّا يَقۡضِ مَآ أَمَرَهُۥ
Ngwamba! Chisimu (kafili) nganakwanilisyepe yannamwile (Allah)
80:24فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
Basi achetelele mundu ya yakulya yakwe
80:25أَنَّا صَبَبۡنَا ٱلۡمَآءَ صَبًّا
Chisimu Uwwe tukasakusula mesi (gawula) mwamachili
80:26ثُمَّ شَقَقۡنَا ٱلۡأَرۡضَ شَقًّا
Kaneka ni tukasaligangaga litaka kuliganga kusyene
80:27فَأَنۢبَتۡنَا فِيهَا حَبًّا
Ni tukasakoposya mwalakwemo songolo
80:28وَعِنَبًا وَقَضۡبًا
Kwisa soni isogosi ya zabibu ni maupulu (gakulya ilango)
80:29وَزَيۡتُونًا وَنَخۡلًا
Ni kwisa soni isogosi ya zaituni (yakwenga mauta) ni itela yatende
80:30وَحَدَآئِقَ غُلۡبًا
Ni migunda jaitela yejinji
80:31وَفَٰكِهَةً وَأَبًّا
Kwisa soni isogosi (yamitundu mitundu) ni mopo
80:32مَّتَٰعًا لَّكُمۡ وَلِأَنۡعَٰمِكُمۡ
(Kuŵa) yakunsengwasya ŵanganyammwe ni ilango yenu
80:33فَإِذَا جَآءَتِ ٱلصَّآخَّةُ
Basi ndema jaliichiika lipenga lyakusiŵa m’mawiwi (ligongo lya machili gakwe)
80:34يَوۡمَ يَفِرُّ ٱلۡمَرۡءُ مِنۡ أَخِيهِ
Lyele lisikulyo mundu tachatila achimwenegwe
80:35وَأُمِّهِۦ وَأَبِيهِ
Kwisa soni mamagwe ni babagwe
80:36وَصَٰحِبَتِهِۦ وَبَنِيهِ
Ni kwisa soni ŵankwakwe ni ŵanache ŵakwe
80:37لِكُلِّ ٱمۡرِيٍٕ مِّنۡهُمۡ يَوۡمَئِذٍ شَأۡنٌ يُغۡنِيهِ
Mundu jwalijose mwa ŵanganyao lyele lisikulyo tachikola yakunkwanila (kuntendekasya kuti akakosoŵalila ya jwine)
80:38وُجُوهٌ يَوۡمَئِذٍ مُّسۡفِرَةٌ
Ngope sine lyele lisikulyo sichiŵa syakumelemenda
80:39ضَاحِكَةٌ مُّسۡتَبۡشِرَةٌ
Syakusechelela ni kusengwa (pakupikana yakuja ku Mbepo)
80:40وَوُجُوهٌ يَوۡمَئِذٍ عَلَيۡهَا غَبَرَةٌ
Sano ngope sine lyele lisikulyo sichipakala luwundu
80:41تَرۡهَقُهَا قَتَرَةٌ
Sichiŵa siunichilidwe ni chipi
80:42أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ
Ŵanganyao ni ŵali achimakafili ŵakusakasya nnope
Translation: Muhammad Bin Abdul Hamid Silika.