Surah 53 · 62 verses · Fareeq Musa

Surah An-Najm in Ganda

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

53:1

وَٱلنَّجۡمِ إِذَا هَوَىٰ

Ndayidde emunyeenye bweba nga egudde

53:2

مَا ضَلَّ صَاحِبُكُمۡ وَمَا غَوَىٰ

Munammwe (Muhammad) tabulanga kuva ku bulungamu era tayonoonanga

53:3

وَمَا يَنطِقُ عَنِ ٱلۡهَوَىٰٓ

Era tayogera nga asinziira ku kwagala (kwe)

53:4

إِنۡ هُوَ إِلَّا وَحۡيٌ يُوحَىٰ

Tebiri byo (byayogera) okugyako okuba nti bubaka obuwereezebwa (gyali nga buva ewa Katonda)

53:5

عَلَّمَهُۥ شَدِيدُ ٱلۡقُوَىٰ

Yabimuyigiriza owamaanyi amayitirivu (Malayika Jiburilu)

53:6

ذُو مِرَّةٍ فَٱسۡتَوَىٰ

Nannyini busobozi eyeyoleka

53:7

وَهُوَ بِٱلۡأُفُقِ ٱلۡأَعۡلَىٰ

Bweyali mu bifo ebisinga okuba ebya waggulu mu bwengula

53:8

ثُمَّ دَنَا فَتَدَلَّىٰ

Oluvanyuma (Jiburilu) yasembera olwo nebaba kumpi (ne Nabbi)

53:9

فَكَانَ قَابَ قَوۡسَيۡنِ أَوۡ أَدۡنَىٰ

Olwo nno (okusembera) nekuba nga okusemberagana kw'ensonda za kasale ebbiri oba kumpi okusingako awo

53:10

فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ

Olwo nno (Katonda) naatumira omuddu we ekyo kye yamutumira nga akozesa Jiburilu

53:11

مَا كَذَبَ ٱلۡفُؤَادُ مَا رَأَىٰٓ

Emmeme (ya Nabbi Muhammad) teyalimba kwebyo bye yalaba

53:12

أَفَتُمَٰرُونَهُۥ عَلَىٰ مَا يَرَىٰ

Abaffe mumuwakanya kwekyo kyalaba

53:13

وَلَقَدۡ رَءَاهُ نَزۡلَةً أُخۡرَىٰ

Ate nga mazima yamulaba omulundi omulala

53:14

عِندَ سِدۡرَةِ ٱلۡمُنتَهَىٰ

Mu kifo awali awali (omuti) Sidirat munitaha awakuumwa

53:15

عِندَهَا جَنَّةُ ٱلۡمَأۡوَىٰٓ

Weguli awo wewali e jjana ewummulirwamu (bo Malayika mwe bawummulira)

53:16

إِذۡ يَغۡشَى ٱلسِّدۡرَةَ مَا يَغۡشَىٰ

Mu kiseera omuti Asidira bwe gwabikkibwa ekya gubikka

53:17

مَا زَاغَ ٱلۡبَصَرُ وَمَا طَغَىٰ

Amaaso (ga Nabbi) tegawuguka wadde okusukka ekyo (kye yali ateekwa okulaba)

53:18

لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ

Mazima yalaba mu bya magero ebya Mukama omulabirizi we ebinene

53:19

أَفَرَءَيۡتُمُ ٱللَّٰتَ وَٱلۡعُزَّىٰ

Abaffe mulaba Latta ne Uzza

53:20

وَمَنَوٰةَ ٱلثَّالِثَةَ ٱلۡأُخۡرَىٰٓ

Ne Mannaata ekibumbe ekirala ekyokusatu (bibumbe byali bisinzibwa nga Nabbi tannatumwa)

53:21

أَلَكُمُ ٱلذَّكَرُ وَلَهُ ٱلۡأُنثَىٰ

Abaffe mmwe muzaala abalenzi yye nazaala bawala! (mwe bemutayagala newakubadde abalenzi na bawala ku Katonda kyekimu)

53:22

تِلۡكَ إِذًا قِسۡمَةٌ ضِيزَىٰٓ

Bwekiba bwekityo eyo ngabanya ejjudde kyekubiira

53:23

إِنۡ هِيَ إِلَّآ أَسۡمَآءٌ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ

(Bye musinza) tebirina kyebiri okugyako okuba amannya gemwetuumira mmwe ne bakadde ba mmwe, Katonda tabissangako bujulizi bwonna (era ababisinza) tebalina kye bagoberera okugyako okuteebereza nokugoberera ebyo emyoyo gyabwe bye jaagala, so nga ate obulungamu bwabajjira nga buva ewa Mukama omulabirizi waabwe

53:24

أَمۡ لِلۡإِنسَٰنِ مَا تَمَنَّىٰ

Oba kiri nti omuntu asobola okufuna ekyo kye yeegomba (atuuke okwesalirawo okusinza ebibumbe ate naaba nga tavunaanwa)

53:25

فَلِلَّهِ ٱلۡأٓخِرَةُ وَٱلۡأُولَىٰ

Wabula nno enkomerero ne ntandikwa bya Katonda yekka (n’olwekyo yekka yaasalawo)

53:26

وَكَم مِّن مَّلَكٍ فِي ٱلسَّمَٰوَٰتِ لَا تُغۡنِي شَفَٰعَتُهُمۡ شَيۡـًٔا إِلَّا مِنۢ بَعۡدِ أَن يَأۡذَنَ ٱللَّهُ لِمَن يَشَآءُ وَيَرۡضَىٰٓ

Era ba Malayika bameka abali mu ggulu omusanvu nga okuwolereza kwabwe tekugenda kugasa kintu kyonna okugyako oluvanyuma lwa Katonda okukkiriza gwaliba ayagadde era nasiima

53:27

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ لَيُسَمُّونَ ٱلۡمَلَٰٓئِكَةَ تَسۡمِيَةَ ٱلۡأُنثَىٰ

Mazima abo abatakkiriza nkomerero be bayita ba Malayika amannya ag’ekikazi

53:28

وَمَا لَهُم بِهِۦ مِنۡ عِلۡمٍۖ إِن يَتَّبِعُونَ إِلَّا ٱلظَّنَّۖ وَإِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـًٔا

Era nga tebakirinaako kumanya kwonna, tebagoberera okugyako okuteebereza ate nga ddala okuteebereza tekulina kye kugasa awali amazima

53:29

فَأَعۡرِضۡ عَن مَّن تَوَلَّىٰ عَن ذِكۡرِنَا وَلَمۡ يُرِدۡ إِلَّا ٱلۡحَيَوٰةَ ٱلدُّنۡيَا

N’olwekyo va kwoyo ayawukana nokubulirira kwaffe, naatayagala okugyako obulamu bw'ensi

53:30

ذَٰلِكَ مَبۡلَغُهُم مِّنَ ٱلۡعِلۡمِۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِمَنِ ٱهۡتَدَىٰ

Ekyo kye kikomo kyabwe mu kumanya mazima Mukama omulabirizi wo yaasinga okumanya oyo abula naava ku kkubo lye era yaasinga okumanya oyo alungama

53:31

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ لِيَجۡزِيَ ٱلَّذِينَ أَسَٰٓـُٔواْ بِمَا عَمِلُواْ وَيَجۡزِيَ ٱلَّذِينَ أَحۡسَنُواْ بِٱلۡحُسۡنَى

Bya Katonda yekka ebyo ebiri mu ggulu omusanvu n'ebyo ebiri mu nsi (era yye ye nannyini mateeka kwe bikolera) olwo nno alisasula abo abayonoona olwebyo bye bakola era nga alisasula obulungi abo abalongoosa

53:32

ٱلَّذِينَ يَجۡتَنِبُونَ كَبَٰٓئِرَ ٱلۡإِثۡمِ وَٱلۡفَوَٰحِشَ إِلَّا ٱللَّمَمَۚ إِنَّ رَبَّكَ وَٰسِعُ ٱلۡمَغۡفِرَةِۚ هُوَ أَعۡلَمُ بِكُمۡ إِذۡ أَنشَأَكُم مِّنَ ٱلۡأَرۡضِ وَإِذۡ أَنتُمۡ أَجِنَّةٌ فِي بُطُونِ أُمَّهَٰتِكُمۡۖ فَلَا تُزَكُّوٓاْ أَنفُسَكُمۡۖ هُوَ أَعۡلَمُ بِمَنِ ٱتَّقَىٰٓ

Abo abeesamba ebyonoono ebinene ne byo buwemu okugyako ebitonotono, (anti) mazima Mukama omulabirizi wo mugazi wa kusonyiwa ye yaasinga okumanya ebikwata ku mmwe, okuva lwe yabatandikawo nga abagya mu ttaka ne mu kiseera we mwaberera mu mbuto za ba Maama ba mmwe, n’olwekyo temwetukuza anti yye yaasinga okumanya ani asinga okumutya

53:33

أَفَرَءَيۡتَ ٱلَّذِي تَوَلَّىٰ

Abaffe olabye oyo akyuka (naava ku mazima)

53:34

وَأَعۡطَىٰ قَلِيلًا وَأَكۡدَىٰٓ

Era nawaayo katono bwamala ate nammira ddala

53:35

أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ

Abaffe (ekimukozesa ekyo) lwakuba nti alina okumanya ebyekusifu, olwo nno naaba nga abiraba

53:36

أَمۡ لَمۡ يُنَبَّأۡ بِمَا فِي صُحُفِ مُوسَىٰ

Oba tabuulirwanga ebyo ebiri mu bitabo bya Musa

53:37

وَإِبۡرَٰهِيمَ ٱلَّذِي وَفَّىٰٓ

Ne Ibrahim oyo eyatuukiriza (bwe yalaganyisa Katonda)

53:38

أَلَّا تَزِرُ وَازِرَةٌ وِزۡرَ أُخۡرَىٰ

(Ebyo ebigamba nti) tewali mwoyo gulyetikka kibi kya mulala

53:39

وَأَن لَّيۡسَ لِلۡإِنسَٰنِ إِلَّا مَا سَعَىٰ

Era nti omunu tagenda kufuna okugyako ekyo kye yakolerera

53:40

وَأَنَّ سَعۡيَهُۥ سَوۡفَ يُرَىٰ

Era nti mazima okukola kwe kya ddaaki kulirabwa

53:41

ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ

Oluvanyuma alikusasulwamu empeera esinga okuba enzijuvu

53:42

وَأَنَّ إِلَىٰ رَبِّكَ ٱلۡمُنتَهَىٰ

Era nti mazima ewa Mukama omulabirizi wo yeeri enkomerero (ya buli kimu)

53:43

وَأَنَّهُۥ هُوَ أَضۡحَكَ وَأَبۡكَىٰ

Era nti mazima yye yaasesa era yaakaabya

53:44

وَأَنَّهُۥ هُوَ أَمَاتَ وَأَحۡيَا

Era nti mazima yye yatta era yaawa obulamu

53:45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

Era nti mazima yatonda emitindo ebiri omusajja n'omukazi

53:46

مِن نُّطۡفَةٍ إِذَا تُمۡنَىٰ

Abagya mu mazzi agazaala bwe gafulumizibwa (negateekebwa mu kifo ekituufu)

53:47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

Era nti mazima kuli ku ye yekka okusibusa okulala (okuzuukiza)

53:48

وَأَنَّهُۥ هُوَ أَغۡنَىٰ وَأَقۡنَىٰ

Era nti mazima yye ya gaggawaza era naayavuwaza

53:49

وَأَنَّهُۥ هُوَ رَبُّ ٱلشِّعۡرَىٰ

Era nti mazima yye ye Mukama omulabirizi we munyeenye eyitibwa Shiiraa (abakafiiri gye basinzanga)

53:50

وَأَنَّهُۥٓ أَهۡلَكَ عَادًا ٱلۡأُولَىٰ

Era nti mazima yye yazikiriza abe kibiina kya A'adi abasooka

53:51

وَثَمُودَاْ فَمَآ أَبۡقَىٰ

Na be kibiina kya Thamud era nga teyalekawo (wadde omu)

53:52

وَقَوۡمَ نُوحٍ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Na bantu ba Nuhu mu kusooka anti mazima bo be baali basinga okweyisa obubi n'okubula

53:53

وَٱلۡمُؤۡتَفِكَةَ أَهۡوَىٰ

Era ye yae yazikiriza abantu ba be kitundu ekyavuunikibwa (Sodoma ne gomora)

53:54

فَغَشَّىٰهَا مَا غَشَّىٰ

Olwo nno ne kikibuutikira ekya kibuutikira

53:55

فَبِأَيِّ ءَالَآءِ رَبِّكَ تَتَمَارَىٰ

Kale olwo kiriwa ku byengera bya Mukama omulabiri wo kyobuusabuusa

53:56

هَٰذَا نَذِيرٌ مِّنَ ٱلنُّذُرِ ٱلۡأُولَىٰٓ

Ono (omubaka Muhammad) mutiisa ali mu luse lwa batiisa abaakulembera

53:57

أَزِفَتِ ٱلۡأٓزِفَةُ

Enkomerero esembedde

53:58

لَيۡسَ لَهَا مِن دُونِ ٱللَّهِ كَاشِفَةٌ

Tewali ayinza kugizzaayo bweriba ezze mpozzi Katonda

53:59

أَفَمِنۡ هَٰذَا ٱلۡحَدِيثِ تَعۡجَبُونَ

Abaffe ebigambo bino bye mujereegerera

53:60

وَتَضۡحَكُونَ وَلَا تَبۡكُونَ

Nemuba nga museka nemutakaaba

53:61

وَأَنتُمۡ سَٰمِدُونَ

Nga nammwe muzannya buzannyi

53:62

فَٱسۡجُدُواْۤ لِلَّهِۤ وَٱعۡبُدُواْ

Kale muvunname ku lwa Katonda era mumusinze (ekyo kye kisinga ebya mmwe bye mulimu)

Translation: Fareeq Musa.