Surah 69 · 52 verses · Taj Mehmood Amroti

Surah Al-Haqqah in Sindhi

In English with tafsir

بِسۡمِ ٱللَّهِ ٱلرَّحۡمَٰنِ ٱلرَّحِيمِ

69:1

ٱلۡحَآقَّةُ

قيامت

69:2

مَا ٱلۡحَآقَّةُ

ڇا آھي (اھا) قيامت

69:3

وَمَآ أَدۡرَىٰكَ مَا ٱلۡحَآقَّةُ

۽ ڪھڙي شيءِ توکي ڄاڻايو ته قيامت ڇا آھي؟

69:4

كَذَّبَتۡ ثَمُودُ وَعَادُۢ بِٱلۡقَارِعَةِ

ثمود ۽ عاد (قوم) قيامت کي ڪُوڙ ڄاتو

69:5

فَأَمَّا ثَمُودُ فَأُهۡلِكُواْ بِٱلطَّاغِيَةِ

پوءِ ثمود (قوم) سي ته ھڪڙي رڙ سان ناس ڪيا ويا

69:6

وَأَمَّا عَادٌ فَأُهۡلِكُواْ بِرِيحٍ صَرۡصَرٍ عَاتِيَةٍ

۽ عاد سي ھڪ بيحد سخت واءُ سان ناس ڪيا ويا

69:7

سَخَّرَهَا عَلَيۡهِمۡ سَبۡعَ لَيَالٍ وَثَمَٰنِيَةَ أَيَّامٍ حُسُومًاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٍ

(الله) اُن (واءُ) کي ست راتيون ۽ اٺ ڏينھن لڳولڳ مٿن کڙو ڪيو پوءِ قوم کي اُن (زمين) ۾ ڪريل ڏسين ھا ڄڻ ته اُھي ڀتي کجيءَ جا ٿُڙ آھن

69:8

فَهَلۡ تَرَىٰ لَهُم مِّنۢ بَاقِيَةٍ

پوءِ انھن کي ڪجھ بچيل ڏسين ٿو ڇا؟

69:9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

۽ فرعون ۽ جيڪي اُن کان اڳ ھوا ۽ ناس ڪيل شھرن وارا (به) گناھ (جا ڪم) ڪري آيا

69:10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةً رَّابِيَةً

۽ پنھنجي پالڻھار جي رسول جي نافرماني ڪيائون تنھنڪري (الله) وڏي پڪڙ سان کين پڪڙيو

69:11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

بيشڪ جڏھن پاڻي حد کان لنگھي ويو (تڏھن) اسان اوھان کي ھلندڙ ٻيڙيءَ ۾ چاڙهيو

69:12

لِنَجۡعَلَهَا لَكُمۡ تَذۡكِرَةً وَتَعِيَهَآ أُذُنٌ وَٰعِيَةٌ

ھن ڪري ته اُن (ڳالھ) کي اوھان لاءِ يادگيري ڪريون ۽ ان کي ڪو ياد رکڻ وارو ڪَنُّ ياد رکي

69:13

فَإِذَا نُفِخَ فِي ٱلصُّورِ نَفۡخَةٌ وَٰحِدَةٌ

پوءِ جڏھن صُور ۾ ھڪڙي ڦوڪ ڦوڪبي

69:14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةً وَٰحِدَةً

۽ زمين ۽ جبل کنيا ويندا پوءِ ھڪ ڀيرو انھن کي ڪٽيو ويندو

69:15

فَيَوۡمَئِذٍ وَقَعَتِ ٱلۡوَاقِعَةُ

پوءِ اُن ڏينھن قيامت قائم ٿيندي

69:16

وَٱنشَقَّتِ ٱلسَّمَآءُ فَهِيَ يَوۡمَئِذٍ وَاهِيَةٌ

۽ آسمان ڦاٽندو پوءِ اُھو اُن ڏينھن ڍلو ٿيل ھوندو

69:17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٍ ثَمَٰنِيَةٌ

۽ ملائڪ آسمان جي ڪنارن تي ھوندا، ۽ تنھنجي پالڻھار جو تخت اُن ڏينھن اٺ ملائڪ پنھنجي مٿان کڻندا

69:18

يَوۡمَئِذٍ تُعۡرَضُونَ لَا تَخۡفَىٰ مِنكُمۡ خَافِيَةٌ

اُن ڏينھن اوھان کي (الله جي) آڏو ڪيو ويندو اوھان جي ڪا ڳالھ ڳجھي لڪي نه رھندي

69:19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

پوءِ جنھن کي سندس اعمالنامون سندس سڄي ھٿ ۾ ڏنو ويو سو چوندو ته وٺو منھنجو اعمالنامو پڙھو

69:20

إِنِّي ظَنَنتُ أَنِّي مُلَٰقٍ حِسَابِيَهۡ

بيشڪ مون يقين رکيو ھو ته آءٌ پنھنجي حساب کي پھچندس

69:21

فَهُوَ فِي عِيشَةٍ رَّاضِيَةٍ

اُھو چڱي گذران ۾ ھوندو

69:22

فِي جَنَّةٍ عَالِيَةٍ

مٿاھين بھشت ۾

69:23

قُطُوفُهَا دَانِيَةٌ

جنھن جا ميوا ويجھا ھوندا

69:24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

(چئبن ته) وڻنديءَ تي کائو ۽ پيئو انھيءَ ڪري جو گذريل ڏينھن ۾ اڳي موڪليو ھيؤ

69:25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

۽ جنھن کي سندس اعمالنامون سندس کٻي ھٿ ۾ ڏنو ويو، سو چوندو ھاءِ ارمان جيڪر منھنجو اعمالنامون مون کي نه ملي ھا

69:26

وَلَمۡ أَدۡرِ مَا حِسَابِيَهۡ

نه ڄاڻان ھا ته منھنجو حساب ڇا آھي؟

69:27

يَٰلَيۡتَهَا كَانَتِ ٱلۡقَاضِيَةَ

ھاءِ ارمان جيڪر موت نبيريندڙ ھجي ھا

69:28

مَآ أَغۡنَىٰ عَنِّي مَالِيَهۡۜ

منھنجي مال مون کي (ڪو) فائدو نه ڏنو

69:29

هَلَكَ عَنِّي سُلۡطَٰنِيَهۡ

مون کان منھنجي بادشاھت چٽ ٿي

69:30

خُذُوهُ فَغُلُّوهُ

(ملائڪن کي چئبو ته) پڪڙيوس پوءِ ڳچيءَ ۾ ڳٽ ٻڌوس

69:31

ثُمَّ ٱلۡجَحِيمَ صَلُّوهُ

وري دوزخ ۾ وجھوس

69:32

ثُمَّ فِي سِلۡسِلَةٍ ذَرۡعُهَا سَبۡعُونَ ذِرَاعًا فَٱسۡلُكُوهُ

وري اھڙي زنجير ۾ قابو ڪريوس جنھن جي ڊيگھ ستر گز ھجي

69:33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

ڇو ته اُھو (ماڻھو) الله وڏي کي نه مڃيندو ھو

69:34

وَلَا يَحُضُّ عَلَىٰ طَعَامِ ٱلۡمِسۡكِينِ

۽ نڪي (ٻـين کي) مسڪينن جي کارائڻ تي تاڪيد ڪندو ھو

69:35

فَلَيۡسَ لَهُ ٱلۡيَوۡمَ هَٰهُنَا حَمِيمٌ

تنھنڪري اُن جو اڄ ھت ڪو دوست ڪونھي

69:36

وَلَا طَعَامٌ إِلَّا مِنۡ غِسۡلِينٍ

۽ نڪي اُن جو ڦٽن جي روڳ کانسواءِ ٻيو ڪو کاڌو آھي

69:37

لَّا يَأۡكُلُهُۥٓ إِلَّا ٱلۡخَٰطِـُٔونَ

(جو) ڏوھارين کانسواءِ (ٻيو) ڪو ان کي نه کارائيندو

69:38

فَلَآ أُقۡسِمُ بِمَا تُبۡصِرُونَ

پوءِ جيڪي ڏسو ٿا اُن جو قسم کڻان ٿو

69:39

وَمَا لَا تُبۡصِرُونَ

۽ جيڪي نه ٿا ڏسو تنھن جو (به)

69:40

إِنَّهُۥ لَقَوۡلُ رَسُولٍ كَرِيمٍ

ته بيشڪ ھي (قرآن) ھڪ سڳوري قاصد جو سنيھو آھي

69:41

وَمَا هُوَ بِقَوۡلِ شَاعِرٍۚ قَلِيلًا مَّا تُؤۡمِنُونَ

۽ اُھو ڪنھن شاعر جو ڪلام نه آھي، اوھين ٿورڙو يقين رکو ٿا

69:42

وَلَا بِقَوۡلِ كَاهِنٍۚ قَلِيلًا مَّا تَذَكَّرُونَ

۽ نڪي ڪنھن ڳجھ بڪندڙ جو ڪلام آھي، ٿوري نصيحت وٺو ٿا

69:43

تَنزِيلٌ مِّن رَّبِّ ٱلۡعَٰلَمِينَ

(ھيءُ) جھانن جي پالڻھار کان نازل ٿيل آھي

69:44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

۽ جيڪڏھن (پيغمبر) اسان تي ڪي ڳالھيون (پاڻون) ٺاھي ھا

69:45

لَأَخَذۡنَا مِنۡهُ بِٱلۡيَمِينِ

ته ضرور سڄي ھٿ کان کيس پڪڙيون ھا

69:46

ثُمَّ لَقَطَعۡنَا مِنۡهُ ٱلۡوَتِينَ

وري سندس دل جي رڳ وڍي ڇڏيون ھا

69:47

فَمَا مِنكُم مِّنۡ أَحَدٍ عَنۡهُ حَٰجِزِينَ

پوءِ اوھان مان ڪو ھڪڙو (اسان جي عذاب کي) کانئس جھلڻ وارو نه آھي

69:48

وَإِنَّهُۥ لَتَذۡكِرَةٌ لِّلۡمُتَّقِينَ

۽ بيشڪ ھي (قرآن) پرھيزگارن لاءِ نصيحت آھي

69:49

وَإِنَّا لَنَعۡلَمُ أَنَّ مِنكُم مُّكَذِّبِينَ

۽ بيشڪ اسين ڄاڻون ٿا ته ڪي اوھان مان ڪوڙ ڀانئيندڙ آھن

69:50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

۽ بيشڪ ھي (قرآن) ڪافرن لاءِ ارمان (جو سبب) آھي

69:51

وَإِنَّهُۥ لَحَقُّ ٱلۡيَقِينِ

۽ بيشڪ ھي (قرآن) پورو سَچو آھي

69:52

فَسَبِّحۡ بِٱسۡمِ رَبِّكَ ٱلۡعَظِيمِ

تنھنڪري تون پنھنجي وڏي پالڻھار جي نالي کي پاڪائيءَ سان ياد ڪر

Translation: Taj Mehmood Amroti.